Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi

Vikipediya, açıq ensiklopediya
Keçid et: naviqasiya, axtar
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi
Emblem of Azerbaijan.svg
Azərbaycan Respublikasının Dövlət Gerbi
Ölkə: Flag of Azerbaijan.svg Azərbaycan
Yaradılıb: 13 iyul 2012
Tabeçilik: Azərbaycan Respublikasının Prezidenti
Ünvan: Bakı
Rəhbərlik
Rəhbər: İnam Kərimov
Müavin: Ülvi Mehdiyev
Sayt
vxsida.gov.az

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi — "ASAN xidmət" mərkəzlərinin vahid şəkildə idarə edilməsini təmin edir. Agentliyin vəzifəsi həmçinin xidmət mərkəzlərində fəaliyyət göstərən dövlət orqanlarının əməkdaşlarının fəaliyyətinin əlaqələndirilməsini, nəzarət və qiymətləndirmənin aparılmasını, dövlət orqanlarının informasiya bazalarının qarşılıqlı inteqrasiyasını, elektron xidmətlərin təşkili prosesinin sürətləndirilməsini, bu sahədə idarəetmə sisteminin təkmilləşdirilməsini təmin etməkdir. Vətəndaşlara Xidmət və Sosial İnnovasiyalar üzrə Dövlət Agentliyi 13 iyul 2012-ci ildə Azərbaycan Respublikasının Prezidenti İlham Əliyevin fərmanı ilə yaradılıb. Agentliyin sədri İnam Kərimovdur,[1] sədr müavini vəzifəsidə isə Ülvi Mehdiyev çalışır.[2] Agentliyin tabeliyində doqquz "ASAN xidmət" mərkəzi fəaliyyət göstərir. Dövlət Agentliyinin işinin təşkili 9 şöbədə aparılır. Agentlik və tabeliyində olan "ASAN xidmət" mərkəzləri yerli və beynəlxalq təşkilatlar tərəfindən mükafatlara layiq görülüb. 2015-ci ilin sonlarında Dövlət Agentliyinin tabeliyində "ASAN Radio" fəaliyyətə başlayıb.

Tarixi[redaktə | əsas redaktə]

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi 13 iyul 2012-ci ildə Azərbaycan Respublikasının Prezidenti İlham Əliyevin fərmanı ilə yaradılmışdır.[1][3] Həmin ilin sentyabrın 5-də prezidentin digər fərmanı ilə Agentliyin strukturu və əsasnaməsi təsdiq olundu.[4] Prezidentin imzaladığı sərəncam ilə agentliyin sədri İnam Kərimov təyin olundu.[5] Agentliyin fəaliyyətə başlaması 29 dekabr 2012-cü ilə təsadüf edib.[4] 2014-cü ilin 13 fevralında Dövlət Agentliyi İSO 9001:2008 idarəetmə standartı üzrə beynəlxalq sertifikat əldə edib.[6][7] Həmin ilin yayında Agentliyin tabeliyində olan "ASAN xidmət" mərkəzləri səmərəli xidmət nümunəsinə və dövlət-vətəndaş münasibətlərinə verdiyi töhfələrə görə "Uğur 2013" mükafatına layiq görüldü.[8] 2014-cü ilin sonlarında, 15 dekabrda Agentlik OHSAS 18001:2007 standartı üzrə beynəlxalq dərəcəli sertifikata layiq görüldü.[9]

2015-ci ildə Dövlət Agentliyin tabeliyində fəaliyyət göstərən "ASAN xidmət" BMT-nin 2015-ci il Dövlət Xidmətləri Mükafatına (ing. United Nations Public Service Award 2015) layiq görülüb.[10] Həmin ilin martın 2-də "ASAN xidmət" Britaniya Əməyin Mühafizəsi Şurası tərəfindən 13 sahə üzrə keçirilən, müxtəlif dövlətlərin 700-dən çox müəssisənin müraciət etdiyi müsabiqənin “Dövlət xidmətlərinin həyata keçirilməsinin təşkilində təhlükəsiz əmək şəraitinin qurulması” sahəsi üzrə qalibi olub.[11]

Şöbələr[redaktə | əsas redaktə]

Vətəndaşlara Xidmət və Sosial İnnovasiyalar üzrə Dövlət Agentliyində 10 şöbə fəaliyyət göstərir. Şöbələr haqda aşağıda məlumat verilmişdir.

