Əbu Səid (Qaraqoyunlu)

Vikipediya, azad ensiklopediya
Naviqasiyaya keçin Axtarışa keçin
Əbu Səid
Əbu Səid Busat
bayraq
Qaraqoyunlu dövlətinin III Sultanı
bayraq2
1429 – 1431
ƏvvəlkiQara İsgəndər
SonrakıQara İsgəndər
Şəxsi məlumatlar
Doğum tarixi XIV əsr
Vəfat tarixi
Milliyyəti Azərbaycan türkü
Atası Qara Yusif
Dini İslam, Şiə

Əbu Səid (əski əlifba ilə:ابوسعید) — qısa müddətli Qaraqoyunlu dövlətinin hökmdarı olmuşdur. Bundan əvvəl isə Ərzincan hakimi idi.[1]

O, Qara Yusifin beşinci oğlu idi. Qardaşları Pirbudaq, İsgəndər xan, Cahanşah, Şahməhəmməd və İspənd idi.

Həyatı[redaktə | mənbəni redaktə et]

Qara Yusifin oğlu Əbu Səid 1429-cu ildə Teymuri Şahruxun köməyi ilə Qaraqoyunlu dövlətinin hökmdarı olmuşdur. Atası Qara Yusifin dövründə o, Ərzincan hakimi olmuşdur. Qara Yusifin ölümündən sonra o, qardaşları İsgəndər və İspəndlə hakimiyyət uğrunda mübarizəyə başladı. Lakin bu mübarizədə məğlub olaraq Xorasana Teymuri Şahruxun yanına qaçdı. 1429-cu ilin 18 sentyabrında Qaraqoyunlularla Teymurilər arasında baş vermiş Salmas döyüşündə də Şahrux tərəfindən iştirak edən Əbu Səid sonda teymurilər tərəfindən qaraqoyunluların hökmdarı elan edilmişdir. Lakin o, 1430-cu ildə (və ya 1431) Şahruxun Xorasana getməsindən qısa müddət sonra qardaşı Qara İsgəndər tərəfindən öldürülmüşdür.[2]

İstinadlar[redaktə | mənbəni redaktə et]

  1. Muḥaddis̲, 1982. səh. 16
  2. Minorsky, 1955. səh. 50–73

Mənbə[redaktə | mənbəni redaktə et]

  • Mīr Hāshim Muḥaddis̲. Tārīkh-i Qizilbāshān. Tehrān: Bihnām.
  • Vladimir Minorsky. The Qara-qoyunlu and the Qutb-shāhs (Turkmenica, 10). Bulletin of the School of Oriental and African Studies, University of London. Cambridge University Press 17 (1). 1955. 50–73.