Yeddi samuray

Yeddi samuray
yap. 七人の侍
Janr	dram filmi, Epik film, döyüş filmi, tarixi dram, macəra filmi
Əsas mövzu	Samuray, spirtli içki intoksikasiyası[d], Əsir, Qılıncoynatma, Banditizm
Rejissor	Akira Kurosava
Prodüser	Sociro Motoki[d]
Ssenari müəllifləri	Akira Kurosava Sinobu Hasimoto[d] Hideo Oquni[d]
Baş rollarda	Tosiro Mifune Tatsuya Nakaday
Operator	Asakadzu Nakai[d]
Montajçı	Akira Kurosava
İstehsalçı	Toho[d]
Distribütor	Columbia Pictures, Netflix
İlk baxış tarixi	26 aprel 1954, 19 noyabr 1956, 20 sentyabr 1965, avqust 1954, 1954
Müddət	207 dəq.
Büdcə	210.000.000 ¥
Gəlir	268.230.000 ¥
Ölkə	Yaponiya
Dil	yapon dili
Rəng	ağ-qara[d]
Çəkiliş yeri	Yaponiya
IMDb	ID0047478
Vikianbarda əlaqəli mediafayllar

"Yeddi samuray" (yap. 七人の侍) — rejissor Akira Kurosavanın fəlsəfi-dram filmi.

Məzmun

Yaponiya, XVI əsrin ikinci yarısı. Bir kəndin sakinləri xəbər tuturlar ki, onların kəndinə köçəri tayfa hücum etmək və arpa ehtiyatlarını götürmək istəyirlər. Onlar 3 kəndlini kəndi qorumaq üçün yalnız yeməyə razı olan samuray tapmağa şəhərə göndərirlər. Çünki kəndlilərin onların haqqını başqa cür ödəməyə imkanıları yox idi. Elçilər təcrübəli döyüşçü Kambey Simadanın oğrunu necə cəzalandırdığının şahidi olurlar. Kəndlilər bu iş haqqında ona danışırlar və Kambey onlara kömək etməyə razılaşır.

Tezliklə Kambey özünə roninlərdən çox da böyük olmayan dəstə düzəldir. Onların arasında eləcə də Kambeyin şagirdi olmaq istəyən gənc samuray Kasusiro Okamoto və özünü samuray kimi qələmə verən, əslində isə sadəcə avara olan Kikutiyo də var.

Dəstə kəndə yollanır. Kəndlilərin həyatını və qorxusunu yaxşı bilən Kikutiyonun sayəsində roninlər yerlilərlə ümumi danışıq dili tapırlar. Onlar kəndlilərə döyüş qaydalarını öyrətməyə başlayırlar, müdafiə xətti qururlar və hətta öz bayraqlarını düzəldirlər. Bu bayraqda Kikutiyo istisna olmaqla 6 əslən samuray dairə və üçbucaq formalarında təsvir olunmuşdur.

Tezliklə quldurların kəşfiyyatçıları peyda olurlar. Kambey və roninlər onları tuta bilirlər. Bundan sonra 7 qəhrəmandan üçü və bir kəndli-bələdçi meşə düşərgəsinə həmlə edərək bir neçə qulduru öldürürlər. Düşmənin seyrəkləşməsinə baxmayaraq, ac döyüşçülər kəndi yemək əvəzində qoruyurlar. Döyüşdə məlum olur ki, quldurların silahı da var və onların bəzilərini samuraylar ələ keçirə bilir.

Kəndə quldurların sonuncu hücumu zamanı samuraylar dəstənin bütün sağ qalmış üzvlərini kəndə buraxıb sonra onları məhv eləyirlər. Sonuncu döyüşdən sonra sağ qalanlar yalnız Kambey, Sitirodzi və Kasusiro olur. Onlar kəndi tərk edirlər. Bu kənddə artıq sülh hökm sürür. Kəndlilərin daha samuraylara ehtiyacı yoxdur.

Film haqqında

• “Toho” studiyası bir neçə dəfə bu filmin çəkilişlərini dayandırmaq istəmişdi. Ümumi fikirə görə onu maliyyə uçurumu gözləyirdi. Lakin Kurosavanın inadlı fikri prodüserləri razı salır.
• Final səhnəsi atların azlığı üzündən bir neçə dəfə təxirə salınmışdı.
• Filmin Yaponiya premyerası 26 aprel 1954-cü ildə olmuşdu.
• Film 2 milyon dollarlıq büdcə ilə çəkilmişdir.

Filmin heyəti

Film üzərində işləyənlər

Ssenari müəllifləri: Akira Kurosava, Sinobu Hasimoto, Hideo Oquni

Rejissor: Akira Kurosava

Operator: Asakadzu Nakai

Bəstəkar: Fumio Hayasaka

Prodüser: Sodziro Motoki

Rollarda

Aktyor	Rol
Takasi Simura	Kambey Simada
Toşiro Mifune	Kikutiyo
Yosio İnaba	Qorobey Katayama
Daysuke Kato	Sitirodzi
Minoru Tiaki	Heyhati Hayasida
İsao Kimura	Kasusiro Okamoto
Seydzi Miyaquti	Kyudzo
Kokuten Kodo	Gisaku
Kamatari Fudzivara	Mandzo
Keyko Susima	Sino
Yosio Sutiya	Rikiti
Yukiko Simadzaki	Rikitinin arvadı
Bokudzen Hidari	Yohey

Xarici keçidlər

• "Yeddi samuray" — Internet Movie Database saytında

• Yeddi samuray AllMovie saytında