Beynəlxalq əlaqələr şöbəsi

Beynəlxalq əlaqələr şöbəsi beynəlxalq əməkdaşlıq sahəsində işləri təşkilini, tənzimlənməsini təmin edir. Agentliyin fəaliyyəti barəsində tərəfdaş beynəlxalq təşkilatları məlumatlandırır. Həmçinin beynəlxalq əlaqələr şöbəsi beynəlxalq təşkilatlar və xarici dövlətlə əməkdaşlığı təşkil edir, beynəlxalq əlaqələr və digər sahələr üzrə təlimlər və kurslar keçirir.[12] Bu şöbənin müdiri Elnur Humbetov[13]

Elektron xidmətlərin inkişafı və sosial innovasiyalar şöbəsi

Agentlikdə fəaliyyət göstərən digər şöbə Elektron xidmətlərin inkişafı və sosial innovasiyalar şöbəsidir. Bu şöbə "ASAN xidmət" mərkəzlərində dövlət orqanları tərəfindən həyata keçirilən xidmətlərdə sosial innovasiyaların tətbiqi ilə bağlı araşdırmalar aparır. Bundan başqa elektron xidmətlərin təşkili və təkmilləşdirilməsi ilə bağlı işlər görür. Elektron xidmətlərin inkişafı və sosial innovasiyalar şöbəsi həmçinin strateji araşdırma, təhlil, planlaşdırma işləri ilə məşğul olur və Dövlət Agentliyinin fəaliyyəti ilə bağlı statistik təhlillər və hesabatlar hazırlayır.[14] Şöbənin müdiri Ceyhun Salmanovdur.[15]

Hüquqi təminat şöbəsi

Hüquqi təminat şöbəsi Agentlikdə və "ASAN xidmət" mərkəzlərində hüquqi aktların tətbiqini təşkil edir. Həmçinin bu şöbə qanunvericiliklə bağlı informasiya xidmətini təşkil edir.[16] Hüquqi təminat şöbəsinin müdiri İlhamə Qədimovadır.[17]

İnformasiya texnologiyaları şöbəsi

İnformasiya texnologiyaları şöbəsi proqram təminatlarının, informasiya sistemlərinin, informasiya bazalarının və reyestrlərin yaradılması, təkmilləşdirilməsi üzrə məsələlərlə məşğul olur. Elektron informasiya sistemlərinin fəaliyyətinin təmin olunması, inkişafı üzrə tədbirlər görür.[18] Bu şöbənin müdiri Hikmət Ələkbərovdur.[19]

İnformasiya təminatı şöbəsi

İnformasiya təminatı şöbəsi "Çağrı mərkəzi"nin fəaliyyətini təşkil edir. Həmçinin şöbə elektron poçtlara, sosial şəbəkə hesablarına, saytda onlayn müraciət bölmələrinə nəzarət edir. Şöbə Dövlət Agentliyinin fəaliyyəti ilə bağlı təbliğat və təşviqat işləri ilə məşğul olur, kütləvi informasiya vasitələri ilə işlərin təşkilini həyata keçirir. ASAN Radionun fəaliyyətinin təmin olunması da bu şöbənin səlahiyyətlərinə daxildir.[20] Şöbənin müdiri Anar Hüseynovdur.[21]

İnsan resusrları və təlim şöbəsi

İnsan resursları və təlim şöbəsi Agentlikdə və "ASAN xidmət" mərkəzlərində dövlət qulluğu, əmək münasibətlərini tənzimləyir və təşkil edir. Vətəndaşlara daha yaxşı xidmət göstərmək üçün əməkdaşlara müxtəlif treninq və təlimlər keçirilməsini təmin edir.[22] İnsan resusrları və təlim şöbəsinin müdiri Elvin Paşayevdir.[23]

