ASAN xidmət

Vikipediya, azad ensiklopediya
Jump to navigation Jump to search
ASAN xidmət
Azərbaycan Xidmət və Qiymətləndirmə Şəbəkəsi
ASAN service center.jpg
"ASAN xidmət" mərkəzlərinin loqosu
Ölkə: Azərbaycan Azərbaycan
Yaradılıb: 13 iyul 2012
Tabeçilik: Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi
Rəhbərlik
Rəhbər: Ülvi Mehdiyev
Sayt
ASAN xidmət
Vətəndaşlara Xidmət və Sosial İnnovasiyalar üzrə Dövlət Agentliyi

"ASAN xidmət"Azərbaycan Respublikasında dövlət orqanları tərəfindən vətəndaşlara göstərilən xidmətlərin həyata keçirilməsini təmin edən mərkəzlər.[1]> ASAN sözünün açılışı ingiliscə "Azerbaijan Service and Assessment Network"dir (azərb. Azərbaycan Xidmət və Qiymətləndirmə Şəbəkəsi‎). "ASAN xidmət" Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə tabedir. İlk "ASAN xidmət" mərkəzi 2013-cü ildə fəaliyyətə başlayıb. Hal-hazırda 15 mərkəz fəaliyyət göstərir. Onlardan beşi Bakıda, onu isə Azərbaycanın bölgələrindədir. "ASAN xidmət"ə indiyə qədər 33 milyondan çox müraciət edilib.[2] Xidmətlərin göstərilməsində könüllülər də cəlb olunur. "ASAN xidmət" mərkəzlərində on iki dövlət orqanının vətəndaşlara göstərdiyi xidmətlərdən başqa funksional yardımçı xidmətlər də təklif olunur. Həmçinin mərkəzlərdə sosial layihələr də keçirilir.

Tarixi[redaktə | əsas redaktə]

Sumqayıt ASAN Xidmətdən alınan pasportlar.jpg

Yaradılması[redaktə | əsas redaktə]

Azərbaycan Respublikası Prezidenti İlham Əliyevin 2012-ci il 13 iyulda imzaladığı 685 saylı fərmana əsasən "ASAN xidmət" mərkəzlərinin də strukturuna daxil olduğu Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi yaradıldı.[3][4][5] Həmin ilin 5 sentyabrında Prezidentin digər fərmanı ilə Agentliyin strukturu və əsasnaməsi təsdiq olundu.[6] Azərbaycan Respublikası Prezidentinin 27 aprel 2018-ci il tarixli Sərəncamı ilə Ülvi Mehdiyev Dövlət Agentliyinin sədri təyin edilib.[7]

İnkişafı[redaktə | əsas redaktə]

29 dekabr 2012-ci ildə Bakıda pilot layihə olaraq ilk "ASAN xidmət" mərkəzinin açılışı oldu. Mərkəz doqquz dövlət orqanının təklif etdiyi 23 xidməti həyata keçirirməklə 15 yanvar[8] tarixində fəaliyyətə başladı.[9] 3 may 2013-ci ildə Sumqayıt "ASAN xidmət" mərkəzinin açılışı olub.[10] Bundan bir neçə həftə sonra - mayın 24-də Bakıda ikinci "ASAN xidmət" mərkəzinin açılışı olub, bu mərkəz iyunun 5-də vətəndaşlara xidmət göstərməyə başlayıb.[11] 17 sentyabr 2013-cü ildə Bakıda üçüncü mərkəzin açılışı olub.[12] 2013-cü ilin sonlarında, dekabrın 21-də Azərbaycanda beşinci "ASAN xidmət" mərkəzinin açılışı oldu. Bu mərkəz Gəncədə fəaliyyətə başladı.[13] 23 yanvar 2014-cü ildə "ASAN xidmət" mərkəzlərindən istifadə edən vətəndaşların sayı 1 milyona çatdı.[14] 2014-cü ildə "ASAN xidmət" İSO 9001:2008 idarəetmə standartı üzrə beynəlxalq sertifikat əldə edib.[15][16]

