İlham Mirzəyev

Vikipediya, azad ensiklopediya
Jump to navigation Jump to search

İLHAM MİRZƏYEVİN RƏSMİ VİKİPEDİYA SƏHİFƏSİ.

İlham Mirzəyev
İlham Əlikram oğlu Mirzəyev
Ilham Photo wiki 2.png
Doğum tarixi (55 yaş)
Doğum yeri Şirvan
Vətəndaşlığı Azərbaycan Azərbaycan
Elmi dərəcəsi Psixologiya üzrə fəlsəfə doktoru
Elmi adı Aparıcı elmi işçi
İş yerləri AMEA Fəlsəfə və Hüquq İnstitutu
Təhsili
Üzvlüyü

Ilham Mirzəyev — Şair-publisist, tədqiqatçı-psixoloq, Azərbaycan Jurnalistlər İttifaqının üzvü, psixologiya üzrə fəlsəfə doktoru.

Həyatı[redaktə | mənbəni redaktə et]

İlham Əlikram oğlu Mirzəyev 18 iyun 1966-cı ildə Şirvan şəhərində anadan olub. Azərbaycan Dövlət Mədəniyyət və İncəsənət Universitetini bitirib. Daha sonra Azərbaycan Dövlət Teleradio Şirkətində çalışıb.

2000-ci ildən "Space" Müstəqil Teleradio Şirkətində aparıcı kimi fəaliyyət göstərir. Azərbaycan Milli Elmlər Akademiyasının fəlsəfə, Sosialogiya və Hüquq institutunun "dinşünaslıq və mədəniyyətşünaslığın fəlsəfi problemləri" şöbəsinin böyük elmi işçisi, həmin institutunun mətbuat katibi və elmi şuranın üzvü, psixologiya üzrə fəlsəfə doktorudur, dosent, 8 kitab, 3 dərs vəsaiti və 100-dək elmi məqalənin müəllifidir.

Azərbaycan Jurnalistlər İttifaqının üzvü olan İlham Mirzəyev "Vətən", "Qızıl qələm", "Humay", Hacı Zeynalabdin Tağıyev adına yaradıcılıq mükafatını, Milli Elmlər Akademiyasının fəxri fərmanına layiq görülüb.

Elmi fəaliyyəti[redaktə | mənbəni redaktə et]

İlham Mirzəyev yaradıcı insan və peşəkar psixoloq kimi Azərbaycan hüdudlarından kənarda da çox yaxşı tanınır. Tədiqaqtçı-psixoloq kimi həm kəmiyyət, həm də keyfiyyət baxımından yaradıcı fəallığı ilə seçilən İlham Mirzəyevin "Liderlik zirvəsi: siyasətin sosial psixologiyası" adlanan beşinci irihəcmli elmi-praktik monoqrafiyası Türkiyədə İstanbul Kültür Bakanlığının dəstəyi ilə nəfis tərtibatla nəşr edilib. Bu əsərdə ümummilli lider Heydər Əliyevin siyasi irsi, Prezident İlham Əliyevin dövlətçilik, idarəçilik fəaliyyəti, Azərbaycanın birinci xanımı, YUNESKO-nun və İSESKO-nun xoşməramlı səfiri, Heydər Əliyev Fondunun prezidenti Mehriban Əliyevanın ictimai-siyasi fəaliyyəti, sosial tarixi və siyasi-psixoloji yanaşma çərçivəsində sistemli şəkildə təhlil olunur.

Bədii fəaliyyəti[redaktə | mənbəni redaktə et]

İlham Mirzəyevin şeirlərinə bəstələnən mahnılardan ibarət "Mən Tanrıma üz tuturam" adlı audio diski musiqisevərlərə təqdim edilmişdir. Bəstəkarlar Nadir Əzimovla Nailə Mirməmmədlinin bəstələdiyi bu mahnılar Azərbaycanın ən çox tanınan və sevilən görkəmli sənətkarları tərəfindən ifa olunub. İlham Mirzəyevin şeirlərinə yazılan mahnılardan ibarət diskdə Azərbaycan Respublikasının xalq artistləri Mələkxanım Əyyubova, Nazpəri Dostəliyeva, Nisə Qasımova, Bilal Əliyev, Brilliant Dadaşova və digər məşhur sənət adamlarının ifası yer alıb. Audodiskdə toplanan mahnılar Azərbaycanın tərənnümünə həsr olunub.

Kitabları[redaktə | mənbəni redaktə et]

  • XXI əsrin sosial psixologiyası : Şəxsiyyət , cəmiyyət və idarəetmə : dərs vəsaiti. Bakı: Adiloğlu, 2006, 400 s.
  • Posttravmatik stresslərin sosial - psixoloji təhlili. Bakı: Adiloğlu, 2007, 280 s.
  • Социальная психология стресса. Баку : Адильоглы, 2008, 400 с.
  • Müharibənin tərs üzü - psixoloji sarsıntı və həyat itkisi. "Elm və təhsil" nəşriyyatı, Bakı, 2011, 344 s.
  • Ailənin praktik psixologiyası: dərs vəsaiti. "Adiloğlu" nəşriyyatı, Bakı, 2005, 312 s.[1]
  • Liderlik zirvəsi: siyasətin sosial psixologiyası. İstanbul, 2010, 418 s.
  • Ailənin sosial psixologiyası: dərs vəsaiti. "Çaşıoğlu" nəşriyyatı, Bakı, 2011, 640 s
  • İşıq Adamın Nağılı (6 dildə nəşr olunub): Azerbaycan neft sənayesini yaradanlar. Məsləhətçi: Akademik Arif Mehdiyev. Redaktor: Akademik Akif Əlizadə. İlham Mirzəyev, Şərəf Cəlilli. İstanbul, 2012, 261 s

İstinadlar[redaktə | mənbəni redaktə et]

  1. "İlham Mirzəyev". 2014-03-04 tarixində orijinalından arxivləşdirilib. İstifadə tarixi: 2014-04-03.

Xarici keçidlər[redaktə | mənbəni redaktə et]