Maliyyə təminatı şöbəsi

Səyyar xidmətin təşkil olunduğu avtobuslardan biri

Maliyyə təminatı şöbəsi Dövlət Agentliyində və "ASAN xidmət" mərkəzlərində çalışan işçilərin əmək haqları, mükafatları ilə bağlı məsələləri təmin edir. Həmçinin şöbə bank və xəzinə hesabı üzrə əməliyyatları həyata keçirir, mühasibatlıqla bağlı arxiv sənədlərin saxlanmasını təşkil edir. Şöbənin digər vəzifəsi mövcud əmlakın vəziyyətinə nəzarət etməkdir.[24] Şöbənin müdiri Ramiz İsmayılovdur.[25]

Nəzarət və qiymətləndirmə şöbəsi

Nəzarət və qiymətləndirmə şöbəsi "ASAN xidmət" mərkəzlərində xidmət göstərən dövlət orqanlarının əməkdaşlarının fəaliyyətini əlaqəndirməsində iştirak edir. Şöbə xidmətlərin operativlik, şəffaflıq, nəzakətlilik, məsuliyyət və rahatlıq prinsipləri əsasında təşkilini və buna nəzarəti həyata keçirir.[26][27] Şöbənin müdiri Aqil Quliyevdir.[28]

Səyyar xidmətin təşkili

Səyyar xidmətin təşkili şöbəsi vətəndaşların olduqları yeri tərk etmədən "ASAN xidmət" mərkəzlərində göstərilən xidmətlərdən istifadə etməsinə şərait yaradır. Səyyar xidmət xüsusi avtobuslarla təşkil olunur.[29][30] Şöbənin müdiri Kənan Osmanovdur.[31]

"ASAN xidmət" mərkəzləri[redaktə | əsas redaktə]

"ASAN xidmət" mərkəzlərinin yerləşdiyi ərazilər
Əsas məqalə: ASAN xidmət

Agentliyin fəaliyyətə başladığı gün, 29 dekabr 2012-ci ildə Bakıda pilot layihə olaraq ilk "ASAN xidmət" mərkəzinin açılışı oldu.[32][33] 3 may 2013-ci ildə Sumqayıt "ASAN xidmət" mərkəzinin açılışı olub.[34] Bundan bir neçə həftə sonra - mayın 24-də Bakıda ikinci "ASAN xidmət" mərkəzinin açılışı olub.[35] 2013-cü ilin iyunun 1-dən etibarən "ASAN xidmət"in təklif etdiyi xidmətlərdən istifadə etmək üçün mərkəzlərə gələ bilməyən vətəndaşlara xidmət göstərmək üçün zəruri müasir texnoloji avadanlıqlarla təchiz olunmuş səyyar avtobuslardan istifadə olunur.[36] 17 sentyabr 2013-cü ildə Bakıda üçüncü mərkəzin açılışı olub.[37] 2013-cü ilin sonlarında, dekabrın 21-də Gəncədə "ASAN xidmət" mərkəzinin açılışı oldu.[38] 2014-cü ildə mayın 7-də Bakıda sayca dördüncü "ASAN xidmət" mərkəzinin açılışı oldu.[39] 2014-cü ilin dekabr ayının 15-də Sabirabadda "ASAN xidmət" mərkəzinin açılışı oldu.[40] Bundan təxminən üç ay sonra, 13 mart 2015-ci ildə Bərdədə Azərbaycanda sayca səkkizinci "ASAN xidmət" mərkəzinin açılışı oldu.[41] Həmin ilin yayında, iyulun 14-də Azərbaycanda hələlik sonuncu olan 5 saylı Bakı "ASAN xidmət" mərkəzi açıldı.[42] 2016-cı ildə MasallıQəbələdə də "ASAN xidmət" mərkəzinin açılışı gözlənilir.[43]

