Ziyad Səmədzadə
Bu məqalədəki məlumatların yoxlanılabilər olması üçün əlavə mənbələrə ehtiyac var. |
Ziyad Səmədzadə | |
---|---|
Fayl:Ziyad Səmədzadə.jpg | |
Doğum tarixi | 25 iyun 1940 (83 yaş) |
Doğum yeri | |
Uşağı | |
Elm sahəsi | iqtisadiyyat |
Elmi dərəcəsi | |
Təhsili | |
Üzvlüyü | |
Mükafatları |
|
samedzade.az |
Ziyad Əliabbas oğlu Səmədzadə (25 iyun 1940, Bakı) — Azərbaycan alimi, iqtisad elmləri doktoru, professor, AMEA-nın həqiqi üzvü (1989), Azərbaycan Respublikası Milli Məclisinin deputatı.
Həyatı və fəaliyyəti
Ziyad Səmədzadə 1940-cı ilin iyun ayının 25-də Bakı şəhərinin Buzovna kəndində anadan olmuşdur. 1961-ci ildə Azərbaycan Dövlət Universitetinin iqtisad fakültəsini fərqlənmə diplomu ilə bitirmişdir. 1962-1965-ci illərdə SSRİ Elmlər Akademiyası İqtisadiyyat İnstitutunun aspiranturasında təhsil almış və elə həmin institutda namizədlik dissertasiyası müdafiə etmişdir.
1971-ci ildə Ziyad Səmədzadə 31 yaşında dissertasiya müdafiə edərək iqtisad elmləri doktoru alimlik dərəcəsi alır. 1977-ci ildə ona professor adı verilir.
1976-1978-ci illərdə o, Azərbaycan SSR Dövlət Plan Komitəsi Elmi-Tədqiqat İqtisadiyyat İnstitutu direktorunun birinci müavini, 1978-82-ci illərdə Azərbaycan Xalq Təsərrüfatı İnstitutunun elmi işlər üzrə prorektoru olmuşdur.
1980-ci ildə Z.Səmədzadə Azərbaycan Elmlər Akademiyasının müxbir üzvü, 1989-cu ildə isə Akademiyanın həqiqi üzvü seçilir.
1983-1993-cü illərdə Azərbaycan KP Mərkəzi Komitəsi iqtisadiyyat şöbəsinin müdiri, Azərbaycan Respublikası Ali Sovet sədrinin birinci müavini, Baş nazirin birinci müavini, Dövlət Plan-İqtisad Komitəsinin sədri, TASİS və TRASEKA proqramları üzrə Azərbaycanın Milli Koordinatoru olmuşdur.
Z.Səmədzadə dağ rayonlarının problemlərinin kompleks elmi təhlil edilməsi təşəbbüsünü irəli sürmüş və bu işlərə elmi rəhbərlik etmişdi.
Ziyad Səmədzadə Azərbaycan Respublika Ali Soveti sədrinin birinci müavini vəzifəsində işləmişdir. Ali Sovetin onun sədrliyi ilə 1991-ci il oktyabrın 18-də keçirilən sessiyasında müstəqillik haqqında Konstitusiya aktı qəbul edilmişdir.
Araşdırmaları Azərbaycan və Rus dillərində nəşr edilmiş "Dağlıq Qarabağ: naməlum həqiqətlər" adlı kitaba daxil edilmişdir.
Z.Səmədzadə Azərbaycan İqtisadçılar İttifaqının sədri, Beynəlxalq İqtisadçılar İttifaqının vitse-prezidentidir.
Z.Səmədzadə 1999-cu ildə "İqtisadiyyat" adlı qəzet təsis etmiş və onun müntəzəm nəşrinə başlamışdır.
2004-ci ildə "Böyük yolun mərhələləri" — "Azərbaycan iqtisadiyyatı yarım əsrdə: reallıq və perspektivlər adlı kitabı çapdan çıxmışdır.
Akademik Ziyad Səmədzadə Milli Məclisin İqtisadi Siyasət Komitəsinin sədri kimi respublikada iqtisadi qanunvericilik bazasının möhkəmləndirilməsi, büdcə sisteminin təkmilləşdirilməsi, bütövlükdə ölkənin iqtisadi inkişaf strategiyasının reallaşması məsələlərinin həllində fəal iştirak edir.
26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir[1].
Ailəsi
Ziyad Səmədzadənin oğlu Elşad iqtisadçı-alimdir. Böyük qızı Aygün Səmədzadə tanınmış bəstəkardır. Kiçik qızı Aytən həkim və publisistdir. Dörd nəvəsi var.
Mükafatları
- Elm və Texnika sahəsində Azərbaycan SSR Lenin Komsomolu mükafatı — 1974
- "Qırmızı Əmək Bayrağı" ordeni — 1986
- Belarus Respublikasının Prezidentinin Sərəncamı ilə Fransisk Skorina medalı — 16 dekabr 2010 (Belarus ilə Azərbaycan arasında dostluq münasibətlərinin möhkəmlənməsinə əhəmiyyətli töhfəsinə görə)
- Beynəlxalq İqtisadçılar İttifaqının "Qızıl qələm" mükafatı — 2010
- Beynəlxalq İqtisadçılar İttifaqının Gümüş medalı — 2015
- AMEA-nın Fəxri fərmanı — 2000, 2010, 2015
- ARDNŞ-nin Fəxri fərmanı — 2013
- "Humay" mükafatı — 2013
- "Şöhrət" ordeni — 22 iyun 2010
- "Şərəf" ordeni — 24 iyun 2015
- 1-ci dərəcəli "Vətənə xidmətə görə" ordeni — 24 iyun 2020[2]
Filmoqrafiya
- Biz qayıdacağıq (veriliş, 2007)
İstinadlar
Bu məqalədəki istinadlar müvafiq istinad şablonları ilə göstərilməlidir. |
- ↑ "Azərbaycan Respublikası Ali Soveti Milli Şurasının təşkil edilməsi haqqında" Azərbaycan Respublikası Ali Sovetinin 26 noyabr 1991-ci il tarixli, 276-XP nömrəli Qərarı. e-qanun.az[ölü keçid] (az.)
- ↑ Z.Ə.Səmədzadənin 1-ci dərəcəli "Vətənə xidmətə görə" ordeni ilə təltif edilməsi haqqında Azərbaycan Respublikası Prezidentinin Sərəncamı
- 25 iyunda doğulanlar
- 1940-cı ildə doğulanlar
- Yaşayan insanlar
- Bakıda doğulanlar
- İqtisad elmləri doktorları
- Azərbaycan Dövlət İqtisad Universitetinin məzunları
- Azərbaycan Milli Elmlər Akademiyasının üzvləri
- 1-ci dərəcəli "Vətənə xidmətə görə" ordeni ilə təltif edilənlər
- "Şərəf" ordeni ilə təltif edilənlər
- "Şöhrət" ordeni ilə təltif edilənlər
- SSRİ-nin "Qırmızı əmək bayrağı" ordeni ilə təltif edilənlər
- "Humay" mükafatı laureatları
- Azərbaycan LKGİ mükafatı laureatları
- Əlifba sırasına görə alimlər
- Azərbaycan iqtisadçıları
- AMEA-nın həqiqi üzvləri
- Azərbaycan SSR Ali Sovetinin deputatları
- Azərbaycan Milli Məclisinin III çağırış deputatları
- Azərbaycan Milli Məclisinin IV çağırış deputatları
- Azərbaycan Milli Məclisinin V çağırış deputatları
- Azərbaycan Milli Məclisinin VI çağırış deputatları