Araz Yaquboğlu

Vikipediya, azad ensiklopediya
Araz Yaquboglu (müzakirə | töhfələr) tərəfindən edilmiş 13:40, 27 yanvar 2019 tarixli redaktə
Naviqasiyaya keç Axtarışa keç
Araz Yaquboğlu
Doğum tarixi 1 avqust 1973(1973-08-01)[1] (50 yaş)
Doğum yeri
Uşaqları
  • Təhmasib Nəsibli[d],
  • Firuzə Nəsibli[d]
Atası Yaqub Hacıyev[d]
Təhsili
Fəaliyyəti jurnalist, mühəndis, şair, tədqiqatçı, dizayner, yazıçı, vikipediyaçı
Fəaliyyət illəri 1992-ci ildən
Əsərlərinin dili Azərbaycan dili
Janrlar poeziya, publisistika, tədqiqat, esse, memuar
Tanınmış əsərləri
  • Daşkənd aşıqları və şairləri[d],
  • Daşkənddən Yeni Daşkəndə[d],
  • Sazın-sözün sorağında[d]
Üzvlüyü
Mükafatları "Qızıl qələm" mükafatı (2011)
İmza
Vikimənbənin loqosu Araz Yaquboğlu Vikimənbədə
Vikianbarın loqosu Vikianbarda əlaqəli mediafayllar

Araz Yaquboğlu (tam adı: Hacıyеv Araz Yaqub оğlu; 1 avqust 1973[1], Yeni Daşkənd, Azərbaycan SSR) — tədqiqatçı[2], şair[3], "Qızıl qələm" mükafatı laureatı (2011)[4]; Laçın yurdu jurnalında baş redaktorun müavini[5].

Həyatı

Araz Yaquboğlu 1973-cü il avqustun 1-də Bərdə rayonunun Yeni Daşkənd kəndində ziyalı ailəsində anadan olub. Atası Yaqub Hacıyеv Bərdə rayonunda tanınmış mühəndislərdən оlub.[6]

Araz Yaqubоğlu 1980-ci ildə Bərdə rayоnunun Yеni Daşkənd kənd оrta məktəbinin I sinfinə gеtmiş və 1990-cı ildə həmin məktəbin ХI sinfini bitirmişdir. 1989-cu ildə Bərdə rayonu üzrə keçirilən riyaziyyatdan fənn olimpiadasında I yeri tutmuşdur. Orta məktəbdə oxuyarkən 1989-1990-cı illərdə məktəbin komsomol təşkilat katibi olmuşdur.

2 avqust 1990-cı il tarixdə ilk əmək fəaliyyətinə Azərbaycan SSR Sənaye Müəssisələri İstehsalat Birliyinin Bərdə Nüşabə Kooperativində fəhlə kimi başlamışdır. 1 fevral 1991-ci ildə iş yerini dəyişərək 9 №li Dəmir Beton Məmulatları Zavodunda çilingər işləmişdir.

1991-ci ildə Azərbaycan İnşaat Mühəndisləri İnstitutunun "İnşaat" fakültəsinə qəbul оlmuşdur. 1996-cı ildə Azərbaycan İnşaat Mühəndisləri Univеrsitеtinin "Sənayе və mülki tikinti" iхtisasını əla qiymətlərlə bitirmişdir.

Ali məktəbdə oxuduğu müddətdə təhsildən ayrılmamaqla Azərbaycan Dövlət Akademik Milli Dram Teatrında səhnə quraşdırıcısı vəzifəsində çalışmışdır (30 sentyabr, 1994-31 dekabr, 1994).

1995-ci ildə Bakı Ali Mеnеcеr Kоllеcinin İnşaatçı menecment ixtisasını bitirmişdir.

Haqqında "İnşaatçı kadrlar uğrunda" qəzеtinin 26 oktyabr 1994-cü il tariхli sayında "Nümunəvi tələbə" başlıqlı məqalə dərc оlunmuşdur.

1992-ci ildən şеirləri və məqalələri mərkəzi qəzetlərdə, jurnallarda və almanaxlarda çap оlunur. Bir çох kitabların rеdaktоru və tərtibçisidir.[7]

10 mart 2011-ci ildə "Qızıl qələm" mükafatı ilə təltif olunmuşdur.

2012-ci ilin 1 yanvarından Laçın yurdu jurnalında baş redaktorun müavinidir[8].

Ailəsi

Ailəlidir, bir оğlu və bir qızı var.

