Nizami Gəncəvi adına Ədəbiyyat İnstitutu

Nizami adına Ədəbiyyat İnstitutu
40°23′43″ şm. e. 49°52′55″ ş. u.
Əsası qoyulub	1932
Direktor	İsa Həbibbəyli
Şəhər	Bakı
Ölkə	Azərbaycan
Sayt	science.gov.az/institute…
Vikianbarda əlaqəli mediafayllar

Nizami adına Ədəbiyyat İnstitutu — Azərbaycan Milli Elmlər Akademiyasının strukturuna daxil olan elmi təşkilat.

Tarixi

İnstitut 1932-ci ildə yaranmışdır. 1930-cu illərdə o, SSRİ EA-nın Azərbaycan filialına daxil idi. 1945-ci ildə Azərbaycan SSR EA yaradıldıqdan sonra Ədəbiyyat İnstitutu onun tərkibinə daxil oldu. 40-cı illərin sonunda o, Dilçilik İnstitutu ilə birləşdirilmişdir. 1969-cu ildən İnstitut Azərbaycan EA Nizami adına Ədəbiyyat İnstitutu adı altında fəaliyyət göstərir.

Fəaliyyət istiqamətləri

Folklorun tarixi və nəzəriyyəsi, toplanması və nəşri, ən qədim dövrlərdən bu günə qədər Azərbaycan ədəbiyyatının tarixi mərhələləri və inkişaf qanunauyğunluqları, nəzəri problemləri, ədəbi əlaqələr, Cənubi Azərbaycanda ədəbi proses, xaricdə Azərbaycan ədəbiyyatı, ortaq türk ədəbi abidələri, müasir və klassik bədii irsin nəşri.

Elmi nəticələr

Azərbaycan ədəbiyyatının qaynaqları, tarixi mərhələ təsnifi və inikişaf qanunauyğunluqları silsiləsindən, habelə milli ədəbi abidələrin elmi ictimaiyyətə çatdırılması istiqamətində son beş ildə 70 (onlardan 6-sı xaricdə) kitab çap olunmuşdur. Beynəlxalq ədəbi əlaqələrin tarixi təcrübəsinə və çağdaş vəziyyətinə, folklor irsimizə, klassiklərin yubileyinə həsr olunmuş 30-dan artıq beynəlxalq, regional və respublika müşavirələri keçirilmişdir

Struktur bölmələri

• Qədim dövr Azərbaycan ədəbiyyatı şöbəsi
• Orta əsrlər Azərbaycan ədəbiyyatı şöbəsi
• Yeni dövr Azərbaycan ədəbiyyatı şöbəsi
• XX əsr Azərbaycan ədəbiyyatı şöbəsi
• Müasir ədəbi proses şöbəsi
• Cənubi Azərbaycan ədəbiyyatı şöbəsi
• Xaricdə Azərbaycan ədəbiyyatı şöbəsi
• Ədəbiyyat nəzəriyyəsi şöbəsi
• Tarixi poetika şöbəsi
• Mətnşünaslıq şöbəsi
• Azərbaycan-Türkmənistan-Özbəkistan ədəbi əlaqələr şöbəsi
• İnternet və intellekt laboratoriyası
• İnformasiya və biblioqrafiya şöbəsi

Həmçinin bax

• Azərbaycan Milli Elmlər Akademiyası
• Ədəbiyyat

Mənbə

• Nizami adına Ədəbiyyat İnstitutu

Xarici keçidlər

• Аzərbaycan Milli Elmlər Akademiyası
• AMEA Mərkəzi Elmi Kitabxanası Arxivləşdirilib 2009-02-06 at the Wayback Machine