Vellinqton Viktoriya Universiteti

Vikipediya, açıq ensiklopediya
Keçid et: naviqasiya, axtar

Vellinqton Viktoriya Universiteti
Te Whare Wānanga o Te Ūpoko o Te Ika a Māui

Viktoriya Vellinqton Universitetinin loqosu
Şüar (lat. Sapientia magis auro desideranda; ing. Wisdom is more to be desired than gold[1]; azərb. Bilik qızıldan daha arzuolunandır
Yaranma tarixi 1897
Tip Dövlət
Rektor İan D. Makkinnon[2]
Tələbə sayı 22 310 (2010)[3]
Şəhər Vellinqton
Ölkə Yeni Zelandiya
Vebsayt www.victoria.ac.nz

Vellinqton Viktoriya Universiteti (ing. Victoria University of Wellington) — Yeni Zelandiyanın Vellinqton şəhərində yerləşən ali təhsil müəssisəsi; ölkənin ən aparıcı ali təhsil ocaqlarından biridir. Əsasən hüquq, sosial elmlər və bəzi elm displinlərinə görə fərqlənsə də universitet geniş akademik proqramlar təklif edir.

Tarixi[redaktə | əsas redaktə]

HunterBuilding

1897-ci ildə Parlamentin aktı əsasında təsis edilmişdir və Yeni Zelandiya Universitetinin kolleclərindən biri olmuşdur.

Universitet Britaniya kraliçası Viktoriyanın hakimiyətinin 60-cı ildönümü ilə əlaqəli kraliçanın şərəfinə adlandırılmışdır. İlk kampusu Vellington şəhərinin Trondon deyilən ərazisində qurmaq planlaşdırılsa da, sonradan məkan olaraq Kelburn seçilmişdir. Hazırda universitetin əsas kampusu Kelburndadır. Kelbur kampusundakı qədimi Hanter Binasının (ing. Hunter Building) əsası 1904-cü ildə qoyuldu. Universitetin ilk adı Viktoriya University College idi və universitet Yeni Zelandiya Universitetinin bir hissəsi idi. 1961-ci ildə Yeni Zelandiya Universitetinin bölünməsi nəticəsində Viktoria da müstəqil universitet oldu. 2004-cü ildə universitet 100 illiyini qeyd etdi.

Son illərdə universitet yeni kampuslar, Te Aro (memarlıqdizayn məktəbləri), Pipitea (kommersiyaidarəetmə, hüquq məktəbləri) və Karirori (təhsil) kampuslarını yaratmışdır.

Kampusları[redaktə | əsas redaktə]

Kelburn[redaktə | əsas redaktə]

VUW Kelburn Pde Salamanca Rd
Kelburn Pde

Universitetin əsas kampusu Kelburndur. Paytaxtın mərkəzində olan bu kampus özündə idaretmə, sosial və ictimai elmətlər, elm fakültələrini cəmləşdirir. Eyni zamanda universitetin 9 mərtəbəli mərkəzi kitabxanası da bu kampusdadır.

Pipitea[redaktə | əsas redaktə]

Pipitea kampusu, Hüquq Məktəbi
Rutherford Evi və Dəmir Yol Stansiyası (arxa fonda)
Vellinqton Dəmir Yol Stansiyasının qərb qanadı

Kommersiya və idarətmə fakultəsi Pipitea kampusunda yerləşir. Pipitea da paytaxtın mərkəzində yerləşir. Parlament binası ilə üzbəüz olan çoxmərtəbəli Rutherford binası, Vellinqton qatar stansiyasının binasının bir hissəsi Railway West Wing binası, cənub yarım kürəsində ən böyük və dünyada 4-cü ən böyük taxta bina olan qədimi Dövlət binası da Pipite kampusunun bir hissəsidir. Dövlət Binasında Viktoriya Hüquq Məktəbi və eyni zamanda geniş hüquq kitabxanası fəaliyyət göstərir. Railway West Wing binasında kommersiya kitabxanası və bir neçə digər universitet qurumları yerləşir.[4]

Te Aro[redaktə | əsas redaktə]

Nisbətən kiçik Te Aro kampusu da digər kampuslar kimi mərkəzdədir. Burada əsasən dizayn və memarlıq fakultələri və eyni zamanda dizayn və memarlıq kitabxanası fəaliyyət göstərir. Universitet Yeni Zelandiyada memarlıq ixtisası üzrə təhsil təklif edən 3 universitetdən biridir.[5]

Kariori[redaktə | əsas redaktə]

Təhsil Fakultəsi Karirori kampusunda yerləşir.

Texniki təchizat[redaktə | əsas redaktə]

Universitetin bütün kampuslarıda tələbə və müəllimlər üçün pulsuz və limitsiz naqilsiz internet var. Eyni zamanda bütün kampuslar yetərincə kompüter və çap maşınları ilə də təchiz olunmuşdur. Xüsusi məqsədli kompyuter laboratoriyaları əsasən Kelburn və Pipitea kampuslarında var. Laboratoriyadakı bütün kompyuterlər dərslər uyğun proqramlarla təmin olunmuşlar. Əlavə olaraq universitet tələbələri dərslərdə istifadə olunan proqramlarla da təmin edir. Kitabxanalarda[6] tələbələr üçün dizüstü kompyuterlər də verilir. Tələbə universitetlə bağlı işlərinin çoxusunu (kitabların vaxtının uzadılması, mühazirələr, dərs qrupları, qiymətlərini, yeni dərslərə qeydiyatı, kitabxana kataloqunda axtarış və sair.) elektron şəkildə edə bilir. Universitetin kitabxanalarında təxminən 1.3 milyon çap olunmuş nəşrlər, eyni zamanda 200 000 elektron kitab var. Eyni zamanda 70000 elmi jurnallara da tələbə və müəllimlərin elektron çıxışı var.

