Bürcəli

Vikipediya, açıq ensiklopediya
Jump to navigation Jump to search
Bürcəli

38°39′ şm. e. 48°47′ ş. u.


Ölkə Azərbaycan Azərbaycan
Rayon Lənkəran rayonu
Tarixi və coğrafiyası
Saat qurşağı UTC+04:00
Əhalisi
Əhalisi 2.329 nəfər
Xəritəni göstər/gizlə
Bürcəli xəritədə
Bürcəli
Bürcəli

BürcəliAzərbaycan Respublikasının Lənkəran rayonunun inzibati ərazi vahidində kənddir.

Coğrafiyası[redaktə | əsas redaktə]

Xanbulan icra nümayəndəliyində kənddir. Şərqdən və cənubdan Hirkan qəsəbəsi, qərbdən Hirkan Milli Parkı, şimaldan Xanbulançayla əhatə olunmuşdur. Lənkəran-Astara şose yolunda, rayon mərkəzindən 14 km cənubda yerləşir. Ərazisi 306 hektardır. 63 hektarı çay, 43,5 hektarı sitrus sahələridir. 158 hektarı bələdiyyə mülkiyyəti üçün ayrılmışdır. 2000-2009-cü illərdə kənd bələdiyyəsi fəaliyyət göstərmişdir. 2010-cu ildə Xanbulan bələdiyyəsi ilə birləşdirilmişdir.

Əhalisi[redaktə | əsas redaktə]

Əhalisi 2329 nəfərdir. Əhali çayçılıq, sitrusçuluq və heyvandarlıqla məşğuldur. 1995-ci ilədək "Avrora" (indiki Hirkan) sovxozunun tərkibində fəaliyyət göstərmişdir.

Tarixi[redaktə | əsas redaktə]

XIX əsrin əvvəllərinədək Bürcəli adını daşıyan bu kənd 1992-ci ilədək Alekseyevka adlanmışdır. Bu ad 1888-ci ildə buraya gələn rus Alekseyevlər ailəsinin soyadından götürülmüşdür. Azərbaycan müstəqillik qazandıqdan sonra kəndin əvvəlki adı - Bürcəli özünə qaytarılmışdır.

Bürcəli ibtidai məktəbi ikisinifli məktəb olmaqla, əsası 1897-ci ildə qoyulmuşdur. Bu dövrdə oğlanlar və qızlar bir yerdə oxumuşlar. 1914-cü ildə qızlar üçün ayrıca sinif təşkil edilmişdir. 1927-1928-ci tədris ilində Lənkərandakı məktəblər üç dairə üzrə fəaliyyət göstərirdi. Bürcəli məktəbi bu dövrdə Şürük dairəsində olmuşdur. Sonralar şagirdlər təhsillərini "Avrora" (indiki Hirkan) məktəbində davam etdirmişlər. Əvvəllər ayrı-ayrı şəxslərin mülklərində yerləşmişdir. İndiki məktəb binası 2007-ci ildə Heydər Əliyev fondu tərəfindən inşa edilmişdir. Bürcəli poçt şöbəsi 2005-ci il mart ayından fəaliyyət göstərir. Kənddə 708 nömrəlik ATS vardır.[1]

İstinadlar[redaktə | əsas redaktə]