Anar Əsədli

Vikipediya, azad ensiklopediya
Naviqasiyaya keçin Axtarışa keçin
Anar Əsədli
bayraq
Azərbaycan Yüksəliş Partiyasının başqanı
bayraq2
6 dekabr 2020 – 23 iyun 2023
ƏvvəlkiVəzifə təsis edildi.
SonrakıVəzifə ləğv edildi.
Şəxsi məlumatlar
Doğum tarixi 10 dekabr 1979(1979-12-10) (44 yaş)
Doğum yeri
Partiya
Təhsili
Fəaliyyəti siyasətçi
Hərbi xidmət
Qoşun növü Azərbaycan Silahlı Qüvvələri

Anar Əsəd oğlu Əsədli[1] (10 dekabr 1979, Zəngilan) — Azərbaycan siyasətçisi. O, Azərbaycan Yüksəliş Partiyasının qurucularından biri, o cümlədən hazırkı başqanıdır.

Həyatı[redaktə | mənbəni redaktə et]

Anar Əsəd oğlu Əsədli 10 dekabr 1979-cu ildə[2] Azərbaycan SSR-nin Zəngilan şəhərində anadan olmuşdur.[3][4]

Anar Əsədli ailəlidir, 3 övladı var.[3]

Siyasi fəaliyyəti[redaktə | mənbəni redaktə et]

Anar Əsədli 1996-cı ildən siyasi proseslərdə iştirak etməyə başlamışdır. O, 1997–2001-ci illərdə Azərbaycan Xalq Cəbhəsi Partiyası (AXCP) üzvü, AXCP Ali Məclis üzvü, eks prezident AXCP və Bütöv Azərbaycan Birliyi sədri Əbülfəz Elçibəyin səlahiyyətli nümayəndəsi olmuşdur. Əsədli 2003-cü ildə Böyük Quruluş Partiyasının qurucularından olmuş, partiyanın icra aparatına rəhbərlik etmişdir. O, 2004-cü ildə partiya sıralarından istefa vermişdir.[5] Əsədli 2005-ci ildən "Qloballaşan Azərbaycan Sivil İnkişaf Mərkəzi İctimai Birliyinin" (QASİM-İB) sədridir.[6] O, Qarabağ, konkret olaraq Xocalı soyqırımının beynəlxalq ictimaiyyətə tanıdılmasında və qəbul edilməsində bir çox konfransların təşkilatçısı olmuşdur.[7]

Anar Əsədli bir neçə ölkədə, Türkiyədə, Fransada, Almaniyada, Rusiyada keçirilən beynəlxalq simpoziumlarda, o cümlədən, 2005-ci ilin sentyabrında Rusiyanın Soçi şəhərində keçirilən Müstəqil Dövlətlər Birliyi ölkələrinin gənc siyasi liderlərinin zirvə toplantısında Azərbaycanı təmsil etmişdir. 2008-ci ildə Əsədlinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası sədrliyinə namizədliyi irəli sürülmüşdür. Əsədlinin ideya müəllifliyi və baş redaktorluğu ilə 2006-cı ildə "Yeni İqtisadiyyat" aylıq biznes iqtisadi jurnalı Azərbaycan və ingilis dillərində fəaliyyətə başlamışdır. 2008-ci ildən isə jurnal eyni adda iqtisadi xəbər agentliyi kimi fəaliyət göstərmişdir. O, 2014-cü ildə isə "xeber365.com" saytını təsis etmişdir.[8]

Anar Əsədli 9 fevral 2020-ci ildə keçirilən növbədənkənar parlament seçkilərdə 125 saylı Zəngilan-Qubadlı seçki dairəsindən deputatlığa namizədliyini irəli sürmüşdür.[7] O, 11 fevralda verdiyi mətbuat konfransında seçki zamanı saxtakarlığa əl atıldığını bildirmişdir. Əsədli əlavə etmişdir ki, komandası "saxtakarlığı əks etdirən 102 foto və videofaktı aktlaşdıraraq, elə həmin gün" Mərkəzi Seçki Komissiyasına (MSK) göndərmişdir.[9] Sumqayıt Apellyasiya Məhkəməsi onun şikayətini təmin etməmiş və MSK-nın qərarını qüvvədə saxlamışdır. Bunun ardınca Əsədli Azərbaycan Respublikası Ali Məhkəməsinə kassasiya şikayəti vermişdir.[10]