"ASAN xidmət" mərkəzləri "vahid məkan" prinsipi əsasında fəaliyyət göstərir.[44] "ASAN" modelinin altı əsas prinsipi var: operativlik, şəffaflıq, nəzakətlilik, məsuliyyət, etik davranış qaydalarına nəzarət və rahatlıq.[45] "ASAN xidmət" mərkəzlərində vətəndaşlara xidmət daha yaxşı xidmət göstərilməsi üçün yeni üsullardan və müasir innovasiyalardan istifadə olunur.[46] Xidmətlərin göstərilməsində ştatlı işçilərlə yanaşı könüllülər də çalışır.[47] "ASAN xidmət" mərkəzlərində 10 dövlət qurumu 280-dən çox müxtəlif xidmətlər həyata keçirir.[48] Bundan başqa xidmət mərkəzlərində bank, sığorta, hüquqi yardım və digər funksional yardımçı xidmətlər də təşkil olunur.[49][50] Həmçinin müxtəlif sosial layihələr də keçirilir.[51][52][53] İndiyə qədər "ASAN xidmət" mərkəzlərinə 9 milyondan çox müraciət edilib.[54]

İdeya bankı[redaktə | əsas redaktə]

İdeya bankı Vətəndaşlara Xidmət və Sosial İnnovasiyalar üzrə Dövlət Agentliyi və tabeliyində olan “ASAN xidmət” mərkəzlərinin fəaliyyətinin təşkili prosesinə vətəndaşların cəlb edilməsi, yaradıcı, sosial və ictimai əhəmiyyətli ideyaların toplanılması üçün 20 noyabr 2012-ci ildə yaradılıb və ilk ideya da elə həmin tarixdə qəbul olunub.[55][56] İdeya bankı vasitəsilə vətəndaşlar sistemin inkişafı üçün öz təkliflərini verə bilərlər.[7] İndiyə qədər İdeya bankına yüzlərlə təklif göndərilib və onların bir çoxu reallaşıb.[57] İdeya bankı vasitəsilə reallaşmış ideyalara xidmət mərkəzlərində vətəndaşların istifadəsi üçün yaradılmış "ASAN kitabxana", 2015-ci ilin sonlarından fəaliyyətə başlayan "ASAN Radio", Günəş batareyalarımodem ilə təchiz olunmuş "ASAN oturacaq", uşaqların yol hərəkəti qaydalarını öyrənməyi üçün nəzərdə tutulmuş "Uşaq avtoşəhərciyi"ni misal göstərmək olar.[56]

ASAN Radio[redaktə | əsas redaktə]

Əsas məqalə: ASAN Radio

ASAN Radio Agentliyin tabeliyində fəaliyyətə göstərir. Radionun açılması ilə bağlı Milli Televiziya və Radio Şurası 8 sentyabr 2015-ci ildə 6 illik lisenziya verib[58] və ASAN Radio 24 dekabr 2015-ci ildə 100.0 MHz tezliyində sınaq yayımına başlayıb.[59] Radionun direktoru Emin Musəvidir.[60] ASAN Radio Azərbaycan dilində yayımlanır.[61]

Mükafatlar[redaktə | əsas redaktə]

  • İSO 9001:2008 idarəetmə standartı üzrə beynəlxalq sertifikat: 2014;
  • OHSAS 18001:2007 standartı: 2014;

"ASAN xidmət" mərkəzlərinə verilən mükafatlar

  • "Uğur 2013" mərkəzlərinin "səmərəli xidmət nümunəsinə və dövlət-vətəndaş münasibətlərinə verdiyi töhfələrə görə" nominasiyası qalibi: 2013;
  • BMT-nin Dövlət Xidmətləri Mükafatı: 2015;
  • Britaniya Əməyin Mühafizəsi Şurası “Dövlət xidmətlərinin həyata keçirilməsinin təşkilində təhlükəsiz əmək şəraitinin qurulması” sahəsi üzrə mükafat: 2015;

