Biləsər

Vikipediya, azad ensiklopediya
Jump to navigation Jump to search
Biləsər
38°37′39″ şm. e. 48°42′00″ ş. u.
Ölkə  Azərbaycan
Rayon Lənkəran rayonu
Tarixi və coğrafiyası
Mərkəzin hündürlüyü 494 m
Saat qurşağı
Əhalisi
Əhalisi
  • 1.884 nəf.
Xəritəni göstər/gizlə
Biləsər xəritədə
Biləsər
Biləsər

BiləsərAzərbaycan Respublikasının Lənkəran rayonunun inzibati ərazi vahidində kənd.[1] Əhalisi 1366 nəfərdir.[2] Peştəsər silsiləsinin yamacında yerləşir.

Coğrafiyası[redaktə | mənbəni redaktə et]

Rayon mərkəzindən 38 kilometr cənub-qərbdə, Bəşəru çayının sağ sahilində, Peştəsər silsiləsinin yamacındadır. Şimaldan Daşdatük, cənubdan Seliqavol, Alazəpin, Astara rayonunun Motlayataq, qərbdən Lerik rayonunun Ancaqəv kəndləri ilə əhatə olunmuşdur.

Toponimiyası[redaktə | mənbəni redaktə et]

Toponim talış dilində Biləsə adlanır. Talış dilindəki bil (bataqlıq, göl) və sər (baş) sözlərinin birləşməsindən (-ə bitişdirici saitdir) ibarət olub, "gölün baş tərəfində və ya kənarında olan kənd" kimi izah olunur.[3]

İqtisadiyyatı[redaktə | mənbəni redaktə et]

Əhali heyvandarlıq, arıçılıq və tərəvəzçiliklə məşğuldur. Kənddə 1934-1964-cü illərdə kolxoz, 1964-1997-ci illərdə sovxoz təsərrüfatı fəaliiyyət göstərmişdir. Kənddə orta məktəb (1931), klub, kitabxana, həkim ambulatoriyası, ATS, poçt şöbəsi, məişət xidməti obyektləri vardır.[4]

Hidrologiyası[redaktə | mənbəni redaktə et]

Lənkəran rayonunun Biləsər kəndi yaxınlığında eyniadlı mineral bulaq vardır. Bulağın suyu soyuq və kükürdlüdür. Bundan əlavə rayondan adı Biləsər kəndinin adından götürülən və Bəşəru çayının bir qolu olan Biləsər çayı da axır.

İstinadlar[redaktə | mənbəni redaktə et]

  1. Azərbaycan Respublikasının inzibati - ərazi bölgüsü. Məlumat toplusu. Bakı – 2013. 488 səh.
  2. Azərbaycan Respublikası əhalisinin siyahıyaalınması 2009-cu il. I cild. Bakı - 2010.
  3. Azərbaycan toponimlərinin ensiklopedik lüğəti. İki cilddə. I cild. Bakı, “Şərq-Qərb”, 2007,304 səh.
  4. Lənkəran Ensiklopediyası: Məlumat Səh 93-94