Vikimedia hərəkatında iştirakı

Araz Yaquboğlu (sağdan birinci əyləşən) Vikipediyaçılarla görüş zamanı

Araz Yaquboğlu 30 aprel 2010-cu ildən Araz Yaquboglu istifadəçi adı ilə Azərbaycanca Vikipediyanın aktiv istifadəçisi, 23 sentyabr 2013-cü ildən isə Azərbaycanca Vikipediyada idarəçidir.[9] 2017-ci ildə olan məlumata görə 6000 məqalənin müəllifidir.[10]

Həmçinin Azərbaycan dilində olan Vikipediya ilə yanaşı, Vikikitabın və Vikimənbənin də idarəçisidir.[11]


Filmoqrafiya

  1. Bitməyən ömür (film, 2013)
  2. Torpağımız... Tariximiz... Taleyimiz... (film, 2015)

Kitabları

  1. Elin yaddaşında yaşayan ömür. Bakı: "Nurlan", 2006, 160 səh.
  2. Bir kökün budaqları. Bakı: "Nurlan", 2006, 216 səh.[12]
  3. Daşkənd aşıqları və şairləri. Bakı: "Nurlan", 2008, 416 səh.
  4. Tələbə dünyası. Bakı: "Elm və təhsil", 2011, 184 səh.
  5. "Ömrün şəhidlik zirvəsi", Bakı, “Elm və təhsil”, 2012. – 160 səh. + 16 səh. şəkil.
  6. "Bitməyən ömür", Bakı, "Nurlar", 2013. – 400 səhifə. + 96 səh. şəkil.(azərb.)
  7. Elin Şiruyəsi, sözün sərrafı, Bakı, "SkyG", 2016, 400 səh., 300 tiraj. ISBN 978-9952-440-08-05

Məqalələri

  1. "Eldən gedən el şairi", "Qərbi Azərbaycanın səsi" qəzeti, №06(12), 11 iyul 2008-ci il.
  2. "Qismətimmi?... Günahımmı?...", Yenilik-Press qəzeti. 29 aprel 2009-cu il. №04-05(17-18)
  3. "Aqşin Hacızadə poeziyası", Dünya qəzeti. 25 dekabr 2009-cu il. № 30-31
  4. "El şairi Muxayıl Göyçəli", (elmi məqalə), "Filologiya məsələləri" elmi toplusu, №11, 2010-cu il, səh.219-223.
  5. "Aşıq İslam Yarpızlının həyat və yaradıcılığı haqqında", (elmi məqalə), "Filologiya məsələləri" elmi toplusu, №2, 2011-ci il, səh.350-354.
  6. "Aşıq Əli Şairov"[4] Bütöv Azərbaycan qəzeti, 27 iyul 2011. № 25 (113).
  7. "Aşıq Hacı da köçdü", "Ozan dünyası" jurnalı, №2(5), Bakı, 2011. səh.55-59.
  8. "Aşıq Orucun sazlı-sözlü dünyası", "Ozan dünyası" jurnalı, №4(7), Bakı, 2011. səh.99-102.
  9. "El şairi Qəmgin Fəzi", "Ozan dünyası" jurnalı, №3(6), Bakı, 2011. səh.
  10. "Soylu sənətin soylu davamçısı", "Yeni nəsil Azərbaycan aşıqları-II". Bakı, "Turan evi", 2011. səh.96-98.
  11. "Göyçə aşıq məktəbinin gələcək davamçısı", "Yeni nəsil Azərbaycan aşıqları-II". Bakı, "Turan evi", 2011 səh.143-145.
  12. "Ürəkdə köçən arzular", Bütöv Azərbaycan qəzeti, 21 dekabr 2011. № 43 (131).
  13. "Uzaqdan görünən dağlar", Bütöv Azərbaycan qəzeti, № 17(149), 23-29 may 2012.
  14. "Görkəmli dövlət xadimi", "Respublika" qəzeti, № 112 (4401), 23 may 2012. səh.3.
  15. "Babamın ömür yolu", "Avrotayms" qəzeti, №17(151), 28 iyun-5 iyul 2012.
  16. "Adı dastanlaşan el qəhrəmanı", Dünya qəzeti, №40-41, 19 sentyabr 2012.
  17. "Laçın vüqarlı Yasif", Dünya qəzeti, №40-41, 19 sentyabr 2012.
  18. "Eldən gedən oğul", Bütöv Azərbaycan qəzeti, № 37(169), 24-31 oktyabr 2012.
  19. "Əvəzolunmaz pedaqoq, unudulmaz insan", Bütöv Azərbaycan qəzeti, № 11(187), 03-09 aprel 2013.
  20. "Şair Hüseyn Mayıl, yoxsa Aşıq Hüseyn Mayıl", "Ozan dünyası" jurnalı, №3(14), Bakı, 2013. səh.53-57.
  21. "Hamını yandıran itki", "Yeni təfəkkür" qəzeti, №10(371), 14 mart 2014. səh.3.
  22. "Dərdli Cavada cavab", "Xəzan" jurnalı, №1(7), 2017. səh.64-67.
Əziz eloğlum Araz Əfəndi! Aşıq Əli Şairov haqqındakı məqaləniz sizin gerçəkdən də gələcəkdə böyük və məsuliyyətli bir tədqiqatçı olmanızdan xəbər verir. Çox zövqlə oxudum və min dəfə qəlbən sizi alqışladım. Sizlərə uğurlar arzusu ilə. Qısa tanışlığımızda sizin nə qədər Torpaq və Vətən mövzusunda həssas qəlbə malik olduğunuzu da duydum. Uğurlar, uğurlar, uğurlar.