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 ""Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin yaradılması və dövlət orqanları tərəfindən vətəndaşlara göstərilən xidmətlərin təkmilləşdirilməsi ilə bağlı tədbirlər haqqında" Azərbaycan Respublikası Prezidentinin 13 iyul 2012-ci il tarixli, 685 nömrəli Fərmanı" (Azərbaycanca). E-qanun.az. http://e-qanun.az/print.php?internal=view&target=1&docid=23926&doctype=0. İstifadə tarixi: 28 aprel 2016.
  2. "Dövlət Agentliyi sədrinin yeni müavini" (Azərbaycanca). azvision.az. 25 fevral 2014. http://az.azvision.az/Dovlet_Agentliyi_sedrinin_yeni_-25350-xeber.html. İstifadə tarixi: 29 aprel 2016.
  3. "Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi yaradılıb" (Azərbaycanca). Trend.az. 13 iyul 2012. http://az.trend.az/azerbaijan/politics/2046815.html. İstifadə tarixi: 2016-04-28.
  4. 4,0 4,1 "Prezident İlham Əliyev Vətəndaşlara Xidmət və Sosial İnnovasiyalar üzrə Dövlət Agentliyinin və 1 nömrəli “ASAN xidmət” mərkəzinin açılışında iştirak edib" (Azərbaycanca). Trend.az. 29 dekabr 2012. http://az.trend.az/azerbaijan/politics/2104276.html. İstifadə tarixi: 28 aprel 2016.
  5. "İnam Kərimov Vətəndaşlara Xidmət və Sosial İnnovasiyalar üzrə Dövlət Agentliyinin sədri təyin edildi" (Azərbaycanca). Trend İnformasiya Agentliyi. 7 sentyabr 2012. http://az.trend.az/azerbaijan/politics/2063035.html. İstifadə tarixi: 13 aprel 2016.
  6. "“ASAN Xidmət” İSO sertifikatı aldı" (Azərbaycanca). Lent.az. 25 fevral 2014. http://news.lent.az/news/157047. İstifadə tarixi: 11 aprel 2016.
  7. 7,0 7,1 "ASAN successes acknowledged in UK Parliament" (İngiliscə). teas.eu. 23 iyul 2014. http://teas.eu/press-release-asan-successes-acknowledged-uk-parliament. İstifadə tarixi: 18 aprel 2016.
  8. "Azərbaycan iqtisadiyyatının liderləri "Uğur" mükafatına layiq görüldülər" (Azərbaycanca). Trend İnformasiya Agentliyi. 5 iyun 2014. http://az.trend.az/business/economy/2282153.html. İstifadə tarixi: 15 aprel 2016.
  9. ""ASAN xidmət" beynəlxalq dərəcəli sertifikata layiq görülüb" (Azərbaycanca). Trend.az. 18 dekabr 2014. http://az.trend.az/azerbaijan/society/2345192.html. İstifadə tarixi: 28 aprel 2016.
  10. ""ASAN xidmət" BMT-nin mükafatına layiq görülüb" (Azərbaycanca). Lent.az. 12 may 2015. http://news.lent.az/news/202341. İstifadə tarixi: 28 aprel 2016.
  11. "Əmək mədəniyyəti və milli inkişaf" (Azərbaycanca). Azərbaycan Dövlət İnformasiya Agentliyi. 21 fevral 2015. http://azertag.az/xeber/836039. İstifadə tarixi: 28 aprel 2016.
  12. "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Beynəlxalq əlaqələr şöbəsi haqqında əsasnamə" (Azərbaycanca). vxsida.az. http://vxsida.gov.az/redirect/post/pid/553. İstifadə tarixi: 28 aprel 2016.
  13. "Beynəlxalq əlaqələr şöbəsi" (Azərbaycanca). vxsida.az. http://vxsida.gov.az/redirect/post/pid/545. İstifadə tarixi: 28 aprel 2016.
  14. "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Elektron xidmətlərin inkişafı və sosial innovasiyalar şöbəsi haqqında əsasnamə" (Azərbaycanca). vxsida.az. http://vxsida.gov.az/redirect/post/pid/561. İstifadə tarixi: 28 aprel 2016.
