Vikipediya:Bilirsinizmi/oktyabr 2021

2014: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr

2015: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr

2016: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr

2017: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr

2018: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr

2019: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr

2020: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr

2021: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr

2022: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr

2023: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr

2024: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr

Bu gün 2 may 2024, Cümə axşamı (İlin 18. həftəsi); bu an saat 06:06 UTC

Vikipediya məqalələrindən

Aktyor Conni Depp "Karib dənizinin quldurları" seriyasında Cek Sərçə obrazını canlandırarkən 1740-cı illərə aid orijinal qılınclardan və 1760-cı illərə aid orijinal tapançalardan istifadə etmişdi.
1932-ci ildə qadınların 100 metrə qaçış yarışında Olimpiya çempionu olan Polşa atleti Stanislava Valaseviç 1980-ci ildə öləndə hermafrodit olduğu, kişi və qadın xromosomları daşıdığı məlum olmuşdur.
Şahmat üzrə dünya çempionu Xose Raul Kapablanka 1922-ci ildə Klivlend şəhərində eyni anda 103 rəqibə qarşı oynamış, 102-nə qalib gəlmiş və 1-i ilə heç heçə oynamışdı.
Kanadanın Manitoba əyalətinin Çörçill qəsəbəsində təhlükəli ağ ayıları saxlamaq üçün dustaqxana fəaliyyət göstərir.
Bolqarıstanda yerləşən Proxodna mağarası "Tanrının gözləri" (şəkildə) adlı bərabərölçülü iki dəliyi ilə məşhurdur.

Vikipediya məqalələrindən

Yaponiyanın Mie prefekturasında yerləşən Evli qayalar (şəkildə) yerli rahiblər tərəfindən müqəddəs hesab edilir.
Ağ ayı Knutun Berlin zooparkına qazandırdığı gəlirlər nəticəsində 2007-ci il zooparkın 163 illik tarixi ərzində ən gəlirli il olmuşdur.
Kasakela və Kahama şimpanzeləri arasında 1974-78-ci illərdə baş vermiş Qombe müharibəsi 11 şimpanzenin ölümü və 3 şimpanzenin itkin düşməsi ilə nəticələnmişdir.
İngilis Tom Hayam 1980-ci ildə bacanağının düşərgə çadırında paltar ütülədiyini gördükdən sonra ekstremal ütüləmə idman növünün əsasını qoymuşdur.
Süddən qatıq almaq üçün istifadə olunan Lactobacillus bulgaricus bakteriyasını kəşf etmiş bolqar mikrobioloq Stamen Qriqovun anadan olduğu Studen İzvor kəndində dünyanın yeganə qatıq muzeyi fəaliyyət göstərir.

Vikipediya məqalələrindən

Cənubi Koreya müğənnisi Hvasanın (şəkildə) televiziyada yediyi yeməklərin və istifadə etdiyi əşyaların Cənubi Koreyada populyarlaşdığı və daha çox satıldığı müşahidə olunmuş, bu hala "Hvasa effekti" adı verilmişdir.
200 metr uzunluğunda olan Kəlbəcər-Laçın avtomobil tuneli Azərbaycanda avtomobil nəqliyyatı üçün nəzərdə tutulmuş ən uzun tuneldir.
1968-ci ildə italyan mühəndis Corcio Roza tərəfindən qurulmuş və heç bir dövlət tərəfindən tanınmamış Roz adası Respublikası haqqında 2020-ci ildə Netflix tərəfindən komediya-dram filmi çəkilmişdir.
Alman bəstəkar Feliks Mendelson 1829-cu ildə Şotlandiyada yerləşən Finqal mağarasını ziyarət etmiş və mağaradakı qəribə exodan təsirlənərək "Finqal mağarası" uvertürasını yazmışdır
Rusiyanın Orenburq vilayətində yerləşən və adını girişdə yerləşən bir heykəldən alan Qara delfin islahedici koloniyasında təhlükəsizlik o qədər güclü qorunur ki, binada məhkum sayından daha çox gözətçi var.

Vikipediya məqalələrindən

XVI əsrin sonlarında tikilmiş Fuşimi qəsrinin müdafiəsi o qədər yaxşı idi ki, 1600-cü ildə baş verən Fuşimi mühasirəsi zamanı qəsrin komandiri vaxtını qo oynamaqla keçirirdi.
Rusiya prezidenti Vladimir Putini ələ salan "Putin — xuylo!" şüarı Ukraynanın "Metallist" və "Şaxtyor" futbol klublarının radikal azarkeşləri sayəsində məşhurlaşıb.
Xylaria longipes (şəkildə) növündən olan göbələkləri görünüşlərinə görə "ölü köstəbək barmaqları" adlandırırlar.
Edinburq zooparkında yaşayan kral pinqvini Nils Olaf Norveç Kral qvardiyasının fəxri komandiri və talismanı seçilmiş, 2008-ci ildən cəngavər, 2016-cı ildə isə briqada generalı statusu almışdır.
1973-cü ildə "Vyetnam münaqişəsinin həlli istiqamətində birgə fəaliyyətə görə" Şimali Vyetnamın siyasi xadimi Le Dık Tho Nobel sülh mükafatına layiq görülsə də, o, Vyetnamda əsl sülhün əldə olunmadığını əsas gətirərək, mükafatdan imtina etmişdi.

Naviqasiya menyusu