2014-cü ildə mayın 7-də Bakıda sayca dördüncü "ASAN xidmət" mərkəzinin açılışı oldu.[17] Həmin ilin yayında "ASAN xidmət" səmərəli xidmət nümunəsinə və dövlət-vətəndaş münasibətlərinə verdiyi töhfələrə görə "Uğur 2013" mükafatına layiq görüldü.[18] 2014-cü ilin dekabr ayının 15-də Sabirabadda "ASAN xidmət" mərkəzinin açılışı oldu. Bu, ölkədəki yeddinci mərkəz idi.[19] Sabirabad "ASAN xidmət" mərkəzi açıldığı gün OHSAS 18001:2007 standartı üzrə beynəlxalq dərəcəli sertifikata layiq görüldü.[20] Bundan təxminən üç ay sonra, 13 mart 2015-ci ildə Bərdədə Azərbaycanda sayca səkkizinci "ASAN xidmət" mərkəzinin açılışı oldu.[21] 2015-ci ildə "ASAN xidmət" BMT-nin 2015-ci il Dövlət Xidmətləri Mükafatına (ing. United Nations Public Service Award 2015) layiq görülüb.[22] 2015-ci ilin martın 2-də "ASAN xidmət" Britaniya Əməyin Mühafizəsi Şurası tərəfindən 13 sahə üzrə keçirilən, müxtəlif dövlətlərin 700-dən çox müəssisənin müraciət etdiyi müsabiqənin “Dövlət xidmətlərinin həyata keçirilməsinin təşkilində təhlükəsiz əmək şəraitinin qurulması” sahəsi üzrə qalibi olub.[23] Həmin ilin yayında, iyulun 14-də Azərbaycanda hələlik 5 saylı Bakı "ASAN xidmət" mərkəzi açıldı.[24] 2016-cı ildə MasallıQəbələdə də "ASAN xidmət" mərkəzi fəaliyyətə başlayıb.[25] 2017-ci ildə Qubada[26], 2018-ci ildə isə Mingəçevirdə, İmişlidə və Şəkidə "ASAN xidmət" mərkəzləri fəaliyyətə başlayıb.[27]

Fəaliyyət[redaktə | əsas redaktə]

"ASAN xidmət" mərkəzlərində iş gedişi

"ASAN xidmət" mərkəzləri Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyin tabeliyindədir və "vahid məkan" prinsipi əsasında fəaliyyət göstərir.[28] "ASAN" modelinin altı əsas prinsipi var: operativlik, şəffaflıq, nəzakətlilik, məsuliyyət, etik davranış qaydalarına nəzarət və rahatlıq.[29] Mərkəzlərdə dövlət xidmətləri əlaqələndirilmiş şəkildə fəaliyyət göstərir.[30] "ASAN xidmət" mərkəzlərində vətəndaşlara xidmət daha yaxşı xidmət göstərilməsi üçün yeni üsullardan və müasir innovasiyalardan istifadə olunur.[31] Hər mərkəzdə təxminən 100-ə yaxın könüllü çalışır.[32]

Azərbaycan brendi olan[33] "ASAN xidmət" mərkəzlərində vətəndaşlara xidmət mərkəzlərin ilk mərtəbəsində yerləşən məlumat bölməsindən başlayır. Qeydiyyat prosesi avtomatlaşdırılıb, xüsusi aparatlarla həyata keçirilir. Bu işdə vətəndaşlara könüllülər kömək edir.[34] Könüllülər vətəndaşlara ərizə yazılmasında da kömək edir.[5][30] Mərkəzlərə gələ bilməyən vətəndaşlara xidmət göstərmək üçün həmçinin səyyar avtobuslardan da istifadə olunur.[35] İndiyə qədər "ASAN xidmət" mərkəzlərinə 33 milyondan çox müraciət edilib.[2] Vətəndaşlara göstərilən xidmətlərdən məmnunluq dərəcəsi 98-100% arasında dəyişir.[36]

"ASAN xidmət" mərkəzləri həftənin bazar ertəsi - cümə günləri saat 09:00-dan 19:00-dək, şənbə və bazar günləri saat 09:00-dan 17:00-dək nahar fasiləsi olmadan fəaliyyət göstərir.

Mərkəzlər[redaktə | əsas redaktə]

Mərkəz Açılış tarixi Əhatə dairəsi
1 saylı Bakı[8] 15 yanvar 2013 Bakıda qeydiyyatda olan vətəndaşlar
2 saylı Bakı[11] 24 may 2013
3 saylı Bakı[12] 17 sentyabr 2013
4 saylı Bakı[17] 7 may 2014
5 saylı Bakı[24] 14 iyul 2015
Sumqayıt[10] 3 may 2013 Sumqayıt şəhərində, Abşeron, Xızı, Siyəzən, Şabran, Quba, Qusar, Xaçmaz, Şamaxı və Qobustan rayonlarında qeydiyyatda olan vətəndaşlar
Gəncə[13] 21 dekabr 2013 Gəncə şəhərində, Şəmkir, Gədəbəy, Daşkəsən, Göygöl, Goranboy, Samux, Naftalan, Kəlbəcər və Xocalı rayonlarında qeydiyyatda olan vətəndaşlar
Sabirabad[19] 15 dekabr 2014 Sabirabad, Saatlı, İmişli, Kürdəmir, Hacıqabul, Salyan, Beyləqan rayonlarında və Şirvan şəhərində qeydiyyatda olan vətəndaşlar
Bərdə[21] 13 mart 2015 Bərdə, Ağdam, Fizuli, Ağcabədi, Zərdab, Göyçay, Ucar, Ağdaş, Laçın, Yevlax, Tərtər rayonlarında və Mingəçevir şəhərində qeydiyyatda olan vətəndaşlar
Masallı[37] 3 sentyabr 2016 Masallı, Cəlilabad, Lənkəran, Astara, Lerik və Yardımlı rayonunda qeydiyyatda olan vətəndaşlar
Qəbələ[25] 10 avqust 2016 Qəbələ, Balakən, Zaqatala, Qax, Şəki, Oğuz, İsmayıllı, Ağsu, Şamaxı və Qobustan  rayonunda qeydiyyatda olan vətəndaşlar
Quba [26] 7 dekabr 2017 Quba, Qusar, Xaçmaz və Şabran rayonunda qeydiyyatda olan vətəndaşlar
Mingəçevir [27] 27 fevral 2018 Mingəçevir şəhəri, Yevlax, Ağdaş və Göyçay rayonunda qeydiyyatda olan vətəndaşlar
İmişli 22 oktyabr 2018 İmişli, Saatlı, Biləsuvar, Beyləqan, Zərdab və Füzuli rayonunda qeydiyyatda olan vətəndaşlar
Şəki 29 oktyabr 2018 Şəki, Qax, Zaqatala, Balakən və Oğuz rayonlarının ərazisində qeydiyyatda olan vətəndaşlar

