Ömər Hilmi Əfəndi

Ömər Hilmi Əfəndi
Şəxsi məlumatlar
Doğum tarixi	2 mart 1886(1886-03-02)
Doğum yeri	Üsküdar, İstanbul vilayəti, Osmanlı imperiyası
Vəfat tarixi	6 aprel 1935(1935-04-06) (49 yaşında)
Vəfat yeri	İsgəndəriyyə, Misir
Atası	V Mehmed
Anası	Mihrəngiz Qadınəfəndi
Həyat yoldaşları	Xədicə Firdevs Gülnev xanım Faiqə xanım Bəxtitər xanım Mədiha xanım
Uşaqları	Əminə Mukbilə Sultan
Ailəsi	Osmanlı xanədanı
Vikianbarda əlaqəli mediafayllar

Ömər Hilmi Əfəndi (2 mart 1886, Üsküdar, İstanbul vilayəti – 6 aprel 1935, İsgəndəriyyə) — 35-ci Osmanlı sultanı V Mehmedin ikinci oğlu, Osmanlı şahzadəsi.

Həyatı

Ömər Hilmi Əfəndi 2 mart 1886-cı ildə Üsküdar sarayında dünyaya gəldi. Atası dövrün Osmanlı sultanı Əbdüləzizin qardaşı Şahzadə Mehmed Rəşad, anası isə ubıx olan Mihrəngiz xanımdır. Uşaqlığını güclü nəzarət altında yaşayan Ömər Hilmi Əfəndi, atasının 1909-cu ildə taxta çıxmasıyla Dolmabağça sarayına köçürüldü. 1909-cu ildə təşkil edilən Anadolu səyahəti boyunca qardaşları Ziyayəddin Əfəndi və Nəcməddin Əfəndiylə birlikdə atasının yanında yer aldı. Yenə 1911-ci ildə atası və qardaşlarıyla birlikdə Rumeliyə səyahət etdi. Qardaşıyla birlikdə Birinci Dünya müharibəsinə qatılmış, atasının vəfatının ardından Dolmabağça sarayından ayrıldı və ailəsiylə birlikdə Nişantaşındakı köşkə köçürüldü.

Türkiyə Cumhuriyyətinin qurulması və Osmanlı ailəsinin sürgün edilişinin ardından 1924-cü ilin mart ayında ölkəni tərk etdi və anası Mihrəngiz xanım, qızı Əminə və oğlu Namiqlə birlikdə əvvəlcə Budapeştə, daha sonra İsveçrəyə, ardından Nitsaya getdi. 38 yaşında sürgünə gedən Ömər Hilmi Əfəndi ömrünün geri qalan 11 ilini Nitsada keçirdi. Bu illər ərzində qızı Əminə Mukbilə Sultanı əmisi V Muradın oğlu Mehmed Səlahəddin Əfəndinin nəvəsi Əli Vasib Əfəndi ilə evləndirdi. Vəfatından qısa müddət öncə ailəsiylə birlikdə İsgəndəriyyəyə gəlmiş, qısa müddət sonra iflic keçirərək vəfat etmişdir. Cənazəsi burada dəfn edilib.

Xanımları, övladları və nəvələri

• Xədicə Firdevs Gülnev xanım (21 fevral 1890 - 31 dekabr 1919) — 3 oktyabr 1910-cu ildə Ulduz sarayında evləndilər. 2 övladı oldu.
  • Əminə Mukbilə Sultan
  • Mahmud Namiq Əfəndi (23 dekabr 1913 - 13 noyabr 1963) — 1939-cu ildə Şəhrazad Ratiblə (1922 - 1993) evləndi ancaq 1947-ci ildə boşandı. Bu evlilikdən 1 oğlu oldu.
    • Ömər Əbdülməcid Namiq (d. 4 iyun 1941) — Beulah Banbury ilə (d. 8 aprel 1943 — ö. mart 2003) evləndi və 1 oğlu oldu.
      • Mahmud Fransis Namiq-Banbury (d. 27 aprel 1975)
• Faiqə xanım
• Bəxtitər xanım (12 oktyabr 1897, İzmir - 1984) — 16 iyun 1914-cü ildə Üsküdar sarayında evləndilər. 1928-ci ildə boşanmışdır. Övladı olmamışdır.
• Mədiha xanım (4 noyabr 1903, İsgəndəriyyə - 1971, Qahirə) — 12 iyul 1921-ci ildə Nişantaşı köşkündə evləndilər. Ancaq elə həmin ilin sonunda boşandılar. Övladı olmamışdır.

Mənbə

• Hugh Montgomery-Massingberd, Burke's Royal Families of the World, Africa & the Middle East, Burke's Peerage, 1980, p. 247.
• Ali Vâsıb, Bir Şehzadenin Hâtırâtı: Vatan ve Menfâda Gördüklerim ve İşittiklerim, Yapı Kredi Kültür Yayınları, 2004, ISBN 978-975-08-0878-4, p. 205