ASAN xidmət

Vikipediya, açıq ensiklopediya
Keçid et: naviqasiya, axtar
ASAN xidmət
azərb. "ASAN xidmət" mərkəzləri
Asan xidmət.jpg
"ASAN xidmət" mərkəzlərinin loqosu
Ölkə: Flag of Azerbaijan.svg Azərbaycan
Yaradılıb: 13 iyul 2012
Tabeçilik: Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi
Ünvan: AZ1600, Bakı şəhəri, Həsən Əliyev küçəsi 36.
Rəhbərlik
Rəhbər: İnam Kərimov
Sayt
asan.gov.az

vxsida.gov.az

"ASAN xidmət" — Azərbaycan Respublikasında dövlət orqanları tərəfindən vətəndaşlara göstərilən xidmətlərin həyata keçirilməsini təmin edən mərkəzlər[1].

Tarixi[redaktə | əsas redaktə]

"ASAN xidmət" (ASAN) - Azərbaycan Xidmət və Qiymətləndirmə Şəbəkəsi Azərbaycan Respublikasının Prezidentinin təşəbbüsü ilə 13 iyul 2012-ci il tarixli, 685 nömrəli Fərmanla Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin himayəsi altında yaradılmışdır.

"ASAN xidmət" mərkəzi klassik "one stop-shop" qurumu kimi müxtəlif dövlət orqanlarının nümayəndələrinin cəmləşdiyi vahid məkandır. Bu tez-tez bir qapı və ya bir dam yanaşması kimi təsvir olunur. Beləliklə bu "vahid məkanın" yeni nəsli kimi qiymətləndirilə bilər ki, bir pəncərədən bir addım da irəlidədir.

"ASAN xidmət" mərkəzləri dövlət qulluqçularının fəaliyyətində əhaliyə münasibətdə vətəndaş məmnunluğunun təmin edilməsi istiqamətində yeni yanaşmanın formalaşdırılmasına, ölkədə dövlət qulluqçusu-vətəndaş münasibətlərinin keyfiyyətcə yeni müstəviyə keçməsinə xidmət edir.

Vahid hüquqi struktur[redaktə | əsas redaktə]

"ASAN xidmət"in dünyada olan digər oxşar qurumlarla müqayisədə unikallığı odur ki, Dövlət Agentliyi dövlət orqanlarını birbaşa öz xidmətlərini göstərdiyi yerlə təmin edir.

Bununla "ASAN xidmət" mərkəzinin tabe olduğu Dövlət Agentliyi standartların yaradılması, iş prinsipləri və rejimi, dövlət qurumları tərəfindən işin keyfiyyətli yerinə yetirilməsinə görə məsuliyyət daşıyır. Buna görə də, "ASAN xidmət" mərkəzinin mahiyyətinin 2 sütunu arasında maraq toqquşması yoxdur. Bundan əlavə, Dövlət Agentliyinin özü tamami ilə yeni heç bir dövlət xidməti göstərməyən neytral qurumdur. Onun Əsasnaməsinin müddəalarında istinad olunduğu kimi o standartın yaradılması, optimallışdırılması və xidmət göstərən orqanların nəzarət və qiymətləndirilməsinə məsuliyyət daşıyır.

Bunun fonunda dünyanın bəzi hissələrində vahid məkan sturukturunun xidmət göstərənlə nəzarətçinin eyni olduğu bir sıra nümunələri tapıla bilər. Bir çox hallarda bu çoxda bəri mövcud olan lakin bu məqsədlə bağlı hər hansı xüsusi səlahiyyəti olmayan köhnə bir qurumdan söhbət gedir.

