Vahid Əhmədov

Vikipediya, açıq ensiklopediya
Keçid et: naviqasiya, axtar
Vahid Əhmədov
azərb. Vahid Qazməmməd oğlu Əhmədov
Vahid Əhmədov
Bayraq
Azərbaycan Respublikasının Baş nazirinin birinci müavini
Bayraq
16 may 1992 — 6 yanvar 1994
Bayraq
Azərbaycan Respublikasının Baş nazirinin müavini
Bayraq
23 aprel 1992 — 16 may 1992
 
Partiya: bitərəf
Təhsili: 1965-1971: Azərbaycan Politexnik İnstitutu
1989-1992: Bonn Menecment İnstitutu
Təvəllüdü: 2 aprel 1947 (1947-04-02) (67 yaş)
Flag of the Soviet Union.svg SSRİ
Flag of Azerbaijan SSR.svg Azərbaycan SSR, Quba, Qonaqkənd
Atası: Qazməmməd Əhmədov
Uşaqları: 1 oğlu və 1 qızı var

Vahid Əhmədov (tam adı: Vahid Qazməmməd oğlu Əhmədov; d. 2 aprel 1947(1947-04-02), Qonaqkənd, Quba, Azərbaycan SSR, SSRİ) — Azərbaycanın ictimai-siyasi xadimi; Azərbaycan Ali Sovetinin deputatı (1990-1995); Azərbaycan Respublikası Milli Məclisinə 52 saylı Quba seçki dairəsindən seçilmiş III[1]IV çağırış millət vəkili. Azərbaycan SSR-in əməkdar mühəndisi[2]; texnika elmləri doktoru.

Həyatı[redaktə]

2 aprel 1947-ci ildə Quba rayonunun Qonaqkənd qəsəbəsində anadan olmuşdur.

Karyerası[redaktə]

Təhsili[redaktə]

1965-ci ildə Qonaqkənd orta məktəbini qızıl medalla bitirmişdir. 1965-1971-ci illərdə Azərbaycan Politexnik İnstitutunda təhsil almış, mühəndis-energetik ixtisasına yiyələnmişdir.

1989-1992-ci illərdə Almaniyada Bonn Menecment İnstitutunu bitirərək, menecment-iqtisadçı beynəlxalq diplomuna layiq görülmüşdür.

Əmək fəaliyyəti[redaktə]

1967-1971-ci illərdə Şmidt (indiki Səttərxan adına) maşınqayırma zavodunda fəhlə, sex ustası, sex rəisi vəzifələrində çalışmışdır.

1971-1972-ci illərdə Sovet ordusu sıralarında xidmət etmişdir. Hərbi xidmətini başa vurduqdan sonra, yenidən maşınqayırma zavoduna qayıdaraq orada 1972-1977-ci illərdə sex rəisi vəzifəsində işləmişdir. 1977-ci ildə Bakı Radio zavoduna keçərək orada sex rəisi, istehsalat şöbəsinin rəisi vəzifələrində əmək fəaliyyətini davam etdirmişdir.

1981-1983-cü illərdə Bakı Dəzgahqayırma İstehsalat Birliyində baş mühəndis vəzifəsində çalışmışdır.

1983-1986-cı illərdə "Bakı fəhləsi" adına maşınqayırma zavodunun, 1986-cı ildə Keşlə maşınqayırma zavodunun, 1989-cu ildə "Bakneftmaş" İstehsalat Birliyinin baş direktoru olmuşdur.

İctimai-siyasi fəaliyyəti[redaktə]

1980-ci illərin sonlarında Azərbaycan Kommunist Partiyası Nizami rayon təşkilatnın büro üzvü olmuşdur[3].

1991-ci ildə Azərbaycanın Müstəqillik Aktının hazıqlanmasında iştirak etmiş, Azərbaycanın müstəqilliyinin lehinə səs vermişdir. 1991-ci ildə SSRİ-nin saxanmasının əleyhinə səs vermiş 43 istiqlalçı deputatdan biri olmuşdur.

Alma-Ata Memorandumunun və İcevan Protokolunun həyata keçirilməsini təmin etmək məqsədi ilə 10 sentyabr 1992-ci ildə yaradılmış Alma-Ata Memorandumunu və İcevan Protokolunu həyata keçirən Qərargahın üzvü olmuşdur[4].

Nazirlər Kabinetində[redaktə]

Azərbaycan Respublikası Prezidentinin 23 aprel 1992-ci il tarixli, 694 nömrəli Fərmanı ilə Azərbaycan Respublikası Baş nazirinin müavini təyin edilmişdir[5]. 16 may 1992-ci ildə həmin vəzifədən azad edilərək[6], Azərbaycan Respublikası Baş nazirinin birinci müavini təyin edilmişdir[7][8]. 18 may 1992-ci ildə həmin vəzifəyə yenidən təsdiqlənmişdir[9][10]. 29 aprel 1993-cü ildə də yenə həmin vəzifəyə təsdiqlənmişdir[11][12]. Azərbaycan Respublikası Prezidentinin 9 dekabr 1993-cü il tarixli, 56 nömrəli Fərmanı ilə Azərbaycan Respublikası Baş nazirinin birinci müavini vəzifəsindən azad edilmişdir[13]. Azərbaycan Respublikasının Milli Məclisi 6 yanvar 1994-cü il tarixində Vahid Əhmədovun Azərbaycan Respublikası Baş nazirinin birinci müavini vəzifəsindən azad olunmasına razılıq vermişdir[14].