Xəritə[redaktə | əsas redaktə]

"ASAN xidmət" mərkəzlərinin yerləşdiyi ərazilər

Xidmətlər[redaktə | əsas redaktə]

Dövlət orqanlarının göstərdiyi xidmətlər[redaktə | əsas redaktə]

"ASAN xidmət" mərkəzlərində 12 dövlət qurumu və özəl müəssələr tərəfindən birgə 300-dən çox müxtəlif xidmətlər həyata keçirilir.[38]

Xidmət[39] Xidməti göstərən dövlət orqanı
Notariat fəaliyyəti Ədliyyə Nazirliyi
Vətəndaşlıq vəziyyəti aktlarının dövlət qeydiyyatı
Məhkumluq barədə arayışların verilməsi Daxili İşlər Nazirliyi
Sürücülük vəsiqələrinin dəyişdirilməsi
Şəxsiyyət vəsiqələrinin verilməsi və dəyişdirilməsi
Ümumvətəndaş pasportlarının verilməsi və dəyişdirilməsi
Yaşayış yeri üzrə qeydiyyatda olan şəxslər haqqında arayışın verilməsi
Hüquqi və fiziki şəxslərə arxiv arayışlarının verilməsi Milli Arxiv İdarəsi
Əmək pensiyalarının təyin edilməsi Əmək və Əhalinin Sosial Müdafiəsi Nazirliyi
Daşınmaz əmlakla bağlı əməliyyatların qeydiyyatı Əmlak Məsələləri Dövlət Komitəsi
Miqrasiya xidmətləri Dövlət Miqrasiya Xidməti
Kommersiya hüquqi şəxslərin və vergi ödəyicilərinin qeydiyyatı Vergilər Nazirliyi
Gömrük bəyannamələrinin, gömrük rəsmiləşdirilmələri üçün sənədlərin qəbulu Dövlət Gömrük Komitəsi
Hərbi qeydiyyat Səfərbərlik və Hərbi Xidmətə Çağırış üzrə Dövlət Xidməti
Lisenziyaların verilməsi İqtisadiyyat Nazirliyi
Sertifikatlaşma və qeydiyyat Qida Təhlükəsizliyi Agentliyi
Xarici İşlər Nazirliyi tərəfindən göstərilən xidmətlər Xarici İşlər Nazirliyi

Səyyar "ASAN xidmət"[redaktə | əsas redaktə]

Səyyar xidmətin təşkil olunduğu avtobuslardan biri

2013-cü ilin iyunun 1-dən etibarən "ASAN xidmət"in təklif etdiyi xidmətlərdən istifadə etmək üçün mərkəzlərə gələ bilməyən vətəndaşlara xidmət göstərmək üçün zəruri müasir texnoloji avadanlıqlarla təchiz olunmuş səyyar avtobuslardan istifadə olunur.[40] Səyyar avtobuslar hər bölgədə təxminən iki həftə qalırlar.[30][41] Hal-hazırda xidmət göstərən səyyar avtobusların sayı ondur.[42] BakıSumqayıt şəhərində qeydiyyatda olan vətəndaşlar bu xidmətdən sifarişlə istifadə edə bilirlər.[43] İndiyə qədər səyyar "ASAN xidmət"ə 2 000 000 çox müraciət edilib.[2]

ASAN Qatar[redaktə | əsas redaktə]

Azərbaycan Respublikası Prezidenti cənab İlham Əliyevin tapşırığı əsasında “ASAN xidmət” mərkəzlərinin olmadığı regionlarda vətəndaşların dövlət xidmətləri ilə təmin edilməsi üçün müasir texniki avadanlıqla təchiz olunmuş səyyar “ASAN qatar” konsepsiyası reallaşdırılıb. Xidmətlər 4 dövlət orqanı (Ədliyyə Nazirliyi, Daxili İşlər Nazirliyi, Əmlak Məsələləri Dövlət Komitəsi, Əmək və Əhalinin Sosial Müdafiəsi Nazirliyi) tərəfindən təqdim olunur.[Mənbə göstərin]

