Adamas Qolodets

Vikipediya, azad ensiklopediya
Jump to navigation Jump to search
Adamas Qolodets
Adamas Qolodets.jpg
Ümumi məlumatlar
Doğum tarixi
Doğum yeri Moskva, RSFSR, SSRİ
Vəfat tarixi (72 yaşında)
Vəfat yeri Moskva, Rusiya
Vətəndaşlığı SSRİ SSRİ
Rusiya Rusiya
Boyu 1.67 m
Çəkisi 62 kq
Mövqeyi hücumçu
Karyerası
Klub karyerası[* 1]
1953—1957 SSRİ Dinamo Moskva 9 (2)
1958—1959 SSRİ Dinamo Kiyev 40 (16)
1960—1964 SSRİ Neftyanik 126 (29)
Məşqçisi olduğu klublar
1989—1991 SSRİ Dinamo-2 Moskva
1993 Rusiya Dinamo Moskva
1995—1998 Rusiya Dinamo Moskva
Təltif və medalları
"Dostluq" ordeni (Rusiya) — 1998
RSFSR əməkdar məşqçisi nişanı Мастер спорта СССР.png

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

Adamas Qolodets (rus. Адамас Голодец; 23 avqust 1933, Moskva7 aprel 2006, Moskva) — hücumçu mövqeyində çıxış etmiş sovet futbolçusu. SSRİ idman ustası, RSFSR-nin əməkdar məşqçisi (1989).[1]

Həyatı[redaktə | mənbəni redaktə et]

1933-cü ildə Moskvada anadan olmuşdur, onun valideynləri paytaxta 1930-cu ildə Klintsı şəhərindən köçmüşdülər.[2] Böyük Vətən müharibəsi zamanı anası Lyubov İoffe (1904—1975)[3][4] və qardaşları Varlen (1925—2012) və Yuri (1939 təvəllüdlü) ilə birlikdə Kamışlova təxliyyə ediliblər.[5][6] Atası, Qomel sakini[7] Solomon Qolodets (1906—1941) cəbhəyə çağırılmış və 1941-ci ilin oktyabr ayında itkin düşmüşdür.[8] Böyük qardaşı Varlen Kamışlov Piyada Məktəbini bitirdikdən sonra atası kimi cəbhəyə çağırılıb. O, sonralar peşəkar hərbçi olmuş və SSRİ Daxili İşlər Nazirliyinin Ali İstintaq Məktəbinin sosial elmlər kafedrasında müəllim kimi çalışmışdır.

Adamas Qolodets 7 aprel 2006-cı ildə Moskvada vəfat edib. Vostryakov yəhudi qəbirstanlığında dəfn olunub.[3]

Karyerası[redaktə | mənbəni redaktə et]

Klub[redaktə | mənbəni redaktə et]

Moskva "Dinamo"sunun yeniyetmələrdən ibarət komandasının yetirməsidir. İlk məşqçisi V. İ. Haydin olub. 1953-cü ildə komandanın əvəzedici heyətinə cəlb olunub. 1 iyul 1955-ci ildə Moskva "Lokomotiv"inə qarşı ev oyununda "ağ-mavi"lərin heyətində ölkə çempionatında debüt edib (2:1, həlledici topu vurub). 1955-ci ildə SSRİ Kubokunun yarımfinalçısı olub. 1958-1959-cu illərdə Kiyev "Dinamo"sunda oynayıb, orada 40 oyun keçirib və 16 qol vurub. 1960-1964-cü illərdə Bakının "Neftyanik" komandasında çıxış edib, orada 126 oyun keçirib və 29 qol vurub.[1]

Məşqçi[redaktə | mənbəni redaktə et]

1965-ci ildə "Neftyanik"də, 1966-1967-ci illərdə isə Moskva "Lokomotiv"ində məşqçi işləyib. 1973-1976 və 1979-cu illərdə Moskva "Dinamo"sunun Olimpiya Ehtiyatları Uşaq-Gənclər İdman Məktəbinin məşqçisi, 1983-1985-ci illərdə isə direktoru olub. Onun rəhbərlik etdiyi SSRİ dinamo kollektivlərinin yığması 1985-ci ildə "Dinamiada" beynəlxalq gənclər turnirinin qalibi olub. Uzun müddət Moskva "Dinamo"sunun məşqçisi olub. 1989-1991-ci illərdə "Dinamo-2 Moskva" komandasında baş məşqçi kimi çalışıb. 1992-1994-cü illərdə "Dinamo"nun əvəzedicilərdən ibarət komandasını çalışdırıb[9] və eyni zamanda əsas komandanın məşqçi ştabına daxil olub. 1995-1998-ci illərdə Moskva "Dinamo"sunun baş məşqçisi olub. "Dinamo" onun rəhbərliyi altında Rusiya çempionatının bürünc mükafatçısı, Rusiya Kubokunun isə finalçısı olub. 1998-ci ilin avqustundan 2003-cü ilə kimi Lev Yaşin adına "Dinamo" futbol məktəbinin tədris hissəsinin müdiri işləyib.[1]

Şəxsi həyatı[redaktə | mənbəni redaktə et]

1965-cü ildə Azərbaycan Dövlət Bədən Tərbiyəsi İnstitutunu bitirib.[10]

Valentina Qolodets (Toptıqina) ilə evli olub. Onun bu evlilikdən İrina adlı qızı olub.

Kiçik qardaşı Yurinin qızı Olqa Qolodets 2012—2020-ci illərdə Rusiya Federasiyası hökuməti sədrinin müavini olub.[11]

İstinadlar[redaktə | mənbəni redaktə et]

  1. 1 2 3 "Голодец Адамас". Fc-dynamo.ru. 2021-01-16 tarixində arxivləşdirilib. İstifadə tarixi: 2019-07-05.
  2. Варлен Соломонович Голодец
  3. 1 2 Надгробный памятник на Востряковском еврейском кладбище
  4. Эвакуационная карточка Л. А. Иоффе (1942)
  5. Эвакуационная карточка Адамаса Соломоновича Голодца (1942)
  6. Эвакуационаня карточка В. С. Голодца (1942, музей Яд Вашем)
  7. "Голодец Соломон Хаимович (донесение о потерях)". 2022-04-07 tarixində arxivləşdirilib. İstifadə tarixi: 2021-09-22.
  8. "Соломон Хаимович Голодец на сайте «Память народа»". 2022-04-07 tarixində arxivləşdirilib. İstifadə tarixi: 2021-09-22.
  9. "Программка к матчу "Спартак" Кострома — "Динамо"-2 Москва, 07.09.2000" (PDF). 2018-12-19 tarixində arxivləşdirilib (PDF). İstifadə tarixi: 2019-07-08.
  10. ""NEFTÇİ"NİN KEÇMİŞ OYUNÇUSU ADAMAS QOLODETS VƏFAT ETMİŞDİR". Azertag.az. 2021-01-22 tarixində arxivləşdirilib. İstifadə tarixi: 2019-07-08.
  11. "Биография: Голодец Ольга Юрьевна" (rus). İTAR-TASS. 2012-05-21. 2013-08-31 tarixində arxivləşdirilib. İstifadə tarixi: 2013-08-09.

Xarici keçidlər[redaktə | mənbəni redaktə et]