  15. "Elektron xidmətlərin inkişafı və sosial innovasiyalar şöbəsi" (Azərbaycanca). vxsida.az. http://vxsida.gov.az/redirect/post/pid/550. İstifadə tarixi: 29 aprel 2016.
  16. "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Hüquqi təminat şöbəsi haqqında əsasnamə" (Azərbaycanca). vxsida.az. http://vxsida.gov.az/redirect/post/pid/558. İstifadə tarixi: 28 aprel 2016.
  17. "Hüquqi təminat şöbəsi" (Azərbaycanca). vxsida.az. http://vxsida.gov.az/redirect/post/pid/546. İstifadə tarixi: 28 aprel 2016.
  18. "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İnformasiya texnologiyaları şöbəsi haqqında əsasnamə" (Azərbaycanca). vxsida.az. http://vxsida.gov.az/redirect/post/pid/557. İstifadə tarixi: 28 aprel 2016.
  19. "İnformasiya texnologiyaları şöbəsi" (Azərbaycanca). vxsida.az. http://vxsida.gov.az/redirect/post/pid/542. İstifadə tarixi: 28 aprel 2016.
  20. "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İnformasiya təminatı şöbəsi haqqında əsasnamə" (Azərbaycanca). vxsida.az. http://vxsida.gov.az/redirect/post/pid/1154. İstifadə tarixi: 28 aprel 2016.
  21. "İnformasiya təminatı şöbəsi" (Azərbaycanca). vxsida.az. http://vxsida.gov.az/redirect/post/pid/546. İstifadə tarixi: 28 aprel 2016.
  22. "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İnsan resusrları və təlim şöbəsi haqqında əsasnamə" (Azərbaycanca). vxsida.az. http://vxsida.gov.az/redirect/post/pid/556. İstifadə tarixi: 29 aprel 2016.
  23. "İnsan resusrları və təlim şöbəsi" (Azərbaycanca). vxsida.az. http://vxsida.gov.az/redirect/post/pid/547. İstifadə tarixi: 29 aprel 2016.
  24. "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Maliyyə təminatı şöbəsi haqqında əsasnamə" (Azərbaycanca). vxsida.az. http://vxsida.gov.az/redirect/post/pid/559. İstifadə tarixi: 29 aprel 2016.
  25. "Maliyyə təminatı şöbəsi" (Azərbaycanca). vxsida.az. http://vxsida.gov.az/redirect/post/pid/548. İstifadə tarixi: 29 aprel 2016.
  26. "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Nəzarət və qiymətləndirmə şöbəsi haqqında əsasnamə" (Azərbaycanca). vxsida.az. http://vxsida.gov.az/redirect/post/pid/560. İstifadə tarixi: 29 aprel 2016.
  27. Kamal Cəfərov (31 iyul 2013). "Azerbaijan's one-stop public service shop is driving up efficiency" (İngiliscə). The Guardian. http://www.theguardian.com/public-leaders-network/2013/jul/31/azerbaijan-public-service-assessment-network. İstifadə tarixi: 15 aprel 2016.
  28. "Nəzarət və qiymətləndirmə şöbəsi" (Azərbaycanca). vxsida.az. http://vxsida.gov.az/redirect/post/pid/544. İstifadə tarixi: 29 aprel 2016.
  29. "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Səyyar xidmətin təşkili haqqında əsasnamə" (Azərbaycanca). vxsida.az. http://vxsida.gov.az/redirect/post/pid/768. İstifadə tarixi: 28 aprel 2016.
  30. "“ASAN xidmət”ə iki milyonuncu vətəndaş müraciət etmişdir" (Azərbaycanca). Azərbaycan Dövlət İnformasiya Agentliyi. 25 iyun 2014. http://azertag.az/xeber/72097. İstifadə tarixi: 12 aprel 2016.