ASAN Kommunal[redaktə | əsas redaktə]

Prezident İlham Əliyevin 2016-cı ilin mayında imzaladığı Fərmanla “ASAN kommunal” mərkəzlərinin yaradılması Vətəndaşlara Xidmət və Sosial İnnovasiyalar üzrə Dövlət Agentliyinə tapşırılmışdı. Qısa müddətdə “ASAN kommunal” xidmətinin yaradılması üçün aidiyyəti qurumlarla bir yerdə tədbirlər görüldü “ASAN Kommunal” mərkəzlərində Azəriqaz, Azərsu, Azərişıq şirkətlərinin 45 növ kommunal xidmətləri göstərilir. Hazırda Bakı şəhərində 2 “ASAN Kommunal” mərkəzi fəaliyyət göstərir.

Funksional yardımçı xidmətlər[redaktə | əsas redaktə]

Fəaliyyət göstərən "ASAN xidmət" mərkəzlərində həmçinin bank, sığorta, hüquqi yardım, tibb, tərcümə, foto, mədəniyyət tədbirlərinə bilet satışı xidmətləri fəaliyyət göstərir.

Digər xidmətlər[redaktə | əsas redaktə]

Çağrı mərkəzi

Çağrı mərkəzi vasitəsilə Azərbaycan vətəndaşları "ASAN xidmət" mərkəzlərində göstərilən xidmətlər haqda məlumatlar əldə edə, təklif və iradlar bildirə, növbə tuta bilərlər. Bu xidmət 2013-cü ildə yaradılıb.[44] Həmçinin mərkəzlərdə yerləşdirilmiş xüsusi elektron köşk vasitəsilə də vətəndaşlar Çağrı mərkəzi ilə əlaqə saxlaya bilərlər.[45]

Onlayn növbə

"ASAN xidmət" mərkəzlərində göstərilən xidmətlərdən istifadə etmək üçün "ASAN xidmət"in saytında onlayn növbə tutmaq mümkündür.[44]

Özünə xidmət

"ASAN xidmət" mərkəzlərində vətəndaşların dövlət orqanlarının xidmətlərindən məlumatlanması, müraciətlər edə bilmələri üçün internetə çıxışı olan kompüterlər yerləşdirilib.[46]

İdeya bankı

İdeya bankı vasitəsilə vətəndaşlara sistemin inkişafı üçün öz təkliflərini verə bilərlər.[16] İndiyə qədər İdeya bankına yüzlərlə təklif göndərilib və onların bir çoxu reallaşıb.[47]

Sənədlərin çatdırılması

"ASAN xidmət" mərkəzlərində təklif olunan xidmətlərdən biri də "Sənədlərin çatdırılması" xidmətidir. Bu xidmət 1, 2, 3 və 5 saylı saylı Bakı "ASAN xidmət" mərkəzilərinəmüraciət etmiş şəxslərə təklif olunur.[48]

Layihələr[redaktə | əsas redaktə]

"ASAN xidmət" vətəndaşlara xidmətdən başqa digər sahələrə də öz töhfəsini verir. "ASAN xidmət" IDEA İctimai Birliyi və "Azersun Holding" MMC ilə birlikdə Azərbaycanın bir neçə bölgəsində “Hər kağızı bir yarpağa dəyişək” layihəsi çərçivəsində “Yaşıl dağ” sosial aksiyası keçirib.[49][50][51] 2015-ci ildə "ASAN xidmət"lə "Neftçi PFK" arasında titul sponsorluğu ilə bağlı müqavilə imzalanıb.[52] "ASAN xidmət" Daxili İşlər Nazirliyi və Sağlam Ailə Tibb Mərkəzinin dəstəyi ilə “Sənədsiz məktəbli qalmasın” adlı sosial aksiya keçirib. Bu aksiyanın məqsədi məktəblilərin vaxt itirmədən şəxsiyyət vəsiqələri ilə təmin olunması idi. Aksiya çərçivəsində minlərlə şagird vəsiqə ilə təmin olundu.[53] "ASAN xidmət" nəqliyyat sahəsinə də öz töhfəsini verib. "ASAN xidmət" ASAN Könüllüləri Gənclər Təşkilatı və "Bakubus MMC"-nin birgə təşkilatçılığı ilə 2015-ci ildə "Nəqliyyat bələdçisi" adlı layihə keçirilib.[54] 2016-cı ildə Ermənistan-Azərbaycan Dağlıq Qarabağ münaqişəsində vəziyyət gərginləşdikdən sonra "ASAN xidmət" mərkəzlərində könüllülərin təşkilatçılığı Azərbaycan Silahlı Qüvvələrinə dəstək olmaq üçün "Əsgərə məktub" adlı layihəyə start verilib.[55]

ASAN Könüllüləri Gənclər Təşkilatı[redaktə | əsas redaktə]

