Ümüd Niftəliyev

Ümüd Niftəliyev
Şəxsi məlumatlar
Doğum adı	Ümüd Oruc oğlu Niftəliyev
Doğum tarixi	20 oktyabr 1998
Doğum yeri	Nehrəm, Babək rayonu, Azərbaycan
Vəfat tarixi	16 noyabr 2021 (23 yaşında)
Vəfat yeri	Kəlbəcər rayonu, Azərbaycan
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2017—2021
Rütbə	Leytenant
Döyüşlər	Vətən müharibəsi  • Füzuli döyüşləri  • Cəbrayıl döyüşləri  • Şuşa döyüşləri 16 noyabr hadisələri
Təltifləri

Ümüd Oruc oğlu Niftəliyev (20 oktyabr 1998; Nehrəm, Babək rayonu, Azərbaycan — 16 noyabr 2021; Kəlbəcər rayonu, Azərbaycan) — Azərbaycan Silahlı Qüvvələrinin leytenantı, Vətən müharibəsinin iştirakçısı. 16 noyabr 2021-ci ildə Kəlbəcər rayonu istiqamətində düşmən təxribatının qarşısı alarkən qəhrəmancasına şəhid olmuşdur.

Həyatı

Ümüd Niftəliyev 20 oktyabr 1998-ci ildə Babək rayonunun Nehrəm qəsəbəsində anadan olmuşdur. 2006-2015-ci illərdə Babək rayon Nehrəm qəsəbə tam orta məktəbində təhsil almışdır. 2015-2017-ci illərdə Hərbi Liseydə təhsilini davam etdirmişdir. 2017-ci ildə Heydər Əliyev adına Azərbaycan Ali Hərbi Məktəbinə qəbul olmuşdur. Subay idi.

Hərbi xidməti

Ümüd Niftəliyev 2020-ci ilin sentyabrın 29-da kursantlığının dördüncü ilində hərbi təhsilini dondurmuş və "kiçik leytenant" rütbəsi ilə Vətən müharibəsində iştirak etmişdir.

Azərbaycan Ordusunun kiçik leytenantı olan Ümüd Niftəliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində könüllü zabit olaraq iştirak etmişdir. Füzulinin, Cəbrayılın və Şuşanın azadlığı uğrunda gedən döyüşlərdə vuruşmuşdur. Ayağından qəlpə yarası almışdır.

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Ümüd Niftəliyev "Şuşanın azad olunmasına görə" medalı ilə təltif edildi.

Müharibə dayandırıldıqdan sonra ali təhsilini bitirmiş və Laçın rayonu istiqamətində hərbi vəzifəsinə başlamışdır.

16 noyabr 2021-ci ildə Laçın-Kəlbəcər rayonu istiqamətində Azərbaycan-Ermənistan sərhədində qarşı tərəfin atəşkəs rejimini pozmuşdur. Bu zaman Laçın rayonu istiqamətində xidmət edən Ümüd Niftəliyev keçirilən hərbi əməliyyatlarda vuruşmuşdur və döyüş tapşırığını yerinə yetirərkən şəhid olmuşdur. 18 noyabr 2021-ci ildə torpağa tapşırılmışdır.

2021-ci il noyabrın 16-da Kəlbəcər və Laçın rayonları ərazisindəki Azərbaycan–Ermənistan dövlət sərhədində Ermənistan silahlı qüvvələrinin təxribatlarının və hücumlarının qarşısının alınması, dövlət sərhədinin müdafiəsi və təhlükəsizliyinin təmin edilməsi məqsədilə verilən döyüş tapşırığını uğurla yerinə yetirmiş, öz xidməti vəzifələrini və qarşıya qoyulmuş tapşırıqları yerinə yetirərkən şücaət və fədakarlıq göstərmiş Ümüd Niftəliyev Azərbaycan Prezidenti İlham Əliyevin 27.12.2021-ci il tarixli Sərəncamına əsasən ölümündən sonra 3-cü dərəcəli "Rəşadət" ordeni ilə təltif edildi.

Təltifləri

• (29.12.2020) — "Şuşanın azad olunmasına görə" medalı
• (27.12.2021) — 3-cü dərəcəli "Rəşadət" ordeni (ölümündən sonra)