Disproporsionallığın bu növü aşağıdakı səbəblərə görə dövlət xidmətlərinin göstərilməsinə görə məsuliyyət daşıyan dövlət orqanının etimadını və obyektivliyini və bütün prosesi şübhə altına ala bilər:

- sözügedən qurum xidmət göstərən tərəf qismində həm təhqiqatçı həm də xidmətə nəzarət edən tərəf qismində hakim funksiyalarını həyata keçirir.
- bu maraq toqquşması ilə və ya obyektivliyə böyük şübhələr ilə başa çatır
- onun funksiyaları tələb olunan kriteriyalara uyğun olmayan yeni çağırışlara cavab vermir
- Bu klassik vahid məkanın xüsusisiyyətlərinə uyğu deyil
- Onun əhatə dairəsi yalnız "Nazirliyin" alt qurumları ilə məhdudlaşır

"ASAN xidmət" Azərbaycan məhsulu, Azərbaycan ixtirası və Azərbaycan brendi olaraq beynəlxalq tərəfdaşlar və ekspertlər tərəfindən yüksək maraq və rəğbətlə xarakterizə olunur.

Vahid hüquqi sturuktur Azərbaycan modelini bütün dünyada tamamilə müstəsna edir.

"ASAN" xidmət mərkəzlərinin fəaliyyəti operativlik, şəffaflıq, nəzakətlilik, məsuliyyət və rahatlıq prinsipləri əsasında qurulur. "ASAN" xidmət mərkəzləri dövlət orqanları tərəfindən göstərilən xidmətlərin vahid və əlaqələndirilmiş şəkildə həyata keçirilməsini təmin edən orqanlardır.

Bir neçə orqan və xidmətlər bir arada[redaktə | əsas redaktə]

ASAN xidmət" mərkəzləri 10 dövlət orqanın standartlaşdırılmış 30 qrup hüquqi xidmətini həyata keçirir. Ümumilikdə özəl şirkət və müəssisələrin funksional yardımçı xidmətləri ilə birlikdə göstərilən xidmətlərin sayı 270-dən çoxdur.

Dövlət orqanları[redaktə | əsas redaktə]

  1. Ədliyyə Nazirliyi;
  2. Daxili İşlər Nazirliyi;
  3. Vergilər Nazirliyi;
  4. Əmlak Məsələləri Dövlət Komitəsi;
  5. Dövlət Gömrük Komitəsi;
  6. Dövlət Miqrasiya Xidməti;
  7. Milli Arxiv İdarəsi;
  8. Əmək və Əhalinin Sosial Müdafiəsi Nazirliyi;
  9. Səfərbərlik və Hərbi Xidmətə Çağırış üzrə Dövlət Xidməti;
  10. Təhsil Nazirliyi.

"ASAN xidmət"lər[redaktə | əsas redaktə]

- doğumun qeydə alınması;
- ölümün qeydə alınması;
- nikahın qeydə alınması;
- nikahın pozulmasının qeydə alınması;
- övladlığa götürmənin qeydə alınması;
- atalığın müəyyən edilməsinin qeydə alınması;
- adın, ata adının və soyadın dəyişdirilməsinin qeydə alınması;
- vətəndaşlıq vəziyyəti aktlarının dövlət qeydiyyatı haqqında şəhadətnamələrin (təkrar şəhadətnamələrin) verilməsi;
- notariat fəaliyyəti;
- xaricdə istifadə üçün nəzərdə tutulan sənədlərə dair apostil verilməsi üçün sənədlərin qəbulu;
- şəxsiyyət vəsiqələrinin verilməsi və dəyişdirilməsi;
- ümumvətəndaş pasportlarının verilməsi və dəyişdirilməsi;
- sürücülük vəsiqələrinin dəyişdirilməsi;
- məhkumluq barədə arayışların verilməsi;
- mənzilləri üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi;
- daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;
- fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi;
- kommersiya hüquqi şəxslərin və vergi ödəyicilərinin qeydiyyatı;
- hüquqi və fiziki şəxslərə arxiv arayışlarının verilməsi;
- gömrük bəyannamələrinin, gömrük rəsmiləşdirilmələri üçün sənədlərin qəbulu;
- əcnəbilərə və vətəndaşlığı olmayan şəxlərə Azərbaycan Respublikasının ərazisində müvəqqəti və daimi yaşamaq üçün icazələrin, habelə haqqı ödənilən əmək fəliyyətini həyata keçirmələri üçün fərdi icazələrin verilməsi;
- əmək pensiyalarının təyin edilməsi;
- yaşayış yeri üzrə qeydiyyata alındığı və ya qediyyatdan çıxarıldığı hallarda çağırışçıların və hərbi vəzifəli vətəndaşların hərbi qeydiyyata alınması və hərbi qeydiyyatdan çıxarılması;
- dövlət orqanlarının göstərdikləri bütün xidmətlər üzrə informasiya xidmətinin həyata keçirilməsi.