Anar Əsədli 16 iyul 2020-ci ildə Azərbaycan Yüksəliş Partiyasının (AY Partiya) təsisçilərindən olmuşdur. 6 dekabrda partiyanın təsis qurultayı keçirilmiş,[11] Əsədli partiyanın başqanı seçilmişdir.[12] 2021-ci ilin oktyabrında isə AY Partiya dövlət qeydiyyatına alınmışdır.[11]

Əsərləri[redaktə | mənbəni redaktə et]

  • Vicdanın labüd etdiyi savaş (Bakı, 2021)[13]

İstinadlar[redaktə | mənbəni redaktə et]

  1. ↑ "Anar Əsədlinin şikayətinə baxıldı - Daha 2 məntəqə ləğv edildi". Femida.az (az.). 14 fevral 2020. 2022-01-26 tarixində arxivləşdirilib. İstifadə tarixi: 26 yanvar 2022.
  2. ↑ "125 SAYLI ZƏNGİLAN-QUBADLI SEÇKİ DAİRƏSİ ÜZRƏ QEYDƏ ALINANLARIN SİYAHISI". Mərkəzi Seçki Komissiyası (az.). 2022-01-26 tarixində arxivləşdirilib. İstifadə tarixi: 26 yanvar 2022.
  3. ↑ 3,0 3,1 "Əsədli Anar Əsəd oğlu". Qloballaşan Azərbaycan Sivil İnkişaf Mərkəzi İctimai Birliyi (az.). 2022-01-25 tarixində arxivləşdirilib. İstifadə tarixi: 26 yanvar 2022.
  4. ↑ "Anar Əsədlinin deputatlığa namizədliyi irəli sürüləcək". BakuPost (az.). 9 dekabr 2019. 2022-01-25 tarixində arxivləşdirilib. İstifadə tarixi: 26 yanvar 2022.
  5. ↑ "Tərcümeyi hal". Azərbaycan Yüksəliş Partiyası (az.). 2022-08-14 tarixində arxivləşdirilib. İstifadə tarixi: 26 yanvar 2022.
  6. ↑ ""Müzakirə vaxtı" Anar Əsədli ilə - "Yaxın keçmişin verdiyi dərslər" - CANLI YAYIM". Yeni Çağ (az.). 26 noyabr 2019. 2020-11-30 tarixində arxivləşdirilib. İstifadə tarixi: 26 yanvar 2022.
  7. ↑ 7,0 7,1 "Anar Əsədlinin deputatlığa namizədliyi irəli sürüləcək - Təşəbbüs Qrupu yaradıldı". Yeni Çağ (az.). 9 dekabr 2019. 2021-02-25 tarixində arxivləşdirilib. İstifadə tarixi: 26 yanvar 2022.
  8. ↑ "İnam olan yerdə YÜKSƏLİŞ də olacaq!". Azərbaycan Yüksəliş Partiyası (az.). 26 avqust 2021. 2022-08-10 tarixində arxivləşdirilib. İstifadə tarixi: 26 yanvar 2022.
  9. ↑ ""Bu Prezidentin siyasətinə zidd davranışdır" – Anar Əsədli saxtakarların cəzalandırılmasını tələb edir - FOTO". Yeni Çağ (az.). 11 fevral 2020. 2021-05-18 tarixində arxivləşdirilib. İstifadə tarixi: 26 yanvar 2022.
  10. ↑ "Anar Əsədli Ali Məhkəməyə müraciət etdi - FOTO". Yeni Çağ (az.). 29 fevral 2020. 2020-10-30 tarixində arxivləşdirilib. İstifadə tarixi: 26 yanvar 2022.
  11. ↑ 11,0 11,1 "Azərbaycan Yüksəliş Partiyası rəsmi qeydiyyata alındı". Meydan TV (az.). 21 oktyabr 2021. 2022-01-26 tarixində arxivləşdirilib. İstifadə tarixi: 26 yanvar 2022.
  12. ↑ "Anar Əsədli yeni partiyanın ilk başqanı seçilib". Şərq (az.). 6 dekabr 2021. 2022-01-26 tarixində arxivləşdirilib. İstifadə tarixi: 26 yanvar 2022.
  13. ↑ Tofiqoğlu, Müşviq; Paşayeva, Sevinc; Rzayev, İqbal. ""Vicdanın labüd etdiyi savaş" kitabı ictimaiyyətə təqdim olundu - VİDEO". Konkret.az. 2022-02-09 tarixində arxivləşdirilib. İstifadə tarixi: 9 fevral 2022.
Mənbə — "https://az.wikipedia.org/w/index.php?title=Anar_Əsədli&oldid=7475900"