Parlamentdə[redaktə]

1990-cı ildə Bakı şəhərinin Nizami rayonu 53 nömrəli "Gənclik" seçki dairəsindən Azərbaycan SSR Ali Sovetinə deputat, 20052010-cu illərdə 2 dəfə 52 saylı Quba seçki dairəsindən Azərbaycan Respublikası Milli Məclisinə millət vəkili seçilmişdir.

1990-1995[redaktə]

26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir[15]. 30 iyun 1992-ci ildə Milli Məclisində təşkil olunmuş İqtisadi siyasət komissiyasına üzv təsdiq edilmişdir[16].

III çağırış[redaktə]

13 dekabr 2005-ci ildə Milli Məclisin İqtisadi siyasət daimi komissiyasının üzvü seçilmişdir[17]. Milli Məclisin komissiyaları komitələrə çevrildikdən sonra, 14 aprel 2009-cu ildə İqtisadi siyasət komitəsinin üzvü seçilmişdir[18].

13 dekabr 2005-ci ildən[19] AzərbaycanAlmaniya, AzərbaycanXorvatiya, AzərbaycanRusiya, AzərbaycanTürkmənistan, 27 fevral 2007-ci ildən[20] AzərbaycanUkrayna parlamentlərarası əlaqələr üzrə işçi qruplarının tərkibində fəaliyyət göstərmişdir.

IV çağırış[redaktə]

7 dekabr 2010-cu ildə Milli Məclisin İqtisadi siyasət komitəsinin üzvü seçilmişdir[21].

Elmi fəaliyyəti[redaktə]

Vahid Əhmədov texnika doktorudur. 300-ə yaxın elmi məqalənin müəllifidir. Müəllifi olduğu 72 səhifəlik "Sahibkar-menecment" kitabı 2000-ci ildə Bakıdakı "Qanun" nəşriyyatında Azərbaycan dilində nəşr olunmuşdur[22].

Ailəsi[redaktə]

Ailədə 9 uşaq olublar[3].

33 yaşında ailə həyatı qurmuşdur. İki övladı - 1 oğlu və 1 qızı var. Övladlarının hər ikisi hüquqşünasdır[3].

Mükafatları və fəxri adları[redaktə]

  • Flag of the Soviet Union.svg 1965-ci ildə Qonaqkənd orta məktəbini qızıl medalla bitirmişdir.
  • Flag of Azerbaijan SSR.svg Azərbaycan SSR Prezidentinin 29 yanvar 1991-ci il tarixli, 150 nömrəli Fərmanı ilə ona "Azərbaycan SSR əməkdar mühəndisi" fəxri adı verilmişdir[2].
  • Flag of Azerbaijan.svg Azərbaycan Ali Sovetinin Fəxri Fərmanı ilə təltif olunmuşdur.

Haqqında[redaktə]

İmaməddin Zəkiyev onun barəsində 2001-ci ildə "Qonaqkənddən başlanan yol" adlı sənədli povest yazmışdır[23].

Mənbə[redaktə]

İstinadlar[redaktə]

