Asəf Orucoğlu

Asəf Əliyev
Asəf Oruc oğlu Əliyev
Doğum tarixi	21 oktyabr 1967(1967-10-21)
Doğum yeri	Daşkəsən şəhəri, Azərbaycan SSR
Vəfat tarixi	6 sentyabr 2018 (50 yaşında)
Vəfat yeri	Bakı şəhəri
Vəfat səbəbi	İnfarkt
Atası	Oruc Əliyev
Vətəndaşlıq	Azərbaycan
Peşələri	Jurnalist hüquqşünas
Milliyyəti	Azərbaycanlı
İxtisası	Hüquq
Təhsili	BDU Beynəlxalq hüquq və beynəlxalq əlaqələr fakültəsi
Fəaliyyəti	Jurnalistika, ədəbi yaradıcılıq, siyasət

Asəf Orucoğlu, Asəf Qaya, Asəf Əliyev (Əliyev Asəf Oruc oğlu; 1967, Daşkəsən – 2018, Bakı) — "Millət" qəzetinin redaktoru və baş redaktoru, MSK-nın sabiq üzvü.

Həyatı

Asəf Orucoğlu 1967-ci ildə Daşkəsən şəhərində anadan olub. Atası Göyçə mahalının Kəsəmən kəndindəndir. 1985-1987-ci illərdə Sovet Ordusu sıralarında hərbi xidmətdə olub.

2018-ci ilin sentyabr ayının 6-da Bakıda vəfat etmişdir.

Təhsili

1984-cü ildə Cəmşid Naxçıvanski adına hərbi liseyi bitirib. 1996-cı ildə M.Ə.Rəsulzadə adına Bakı Dövlət Universitetinin Beynəlxalq hüquq və beynəlxalq əlaqələr fakültəsini fərqlənmə diplomu ilə bitirib.

Əmək fəaliyyəti

Asəf Orucoğlu “Millət” qəzetində jurnalist və baş redaktor, AMİP-də mətbuat katibi, mətbuat və təbliğat məsələləri üzrə katib, “Araşdırma və proqnoz şöbəsi”nin müdiri, Azərbaycan Respublikasının Prezidenti yanında Dövlət Qulluğu Məsələləri üzrə Komissiyanın mətbuat katibi işləyib.

2003-2005-ci illərdə Mərkəzi Seçki Komissiyasının üzvü olub.

Ədəbi yaradıcılığı

Asəf Qaya imzası ilə şeirlər yazırdı. 300-ə yaxın şeirin müəllifidir.