Loren Alfonso

Vikipediya, azad ensiklopediya
Jump to navigation Jump to search
Boxing pictogram.svg Loren Alfonso Boxing pictogram.svg
Loren Alfonso.jpg
Şəxsi məlumatlar
Tam adı Loren Berto Alfonso Dominqez
Vətəndaşlığı Kuba Kuba
Azərbaycan Azərbaycan
Doğum tarixi 28 may 1995(1995-05-28) (26 yaş)
Doğum yeri
İdman növü Boxing pictogram.svg Boks

Loren Berto Alfonso Dominqez (azərb. Loren Berto Alfonso Dominguez‎) — Kuba əsilli azərbaycanlı boksçu, 2019 -cu ildə Minskdə keçirilən Avropa Oyunlarının qızıl medalçısı, 2020 Yay Olimpiya Oyunlarının bürünc mükafatçısı.

Tərcümeyi-hal[redaktə | mənbəni redaktə et]

Loren Alfonso Dominqez 28 may 1995-ci ildə Kubada anadan olmuşdur. Kasıb bir ailədə böyümüşdür. Vətənində Domingez üç nömrəli idi və bu, yalnız iki nömrəli sayılan idmançının yarışlarda daha çox iştirak etməsi səbəbindən idi. Ancaq Domingez döyüşlərdə ona heç vaxt məğlub olmamışdır.

2017-ci ilin yanvar ayında Alfonso Dominqez Azərbaycan Çempionatında iştirak etdi, lakin performansı qalmaqala çevrildi və nəticədə Dominqez Rauf Rəhimov və Eldar Quliyevin çıxış etdiyi finala belə çıxa bilmədi. Buna baxmayaraq, 81 kq çəki dərəcəsində yarışan Olimpiya mükafatçısı və 2015 Avropa Oyunlarının qalibi Teymur Məmmədov karyerasını bitirdikdən sonra heç kim milli komandada yerini tutmadı. 2018-ci ilin noyabr ayında kubalı Alfonso Dominqez Azərbaycan millisinə cəlb edildi və Qəbələ klubunda oynamağa başladı.[1]

Dominguez Azərbaycan millisinə keçidini Kubada çox yüksək rəqabətin olması ilə izah etdi. Müsahibəsində o, bunları söylədi: "Müsabiqəyə yalnız bir nömrəli olanlar aparılırdı. Komandada ikinci və üçüncü nömrəli idmançılar kənarda qalmışdı. Ancaq hər kəs Kubada ikinci və üçüncü ola bilməz. Bu səbəbdən təkcə, mən yox, bir çox güclü boksçu da "Azadlıq adası"nı tərk etmək məcburiyyətindədir..."

Dominqezin sözlərinə görə, onun keçidinə Azərbaycanda boksçuların Kuba ilə müqayisədə nisbətən yüksək əmək haqqı da kömək etdi.

2019-cu ilin aprelində Dominqez Bakıda keçirilən ənənəvi "Böyük İpək Yolu" beynəlxalq boks turnirinin gümüş mükafatçısı oldu.[2]

2019-cu ildə Dominqez Minskdə keçirilən II Avropa Oyunlarında qızıl medal qazandı. 1/16 finalda ukraynalı Stepan Qrekulu 3: 0[3] hesabı ilə məğlub etdi. 1/18 finalda belaruslu Mixail Dauqaliavetsi, dörddəbir finalda isə belçikalı Ziad El Mohoru 5:0 hesabı ilə məğlub etdi[4] . Yarımfinalda İtalyan Simone Fioreni 4:1 məğlub edən Alfonso Dominqez Avropa Oyunlarının finalına çıxdı.[5] Finalda Dominqez Böyük Britaniyalı Benjamin Vitteykri 3-2 məğlub edərək qızıl medal qazandı.[6]

Boksdan əlavə, Dominqez musiqi və mahnı oxumağı sevir. Boş vaxtlarında, heç bir məşq planlaşdırılmadıqda, restoranlarda mahnı oxuyur.[7]

Şəxsi həyat[redaktə | mənbəni redaktə et]

Alfonso Dominqezin bir qızı, habelə Almaniyada yaşayan Kuba əsilli xanımı var.[7]

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]