Səmimiyyətlə: filologiya elmləri doktoru, Göyçəli qızı Almaz Ülvi.[4]

Müsahibələri

  1. "Aşıq Alı ilə şair Məmmədhüseyn Ağ Aşığın yanına gedər, şeirlərini oxuyar, bir-birlərinin yaradıcılığı barədə fikir söyləyərdilər", "Palitra" qəzeti, №193(3249), 06.11.2018.

İstinadlar

  1. ↑ 1 2 Tədqiqatçı-jurnalist Araz Yaquboğlu təltif edilib // https://sherg.az/gundem/203187.
  2. ↑ "Aşıq İslam Yarpızlının həyat və yaradıcılığı haqqında" (az.). azab.az. 2 mart 2011. İstifadə tarixi: 16.03.2014.
  3. ↑ "Araz Yaquboğludan dörd şeir" (az.). karabakhmedia.az. 01 avqust 2016. 2016-08-02 tarixində arxivləşdirilib. İstifadə tarixi: 2016-08-02.
  4. ↑ 1 2 3 "Aşıq Əli Şairov" (az.). www.bizimyazi.com. 2011-05-03. 2016-03-18 tarixində arxivləşdirilib. İstifadə tarixi: 2016-03-18.
  5. ↑ Araz Yaquboğlu. "Maliyyə çətinlikləri çəkən jurnalın yeni sayı nəşr olunub" (az.). karabakhmedia.az. 2016-10-06. 2016-10-06 tarixində arxivləşdirilib. İstifadə tarixi: 2016-10-06.
  6. ↑ "Araz Yaquboğlu" (az.). goyche.info. 2009-02-17. 2016-03-18 tarixində arxivləşdirilib. İstifadə tarixi: 2016-03-18.
  7. ↑ Emil Camalov. "Göyçə mahalının Daşkəndi haqqında nəfis kitab işıq üzü gördü". "ARAZ" qəzeti (az.). araz.az. 2012. İstifadə tarixi: 21.05.2015.
  8. ↑ ""Laçın yurdu" jurnalının yeni sayı işıq üzü görüb" (az.). lacin.info. 2015-05-24 tarixində arxivləşdirilib. İstifadə tarixi: 16.03.2014.
  9. ↑ Araz Yaquboglu üçün idarəçi statusunun verilməsi ilə bağlı səsvermə
  10. ↑ Ramil Cəbrayıl. "İnformasiya müharibəsində təmənnasız xidmət göstərən tədqiqatçı" (az.). karabakhmedia. 07-08-2017. 2017-08-29 tarixində arxivləşdirilib. İstifadə tarixi: 2017-08-29.
  11. ↑ Elnur Eltürk. "Milli Mətbuat və jurnalistika gününə VİKİTÖHFƏ..." (az.). moderator.az. 2018-07-22. 2018-07-25 tarixində arxivləşdirilib. İstifadə tarixi: 2018-07-25.
  12. ↑ "YENİ KİTABLAR (sıra sayı:281)" (az.). kitabklubu.org. İstifadə tarixi: 16.03.2014.

Mənbə

Xarici keçidlər

Mənbə — "https://az.wikipedia.org/w/index.php?title=Araz_Yaquboğlu&oldid=4587373"