Əli və Nino (film, 2015)

Vikipediya, açıq ensiklopediya
Jump to navigation Jump to search
Əli və Nino
Ali and Nino
Əli və Nino film afişası.jpg
Janr Dram filmi
Rejissor Asif Kapadia
Prodüser Kris Tiker
Leyla Əliyeva[1]
Əsərin müəllifi Qurban Səidin Əli və Nino romanı əsasında
Ssenari müəllifi Kristofer Hempton
Baş rollarda Mariya Valverde
Adam Bakri
Numan Akar
Operator
  • Gökhan Tiryaki[d]
Bəstəkar
  • Dario Marianelli[d]
Rəssam Quruluşçu rəssam:Karlos Konti
Geyim üzrə rəssam: Mişel Klapton
İstehsalçı PeaPie Films
IM Global
Celtic Films
İlk baxış tarixi 27 yanvar 2016[2], Sandens Film Festivalı, Flag of the United States.svg ABŞ
Vaxt 104 dəqiqə
Büdcə $20 000 000[3]
Ölkə Flag of the United Kingdom.svg Böyük Britaniya
Flag of Azerbaijan.svg Azərbaycan
Dil ingilis dili
rus dili
Azərbaycan dili
İl 2015

Əli və Nino (ing. Ali and Nino) - Qurban Səidin ilk dəfə 1937-ci ildə nəşr edilmiş eyni adlı romanı əsasında romantik dram janrında, Kristofer Hemptonun[4] ssenari müəllifliyi, Asif Kapadianın[5] rejissorluğu ilə çəkilən bədii filmdir. Əsas çəkilişləri AzərbaycanTürkiyədə aparılan[6] filmdə baş rolları Mariya Valverde[7] və Adam Bakri [8] canlandıracaqlar.

Məzmunu[redaktə | əsas redaktə]

Əsas məqalə: Əli və Nino

Müsəlman Əli ilə xristian Ninonun sevgi hekayəsi 1917-18-ci illərdə Bakıda bolşevik işğalı ərəfəsində baş verir. Şərq dəyərlərinə dayanan fikirlərə sahib olan Əli Xan Şirvanşir və qərb mədəniyyətinin daşıyıcısı Nino Kipiani məktəb illərində bir-birlərinə aşiq olurlar. Birinci Dünya Müharibəsi və Rusiya inqilabı davam etdiyi vaxtda, Azərbaycanın müstəqillik mübarizəsində olduğu xaotik bir mühitdə Əli şərq mədəniyyətindən gələn fikirləri və Ninoya olan məhəbbəti arasında seçim etmək məcburiyyətində qalır. Ninonun atası da əvvəlcə fikir ayrılığında olsa da, daha sonra erməni əsilli dostunun məsələyə müdaxilə etməsindən sonra evlilik haqqındakı fikirləri dəyişir.

Hadisələr haqqında danışılan erməninin Ninonu qaçırmasından sonra dramatikləşir. Əli xan dinin qaydalarına uyğun olaraq ermənini öldürür və intiqamdan çəkinərək Bakıdan qaçmaq məcburiyyətində qalır. Aylar sonra Əli xanı yoxsulluq içində tapan Nino onunla evlənir. Rusiya inqilabı və türklərin Bakını azad etmək məqsədi ilə Azərbaycana yürüyüşlərini diqqətlə izləyən Əli rusların Bakını yenidən ələ keçirməsindən sonra Nino ilə birlikdə İrana gedirlər. Nino İranda özünü ev həbsi şəraitində hiss edir və xoşbəxt görmür. Azərbaycanda şərqdəki ilk demokratik cümhuriyyətin qurulmasından sonra Əli xan yenidən Bakıya qayıdır və yeni respublikanın mədəni və ictimai həyatında aktiv şəkildə yer alır. Sonralar Əli xana Fransada Azərbaycan səfiri olmaq təklifi gəlsə də, Ninonun İranda keçirdiyi hisslərlə qarşılaşmamaq üçün qəbul etmir. Əli xan Şirvanşirin qısa həyatı 1920-ci ildə rusların Azərbaycana hücumu ilə sona çatır. Nino isə yeni anadan olan uşağı ilə birlikdə Gürcüstana qaçır.

