Plov

Azərbaycan poçtu tərəfindən buraxılmış poçt markası (2005).

Əlindəki buludda Xam-döşəmə plov olan azərbaycanlı qız

Plov - Azərbaycanda, İranda, Özbəkistanda, Türkmənistanda və bir çox şərq ölkələrində milli xörək növüdür.

Azərbaycanda plovun 200 növü var və plov Azərbaycan mətbəxinin şahı sayılır.

Plovlar

1. Şeşəndaz plov
2. Şüyüd plov
3. Meyvə plov
4. Toyuq plov
5. Çığırtma plov
6. Qiymə plov
7. Xam-döşəmə plov
8. Səbzi-qovurma plov
9. Ov quşu ilə plov
10. Ali müsəmbə plov
11. Şirin plov
12. Lobya-çilov plov
13. Fisincan plov
14. Südlü plov
15. Kükü plov
16. Qiymə-çığırtma plov

Hazırlanma qaydası

Plov bişirmək üçün düyü arıdılır və 7-8 saat islağa qoyulur. Həmin suya duz tokülür. Böyük qazanda su qaynadılır və duzlanır. Düyü duzlu suda bişirilməlidir. Bunun üçün 1 kq düyüyə 6 litr su və 50 qram duz götürülür. Düyü qaynadıqda onun kəfi alınır. Bir qədər qaynadıqdan sonra düyüdən kəfkirlə götürülüb iki barmaq arasında əzilir. Əgər düyünün içi az da olsa əzilirsə, düyü süzülür. Düyü həlimlidirsə üstünə qaynar su gəzdirilir.

Azərbaycan plovu: düyünün süzülməsi və zəfəran vurulduqdan sonra dəmə qoyulması

Azərbaycan plovunun qarası: mal və toyuğun döş ətindən, şabalıd, qaysı qurusu, kişmişdən hazırlanmış aş qarası

Süzmə plovlar

Süzmə plovlar bir qayda olaraq, qazmaqla hazırlanır. Qazmaqlar müxtəlif olur. Yumurta qazmağı hazırlamaq üçün bir neçə yumurta çalınır, içinə bir qaşıq xama tökülür və süzülmüş düyü qatılıb qarışdırılır. Qazanda yağ qızdırılır və həmin qarışıq qazanın dibinə yayılır. Qazmaq özünü tutduqdan sonra süzülmüş düyü yavaş-yavaş qazana tökülür, zəfəran dəmlənir (1 qr zəfəran 100 qr suya tökülür və 60-70 dərəcəyə qədər qızdırılır) və düyünün üstünə çilənir. Bundan sonra plov dəmə qoyulur. Buxar qazana tökülməsin deyə, qazanın qapağı dəsmalla tutulur.

Çox vaxt plov üçün yuxa qazmaq hazırlanır. Bunun üçün bir qədər un, bir az yağ, su və duz ilə xəmir yoğrulur. 1-2 sm qalınlıqda yayılır və qazanın dibindəki dağ olunmuş yağın üzərinə salınır. Yuxa özünü tutandan sonra plov dəmə qoyulur.

Həmçinin bax

Bu məqalənin azərbaycan dili əlifbasının ərəb qrafikası ilə qarşılığı vardır. Bax: پلو