Bakı Futbol Liqası
| Ölkə |
 Azərbaycan |
|---|---|
| Açılış ili | 2016 |
| İlk sezon | 2017 |
| Şüar | Meydan səni çağırır |
| Liqalar sistemində səviyyə | 1 |
| Yuxarı liqa | Premyer Liqa |
| Aşağı liqa | I Divizion |
| Digər kubok(lar) | "BFL Cup", "BFL Super Cup" |
| Beynəlxalq kubok(lar) | Continental Football League |
| Son çempion |
Füzuli FK (2019/20) |
| TV partnyoru | İdman Azərbaycan TV |
| Veb səhifəsi | www.bfl.az/v3 |
 BFL 2019/20-ci il mövsümü |
|
Bakı Futbol Liqası — Azərbaycanda 8x8 formatında həvəskar futbol komandalarının çıxış etdiyi ən böyük liqadır.[1] Ölkədə bu formatı ilk dəfə olaraq BFL tanıtmışdır və futbolsevərlər tərəfindən ən yaxşı həvəskar liqa kimi qiymətləndirilir.[2]
Tarixi[redaktə | mənbəni redaktə et]
Bakı Futbol Liqası 2016-cı ildə təsis edilmişdir. Qurum AFFA tərəfindən tanınır və dəstəklənir.
BFL-in ilk mövsümünün (2017/18) püşkatma mərasimi 28 sentyabr 2017-ci ildə baş tutub. Ümumilikdə 135 oyunun keçirildiyi mövsümün sonunda «İdman Azərbaycan» komandası BFL 2017/18-ci il mövsümünün çempionluq kubokunu başı üzərinə qaldırmışdır. Azərbaycanda həvəskar futbolçular üçün ilk olaraq komanda BFL tərəfindən həvəskarlar arasında keçirilən dünya çempionatına, "Continental Football League 2018"ə ölkəmizi təmsil etməyə göndərilmişdir.
2018/19-cu il mövsümünün püşkatma mərasimi isə 25 sentyabr 2018-ci ildə “Excelsior Hotel”də keçirilmişdir. Stabil və baxımlı çıxışı ilə yadda qalan "Uğur FK" komandası "Sirena Motors", "Seniors", "Kristal R&R", "Mübariz FK" kimi kollektivlərin iştirak etdiyi mövsümdə qızıl medallara yiyələndi və çempion kimi 10 000 AZN pul vəsaiti ilə mükafatlandırıldı.
2019/20-ci il mövsümü ilə birlikdə daha güclü və adını futbol tarixinə yazmaq istəyən əzmkar komandalar BFL adı altında bir araya gəldilər. Oyunlara ölkənin ayrı-ayrı bölgələrindən komandaların gəlməsi qarşılaşmalara olan marağı daha da artırdı. Bütün dünyanı bürüyən "Covid-19" pandemiyası və karantin rejimi ilə əlaqədər 2019/20-ci il mövsümü yarım-final mərhələsinin ilk oyunlarından sonra qeyri-müəyyən müddətə təxirə salındı. Torpaqlarımızın işğaldan azad olunması uğrunda gedən Vətən müharibəsində dəstəkləri ilə hərbçilərimizin yanında olan BFL Füzuli şəhərinin işğaldan azad olunması münasibətilə həmin gün yarım-final mərhələsinin iştirakçısı olan "Füzuli FK" komandasını 2019/20-ci il mövsümünün çempionu elan etdi. BFL rəhbərliyi və yarım-final mərhələsinin digər iştirakçıları olan "Aslan FK" (Astara), "Əmirli Tovuz" (Tovuz), "Baku FC" (Bakı) komandalarından gələn bu jest futbol ictimaiyyəti tərəfindən yüksək qiymətləndirildi.
Komandalar[redaktə | mənbəni redaktə et]
| Komandalar | Komandalar |
|---|---|
| İdman Azərbaycan | Uğur FK |
| Beerbaşa | Sirena Motors |
| Kristal Abşeron | MuğanBank |
| AtaBank | Seniors |
| Mr.Fix | Advokat |
| Armada FK | Astaraçay |
| Bakı FK | Gənclik İK |
| Captain Cargo Arxivləşdirilib 2020-01-28 at the Wayback Machine | Avengers |
| FutbolPlanet Arxivləşdirilib 2022-01-23 at the Wayback Machine | Mübariz FK |
| Vətən | Sintra AZE FC |
| Forever Young | Piramida |
| FC Baku | Füzuli FK |
| Borçalı FK | Əmirli Tovuz |
| AgroSport | Çağırğan FK |
| Lökbatan FK | Tornado FK |
| Army United | Alliance FK |
| Göytürk FK | Balaxanı FK |
Mükafatlar[redaktə | mənbəni redaktə et]
Bakı Futbol Liqası ölkədə həvəskarlar arasında dünya çempionatına vəsiqə verən ilk qurumdur.[3] Bundan başqa mövsümün qalibi olmuş komandaya 10.000 AZN pul mükafatı verilir.[4]
CFL[redaktə | mənbəni redaktə et]
"Continental Footbal League" dünyanın müxtəlif ölkələrinin ən böyük həvəskar futbol liqalarının çempionlarının mübarizə apardığı turnirdir. Ölkəmizdən "CFL"də iştirak etmək üçün yalnız "BFL"ə lisenziya verilib.