ASAN Könüllüləri Gənclər Təşkilatı "ASAN xidmət" mərkəzlərində fəaliyyət göstərən könüllüləri birləşdirir.[56] Təşkilat 2013-cü ildə yaradılıb.[57] Elə həmin il təşkilatın ilk qurultayı keçirilib.[58] Təşkilat könüllülər üçün təlimlər, müxtəlif layihələr, yay məktəbləri təşkil edir.[59]

Statistika[redaktə | əsas redaktə]

Aşağıdakı cədvəldə "ASAN xidmət" mərkəzlərində qeydə alınan yubiley müraciətlər göstərilib:

Say Tarix Qeydə alındığı mərkəz
1 milyon[60] 23 yanvar 2014 1 saylı Bakı "ASAN xidmət" mərkəzi
2 milyon[61] məlumat yoxdur
3 milyon[62] məlumat yoxdur
4 milyon məlumat yoxdur
5 milyon məlumat yoxdur
6 milyon məlumat yoxdur
7 milyon[63] 2 dekabr 2015 Sabirabad "ASAN xidmət" mərkəzi
8 milyon[64] 11 fevral 2016 Səyyar "ASAN xidmət"
9 milyon[65] məlumat yoxdur
10 milyon 10 iyun 2016 5 saylı Bakı “ASAN xidmət” mərkəzi
11 milyon məlumat yoxdur
12 milyon 20 oktyabr 2016 5 saylı Bakı "ASAN xidmət" mərkəzi
18 milyon 30 oktyabr Gəncə "ASAN xidmət" mərkəzi
19 milyon 8 yanvar 2018 1 saylı Bakı "ASAN xidmət" mərkəzi
21 milyon 16 aprel 2018 ASAN Qatar
22 milyon 8 iyun 2018 Səyyar ASAN xidmət
23 milyon 26 iyul 2018 Səyyar ASAN xidmət
24 milyon 10 sentyabr 2018 Sumqayıt "ASAN xidmət" mərkəzi
25 milyon 5 noyabr 2018 5 saylı Bakı "ASAN xidmət" mərkəzi
26 milyon 25 dekabr 2018 Şəki "ASAN xidmət" mərkəzi
27 milyon 13 fevral 2019 1 saylı Bakı "ASAN Kommunal" mərkəzi
28 milyon 1 aprel 2019 4 saylı Bakı "ASAN xidmət" mərkəzi
29 milyon 14 may 2019 Bərdə "ASAN xidmət" mərkəzi
33 milyon 4 oktyabr 2019 2 saylı Bakı "ASAN xidmət" mərkəzi

Mükafatlar[redaktə | əsas redaktə]

  • "Uğur 2013" "səmərəli xidmət nümunəsinə və dövlət-vətəndaş münasibətlərinə verdiyi töhfələrə görə" nominasiyası qalibi: 2013;
  • İSO 9001:2008 idarəetmə standartı üzrə beynəlxalq sertifikat: 2014;
  • Sabirabad "ASAN xidmət" mərkəzi, OHSAS 18001:2007 standartı: 2014;
  • BMT-nin Dövlət Xidmətləri Mükafatı: 2015;
  • Britaniya Əməyin Mühafizəsi Şurası “Dövlət xidmətlərinin həyata keçirilməsinin təşkilində təhlükəsiz əmək şəraitinin qurulması” sahəsi üzrə mükafat: 2015;
  • “Dövlət saytı” nominasiyasında NETTY-2018 Azərbaycan Milli İnternet Mükafatı: 2018

Həmçinin bax[redaktə | əsas redaktə]

İstinadlar[redaktə | əsas redaktə]

