Ərtoğrul Osman Əfəndi

Vikipediya, azad ensiklopediya
Jump to navigation Jump to search
Ərtoğrul Osman Əfəndi
إرتورل عثمان عثمان أفندي
Osmanlı sülaləsinin 8-ci rəisi
12 mart 1994 — 26 sentyabr 2009
Sələfi Mehmed Orxan Əfəndi
Xələfi Osman Bəyazid Əfəndi
Şəxsi məlumatlar
Doğum tarixi 31 avqust 1912(1912-08-31)
Doğum yeri Nişantaşı, İstanbul, Osmanlı imperiyası
Vəfat tarixi 26 sentyabr 2009(2009-09-26) (97 yaşında)
Vəfat yeri
Vəfat səbəbi böyrək çatışmazlığı[d]
Dəfn yeri Sultan Mahmud türbəsi
Atası Mehmed Burhanəddin Əfəndi
Anası Aliyə Mələk Nazlıyar xanım
Həyat yoldaşları Gülda Tverski
Zeynəb Tərzi

Ərtoğrul Osman Əfəndi (18 avqust 1912(1912-08-18), Konstantinopol, Osmanlı İmperiyası23 sentyabr 2009(2009-09-23)[1], İstanbul) — Osmanlı sülaləsinin səkkizinci rəisiOsmanlı sülaləsinin hakimiyyətdə olduğu dövrdə dünyaya gələn sonuncu şahzadəsi.[2]

Həyatı[redaktə | əsas redaktə]

Şahzadə Ərtoğrul Osman Əfəndi 1912-ci ildə Nişantaşında dünyaya gəlmişdir. Atası Sultan Əbdülhəmidin dördüncü oğlu Mehmed Burhanəddin Əfəndi, anası isə onun ikinci xanımı Aliyə Mələk Nazlıyar xanım idi. 1924-cü ildə Osmanlı sülaləsinin sürgün edilməsi haqqında qanun çıxan əsnada 12 yaşlı Osman Əfəndi Vyanada təhsil alırdı. Bu səbəblə sürgünə vətənindən yox, Vyanadan getdi.

1933-cü ilə qədər Avropanın bir çox ölkələrində yaşasa da, sonralar ABŞ-a köçdü və 1945-ci ildə Nyu-Yorkda daimi məskunlaşdı. Osmanlı türkcəsi ilə yanaşı, ingilis, italyan, ispan, almanfransız dillərini də bilirdi. 1952-ci ildə Kanadada mədən sənayesi ilə məşğul olan bir firma qurdu. Bu səbəblə ailənin digər üzvləri kimi maddi çətinliklər çəkmədi.

1952-ci ildə Osmanlı sülaləsinin kişi mənsublarına çıxarılan əfv qanunundan sonra ölkəyə qayıtmadı. 1992-ci ildə Türkiyə Cümhuriyyəti tərəfindən İstanbula dəvət edildi. 2 il sonra isə əmisi oğlu Orxan Əfəndinin vəfatı ilə Osmanlı sülaləsinin ailə rəisi oldu.

2004-cü ildə rəsmi olaraq Türkiyə Cümhuriyyəti vətəndaşlığını alan Osman Əfəndi 2009-cu ildə uzun müddətdir ki, əziyyət çəkdiyi böyrək çatışmazlığından vəfat etdi. Cənazə namazı Sultan Əhməd məscidində qılındı və Sultan Mahmud türbəsində dəfn olundu.

Ailəsi[redaktə | əsas redaktə]

İlk evliliyi 20 yanvar 1947-ci ildə Gülda Tverski ilə (d. 20 mart 1915 - ö. 16 sentyabr 1985) baş tutdu. İkinci evliliyi isə 27 sentyabr 1991-ci ildə keçmiş Əfqanıstan kralı Əmənulla xanın qohumu Zeynəb Tərzi ilə (d. 16 dekabr 1940) baş tutdu. Övladı olmamışdır.

İstinadlar[redaktə | əsas redaktə]