İbrahim Cəfərov

Vikipediya, azad ensiklopediya
Jump to navigation Jump to search
İbrahim Cəfərov
İbrahim Həsən oğlu Cəfərov
İbrahim Cəfərov.jpg
İbrahim Cəfərov
Doğum tarixi (64 yaş)
Doğum yeri Naxçıvan MR, Şərur rayonu, Düdəngə
Vətəndaşlığı SSRİ SSRİAzərbaycan Azərbaycan
Milliyyəti azərbaycanlı
Atası Həsən Cəfərov
Elmi dərəcəsi Kənd təsərrüfatı elmləri doktoru
Elmi adı Professor
İş yeri ADAU-nun rektoru
Təhsili Azərbaycan Kənd Təsərrüfatı İnstitutu
Mükafatları Vətənə xidmətə görə I, II və III dərəcəli ordeni.png

İbrahim Cəfərov (tam adı: İbrahim Həsən oğlu Cəfərov; 20 yanvar 1956, Şərur rayonu, Naxçıvan MR) — Azərbaycan Dövlət Aqrar Universitetinin rektoru (25 iyul 2013-cü ildən[1]). Kənd təsərrüfatı elmləri doktoru, professor, AMEA-nın müxbir üzvü.[2]

Həyatı[redaktə | əsas redaktə]

İbrahim Cəfərov 20 yanvar 1956-cı ildə Naxçıvan Muxtar Respublikası Şərur rayonu Düdəngə kəndində anadan olub. 1974-1976-cı illərdə keçmiş Sovet Ordusu sıralarında hərbi xidmət keçib.[3]

1979-cu ildə Azərbaycan Kənd Təsərrüfatı İnstitutunda dinləyici, 1980-1985-ci illərdə həmin institutda tələbə olub, "Bitki mühafizəsi" fakültəsini bitirib. 1985-1988-ci illərdə K.A.Timiryazev adına Moskva Kənd Təsərrüfatı Akademiyası "Fitopatologiya" kafedrasının əyani aspirantı olub.[3]

13 fevral 1989-cu ildə SSRİ Nazirlər Soveti yanında Ali Attestasiya Komissiyasının qərarı ilə kənd təsərrüfatı elmləri namizədi elmi dərəcəsi verilib.[3]

1993-cü ildən 2002-ci ilədək Meyvə-tərəvəzçilik və üzümçülük fakültəsinin, sonra isə Aqronomluq və torpaqşünaslıq fakültəsinin dekanı işləyib. 2005-ci ilin iyun ayında doktorluq dissertasiyasını müdafiə edib. Azərbaycan Respublikası Prezidenti yanında Ali Attestasiya Komissiyasının 16 iyun 2006-cı il tarixli qərarı ilə kənd təsərrüfatı elmləri doktoru elmi dərəcəsi verilib.[3]

İbrahim Cəfərov 25 iyul 2013 tarixində Azərbaycan Dövlət Aqrar Universitetinin rektoru təyin olunmuşdur.[1] İbrahim Cəfərov bu təyinatadək ADAU-nun rektor əvəzi, tədris işləri üzrə prorektoru idi.[3]

Fəaliyyəti[redaktə | əsas redaktə]

Digər fəaliyyəti[redaktə | əsas redaktə]

2000-2013-cü illərdə 39, sonra 38 saylı Nizami ikinci (Gəncə) Dairə Seçki Komissiyasının sədri olmuşdur.

Elmi fəaliyyəti[redaktə | əsas redaktə]

3 dərslik, 1 dərs vəsaiti, 100-dən artıq elmi məqalə, 4 metodiki tövsiyə, fənn proqramları və metodik göstərişlərin müəllifidir. Çapdan çıxmış elmi əsərlərinin ümumi sayı 148-dir. Bu əsərlərdən 43-ü xaricdə, 13-ü Beynəlxalq bazalarda referatlaşdırılan və indeksləşdirilən jurnallarda çap edilmişdir. Müəlliflik şəhadətnamələrinin və patentlərin sayı 2-dir.