  1. http://vxsida.az/redirect/index/cat_id/81/MainOrNot/0
  2. 1 2 3 http://vxsida.gov.az/statistics/
  3. "Agentlik haqqında" (Azərbaycan). vxsida.gov.az. İstifadə tarixi: 11 aprel 2016. Check date values in: |accessdate= (kömək)
  4. "Vətəndaşlara Xidmət və Sosial İnnovasiyalar üzrə Dövlət Agentliyinin strukturu təsdiq edildi" (azərb.). Lent.az. 6 sentyabr 2012. İstifadə tarixi: 11 aprel 2016. Check date values in: |accessdate=, |date= (kömək)
  5. 1 2 Matthias Dornfeldt. "Azerbaijan's Version of Good Governance and Combating Corruption" (İngiliscə). diplomatisches-magazin.de. İstifadə tarixi: 15 aprel 2016. Check date values in: |accessdate= (kömək)
  6. http://vxsida.az/redirect/post/pid/406
  7. https://president.az/articles/28319
  8. 1 2 ""Asan xidmət"dən paytaxt sakinlərinə şad xəbər" (azərb.). Lent.az. 29 dekabr 2012. İstifadə tarixi: 11 aprel 2016. Check date values in: |accessdate=, |date= (kömək)
  9. ""ASAN xidmət" mərkəzi fəaliyyətə başladı" (azərb.). Olaylar.az. 15 yanvar 2013. İstifadə tarixi: 22 aprel 2016. Check date values in: |accessdate=, |date= (kömək)
  10. 1 2 "Sumqayıtlıların işi "ASAN" olacaq" (azərb.). Lent.az. 3 may 2013. İstifadə tarixi: 11 aprel 2016. Check date values in: |accessdate=, |date= (kömək)
  11. 1 2 "2 saylı Bakı "ASAN xidmət" mərkəzi fəaliyyətə başlayıb" (azərb.). Lent.az. 5 iyun 2012. İstifadə tarixi: 11 aprel 2016. Check date values in: |accessdate=, |date= (kömək)
  12. 1 2 "Bakılıların işi bir az da "ASAN" laşdı" (azərb.). Lent.az. 17 sentyabr 2013. İstifadə tarixi: 11 aprel 2016. Check date values in: |accessdate=, |date= (kömək)
  13. 1 2 "Gəncədə "Asan Xidmət" Mərkəzi açılıb" (azərb.). Lent.az. 21 dekabr 2013. İstifadə tarixi: 11 aprel 2016. Check date values in: |accessdate=, |date= (kömək)
  14. ""ASAN Xidmət" in 1 000 000-cu istifadəçisi kim oldu?" (azərb.). Lent.az. 23 yanvar 2014. İstifadə tarixi: 11 aprel 2016. Check date values in: |accessdate=, |date= (kömək)
  15. ""ASAN Xidmət" İSO sertifikatı aldı" (azərb.). Lent.az. 25 fevral 2014. İstifadə tarixi: 11 aprel 2016. Check date values in: |accessdate=, |date= (kömək)
  16. 1 2 "ASAN successes acknowledged in UK Parliament" (İngiliscə). teas.eu. 23 iyul 2014. İstifadə tarixi: 18 aprel 2016. Check date values in: |accessdate=, |date= (kömək)
  17. 1 2 "4 saylı Bakı "ASAN xidmət" mərkəzi açıldı" (azərb.). Lent.az. 7 may 2014. İstifadə tarixi: 11 aprel 2016. Check date values in: |accessdate=, |date= (kömək)
  18. "Azərbaycan iqtisadiyyatının liderləri "Uğur" mükafatına layiq görüldülər" (azərb.). Trend İnformasiya Agentliyi. 5 iyun 2014. İstifadə tarixi: 15 aprel 2016. Check date values in: |accessdate=, |date= (kömək)
  19. 1 2 "Prezident Sabirabad rayonuna səfər edib" (azərb.). Lent.az. 15 dekabr 2014. İstifadə tarixi: 11 aprel 2016. Check date values in: |accessdate=, |date= (kömək)
  20. ""ASAN xidmət" beynəlxalq dərəcəli sertifikata layiq görülüb" (azərb.). Trend.az. 18 dekabr 2014. İstifadə tarixi: 28 aprel 2016. Check date values in: |accessdate=, |date= (kömək)
  21. 1 2 "Qarabağ bölgəsində ilk "ASAN xidmət" mərkəzi açıldı" (azərb.). Lent.az. 13 mart 2015. İstifadə tarixi: 11 aprel 2016. Check date values in: |accessdate=, |date= (kömək)
  22. ""ASAN xidmət" BMT-nin mükafatına layiq görülüb" (azərb.). Lent.az. 12 may 2015. İstifadə tarixi: 11 aprel 2016. Check date values in: |accessdate=, |date= (kömək)
  23. "Əmək mədəniyyəti və milli inkişaf" (azərb.). Azərbaycan Dövlət İnformasiya Agentliyi. 21 fevral 2015. İstifadə tarixi: 12 aprel 2016. Check date values in: |accessdate=, |date= (kömək)
  24. 1 2 "Prezident 5 saylı Bakı "ASAN xidmət" mərkəzinin açılışında" (azərb.). Lent.az. 14 iyul 2015. İstifadə tarixi: 11 aprel 2016. Check date values in: |accessdate=, |date= (kömək)