  1. Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az (azərb.)
  2. 2,0 2,1 "Sənaye işçilərinə Azərbaycan SSR fəxri adlarının verilməsi haqqında" Azərbaycan Sovet Sosialist Respublikası Prezidentinin 29 yanvar 1991-ci il tarixli, 150 nömrəli Fərmanı. e-qanun.az (azərb.)
  3. 3,0 3,1 3,2 Vahid Əhmədov: “Mənə dedilər ki, ya ora getməlisən, ya da türməyə...” modern.az (azərb.)
  4. "Alma-Ata Memorandumunu və İcevan Protokolunu həyata keçirən Qərargahın təsis edilməsi haqqında" Azərbaycan Respublikası Prezidentinin 10 sentyabr 1992-ci il tarixli, 119 nömrəli Sərəncamı. e-qanun.az (azərb.)
  5. "V. Q. Əhmədovun Azərbaycan Respublikası Baş nazirinin müavini təyin edilməsi haqqında" Azərbaycan Respublikası Prezidentinin 23 aprel 1992-ci il tarixli, 694 nömrəli Fərmanı. e-qanun.az (azərb.)
  6. "V. Q. Əhmədovun Azərbaycan Respublikası Baş nazirinin müavini vəzifəsindən azad edilməsi haqqında" Azərbaycan Respublikası Prezidentinin 16 may 1992-ci il tarixli, 738 nömrəli Fərmanı. e-qanun.az (azərb.)
  7. "V. Q. Əhmədovun Azərbaycan Respublikası Baş nazirinin birinci müavini təyin edilməsi haqqında" Azərbaycan Respublikası Prezidentinin 16 may 1992-ci il tarixli, 737 nömrəli Fərmanı. e-qanun.az (azərb.)
  8. "V. Q. Əhmədovun Azərbaycan Respublikası Baş nazirinin birinci müavini təyinolunması haqqında Azərbaycan Respublikası Prezidentinin Fərmanının təsdiq olunması barədə" Azərbaycan Respublikası Ali Soveti Milli Şurasının 16 may 1992-ci il tarixli, 123 nömrəli Qərarı. e-qanun.az (azərb.)
  9. "V.Q. Əhmədovun Azərbaycan Respublikası Baş nazirinin birinci müavini təyin edilməsi haqqında" Azərbaycan Respublikası Prezidentinin 18 may 1992-ci il tarixli, 747 nömrəli Fərmanı. e-qanun.az (azərb.)
  10. "Azərbaycan Respublikası Baş nazirinin birinci müavinlərinin və müavinlərinin təyin edilməsinə razılıq verilməsi haqqında" Azərbaycan Respublikası Ali Sovetinin 18 may 1992-ci il tarixli, 360—XII nömrəli Qərarı. e-qanun.az (azərb.)
  11. "Azərbaycan Respublikası Baş nazirinin müavinlərinin təyin edilməsinə razılıq verilməsi haqqında" Azərbaycan Respublikası Milli Məclisinin 28 aprel 1993-cü il tarixli, 587 nömrəli Qərarı. e-qanun.az (azərb.)
  12. "V.Q. Əhmədovun Azərbaycan Respublikası Baş nazirinin - birinci müavini təyin edilməsi haqqında" Azərbaycan Respublikası Prezidentinin 29 aprel 1993-cü il tarixli, 536 nömrəli Fərmanı. e-qanun.az (azərb.)
  13. "V. Q. Əhmədovun Azərbaycan Respublikası Baş nazirinin birinci müavini vəzifəsindən azad edilməsi haqqında" Azərbaycan Respublikası Prezidentinin 9 dekabr 1993-cü il tarixli, 56 nömrəli Fərmanı. e-qanun.az (azərb.)
  14. "V. Q. Əhmədovun Azərbaycan Respublikası Baş nazirinin birinci müavini vəzifəsindən azad olunmasına razılıq verilməsi haqqında" Azərbaycan Respublikası Milli Məclisinin 6 yanvar 1994-cü il tarixli, 774 nömrəli Qərarı. e-qanun.az (azərb.)
  15. "Azərbaycan Respublikası Ali Soveti Milli Şurasının təşkil edilməsi haqqında" Azərbaycan Respublikası Ali Sovetinin 26 noyabr 1991-ci il tarixli, 276-XP nömrəli Qərarı. e-qanun.az (azərb.)
  16. "Azərbaycan Respublikası Milli Məclisinin daimi komissiyaları haqqında" Azərbaycan Respublikası Milli Məclisinin 30 iyun 1992-ci il tarixli, 188 nömrəli Qərarı. e-qanun.az (azərb.)
  17. "Azərbaycan Respublikası Milli Məclisinin İqtisadi siyasət daimi komissiyası üzvlərinin seçilməsi haqqında" Azərbaycan Respublikası Milli Məclisinin 13 dekabr 2005-ci il tarixli, 11-IIIQR nömrəli Qərarı. e-qanun.az (azərb.)
  18. "Azərbaycan Respublikası Milli Məclisi komitələrinin tərkibi haqqında" Azərbaycan Respublikası Milli Məclisinin 14 aprel 2009-cu il tarixli, 787-IIIQR nömrəli Qərarı. e-qanun.az (azərb.)
  19. "Azərbaycan Respublikası Milli Məclisinin parlamentlərarası əlaqələr üzrə işçi qruplarının yaradılması haqqında" Azərbaycan Respublikası Milli Məclisinin 13 dekabr 2005-ci il tarixli, 21-IIIQR nömrəli Qərarı. e-qanun.az (azərb.)
  20. "Azərbaycan Respublikası Milli Məclisinin parlamentlərarası əlaqələr üzrə işçi qruplarının tərkibinə əlavələr edilməsi haqqında" Azərbaycan Respublikası Milli Məclisinin 27 fevral 2007-ci il tarixli, 249-IIIQR nömrəli Qərarı. e-qanun.az (azərb.)
  21. "Azərbaycan Respublikası Milli Məclisinin İqtisadi siyasət komitəsi üzvlərinin seçilməsi haqqında" Azərbaycan Respublikası Milli Məclisinin 7 dekabr 2010-cu il tarixli, 11-IVQR nömrəli Qərarı. e-qanun.az (azərb.)
  22. Azərbaycan Respublikası İqtisadi İnkişaf Nazirliyinin İqtisadi İslahatlar Elmi-Tədqiqat İnstitutunun Elmi-texniki kitabxanasındakı kitabların 2000-2003-cü illər üzrə siyahısı. Səh. 3. ier.az
  23. Nizaməddin Şəmsizadə. Kitab mədəniyyətimizin fədakar tədqiqatçısı. "525-ci qəzet", 8 aprel 2010. 525.az (azərb.)

Xarici keçidlər[redaktə]