  31. "Səyyar xidmətin təşkili" (Azərbaycanca). vxsida.az. http://vxsida.gov.az/redirect/post/pid/543. İstifadə tarixi: 28 aprel 2016.
  32. "“Asan xidmət”dən paytaxt sakinlərinə şad xəbər" (Azərbaycanca). Lent.az. 29 dekabr 2012. http://news.lent.az/news/115780. İstifadə tarixi: 11 aprel 2016.
  33. "“ASAN xidmət” mərkəzi fəaliyyətə başladı" (Azərbaycanca). Olaylar.az. 15 yanvar 2013. http://www.olaylar.az/news/social/27022. İstifadə tarixi: 22 aprel 2016.
  34. "Sumqayıtlıların işi “ASAN” olacaq" (Azərbaycanca). Lent.az. 3 may 2013. http://news.lent.az/news/123822. İstifadə tarixi: 11 aprel 2016.
  35. "2 saylı Bakı “ASAN xidmət” mərkəzi fəaliyyətə başlayıb" (Azərbaycanca). Lent.az. 5 iyun 2012. http://news.lent.az/news/127280. İstifadə tarixi: 11 aprel 2016.
  36. "“ASAN xidmət”ə iki milyonuncu vətəndaş müraciət etmişdir" (Azərbaycanca). Azərbaycan Dövlət İnformasiya Agentliyi. 25 iyun 2014. http://azertag.az/xeber/72097. İstifadə tarixi: 12 aprel 2016.
  37. "Bakılıların işi bir az da “ASAN” laşdı" (Azərbaycanca). Lent.az. 17 sentyabr 2013. http://news.lent.az/news/138721. İstifadə tarixi: 11 aprel 2016.
  38. "Gəncədə "Asan Xidmət" Mərkəzi açılıb" (Azərbaycanca). Lent.az. 21 dekabr 2013. http://news.lent.az/news/149958. İstifadə tarixi: 11 aprel 2016.
  39. "4 saylı Bakı “ASAN xidmət” mərkəzi açıldı" (Azərbaycanca). Lent.az. 7 may 2014. http://news.lent.az/news/165379. İstifadə tarixi: 11 aprel 2016.
  40. "Prezident Sabirabad rayonuna səfər edib" (Azərbaycanca). Lent.az. 15 dekabr 2014. http://news.lent.az/news/187639. İstifadə tarixi: 11 aprel 2016.
  41. "Qarabağ bölgəsində ilk “ASAN xidmət” mərkəzi açıldı" (Azərbaycanca). Lent.az. 13 mart 2015. http://news.lent.az/news/196148. İstifadə tarixi: 11 aprel 2016.
  42. "Prezident 5 saylı Bakı “ASAN xidmət” mərkəzinin açılışında" (Azərbaycanca). Lent.az. 14 iyul 2015. http://news.lent.az/news/208714. İstifadə tarixi: 11 aprel 2016.
  43. "Prezidentin tapşırığına əsasən “ASAN xidmət” fəaliyyətini və əhatə dairəsini genişləndirir" (Azərbaycanca). Azərbaycan Dövlət İnformasiya Agentliyi. 13 yanvar 2016. http://azertag.az/xeber/918139. İstifadə tarixi: 22 aprel 2016.
  44. Elmidar Əliyev (7 may 2014). ""ASAN xidmət" Azərbaycan məhsuludur, Azərbaycan brendidir" (Azərbaycanca). Anspress.com. http://www.anspress.com/heyat-terzi/07-05-2014/asan-xidmet-azerbaycan-mehsuludur-azerbaycan-brendidir-foto-video. İstifadə tarixi: 12 aprel 2016.
  45. Kamal Cəfərov (31 iyul 2013). "Azerbaijan's one-stop public service shop is driving up efficiency" (İngiliscə). The Guardian. http://www.theguardian.com/public-leaders-network/2013/jul/31/azerbaijan-public-service-assessment-network. İstifadə tarixi: 15 aprel 2016.
  46. Elmidar Əliyev (19 may 2014). "Azerbaijan: State Agency for Public Services and Social Innovations Under President Established" (İngiliscə). Trend.az. Unpan.org. http://www.unpan.org/PublicAdministrationNews/tabid/115/mctl/ArticleView/ModuleID/1467/articleId/32336/default.aspx. İstifadə tarixi: 15 aprel 2016.