  25. 1 2 "Prezidentin tapşırığına əsasən "ASAN xidmət" fəaliyyətini və əhatə dairəsini genişləndirir" (azərb.). Azərbaycan Dövlət İnformasiya Agentliyi. 13 yanvar 2016. İstifadə tarixi: 22 aprel 2016. Check date values in: |accessdate=, |date= (kömək)
  26. 1 2 https://az.president.az/articles/26232
  27. 1 2 http://vxsida.az/redirect/post/pid/1967
  28. Elmidar Əliyev (7 may 2014). ""ASAN xidmət" Azərbaycan məhsuludur, Azərbaycan brendidir" (azərb.). Anspress.com. İstifadə tarixi: 12 aprel 2016. Check date values in: |accessdate=, |date= (kömək)
  29. Kamal Cəfərov (31 iyul 2013). "Azerbaijan's one-stop public service shop is driving up efficiency" (İngiliscə). The Guardian. İstifadə tarixi: 15 aprel 2016. Check date values in: |accessdate=, |date= (kömək)
  30. 1 2 3 Çingiz Rüstəmov (1 avqust 2013). ""Guardian" qəzeti: Azərbaycanın dövlət xidmətləri üçün "bir pəncərə" mərkəzi səmərəliliyi artırır" (azərb.). Azərbaycan Dövlət İnformasiya Agentliyi. İstifadə tarixi: 12 aprel 2016. Check date values in: |accessdate=, |date= (kömək)
  31. Elmidar Əliyev (19 may 2014). "Azerbaijan: State Agency for Public Services and Social Innovations Under President Established". Trend.az (İngiliscə). Unpan.org. İstifadə tarixi: 15 aprel 2016. Check date values in: |accessdate=, |date= (kömək)
  32. Elmidar Əliyev (19 may 2014). "İnam Kərimov: "Artıq "ASAN xidmət"i könüllülərsiz təsəvvür etmək olmaz"" (azərb.). Anspress.com. İstifadə tarixi: 12 aprel 2016. Check date values in: |accessdate=, |date= (kömək)
  33. Nailə Məmmədova (22 dekabr 2015). "Asan və şəffaf xidmət prinsipi" (azərb.). Lent.az. İstifadə tarixi: 12 aprel 2016. Check date values in: |accessdate=, |date= (kömək)
  34. Çingiz Rüstəmov (18 yanvar 2013). "Bakının rüşvətsiz yaşamaq praktikasından reportaj" (azərb.). Anspress.com. İstifadə tarixi: 12 aprel 2016. Check date values in: |accessdate=, |date= (kömək)
  35. Çingiz Rüstəmov (3 aprel 2015). "Səyyar ASAN xidmət Beyləqanda" (azərb.). Anspress.com. İstifadə tarixi: 12 aprel 2016. Check date values in: |accessdate=, |date= (kömək)
  36. "Prezident İlham Əliyev 5 saylı Bakı "ASAN xidmət" mərkəzinin açılışında" (azərb.). Milli.az. 14 iyul 2015. İstifadə tarixi: 18 aprel 2016. Check date values in: |accessdate=, |date= (kömək)
  37. "Prezident "ASAN xidmət"ə 9 milyon manat ayırdı" (azərb.). lent.az. 17 dekabr 2015. İstifadə tarixi: 19 aprel 2016. Check date values in: |accessdate=, |date= (kömək)
  38. http://www.asan.gov.az/az/category/asan-xidmetler
  39. "ASAN xidmət"lər
  40. ""ASAN xidmət"ə iki milyonuncu vətəndaş müraciət etmişdir" (azərb.). Azərbaycan Dövlət İnformasiya Agentliyi. 25 iyun 2014. İstifadə tarixi: 12 aprel 2016. Check date values in: |accessdate=, |date= (kömək)
  41. Çingiz Rüstəmov (5 iyun 2013). "Bəzi rayonlarda səyyar "ASAN xidmət" fəaliyyət göstərəcək" (azərb.). Anspress.com. İstifadə tarixi: 12 aprel 2016. Check date values in: |accessdate=, |date= (kömək)
  42. "Prezidentin tapşırığına əsasən "ASAN xidmət" fəaliyyətini və əhatə dairəsini genişləndirir" (azərb.). Azərbaycan Dövlət İnformasiya Agentliyi. 13 yanvar 2016. İstifadə tarixi: 13 aprel 2016. Check date values in: |accessdate=, |date= (kömək)
  43. "Sifarişli səyyar ASAN xidmət artıq Sumqayıtda" (azərb.). Lent.az. 20 aprel 2016. İstifadə tarixi: 22 aprel 2016. Check date values in: |accessdate=, |date= (kömək)
  44. 1 2 Rəvan (31 yanvar 2013). "Sabahdan "108" "Çağrı" mərkəzi vasitəsilə "ASAN xidmət" növləri haqqında məlumat almaq mümkün olacaq" (azərb.). ictnews.az. İstifadə tarixi: 18 aprel 2016. Check date values in: |accessdate=, |date= (kömək)
  45. Rəvan (1 fevral 2014). ""ASAN xidmət" Çağrı mərkəzi 1 yaşında" (azərb.). azvision.az. İstifadə tarixi: 18 aprel 2016. Check date values in: |accessdate=, |date= (kömək)
  46. "Özünəxidmət" (azərb.). Asan.gov.az. İstifadə tarixi: 18 aprel 2016. Check date values in: |accessdate= (kömək)