Rollarda[redaktə | əsas redaktə]

İstehsal[redaktə | əsas redaktə]

İnkişaf[redaktə | əsas redaktə]

1998-ci ildə Amsterdamın "Egmond" Film və Televiziya şirkətindən Hans de Veers "Əli və Nino" romanının ekranlaşdırılması üçün Amerika tərəfdaşları axtarmağa başlamışdı. Filmin ingilis dilində çəkilməsi, ssenarinin isə Oskar mükafatlı Azərbaycan yazıçısı Rüstəm İbrahimbəyov tərəfindən yazılması nəzərdə tutulmuşdu. De Veers açıqlamasında "$8 olması nəzərdə tutulmuş büdcənin 30%-nin Niderland və Azərbaycandan əldə edildiyi"ni bildirmişdi. [9]

2004-cü ildə holland şirkəti "Zeppers Film & TV" və "NPS" holland rejissoru Yos de Putterin çəkdiyi "Alias Kurban Said" adlı sənədli filmi təqdim etmişdir. Filmdə əsasən romanın müəllifliyi ilə bağlı məsələlər araşdırılır.[10] "Variety" jurnalında bu film "köhnə fotolar, saralmış sənədlər və video kadrların istifadəsi ilə hazırlanmış möhtəşəm tarixi detektiv"[11] adlandırılır. Filmdə Abraham Nussinbaumun 1913-cü ildə Nobel qardaşlarına satılmış neft quyularının sahibi olduğu sənədlərlə sübuta yetirilir. Film Tribeka Film Festivalı, Rotterdam Beynəlxalq Film Festivalı və 2005-ci il Niderland Film Festivalının rəsmi baxış siyahına salınmışdır. Niderland Film Festivalında film, "Ən Yaxşı Film Musiqisi" nominasiyasında mükafata layiq görülmüşdür.[12]

2007-ci ildə "Əli və Nino" Bakı Bələdiyyə Teatrı tərəfindən səhnələşdirilmişdir. 2012-ci ildə teatr tamaşanı Moskva Beynəlxalq Teatr Festivalında göstərmişdir. [13] 2010-cu ildə Gürcüstan rejissoru Giorgi Toradzenin "Əli v Nino" romanının "yaradılması" haqqında sənədli film çəkməyi planlaşdırması haqqında məlumat verilmişdi. Məlumatda bildirilir ki, layih prodüsser Giorgi Sturua tərəfindən Azərbaycan Respublikası Mədəniyyət və Turizm Nazirliyinə təqdim edilmişdi.[14]

2012-ci ilin aprelində Paris-Sarbonna Universitetinin Rişelye amfiteatrında roman əsasında hazırlanmış "Əli və Ninonun ayaq izləri" adlı myuzikl təqdim edilmişdir. Layihənin yaradıcı və icraçısı Azərbaycanlı pianist Səidə Zülfüqarova olmuşdur. Onun tamaşa üçün yazdığı musiqidə Azərbaycan və Gürcüstanın xalq musiqilərindən, həmçinin Azər Rzayev, Üzeyir Hacıbəyov, Vaqif Mustafazadə, Fritz Kreisler və Qara Qarayevin musiqilərindən istifadə olunmuşdur. Tamaşanın rejissoru isə Şarlotta Loriot olmuşdur.[15][16]

Çəkilişlər[redaktə | əsas redaktə]

Çıxarılması[redaktə | əsas redaktə]

27-31 yanvar 2016-cı il tarixlərində film 31-ci Sundance Beynəlxalq Film Festivalı çərçivəsində təqdim edilib. [17]

Marketinq[redaktə | əsas redaktə]

9 aprel 2015-ci ildə filmdən ilk kadr yayımlanmışdır.[18]

Qəbulu[redaktə | əsas redaktə]

Tənqidçilərin mövqeyi[redaktə | əsas redaktə]