  47. Elmidar Əliyev (19 may 2014). "İnam Kərimov: "Artıq "ASAN xidmət"i könüllülərsiz təsəvvür etmək olmaz"" (Azərbaycanca). Anspress.com. http://www.anspress.com/siyaset/19-12-2013/inam-kerimov-artiq-asan-xidmeti-konullulersiz-tesevvur-etmek-olmaz. İstifadə tarixi: 12 aprel 2016.
  48. "Prezidentin tapşırığına əsasən “ASAN xidmət” fəaliyyətini və əhatə dairəsini genişləndirir" (Azərbaycanca). Azərbaycan Dövlət İnformasiya Agentliyi. 13 yanvar 2016. http://azertag.az/xeber/918139. İstifadə tarixi: 13 aprel 2016.
  49. Çingiz Rüstəmov (1 avqust 2013). "“Guardian” qəzeti: Azərbaycanın dövlət xidmətləri üçün “bir pəncərə” mərkəzi səmərəliliyi artırır" (Azərbaycanca). Azərbaycan Dövlət İnformasiya Agentliyi. http://azertag.az/xeber/27686. İstifadə tarixi: 12 aprel 2016.
  50. "Funksional yardımçı xidmətlər" (Azərbaycanca). Asan.gov.az. http://asan.az/az/content/tree/278/funksional_yardimci_xidmetler. İstifadə tarixi: 12 aprel 2016.
  51. Mahir Babayev (6 noyabr 2015). "“Yaşıl dağ” aksiyası maraqla qarşılanır" (Azərbaycanca). Azərbaycan Dövlət İnformasiya Agentliyi. http://azertag.az/xeber/899971. İstifadə tarixi: 13 aprel 2016.
  52. Ülviyyə R. Əli (26 noyabr 2015). "“ASAN xidmət”dən “Sənədsiz məktəbli qalmasın” aksiyası" (Azərbaycanca). Oxu.az. http://oxu.az/society/104003. İstifadə tarixi: 13 aprel 2016.
  53. "“Əsgərə Məktub!” layihəsinə başlandı" (Azərbaycanca). lent.az. 5 aprel 2016. http://news.lent.az/news/238359. İstifadə tarixi: 19 aprel 2016.
  54. "ASAN xidmətin fəaliyyətinə dair son statistik məlumatlar" (Azərbaycanca). Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi. http://vxsida.gov.az/redirect/index/cat_id/35/MainOrNot/0. İstifadə tarixi: 28 aprel 2016.
  55. "“ASAN xidmət”in “İdeya Bankı”nın əhatə dairəsi genişlənir" (Azərbaycanca). salamnews.org. 10 aprel 2015. http://salamnews.org/az/news/read/169589. İstifadə tarixi: 28 aprel 2016.
  56. 56,0 56,1 "İdeya Bankı Haqqımızda" (Azərbaycanca). ideyabanki.org. 10 aprel 2015. http://www.ideyabanki.com/. İstifadə tarixi: 28 aprel 2016.
  57. ""ASAN xidmət"in "İdeya Bankı"nın əhatə dairəsi genişlənir" (Azərbaycanca). Trend İnformasiya Agentliyi. 10 aprel 2015. http://az.trend.az/azerbaijan/society/2382143.html. İstifadə tarixi: 18 aprel 2016.
  58. ""Asan radio" fəaliyyətə başlayır" (Azərbaycanca). publika.az. 9 sentyabr 2015. http://publika.az/p/106906. İstifadə tarixi: 2016-04-28.
  59. Yeganə Əsgərova (9 sentyabr 2015). "Azərbaycanda yeni radio yayıma başladı" (Azərbaycanca). Anspress.com. http://www.anspress.com/siyaset/24-12-2015/azerbaycanda-yeni-radio-yayima-basladi. İstifadə tarixi: 2016-04-28.
  60. ""ASAN FM" radiosunun rəhbəri məlum oldu" (Azərbaycanca). Trend.az. 5 oktyabr 2015. http://az.trend.az/azerbaijan/society/2440339.html. İstifadə tarixi: 2016-04-28.
  61. Elmir Murad (23 noyabr 2015). "Azərbaycanda daha bir radio fəaliyyətə başlayır" (Azərbaycanca). Trend.az. http://az.trend.az/azerbaijan/society/2459671.html. İstifadə tarixi: 2016-04-28.

Xarici keçidlər[redaktə | əsas redaktə]