İlqar Bəylərov

İlqar Bəylərov
İlqar Xıdır oğlu Bəylərov
"İBA GROUP LLC" memarlıq şirkətinin direktoru
Şəxsi məlumatlar
Təhsili	Azərbaycan İnşaat Mühəndisləri institutu
İxtisası	memar
Doğum tarixi	31 iyul 1961
Doğum yeri	Laçın, Azərbaycan SSR, SSRİ
Vətəndaşlığı	SSRİ Azərbaycan
Atası	Xıdır İbrahim oğlu Bəylərov
Anası	Ulduz Uğurlu qızı Əhmədzadə
Təltifləri

İlqar Xıdır oğlu Bəylərov — Azərbaycan Memarlar İttifaqı İdarə Heyətinin katibi, Azərbaycan Respublikasının əməkdar memarı, "IBA GROUP" memarlıq şirkətinin direktoru.

Həyatı

İlqar Xıdır oğlu Bəylərov 31 iyul 1961-ci ildə Laçın şəhərində anadan olmuşdur.

1983-cü ildə Azərbaycan İnşaat Mühəndisləri institutunu bitirmişdir. 1983-1988-ci illərdə Bakı Baş Tikinti İdarəsində, sonra SSRİ Elmlərakademiyasında işləmiş, 1998-2012-ci illərdə "ATTİLA KM" -də director vəzifəsində çalışmışdır. Hal-hazırda "İBA GROUP LLC" memarlıq şirkətinin direktorudur.

İlqar Bəylərovun layihələri əsasında Bakıda "Debüt Bank"ın inzibatı binası, Altes Park, Altes Plaza, Sun City və bir çox başqa hündürmərtəbəli yaşayış evləri, Qazax, Bərdə, Zaqatala, Gəncə, Tovuz, Dəvəçi, Xızı, Daşkəsən, Yevlax, Ağcabədi və b. şəhərlərdə Müalicə-diaqnostika Mərkəzləri və xəstəxanalar, sağlamlıq kompleksləri və reabilitasiya mərkəzləri və s. tikilmişdir.

Memarlıq fəaliyyətində bir sıra Beynəlxalq müsabiqələrin laureatı olmuş İlqar Bəylərov, 2008-ci ildə "Ustad Memar" sertifikatına, 2012-ci ildə Respublikanın Əməkdar memarı fəxri adına layiq görülmüşdür.

1985-ci ildən Azərbaycan Memarlar İttifaqının üzvüdür.

2007-ci ildən Azərbaycan Memarlar İttifaqı İdarə Heyətinin katibidir.

20 dekabr 2017-ci ildə Azərbaycanda memarlığın inkişafında xidmətinə görə, Prezident İlham Əliyevin sərəncamı ilə “Şöhrət” ordeni ilə təltif olunub.

22 fevral 2017 Beynəlxalq Memarlıq Akademiyasının Professoru