Əminağa Sadıqov
| Əminağa Sadıqov | |
|---|---|
| Əminağa Sadıqov Bəhmən oğlu | |
 | |
| Doğum tarixi | |
| Doğum yeri | Lerik, Azərbaycan SSR, SSRİ |
| Vətəndaşlığı |
 SSRİ Azərbaycan |
| Milliyyəti | azərbaycanlı |
| Elm sahəsi | Tətbiqi-riyaziyyat, kompüter elmləri |
| Elmi dərəcəsi | texnika elmlər doktoru |
| Elmi adı | AMEA-nın müxbir üzvü, professor |
| İş yeri | Azərbaycan Milli Elmlər Akademiyası |
| Mükafatları |
 |
Əminağa Bəhmən oğlu Sadıqov — Azərbaycan Milli Elmlər Akademiyasının İdarəetmə Sistemləri İnstitutunun direktoru. [1]
Azərbaycan Milli Elmlər Akademiyasının müxbir üzvü, texnika elmləri doktoru, professor. [2]
Həyatı[redaktə | əsas redaktə]
Əminağa Sadıqov 18 dekabr 1962-ci ildə Lerikdə anadan olmuşdur. 1980-ci ildə Bakı şəhərində 1 saylı respublika fizika-riyaziyyat təmayüllü orta məktəbi bitirərək Dnepropetrovsk Dövlət Universitetinin Tətbiqi-riyaziyyat fakültəsinə qəbul olunmuş, 1985-ci ildə adı çəkilən Universiteti bitirmişdir. 1992-ci ildə həmin Universitetdə fizika-riyaziyyat elmləri namizədi alimlik dərəcəsini almışdır. 2013-cü ildə Azərbaycan Milli Elmlər Akademiyasının İdarəetmə Sistemləri İnstitutunda “Fövqəladə hallarda idarəetmə məsələlərinin həlli üçün riyazi modellər və informasiya texnologiyaları” mövzusunda doktorluq dissertasiyasını müdafiə etmiş və texnika elmləri doktoru alimlik dərəcəsini almışdır. 2010-cu ildə dosent, 2016-cı ildə professor elmi adını almışdır. 2 may 2017-ci ildə "Kompüter elmləri" ixtisası üzrə Azərbaycan Milli Elmlər Akademiyasının müxbir üzvü seçilib. 1 may 2019-cu ildə Azərbaycan Milli Elmlər Akademiyasının akademik-katibi seçilmişdir. 11 dekabr 2020-ci ildə AMEA-nın İdarəetmə Sistemləri İnstitutunun direktoru təyin edilmişdir.
Ana dilindən başqa ingilis, rus, ukrain və türk dillərini bilir. Evlidir, 1 qızı və 2 oğlu var. Böyük oğlu təhsildəki yüksək nailiyyətlərinə görə Azərbaycan Respublikası Prezidentinin təqaüdünə layiq görülmüşdür.
Əmək və elmi fəaliyyəti[redaktə | əsas redaktə]
Əmək fəaliyyətinə 1985-ci ildə AMEA-nın Riyaziyyat və Mexanika İnstitutunda kiçik elmi işçi kimi başlamışdır. 1988-ci ildən AMEA-nın Rəyasət Heyətində elmi katib, baş mütəxəssis, 1998-ci ildən AMEA Rəyasət Heyəti Elmi-Təşkilat Şöbəsinin rəisi, 2013-cü ildən isə AMEA Rəyasət Heyəti Elmi-Təşkilat İdarəsinin rəisi, 2015-ci ildən AMEA Rəyasət Heyəti aparatının Elm və Təhsil Baş İdarəsinin rəisi vəzifələrində işləmişdir. 1 may 2019-cu ildə Azərbaycan Milli Elmlər Akademiyasının akademik-katibi seçilmişdir. 11 dekabr 2020-ci ildə AMEA-nın İdarəetmə Sistemləri İnstitutunun Direktor vəzifəsini icra edən təyin edilmişdir. Müxtəlif illərdə Azərbaycanın aparıcı universitetlərdə pedaqoji fəaliyyət göstərmişdir. Hazırda Əqli Mülkiyyət və İnnovasiya İctimai Birliyinin sədri, Azərbaycan Respublikası Elmi Tədqiqatların Əlaqələndirilməsi Şurasının məsul katibi, AMEA-nın İdarəetmə Sistemləri İnstitutunda və Azərbaycan Respublikasının Prezidenti yanında Dövlət İdarəçilik Akademiyasınında fəaliyyət göstərən dissertasiya şuralarının üzvü, Milli Məclisin Elm və Təhsil Komitəsinin işçi qrupunun üzvü, Ümumdünya Əqli Mülkiyyət Təşkilatının eksperti, Amerika Mülki Araşdırmalar Fondunun eksperti, Beynəlxalq Elmlər Akademiyaları Assosiasiyasının İntellektual mülkiyyətin qorunması və texnologiyaların ötürülməsi üzrə Məsləhət Şurasının və Elmşünaslıq üzrə Elmi Şurasının üzvü, Qara Dəniz İqtisadi Əməkdaşlıq Təşkilatının elm və texnologiyalar üzrə işçi qrupunun üzvüdür.
Əminağa Sadıqov dünyanın 40-a yaxın ölkəsində, o cümlədən Amerika Birləşmiş Ştatlarında, Kanadada, İsraildə, Almaniyada, Fransada, Rusiyada, Ukraynada, İtaliyada, İspaniyada, İsveçdə, Malayziyada və s. keçirilmiş 60-dan çox nüfuzlu beynəlxalq tədbirdə Azərbaycan Respublikasını və Azərbaycan Milli Elmlər Akademiyasını təmsil etmişdir.
Əminağa Sadıqov 123 elmi əsərin, o cümlədən 3 elmi monoqrafiyanın, 3 kitabın, habelə 2 patentin və 2 ixtiranın müəllifidir. Onun elmi rəhbərliyi ilə 2 elmlər doktoru, 4 fəlsəfə doktoru dissertasiyası müdafiə olunmuşdur. Hazırda elmlər doktoru pilləsi üzrə 3 doktorantın elmi məsləhətçisi, fəlsəfə doktoru pilləsi üzrə 5 doktorantın elmi rəhbəridir.
Mükafatları[redaktə | əsas redaktə]
Əminağa Sadıqov Azərbaycan Respublikası Prezidentinin 14 dekabr 2005-ci il tarixli sərəncamı ilə Azərbaycan elminin inkişafındakı xidmətlərinə görə Azərbaycan Respublikasının “Tərəqqi” medalı ilə təltif olunmuşdur.[3] Səmərəli elmi və elmi-təşkilati fəaliyyətinə görə 3 dəfə AMEA-nın Fəxri Fərmanı, habelə Beynəlxalq Reytinq Akademiyasının qızıl medalı ilə təltif olunmuşdur.