Keyt Blanşett

Vikipediya, açıq ensiklopediya
Keçid et: naviqasiya, axtar
Keyt Blanşett
Keyt Eliza Blanşett
Cate blanchett crop.jpg
Doğum tarixi: 14 may 1969 (1969-05-14) (45 yaş)
Doğum yeri: Melburn, Avstraliya
Peşəsi: Aktyor

Keyt Eliza Blanşett — məşhur Avstraliya aktrisası.

Həyatı[redaktə]

Keyt Eliza Blanşett 1969-cu il mayın 14-də Avstraliyanın Melburn şəhərində anadan olub. Atası Robert Blanşett əslən Texasdan olub, dənizçi zabiti idi. Keytin 10 yaşı olanda atası ürək xəstəliyindən vəfat edir və üç uşağın - Keyt, böyük qardaşı Bob və kiçik bacısı Jenevyevanın yükü ananın çiyinlərinə düşür. Keyt Melburnda, Qadın Metodika Kollecində təhsil alıb, sonra isə Melburn Universitetində təhsilini davam etdirib. O, tezliklə təhsilini yarımçıq qoyur və İngiltərəyə səyahət edir. Vizasının vaxtı bitdikdə Keyt Misirə yollanır və burada mehmanxana qonaqlarından biri ona Misir filmində bir səhnəyə çəkilməyi təklif edir. Keyt pula ehtiyacı olduğu üçün təklifi qəbul edir. Bu təsadüfi rol onun üçün teatr və kino səhnəsinə gedən yolun başlanğıcı olur. Keyt daha sonra Avstraliyaya qayıdır və Milli Dram İncəsənəti İnstitutuna daxil olur. 1997-ci ildə "Qağayı" pyesinin məşqləri zamanı aktrisa ssenarist və montaj redaktoru Endrü Aptonla tanış olur və bir ildən sonra evlənir. 2004-cü ildə aktrisa ikinci uşağa hamilə olduğundan "Yaxınlıq" filmində fotoqraf Anna Kameron rolundan imtina edir. Nəticədə filmə Culiya Roberts çəkilir.

Mükafatlar[redaktə]

  • "Yelizaveta" filmindəki roluna görə BAFTA"Qızıl qlobus" mükafatlarına layiq görülür.
  • "Aviator" filmində oynadığı rol isə ona "Oskar" mükafatı gətirir.

Xarici keçidlər[redaktə]

VikiAnbarda Keyt Blanşett ilə əlaqəli mediafayllar var.