Funksional yardımçı xidmətlər[redaktə | əsas redaktə]

- Bank xidmətləri;
- Sığorta xidmətləri;
- Hüquqi yardım xidmətləri;
- Tərcümə xidmətləri;
- Tibb xidmətləri;
- Rəsmi internet informasiya ehtiyatı vasitəsi ilə göstərilən xidmətlər;
- Mərkəzlərdə quraşdırılan xüsusi terminallar vasitəsi ilə göstərilən xidmətlər;
- Foto xidmətlər;
- "Azəriqaz" İB-in müştəri xidmətləri;
- "Azərsu" ASC-nin müştəri xidmətləri;
- "Azərişıq" ASC-nin müştəri xidmətləri;
- Bakcell müştəri xidmətləri;
- Azercell müştəri xidmətləri;
- Azərfon MMC (Nar Mobile) müştəri xidmətləri;
- Mərkəzi bank - Mərkəzləşdirilmiş Kredit reyestri üzrə arayışın verilməsi;
- UR Style (Mədəniyyət tədbirlərinə biletlərin satışı);
- Aviabiletlərin satışı;
- Turizm xidmətləri;
- Connect TV-nin müştəri xidmətləri;
- Uşaq əyləncə mərkəzi;
- Kafe.

Səyyar "ASAN xidmət"[redaktə | əsas redaktə]

Mobil ASAN xidmət

Azərbaycan Respublikasının Prezidentinin tapşırığına əsasən "ASAN xidmət" mərkəzlərinin təsis edilmədiyi regionlardakı əhaliyə xidmətlərin çatdırılması və mərkəzlərə gəlmədən vətəndaşların xidmətlərdən yararlanmalarının təmin edilməsi üçün zəruri müasir texnoloji avadanlıqlarla təchiz edilmiş avtobuslar səyyar formada regionlarda əhaliyə Mobil xidmətlər göstərir.

Səyyar ASAN xidmət

9-108 nömrəsinə zəng etməklə vətəndaşlar sifariş əsasında qanunla nəzərdə tutulmuş qaydada əlavə ödəniş aparılmaqla onun iş və ya yaşayış yerini, habelə olduğu yeri tərk etmədən xidmətlərdən yararlana bilərlər. Sosial həmrəyliyin təmin edilməsi məqsədi ilə səyyar xidmətlər kənardan qulluğa və yardıma ehtiyacı olan əlillər və sağlamlıq imkanları məhdud uşaqlar üçün əlavə səyyar xidmət haqqı ödənilmədən həyata keçirilir.

Səyyar "ASAN xidmət" avtobusu

"Səyyar ASAN xidmət"in həyata keçirilməsinin əsas məqsədləri:

- Dövlət xidmətlərinin vətəndaşlara daha rahat, yeni və müasir üsullarla təqdimatı;
- Dövlət xidmətlərinin vətəndaşlar üçün əlçatanlığının təmin ediməsi;
- Vətəndaş məmnunluğuna nail olunması.

"Çağrı mərkəzi" - 108

Çağrı mərkəzi vasitəsi ilə vətəndaş bütün dövlət xidmətləri, müraciət üçün tələb olunan sənədlər barədə məlumat ala, növbə tuta və "ASAN xidmət" mərkələrinin faəliyyəti ilə bağlı təkliflərini verə bilər.
Respublikanın istənilən regionundan stasionar telefonlardan 108 nömrəsinə zənglər ödənişsizdir.

"ASAN xidmət" mərkəzləri[redaktə | əsas redaktə]

Hazırda 6 "ASAN xidmət" mərkəzi fəaliyyət göstərməkdədir. Onlardan 4-ü paytaxt Bakı, 4-ü isə Gəncə, Sumqayıt, Sabirabad və Bərdədə yerləşir.

