İslam Abdullayev

Vikipediya, açıq ensiklopediya
Jump to navigation Jump to search
Picto infobox music.png
İslam Abdullayev
Fotoqrafiya
Sənətçi məlumatları
Tam adı İslam Əbdül oğlu Abdullayev
Doğum tarixi
9 sentyabr 1876(1876-09-09)
Doğum yeri Şuşa, Yelizavetpol quberniyası, Rusiya İmperiyası
Vəfat tarixi 22 sentyabr 1964 (88 yaşında)
Vəfat yeri Bakı, Azərbaycan SSR, SSRİ
Vətəndaşlığı Flag of the Russian Empire (black-yellow-white).svg Rusiya İmperiyası
Flag of Azerbaijan 1918.svg AXC
Flag of the Soviet Union.svg SSRİ
Peşəsi Xanəndə

ÜslubMuğam
LəqəbiSegah İslam
Mükafatları"Azərbaycan SSR əməkdar artisti" fəxri adı — 1949
VikiAnbarda Commons-logo.svg əlaqəli mediafayllar

Abdullayev İslam Əbdül oğlu (9 sentyabr 1876 – 22 sentyabr 1964) — xanəndə, Azərbaycan SSR əməkdar artisti (1949).

Həyatı[redaktə | əsas redaktə]

Abdullayev İslam Əbdül oğlu 9 sentyabr 1876-cı ildə Şuşa şəhərində anadan olmuşdur. Qarabağ muğam məktəbinin görkəmli nümayəndələrindən biridir. Azərbaycanın musiqi tarixində İslam Abdullayev “Segah” muğamının təkrarsız ifaçısı kimi tanınmışdır.

“Segah” muğamını və onun bütün variantlarını –“Zabul-Segah”, “Mirzə Hüseyn segahı”, “Orta Segah”,” Xaric Segah” muğamlarının xüsusi bir şövq və məharətlə oxuduğuna görə xalq tərəfindən “Segah İslam” adlandırılmışdır. İsalm Abdullayev Şuşa şəhər məkətbində təhsil almışdır.

Musiqişünas alim Mir Möhsün Nəvvabdan, xanəndə Hacı Hüsüdən və Qarabağın bir çox məşhur xanəndələrindən muğamları öyrənmiş, xanəndəlik sənətinə yiyələnmiş və tarzən Mirzə Sadıq Əsəd oğlunun müşaiətilə çıxış etməyə başlamışdır. İsalm Abdullayev gözəl və təsirli səsi, bənzərsiz ifaçılıq qabiliyyəti sayəsində Azərbaycanda və onun hüdudlarından kənarda da məşhurlaşmışdır.

1910-1915 ci illərdə “Sport-Rekord” və “Ekstrafon” səsyazma şirkətləri tərəfindən İslam Abdullayevin ifasında “Segah”, “Bayatı-Qacar”, “Şahnaz”, “Şüştər” muğamları və bir sıra təsniflər qrammafon vallarına yazılmışdır.

İslam Abdullayev gözəl pedoqoq olmuşdur. Xan Şuşinski, Yaqub Məmmədov, Sahib Şükürov kimi xanəndələrin yetişməsində böyük rol oynamışdı. Ömrünün sonuna yaxın Ağdama köçmüş, burada musiqi məktəbində muğamdan dərs demiş, bir çox xanəndələrin ustadı olmuşdur.

İslam Abdullayev Mir Möhsün Nəvvabın tələbəsi olmuşdur. "Segah", "Bayatı-kürd", "Bayatı-qaçar" və s. muğamları ifa etmişdir. Şuşada musiqi məktəbinin direktoru işləmişdir. Gəncədə xalq çalğı alətləri orkestri təşkil etmiş, Ağdam şəhərində muğamatdan dərs demişdir.

Mənbə[redaktə | əsas redaktə]

Həmçinin bax[redaktə | əsas redaktə]