İdarəetmə[redaktə | əsas redaktə]

Universitetin idarə olunması 20 nəfərdən təşkil olunmuş Universitet Konsulunun əlindədir.

Fakültə və məktəbləri[redaktə | əsas redaktə]

  • Memarlıq və Dizayn fakültəsi;[7]
  • Kommersiya və İdarəetmə fakültəsi;[8]
  • Təhsil fakültəsi;[9]
  • Mühəndislik fakültəsi;[10]
  • Qraduate araşdırma fakültəsi;[11]
  • İctimai və sosial elmlər fakültəsi;[12]
  • Hüquq fakültəsi;[13]
  • Elm fakültəsi.[14]

Araşdırma mərkəzləri və institutları[redaktə | əsas redaktə]

  • MacDiarmid adına mürəkkəb materiallar və nanotexnologiya İnstitutu;
  • Malaghan Tibbi Araşdırmalar İnstitutu;
  • Viktoriya Universiteti Sahil Ekologiyası Labaratoriyası;
  • Yeni Zelandiya Starteji Elmlər Mərkəzi;
  • Siyasi Elmlər institutu;
  • Adam İncəsənət Qalereyası;
  • Yeni Zelandiya Elektron Mətn Mərkəzi.[15]

Reytinqi[redaktə | əsas redaktə]

Universitetin Yeni Zelandiya üzrə 4-cü ən yüksək araşdırma qiyməti var. 2011-cu ildə "QS World University Ranking"in siyahısında 500 universitet arasında 237-ci yerdədir.[16]

Məşhur akademikləri[redaktə | əsas redaktə]

  • Dr James Belich, Yeni Zelandiya tarixçisi;
  • Mai Chen, ictimai hüquq mütəxəssisi;
  • Prof. Sir Paul Callaghan, fizika elmləri professoru;
  • Prof. Sir Lloyd Geering, Dini Elmlər departamentinin təsisçisi;
  • Prof. George Edward Hughes, Fəlsəfə professoru;
  • Prof. Richard Cockburn Maclaurin, riyaziyyat professoru və məşhur MİT-nin prezidenti;
  • Sir Tipene ORegan, Maori lideri;
  • The Rt Hon. Sir Geoffrey Palmer, Yeni Zelandiyanın keçmiş baş naziri;
  • Dr Matthew Palmer, hüquq məktəbinin keçmiş dekanı və Geoffrey Palmerin oğlu.

Məşhur məzunları[redaktə | əsas redaktə]

  • Prof Alan MacDiarmid, 2000-ci il kimya üzrə Nobel mükafatının qalibi;
  • Sir Paul Reeves, Yeni Zelandiyanın keçmiş Governor-Generalı;
  • Dr Jonathan Sarfati, Yeni Zelandiyanın şahmat çempionu;
  • Sir Jack Marshall, keçmiş baş nazir;
  • Sir Guy Powles, Yeni Zelandiya diplomatı və ilk ombudsmanı;
  • Gillian Whitehead, Yeni Zelandiya bəstəkarı;
  • Martin Wylie, Slingshot-un icraçı direktoru;
  • Peter Dengate Thrush, ICANN-in yüksək səlahiyətli nümayəndəsi (sədri);
  • Johj Feeney, sənədli film rejisoru, 2 dəfə Academy Award mükafatçısı;
  • Sir Michael Fay, Yeni Zelandiyanın 3-cü ən varlı adamı;
  • Jane Campion, məşhur ssenarist və film direktoru;
  • Sir Michael Hardie Boys, keçmiş Governor-General;
  • Fleur Adcock, şair, Kral Qızıl Medalı mükafatçısı;

İstinadlar[redaktə | əsas redaktə]

  1. Nzetc.org – Victoria University College an essay towards a history
  2. Victoria.ac.nz – Officers of Council
  3. Vuw.ac.nz – Annual report 2010
  4. Vuw.ac.nz – Pipitea Campus
  5. Vuw.ac.nz – Te Aro Campus
  6. Victoria.ac.nz – The Victoria University of Wellington Library
  7. Victoria.ac.nz – Faculty of Architecture and Design
  8. Victoria.ac.nz – Faculty of Commerce and Administration
  9. Victoria.ac.nz – Faculty of Architecture and Design
  10. Victoria.ac.nz – Faculty of Engineering
  11. Victoria.ac.nz – Faculty of Graduate Research
  12. Victoria.ac.nz – Faculty of Humanities and Social Sciences
  13. Victoria.ac.nz – Faculty of Law
  14. Victoria.ac.nz – Faculty of Science
  15. Victoria.ac.nz – Research Centres and Institutes
  16. Topuniversities.com – QS World University Rankings 2011/12

Xarici keçidlər[redaktə | əsas redaktə]