ASAN1 Baki.jpg
ASAN1 Baki 1.JPG
ASAN2 Baki.jpg
ASAN2 Baki2.JPG
1 saylı Bakı "ASAN xidmət" mərkəzi 1 saylı Bakı "ASAN xidmət" mərkəzi 2 saylı Bakı "ASAN xidmət" mərkəzi 2 saylı Bakı "ASAN xidmət" mərkəzi

1 saylı[redaktə | əsas redaktə]

1 saylı Bakı "ASAN xidmət" mərkəzi Bakı şəhərində qeydiyyatda olan bütün sakinlərə xidmət göstərir.

Ünvan: Azərbaycan Respublikası, Bakı şəhəri, Akademik Həsən Əliyev küçəsi 36

2 saylı[redaktə | əsas redaktə]

2 saylı "ASAN xidmət" mərkəzi Bakı şəhərində qeydiyyatda olan bütün sakinlərə xidmət göstərir.

Ünvan: Azərbaycan Respublikası, Bakı şəhəri, Xətai rayonu, Nobel prospekti 23, Amay Ticarət mərkəzinin 2-ci mərtəbəsi
ASAN Yasamal.JPG
ASAN4 Baki.JPG
3 saylı Bakı "ASAN xidmət" mərkəzi 4 saylı Bakı "ASAN xidmət" mərkəzi

3 saylı[redaktə | əsas redaktə]

3 saylı "ASAN xidmət" mərkəzi Bakı şəhərində qeydiyyatda olan bütün sakinlərə xidmət göstərir.

Ünvan: Azərbaycan Respublikası, Bakı şəhəri, A.M. Şərifzadə küçəsi 157

4 saylı[redaktə | əsas redaktə]

4 saylı Bakı "ASAN xidmət" mərkəzi Bakı şəhərində qeydiyyatda olan bütün sakinlərə xidmət göstərir.

Ünvan: Azərbaycan Respublikası, Bakı şəhəri, Sabunçu rayonu, Bakıxanov qəsəbəsi, Sülh küçəsi 197

5 saylı[redaktə | əsas redaktə]

5 saylı Bakı "ASAN xidmət" mərkəzi Bakı şəhərində qeydiyyatda olan bütün sakinlərə xidmət göstərir.

Ünvan: Azərbaycan Respublikası, Bakı şəhəri, Nizami rayonu, Heydər Əliyev prospekti 115

ASAN Sumqayit1.JPG
ASAN Sumgayit.jpg
ASAN Gence.jpg
Sumqayıt "ASAN xidmət" mərkəzi Sumqayıt "ASAN xidmət" mərkəzi Gəncə "ASAN xidmət" mərkəzi

Sumqayıt[redaktə | əsas redaktə]

Sumqayıt "ASAN xidmət" mərkəzi Sumqayıt şəhəri ilə yanaşı Abşeron, Xızı, Siyəzən, Şabran, Quba, Qusar, Xaçmaz, Şamaxı və Qobustan rayonlarının sakinlərinə xidmət göstərir.

Ünvan: Azərbaycan Respublikası, Sumqayıt şəhəri, Bakı küçəsi 15-ci məhəllə 42 D

Gəncə[redaktə | əsas redaktə]

Gəncə "ASAN xidmət" mərkəzi Gəncə şəhəri ilə yanaşı Şəmkir, Goranboy, Göygöl, Gədəbəy, Kəlbəcər, Xocalı, Samux, Daşkəsən, Qazax, Tovuz, Ağstafa rayonlarının və Naftalan şəhərinin sakinləri olan vətəndaşlara da xidmət göstərir.

Ünvan: Azərbaycan Respublikası, Gəncə şəhəri, Heydər Əliyev prospekti 87 A

Sabirabad[redaktə | əsas redaktə]

Sabirabad "ASAN xidmət" mərkəzi Sabirabad rayonu ilə yanaşı Saatlı, İmişli, Kürdəmir, Hacıqabul, Şirvan, Salyan, Füzuli və Beyləqan rayonlarının sakinləri olan vətəndaşlara da xidmət göstərir.

