Əli Hüseynov (rəssam)

Vikipediya, açıq ensiklopediya
Jump to navigation Jump to search
Əli Hüseynov
azərb. Hüseynov Əli İmaməli oğlu
Əli Hüseynov (rəssam).jpg
İlk adı Əli
Doğum tarixi 10 dekabr 1960 (1960-12-10) (58 yaş)
Doğum yeri Yeni Daşkənd, Bərdə rayonu, SSRİ SSRİAzərbaycan Azərbaycan
Milliyyəti Qara Hüseynli
Vətəndaşlığı SSRİ SSRİAzərbaycan Azərbaycan
Fəaliyyəti rəssam
Təhsili Azərbaycan Dövlət Rəssamlıq Akademiyası
Janrı Rəssamlıq

Əli İmaməli oğlu Hüseynov (d. 10 dekabr 1960, Yeni Daşkənd, Bərdə rayonu, Azərbaycan SSR, SSRİ) — azərbaycanlı rəssam, dizayner.

Əli Hüseynovun təbiət əsəri

Həyatı[redaktə | əsas redaktə]

Hüseynov Əli İmaməli oğlu 10 dekabr 1960-cı ildə[1] Bərdə rayonunun Yeni Daşkənd kəndində anadan olmuşdur[2].

1978-ci ildə Bakı Rəssamlıq Məktəbinin tərtibatçı rəssam fakültəsinə qəbul olmuşdur. 1979-cu ildə Azərbaycan Televiziyasında gənc rəssam kimi Leninə aid əsərlərlə çıxış etmişdir.

1980-1982-ci illərdə Estoniyanın Tapa şəhərindəki 12540 saylı hərbi hissədə xidmət etmişdir. Xidmət zamanı 1981-ci ildə Tallin şəhərində 40 ədəd rəsmlə şəxsi sərgisi açılmışdır. Həmin vaxt "rus. Za Rodina" qəzeti haqqında məqalə yazmış, diplom və təşəkkürnamə ilə təltif olunmuşdur.

1983-1985-ci illərdə Bərdə şəhər Mədəniyyət Evində rəssam, Maarif Evində dərnək müəllimi və “Yeni həyat” kolxozunda rəssam işləmişdir.

1986-cı ildə Azərbaycan Dövlət Rəssamlıq Akademiyasının rəngkarlıq fakültəsinə qəbul olmuşdur. 1987-ci ildə Azərbaycan Televiziyasında “Palitra” incəsənət verilişində əsərləri ilə çıxış etmiş və həmin ildə “Novruz” adlı sərgisi açılmışdır. Sonralar o, Bakı şəhərində və SSRİ-nin bir çox respublikalarında açılan sərgilərdə iştirak etmişdir. Bir çox sərgi katoloqlarına onun əsərləri düşmüşdür. Zaman-zaman Rəssamlıq Yaradıcılıq Kombinatında təkliflərlə əsərlər işləmişdir.

1992-ci ildə Azərbaycan Dövlət Rəssamlıq Akademiyasını bitirib. Onun diplom işi 20 Yanvar hadisələrinə aiddir. Əli Hüseynovun həmin əsərlərindən nümunələr bu gün də Akademiyanın foyesində asılmaqdadır.

Azərbaycan müstəqillik qazanadan sonra o, müstəqil rəssam kimi fəaliyyət göstərmişdir. Azərbaycana gələn turistlərə çox şəkillər satmışdır. Nizami (“Torqovı”) küçəsindəki rəsm əsərləri satış yerində daim Əli Hüseynovun əl işlərinə rast gəlmək olar.

2007-ci ildə Qazaxıstana dəvət alan rəssam burada sənət əsərləri ilə bir çox uğurlar qazanıb.

Əli Hüseynovun QazaxıstanınAzərbaycanın tarixinə, dünəninə, bu gününə aid "İki dövlət bir ürəkdə" adlı rəsm əsəri

12 dekabr 2012-ci ildə QazaxıstanınAzərbaycanın tarixinə, dünəninə, bu gününə aid "İki dövlət bir ürəkdə" adlı rəsm əsərləri ilə şəxsi sərgisi açılıb[3]. Petropavlovsk və Kustanay vilayətlərində düzənlənən hər iki sərgi geniş şəkildə televiziya vasitəsilə yayımlanmış, nüfuzlu qəzet və jurnallarda haqqında yazılar dərc olunmuşdur. 2013-cü ildə Astana şəhərində şəxsi sərgisinin açılması planlaşdırılır.

Ailəsi[redaktə | əsas redaktə]

Əli Hüseynov 1987-ci ildə ailə qurub, bir oğlu, iki qızı var. Xırdalan şəhərində yaşayırlar.

İstinadlar[redaktə | əsas redaktə]

Xarici keçidlər[redaktə | əsas redaktə]