Benqt Holmström

Vikipediya, açıq ensiklopediya
Keçid et: naviqasiya, axtar
Benqt Holmström
isv. Bengt Robert Holmström
Bengt Holmström.jpg
Doğum tarixi: 18 aprel 1949 (1949-04-18) (67 yaş)
Doğum yeri: Helsinki, Flag of Finland.svg Finlandiya
Vətəndaşlıq: Flag of Finland.svg Finlandiya
Milliyyəti: fin
Elm sahəsi: İqtisadiyyat
İş yeri: Helsinki Universiteti
Stenford Universiteti
Şimal-Qərb Universiteti
Yel Universiteti
Massaçusets Texnologiya İnstitutu
Təhsili: Helsinki Universiteti
Elmi rəhbəri: Robert R.Uilson
Tanınmış yetirmələri: Conatan Levin[1]
Tanınır: Müqavilə nəzəriyyəsi
Mükafatları: Nobel mükafatı 2016 İqtisadiyyat üzrə Nobel mükafatı

Benqt Holmström — fin iqtisadçı. 2016-cı ildə Müqavilə nəzəriyyəsi ilə bağlı olan tədqiqatlarına görə Oliver Hartla birlikdə İqtisadiyyat üzrə Nobel mükafatına layiq görülmüşdür.[2][3]

Təhsil və Karyerası[redaktə | əsas redaktə]

Benqt Holmström Helsinki Universitetinin Riyaziyyat və Dəqiq elmlər fakültəsindən bakalavr dərəcəsi ilə məzun olmuşdur. Daha sonra Stenford Universitetində Əməliyyat tədqiqatları sahəsində magistr, 1978-ci ildə isə menecment sahəsi üzrə isə Robert R.Uilsonun elmi rəhbərliyində doktor elmi dərəcəsini almışdır.[4]

1979-1982-ci illərdə Şimal-Qərb Universitetinin İdarə elmləri fakültəsində dosent olaraq işləmişdir. 1983-1994-cü illərdə Yel Universitetinin İdarə elmləri fakültəsində professor olaraq dərs keçmişdir. 1994-cü ildə Massaçusets Texnologiya İnstitutunda işləməyə başladı və 2003-2006-cı illər ərzində institutun İqtisadiyyat şöbəsinin rəhbəri oldu.[4] Bundan başqa, 1999-2012-ci illərdə Nokianın idarə heyərinin üzvü olmuşdur.[5][6]

Benqt Holmström Əsl faktor nəzəriyyəsi ilə bağlı apardığı tədqiqatları ilə tanındı. Xüsusilə təşkilati idarələr içindəki maliyyə böhranlarında likvidlik problemləri üçün müraciət olunan təşviq edici Müqavilə nəzəriyyəsi ilə bağlı tədqiqatlar apardı.[4]

Benqt Holmström Amerikan İncəsənət və Elmlər Akademiyasının, Ekonometriya Cəmiyyətinin, Amerika Maliyyə Assososasiyasının, İsveç Kral Elmlər Akademiyasının və Finlandiya Ədəbiyyat və Elmlər Akademiyasının üzvüdür.

Mükafatları[redaktə | əsas redaktə]

İqtisadiyyat üzrə Nobel mükafatı[redaktə | əsas redaktə]

10 oktyabr 2016-cı ildə İsveç Kral Elmlər Akademiyası tərəfindən Oliver Hartla birlikdə Benqt Holmströma Müqavilə nəzəriyyəsi ilə bağlı apardıqları tədqiqata görə İqtisadiyyat üzrə Nobel mükafatı verilmişdir.[7]

Komitə tərəfindən verilən izahatda "Çağdaş iqtisadiyyatlar, saysız-hesabsız müqavilə ilə bir yerdə tutulur. Benqt Holmström və Oliver Hartın təkmilləşdirdiyi nəzəri struktur, real həyat müqavilələri və nəzəriyyə ilə yanaşı müqavilə quruluşunun mümkün təhlükələrini də başa düşməyimiz baxımından önəmlidir. Benqt Holmström və Oliver Hart 1970-ci illərdə Müqavilə nəzəriyyəsini məhsuldar sahə olaraq meydana çıxardı. Sonrakı illərdə onlar bu nəzəriyyənin tətbiqi yollarını da tədqiq etdilər. Ən uyğun müqavilə nizamlamaları ilə bağlı olan analizləri də bir çox sahədə siyasət formalaşdırmağın intellektual əsaslarını formalaşdırdı" düşüncəsi öz əksini tapmışdır.[8]

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]