Azim Müzəffərov

Azim Müzəffərov
Şəxsi məlumatlar
Doğum tarixi	1 yanvar 1960(1960-01-01)
Doğum yeri	Gərd, Gığı, Qafan rayonu, Ermənistan SSR, SSRİ
Vəfat tarixi	8 mart 1984(1984-03-08) (24 yaşında)
Vəfat yeri	Əfqanıstan
Dəfn yeri	Saray
Hərbi fəaliyyəti
Təltifləri

Müzəffərov Azim Ələkbər oğlu (1 yanvar 1960, Gərd, Qafan rayonu – 8 mart 1984, Əfqanıstan) — 1982-1984-cu illərdə SSRİ -nin Əfqanıstanda apardığı müharibənin iştirakçısı olmuş azərbaycanlıdır.

Həyatı

Müzəffərov Azim Ələkbər oğlu 01.01.1960-cı ildə Qərbi Azərbaycanın (Ermənistan SSR ) Qafan rayonunun Gərd kəndində anadan olmuşdur. 1968-ci ildə Qafanda baş vermiş güclü zəlzələdən sonra ailəsi ilə birlikdə Abşeron rayonunun Saray qəsəbəsinə köçmüşdür. 1975-ci ildə Saray qəsəbəsinin hal-hazırda onun adını daşıdığı 2 №-li məktəbin 8-ci sinfini nümunəvi davranış, əla və yaxşı qiymətlərlə bitirmişdir. 1975-ci ildə Sovet İttifaqı Qəhrəmanı M. Ələkbərov adına Saray qəsəbə 1№-li orta məktəbin 9-cu sinfinə qəbul olunub, 1977-ci ildə müvəffəqiyyətlə bitirmişdir. Həmin il Azərbaycan Pedaqoji Xarici Dillər İnstitutu ( hal-hazırda Azərbaycan Dillər Universiteti ) qəbul olmuşdur. 1982-ci ildə universiteti İngilis və alman dilləri ixtisası üzrə tam kursu bitirmişdir. Qısa bir müddətdə təyinatla Qərbi Azərbaycanın Qafan rayonunda müəllim işlədikdən sonra könüllü olaraq Hərbi xidmətə getmişdir. 1984-cü il 8 mart tarixində hərbi xidmətinin bitməyinə 2 gün qalmış , ƏDR –da öz beynəlmilləl borcunu yerinə yetirərkən qəhrəmancasına həlak olmuşdur. Orta məktəb illərində şeir yazmağa başlamışdır. Ölümündən sonra 1992-ci ildə  ailəsinin dəstəyi ilə “Ürəyimdə sözüm vardı” adlı seçilmiş şeirlərindən ibarət kitabı nəşr olunmuşdur. 

Təltif və mükafatları

1984-cü il 13 avqust tarixində SSRİ Ali sovetinin №762-XI qərarı ilə “Qırmızı Ulduz “ ordeni layiq görülmüşdür.

9 noyabr 1988-ci il tarixli , Əfqanıstan Demokratik Respublikası tərəfindən "Beynəlmiləlçi döyüşçüyə minnətdar əfqan xalqından" medalı ilə təltif olunub.

İrsi

Azərbaycan SSR Nazirlər Sovetinin 26 noyabr 1987-ci il tarixli, 418 nömrəli qərarı ilə Saray 8-illik məktəbinə Azim Ələkbər oğlu Müzəffərovun adı verilmişdir.

Mənbə

• "Ulduz " jurnalı №1, Yanvar 1985-ci il, İSSN 0134-5222, səh. 30
• "Ulduz" jurnalı №2, Fevral 1990-cı il, İSSN 0134-5222 , səh. 44-47