Azərbaycan ilə yanaşı "CFL"də iştirak edən digər ölkələr aşağıdakılardır:
| Ölkələr | Ölkələr | Ölkələr | Ölkələr |
|---|---|---|---|
| Braziliya | Yaponiya | Belçika | İsveç |
| Türkiyə | İspaniya | İtaliya | Fransa |
| Portuqaliya | Xorvatiya | Çili | Qazaxıstan |
| İsrail | İsveçrə | Hindistan | Belarusiya |
| Tunis | Əlcəzair | Slovakiya | Suriya |
| Rumuniya | Rusiya | Bolqarıstan | Finlandiya |
| Almaniya | Sloveniya | Meksika | Keniya |
Xeyriyyə tədbirləri[redaktə | mənbəni redaktə et]
Bakı Futbol Liqası mütəmadi olaraq xeyriyyə tədbirləri ilə yadda qalır.[5] Novruz bayramı ərəfəsində valideyn himayəsindən məhrum olmuş uşaqları stadiona dəvət edən BFL rəhbərliyi futbolçulara da xüsusi anlar yaşadıb.[6] Peşəkar futbolda olduğu kimi meydana uşaqlarla çıxan futbolçular "Uşaqlar bizim gələcəyimizdir" şüarı altında pankart açıblar.[7] Daha sonra BFL tərəfindən uşaqlara müxtəlif hədiyyələr təqdim olunub.[8][9]
AFFA və BFL[redaktə | mənbəni redaktə et]
Bakı Futbol Liqası AFFA tərəfindən dəstəklənir. "AFFA" BFL-in ölkədə həvəskar futbola töhfəsini, futbolun inkişafı və həvəskarların xəyallarındakı səviyyəyə gəlməsindəki rolunu, ölkəmizin xaricdə "BFL" timsalında təmsil olunmasını və bir çox yeniliklərlə bağlı bütün imkanlarını səfərbər etməsini yüksək qiymətləndirir. Oyunları AFFA-nın hakimlər briqadası idarə edir. Hakimlərin idarəçiliyi birbaşa olaraq nəzarətdədir. [10]
İstinadlar[redaktə | mənbəni redaktə et]
- ↑ "Arxivlənmiş surət". 2017-07-07 tarixində arxivləşdirilib. İstifadə tarixi: 2019-03-02.
- ↑ "Arxivlənmiş surət". 2017-07-08 tarixində arxivləşdirilib. İstifadə tarixi: 2019-03-02.
- ↑ http://www.idmantv.az/readnews.php?id=22347[ölü keçid]
- ↑ "Arxivlənmiş surət". 2018-04-25 tarixində arxivləşdirilib. İstifadə tarixi: 2019-03-02.
- ↑ https://www.offsideplus.az/liqalar/digər/1672-bakı-futbol-liqası-uşaqları-sevindirdi[ölü keçid]
- ↑ "Arxivlənmiş surət". 2023-07-01 tarixində arxivləşdirilib. İstifadə tarixi: 2019-03-02.
- ↑ "Arxivlənmiş surət". 2017-12-31 tarixində arxivləşdirilib. İstifadə tarixi: 2019-03-02.
- ↑ "Arxivlənmiş surət". 2018-05-02 tarixində arxivləşdirilib. İstifadə tarixi: 2019-03-02.
- ↑ "Arxivlənmiş surət". 2023-07-01 tarixində arxivləşdirilib. İstifadə tarixi: 2019-03-02.
- ↑ "Arxivlənmiş surət". 2020-02-20 tarixində orijinalından arxivləşdirilib. İstifadə tarixi: 2021-02-25.
Xarici keçidlər[redaktə | mənbəni redaktə et]
- Rəsmi saytı Arxivləşdirilib 2019-02-22 at the Wayback Machine