  47. ""ASAN xidmət"in "İdeya Bankı"nın əhatə dairəsi genişlənir" (azərb.). Trend İnformasiya Agentliyi. 10 aprel 2015. İstifadə tarixi: 18 aprel 2016. Check date values in: |accessdate=, |date= (kömək)
  48. ""ASAN xidmət"dən daha bir yenilik – sənədlərin çatdırılması" (azərb.). Azərbaycan Dövlət İnformasiya Agentliyi. 17 mart 2016. İstifadə tarixi: 22 aprel 2016. Check date values in: |accessdate=, |date= (kömək)
  49. Mahir Babayev (6 noyabr 2015). ""Yaşıl dağ" aksiyası maraqla qarşılanır" (azərb.). Azərbaycan Dövlət İnformasiya Agentliyi. İstifadə tarixi: 13 aprel 2016. Check date values in: |accessdate=, |date= (kömək)
  50. "Kağızlardan "Yaşıl dağ" yaratdılar" (azərb.). Milli.az. 6 oktyabr 2015. İstifadə tarixi: 13 aprel 2016. Check date values in: |accessdate=, |date= (kömək)
  51. "Növbəti "Yaşıl dağ" Bərdədə!" (azərb.). Azvision.az. 22 dekabr 2015. İstifadə tarixi: 13 aprel 2016. Check date values in: |accessdate=, |date= (kömək)
  52. ""Neftçi" futbol klubu ilə "ASAN xidmət" arasında əməkdaşlıq müqaviləsi imzalanıb" (azərb.). Azərbaycan Dövlət İnformasiya Agentliyi. 17 oktyabr 2015. İstifadə tarixi: 13 aprel 2016. Check date values in: |accessdate=, |date= (kömək)
  53. Ülviyyə R. Əli (26 noyabr 2015). ""ASAN xidmət"dən "Sənədsiz məktəbli qalmasın" aksiyası" (azərb.). Oxu.az. İstifadə tarixi: 13 aprel 2016. Check date values in: |accessdate=, |date= (kömək)
  54. ""ASAN xidmət" və "BakuBus"dan birgə layihə" (azərb.). 525.az. 2 oktyabr 2015. İstifadə tarixi: 15 aprel 2016. Check date values in: |accessdate=, |date= (kömək)
  55. ""Əsgərə Məktub!" layihəsinə başlandı" (azərb.). lent.az. 5 aprel 2016. İstifadə tarixi: 19 aprel 2016. Check date values in: |accessdate=, |date= (kömək)
  56. Lalə Quluzadə. "ASAN Könüllüləri Gənclər Təşkilatı" (azərb.). oley.az. İstifadə tarixi: 18 aprel 2016. Check date values in: |accessdate= (kömək)
  57. "ASAN Könüllüləri Gənclər Təşkilatı Tarixi" (azərb.). asanyouth.az. İstifadə tarixi: 18 aprel 2016. Check date values in: |accessdate= (kömək)
  58. Tural Səftərov (19 dekabr 2013). ""ASAN Könüllüləri Gənclər Təşkilatı" İB-nin Qurultayı keçirilir" (azərb.). interaztv.com. İstifadə tarixi: 18 aprel 2016. Check date values in: |accessdate=, |date= (kömək)
  59. Mustafa Dadaşov (30 avqust 2015). "Qaxda ASAN könüllülərinin II Yay məktəbi başa çatıb" (azərb.). Azərbaycan Dövlət İnformasiya Agentliyi. İstifadə tarixi: 18 aprel 2016. Check date values in: |accessdate=, |date= (kömək)
  60. ""ASAN xidmət" mərkəzində 1 milyonuncu vətəndaş qeydə alınıb". salamnews.az (azərb.). arxiv.az. 23 yanvar 2014. İstifadə tarixi: 18 aprel 2016. Check date values in: |accessdate=, |date= (kömək)
  61. İlkin İzzət (25 iyun 2014). ""ASAN xidmət"ə 2 milyonuncu vətəndaş müraciət edib" (azərb.). Trend İnformasiya Agentliyi. İstifadə tarixi: 18 aprel 2016. Check date values in: |accessdate=, |date= (kömək)
  62. Şahin Həbibov (23 yanvar 2014). ""ASAN xidmət"də 3 milyonuncu" (azərb.). anspress.com. İstifadə tarixi: 18 aprel 2016. Check date values in: |accessdate=, |date= (kömək)
  63. Şahin Həbibov (2 dekabr 2015). ""ASAN xidmət"də 7 milyonuncu vətəndaş müraciəti qeydə alınıb" (azərb.). salamnews.org. İstifadə tarixi: 18 aprel 2016. Check date values in: |accessdate=, |date= (kömək)
  64. Şahin Həbibov (15 fevral 2016). ""ASAN xidmət" mərkəzlərinin elektron növbə sistemində 8 milyonuncu vətəndaş müraciəti qeydə alınıb" (azərb.). salamnews.org. İstifadə tarixi: 18 aprel 2016. Check date values in: |accessdate=, |date= (kömək)
  65. "ASAN xidmətin fəaliyyətinə dair son statistik məlumatlar" (azərb.). Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi. İstifadə tarixi: 28 aprel 2016. Check date values in: |accessdate= (kömək)

Xarici keçidlər[redaktə | əsas redaktə]

Vikianbarda ASAN xidmət ilə əlaqəli mediafayllar var.