Elmi əsərlərinin adları[redaktə | əsas redaktə]

  1. Биологические особенности развития милдью винограда в условиях Нахичевани // Известия ТСХА, 1988, вып. 5, с. 125-130
  2. Курчавость листьев персика в Азербайджане / Сучаний стан i перспективи захисту плодово-ягiдних культур i винограду вiд шкiдливих организмiв. Матерiали Всеукраiтськой научново- практичной конф-цii Харкiв, 2001, с.133-137
  3. Патогенная микобиота косточковых плодовых пород Азербайджана и ее особенности // Земляробства i ахова раслiн, 2003, №3, с.36-37
  4. Парша косточковых культур и меры борьбы с нею // Садоводство и виноградарство, 2003, №3, с.10-11
  5. Анализ микобиоты косточковых плодовых культур Азербайджана // Земляробства i ахова раслiн, Минск, 2007, №2 (51), с.30-32
  6. О микобиоте косточковых плодовых культур Азербайджана // Труды института Ботаники национальной академии наук Азербайджана, Баку, “Элм”, 2007, т. XXVII, с.125-131
  7. Tağlı bitkilərin plantasiyalarında fitosanitar vəziyyəti təhlili / Ümummilli Lider Heydər Əliyevin anadan olmasının 91-ci ildönümünə və ADAU-nun 85 illik yubileyinə həsr olunmuş elmi konfransın materialları. Gəncə, №1, 2014, s.6-14
  8. Биологическая эффективность фунгицидов на озимой пщенице // Защита и карантин растений, 2015, с.48-49
  9. Повыщение пролуктивности семечковых плодовых пород в Куба-Хачмазской зоне Азербайджана /«Основы повышения продуктивности агроценозов» материалы международной научно-практической конференции, посвященной памяти известны ученых И.А.Муромцева и А.С.Татаринцева (24-26 ноября 2015 г.), Мичуринск–наукоград РФ, 2015, с.78-82
  10. Morphology, Molecular İdentity, and Pathogenicity of Vertucillium dahliae and V.longisporum Associated with İnternally Discolored Horseradish Roots // Plant disease, volume 100, number 4, 2016, p.749-757

Azərbaycanda, beynəlxalq və xarici ölkələrin elmi qurumlarında üzvlüyü[redaktə | əsas redaktə]

  • 2008-ci ildə Azərbaycan Elmi-Tədqiqat Əkinçilik İnstitunun nəzdində fəaliyyət göstərən FD 04.012 Müdafiə Şurasının həmsədri, və sədr müavinidır.

Təltif və mükafatları[redaktə | əsas redaktə]

Kənd təsərrüfatı işçilərinin təltif edilməsi haqqında Azərbaycan Respublikası Prezidenti İlham Əliyevin 7 noyabr 2016-cı il tarixli Sərəncamı ilə Kənd təsərrüfatının inkişafında xidmətlərinə və dövlət qulluğunda səmərəli fəaliyyətinə görə 3-cü dərəcəli "Vətənə xidmətə görə" ordeni ilə təltif edilmişdir.

İstinadlar[redaktə | əsas redaktə]

  1. 1 2 "İ.H. Cəfərovun Azərbaycan Dövlət Aqrar Universitetinin rektoru təyin edilməsi haqqında" Azərbaycan Respublikası Prezidentinin 25 iyul 2013-cü il tarixli Sərəncamı. president.az  (azərb.)
  2. "Cəfərov İbrahim Həsən oğlu" (azərb.). science.gov.az. 2017. İstifadə tarixi: 2017-03-21.
  3. 1 2 3 4 5 virtualaz.org (31 iyul, 2013). "Dövlət Aqrar Universitetinin yeni rektoru" (azərb.). 15.11.2019 tarixində arxivləşdirilib. İstifadə tarixi: 2019-11-15.

Xarici keçidlər[redaktə | əsas redaktə]