"theyoungfolks.com"-dan Coş Kabrita qeyd edir ki, "Qeyri-düzgün stimulyasiyası, montaj işi və vizual işi ilə, film "Əli və Nino" kimi temetik potensialı məhv edir. "Əli və Nino" film yox, bir-biri ilə əlaqəsi olmayan səhnələri xatırladır. Belə təəssürat yaranır ki, sanki hansısa film üçün hazırlanmış 90 dəqiqəlik treyleri izləyirsən."[19]

İstinadlar[redaktə | əsas redaktə]

  1. Adam Bakri joins Asif Kapadia's Ali and Nino, screendaily.com, 19 May, 2014, İstifadə tarixi: 02.02.2015
  2. ARB Kəpəz. "Əli və Nino - İşgüzar" (azərb.). Youtube.com (13.11.2016).
  3. «Əli və Nino» Internet Movie Database saytında.
  4. Christopher Hampton to adapt ‘Ali and Nino’ Christopher Hampton to adapt ‘Ali and Nino’, Diana Lodderhose, Variety, 9 yanvar 2012, İstifadə: 02.02.2015
  5. U.K. Director Asif Kapadia to Helm 'Ali and Nino' From PeaPie Films, Patrick Brzeski, The Hollywood Reporter, 5/19/2013, İstifadə: 02.02.2015
  6. Maria Valverde Joins ‘Ali & Nino'; Principal Photography To Begin In February, Ali Jaafar, deadline.com, January 8, 2015, İstifadə:02.02.2015
  7. Maria Valverde to star in 'Ali & Nino', http://news.yahoo.com, January 9, 2015, İstifadə: 02.02.2015
  8. История любви Али и Нино вскоре появится на больших экранах, Елена Остапенко, 1news.az, 27.08.2014, İstifadə:02.02.2015
  9. Sharon Swart, "Umbrella stand helps Euros foot market bill," Variety, February 23-March 1, 1998, p. A3.
  10. "Alias Kurban Saïd".
  11. Ronnie Scheib, "Alias Kurban Said" [film review], Variety, June 28-July 11, 2004.
  12. Alias Kurban Saïd, fandor.com, İstifadə: 3 fevral 2015
  13. "Today.Az - 'Ali and Nino' play to join int'l festival".
  14. "News.Az - Georgian director hopes to make documentary on Ali and Nino novel".
  15. "Ali and Nino musical to premiere in France". News.az. April 4, 2012. http://www.news.az/articles/culture/57512.
  16. (April 2012) "Saida Zulfugarova – an Azerbaijani in Paris" Nəşr edən: The European Azerbaijan Magazine (PDF): 8–10.
  17. “Əli və Nino” filmi yanvarın 27-də ABŞ-da nümayiş olunacaq, trend.az, İstifadə tarixi: 25 yanvar 2016
  18. Əli və Ninonun ilk birgə fotosu, Xınalıq sərgüzəştləri, Bakı döyüşü, Günay Abbasova, buro247.az, 9 aprel 2015, İstifadə:9 aprel 2015
  19. Josh Cabrita - Sundance continues uphill climb to nowhere with ‘The Free World,’ ‘Wild’ and ‘Ali and Nino’, theyoungfolks.com, January 24, 2016, İstifadə tarixi: 25 yanvar 2016

Mənbə[redaktə | əsas redaktə]

  • Məhərrəmova, T. "Əli və Nino" ekrana vəsiqə alacaq: [Hollivudda eyni adlı əsərin ekranlaşdırılması haqqında kinoşünas Aydın Kazımzadənin fikirləri] //Kaspi.- 2012.- 12 yanvar.- S.12.

Həmçinin bax[redaktə | əsas redaktə]

Əli və Nino
Qurban Səid
Əli və Nino (film, 2016)
Azərbaycan filmlərinin siyahısı
Böyük Britaniya filmlərinin siyahısı

Xarici keçid[redaktə | əsas redaktə]

Filmi izlə (azərbaycan dilində)
“Əli və Nino” təqdim olundu
Gəncədə "Əli və Nino" filminin pulsuz təqdimatı keçirilib
В Вашингтоне прошла презентация фильма "Али и Нино"
Sofiyada “Əli və Nino” filmi nümayiş olunub

Vikimənbədə Əli və Nino (film, 2015) ilə əlaqəli məlumatlar var.