Mirməmməd Cavadzadə
| MİRMƏMMƏD CAVADZADƏ | |
| Mirməmməd Cavad oğlu Cavadzadə | |
 |
|
| Doğum tarixi: | 18 may, 1927 |
|---|---|
| Doğum yeri: | Lənkəran |
| Vəfatı: | 2008 |
| Vəfat yeri: | Bakı |
Cavadzadə Mirməmməd Cavad oğlu – tanınmış həkim-uroloq.
[redaktə] Həyatı
Mirməmməd Cavadzadə 1927-ci il mayın 18-də Lənkəran şəhərində anadan olmuşdur. 1943-cü ildə 1 №-li Lənkəran şəhər orta məktəbini, 1948-ci ildə ADTI-nin müalicə-profilaktika fakultəsini bitirmişdir. 1951-ci ildə II Moskva Tibb İnstitutundakı urologiya kafedrası aspiranturasında oxumuş, 1954-cü ildə "Sidik axarının daşları" mövzusunda namizədlik dissertsiyası müdafiə etmişdir. 1954-cü ildən 1957-ci ilə qədər Krım Tibb Institutunda assistent, sonra urologiya üzrə dosent olmaqla, Krım Vilayətinin baş uroloqu işləmişdir. 1962-ci ildə "Böyrəklərin polikistozu" mövzusunda doktorluq dissertasiyası müdafiə edərək tibb elmləri doktoru adı almışdır. 1963-cü ildə Bakıya dəvət olunmuş və mısabiqə yolu ilə Ə.Əliyev adına Azərbaycan Dövlət Həkimləri Təkmilləşdirmə İnstitutunun urologiya və operativ nefrelogiya kafedrasına müdir seçilmişdir.
Doğma Azərbaycana qayıtdıqdan sonra o, yüksək səviyyəli elmi-klinik müəssisə yaratmış və bununla da müasir klinika məktəbinin və urologiya elmində yeni istiqamətin təməlini qoymuşdur. M.Cavadzadənin rəhbərliyilə bir neçə xəstəxananın urologiya şöbələri birləşdirilmiş və respublikada urologiya və onunla əlaqədar elmlərin inkişafına təkan verilmişdir.
M.C.Cavadzadənin elmi tədqiqatları xarici ölkələrdə geniş şöhrət tapmış, 20 dəfədən artıq ölkəmizin urologiya elmini təmsil etmiş, beynəlxalq elmi forumlarda çıxışlar etmişdir.
Mirməmməd Cavad oğlu Cavadzadə 1964-cu ildən professor, 1967-ci ildən əməkdar elm xadimidir. AMEA-nın həqiqi üzvüdür.
M.C.Cavadzadə dərin elmi intuisiyaya, analitik düşüncəyə, fenomenal yaddaşa, heyrətləndirici əməksevərliyə və xüsusi təşkilatçılıq bacarığına malikdir.
18 may 2007-ci ildə prezident İlham Əliyev Mirməmməd Cavadzadənin "İstiqlal" ordeni ilə təltif edilməsi haqqında sərəncam imzalayıb. 80 yaşını qeyd edən M.Cavadzadə bu ordenə tibb elminin inkişafındakı xidmətlərinə görə layiq görülüb.
2008-ci il avqust ayında vəfat etmişdir.
