Cavid Çələbiyev
  Cavid Çələbiyev | |
|---|---|
.jpg) | |
| Şəxsi məlumatları | |
| Tam adı | Cavid Namiq oğlu Çələbiyev |
| Vətəndaşlığı |
 Azərbaycan |
| Doğum tarixi | 17 may 1992 |
| Doğum yeri | Bakı, Azərbaycan |
| Boyu | 173 sm. |
| Çəkisi | 60 kq. |
| İdman növü |
Boks |
| 15 iyun 2017 tarixində yenilənib. | |
Cavid Çələbiyev (d. 17 may 1992, Bakı, Azərbaycan) — Azərbaycanlı boksçu. Cavid Çələbiyev 2013-cü ildə Qazaxıstanın Almatı şəhərində baş tutan Dünya Çempionatında qızıl medal qazanıb.
Həyatı[redaktə | əsas redaktə]
Cavid Çələbiyev 17 may 1992-ci ildə Azərbaycanın paytaxtı Bakı şəhərində anadan olub.
Karyerası[redaktə | əsas redaktə]
Cavid Çələbiyev birinci böyük uğurunu 2013-cü ildə Qazaxıstanın Almatı şəhərində qazandı. O, Dünya Çempionatında qızıl medalına layiq görüldü. Cavid Çələbiyev 56 kq. çəki dərəcəsində birinci görüşdə Tacikistanlı Oraz Avzalşoyevi 2-1 hesabı ilə məğlub etdi. Daha sonra 1/16 final mərhələsində Cavid Çələbiyev, Monqolustanlı Nyambayaryn Tögstsogt ilə üz-üzə gəldi və rəqibini 2-1 hesabı ilə məğlub etdi. 1/8 final mərhələsində vəsiqə qazanan Cavid Çələbiyev bu mərhələdə Keniyalı Benson Giçaru ilə qarşılaşdı və rinqdən 2-1 hesablı qələbə ilə ayrıldı. Daha sonra 1/4 final mərhələsində Cavid Çələbiyev Hindistanlı Şiva Tapa ilə üz-üzə gəldi və 3-0 hesablı qələbə ilə yarım-finala adladı. Bu mərhələdə o, yerli boksçu Qazaxıstanlı Kayrat Yerəliyevə 2-1 hesabı ilə qalib gəldi və finala adladı. Finalda Cavid Çələbiyev Rusiyalı Vladimir Nikitin ilə qarşılaşdı və 3-0 hesabı ilə qalib gələrək 2013 Dünya Çempionatının qızıl medalını qazandı.
Rio-de-Janeyro Olimpiadası[redaktə | əsas redaktə]
Cavid Çələbiyev 2016-cı ildə XXXI Yay Olimpiya Oyunlarına vəsiqə qazanmaq üçün Türkiyənin Samsun şəhərində keçirilən Avropa Olimpiya Təsnifat turnirində iştirak etdi. O, 56 kq. çəki dərəcəsində 1/8 final mərhələsində Moldovalı Vyaçeslav Qojanı tam qələbə ilə məğlub etdi və 1/4 final mərhələsinə vəsiqə qazandı. Bu mərhələdə o, Bolqarıstanlı Stefan İvanovu 3-0 hesabı ilə məğlub etdi və yarım-finala adladı. Yarım-finalda Cavid Çələbiyev Ermənistanlı Aram Avagyan ilə üz-üzə gəldi. Cavid Çələbiyev erməni rəqibini rinqə çıxmaqa peşman etdi. O, Aram Avagyanı 3-0 hesabı ilə məğlub etdi və finala adladı. Finala vəsiqə qazanan Cavid Çələbiyev final görüşünün nəticəsindən asılı olmayaraq XXXI Yay Olimpiya Oyunlarına vəsiqə qazandı.[1] Qeyd edək ki Cavid Çələbiyev finalda Böyük Britaniyalı Qais Aşfaqı 3-0 hesabı ilə məğlub etdi və turnirin qızıl medalını qazandı.
İstinadlar[redaktə | əsas redaktə]
- ↑ "Azərbaycan boksçusu Cavid Çələbiyev ermənistanlı idmançıya qalib gələrək "Rio-2016"ya lisenziya qazanıb". www.azertag.az. İstifadə tarixi: 15 aprel 2016.