Ünvan: Azərbaycan Respublikası, Sabirabad, Heydər Əliyev prospekti 128

Bərdə[redaktə | əsas redaktə]

Bərdə "ASAN xidmət" mərkəzi Bərdə rayonu ilə yanaşı Ağdam, Ağcabədi, Laçın, Yevlax, Füzuli və Tərtər rayonlarının sakinləri olan vətəndaşlara da xidmət göstərir.

Ünvan: Azərbaycan Respublikası, Bərdə, Heydər Əliyev prospekti 100

Statistika[redaktə | əsas redaktə]

Statistikaya müvafiq olaraq iyun ayı 2015-cü il tarixinə qədər "ASAN xidmət" mərkəzlərinə 5 000 000-dan artıq vətəndaşın müraciəti qeydə alınmışdır.

Hər gün orta hesabla 8000-dən artıq nəfər "ASAN xidmət" mərkəzlərində göstərilən xidmətlərdən yararlanır.

Dövlət Agentliyi vətəndaşları rəsmi websəhifə - www.asan.gov.az saytı vasitəsi ilə gündəlik əsaslarla vətəndaşlara xidmətlər, rüsumlar, prosedur barədə məlumatlandırır.

Mükafatlarımız

“ASAN xidmət” 23-26 iyun 2015-ci il tarixində BMT-in Dövlət xidmətlərinin Göstərilməsi sahəsində “Dövlət xidmətlərinin göstərilməsinin təkmilləşdirilməsi” kateqoriyasında ən yüksək 1-ci yerə layiq görülərək xüsusi mükafat və diplomla təltif olunub.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və tabeliyində olan  “ASAN xidmət” mərkəzləri Britaniya Əməyin Mühafizəsi Şurası tərəfindən 13 sahə üzrə keçirilən və  müxtəlif dövlətlərdən olan 700-dən çox müəssisənin müraciət etdiyi müsabiqənin “Dövlət xidmətlərinin həyata keçirilməsinin təşkilində təhlükəsiz əmək şəraitinin qurulması” sahəsi üzrə qalibi olub.

19 fevral 2014 – cü il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi «ASAN xidmət» mərkəzlərinə müraciət edən vətəndaşların hüquq və maraqlarını nəzərə almaqla səmərəliliyə və vətəndaş məmnunluğuna daim nail olunması və  mütəmadi olaraq artırılması istiqamətində  İSO 9001:2008 standartı üzrə beynəlxalq dərəcəli sertifikata layiq görülüb.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi İSO 9001:2008 idarəetmə standartı üzrə beynəlxalq sertifikata layiq görülmüşdür.

“ASAN xidmət” səmərəli xidmət nümunəsinə və dövlət-vətəndaş münasibətlərinə verdiyi töhvələrə görə “UĞUR 2013” mükafatı ilə təltif edilib.

Web səhifə 2013-cü ilin ən yaxşı dövlət saytı nominasiyasında Netty.az tərəfindən Milli İnternet Mükafatına layiq görülmüşdür.

Rəsmi facebook səhifəsi https://www.facebook.com/www.asan.gov.az ASAN xidmət mərkəzlərində işin təşkili və göstərilən xidmətlərin keyfiyyəti barədə vətəndaşların münasibətini interaktiv sürətdə öyrənməyin başqa üsuludur.

Facebook səhifəsinin bəyənənlərin sayı 305 000-dən artıqdır.

İstinadlar[redaktə | əsas redaktə]

  1. "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin yaradılması və dövlət orqanları tərəfindən vətəndaşlara göstərilən xidmətlərin təkmilləşdirilməsi ilə bağlı tədbirlər haqqında" Azərbaycan Respublikası Prezidentinin 13 iyul 2012-ci il tarixli, 685 nömrəli Fərmanı (azərb.)

Xarici keçidlər[redaktə | əsas redaktə]

VikiAnbarda ASAN xidmət ilə əlaqəli mediafayllar var.

Həmçinin bax[redaktə | əsas redaktə]