Lorenso Sotomayor

Vikipediya, azad ensiklopediya
Jump to navigation Jump to search
Lorenso Sotomayor
Boxing at the 2016 Summer Olympics, Sotomayor vs Matviychuk 5 (cropped).jpg
Şəxsi məlumatları
Tam adı Lorenso Kollazo Sotomayor
Vətəndaşlığı Azərbaycan Azərbaycan
Doğum tarixi 16 fevral 1985 (1985-02-16) (34 yaş)
Doğum yeri Havana, Kuba
Boyu 185 sm
Çəkisi 64 kq
İdman növü Boxing pictogram.svg Boks
25 oktyabr 2016 tarixində yenilənib.

Lorenso Sotomayor (d.  16 fevral 1985, Havana, Kuba) — Kuba əsilli Azərbaycanlı boksçu. Lorenso Sotomayor 2015-ci ildə Bakı şəhərində baş I Avropa Oyunlarının qızıl medalını, 2016-cı ildə Rio-de-Janeyro şəhərində baş XXXI Yay Olimpiya Oyunlarının isə gümüş medalını qazanıb.

Lorenso Sotomayor 29 iyun 2015-ci ildə I Avropa Oyunlarında qazandığı nailiyyətə görə "Şöhrət" ordeni ilə, 1 sentyabr 2016-cı ildə XXXI Yay Olimpiya Oyunlarında qazandığı uğura görə isə 2-ci dərəcəli "Vətənə xidmətə görə" ordeni təltif edilib.

Həyatı[redaktə | əsas redaktə]

Lorenso Sotomayor 16 fevral 1985-ci ildə Kubanın paytaxtı Havana şəhərində anadan olub. Lorenso Sotomayor 2000-ci ildən boksla məşğul olur.

Karyerası[redaktə | əsas redaktə]

Lorenso Sotomayor rinqdə birinci uğurunu 2008-ci ildə qazandı. Sotomayor Kuba Çempionatında bürünc medal qazandı. Bir ildən sonra isə, Lorenso Sotomayor analoji yarışda bu səfər qızıl medal qazandı. Sotomayor həmin yarışların finalında İdel Torrienteni 12:4 hesabı ilə məğlub etdi. Lorenso Sotomayor növbəti uğurunuda yenə məhz elə Kuba Çempionatında qazandı. O, 2011-ci ildə bu səfər Yasnier Toledoya məğlub olaraq gümüş medala layiq görüldü. Ertəsi il, Sotomayor yenə analoji yarışda Toledoya uduzdu və bürünc medala sahib çıxdı. Lorenso Sotomayorun karyerasl ərzində ancaq yerli çempionatda uğur qazanması, Kuba yığmasının heyətində Sotomayorla müqayisədə daha təcrübəli boksçular olduğu üçün idi. Lorenso Sotomayor iri miqyasılı yarışlara buraxılmırdı, onun əvəzini yığmanın bir nömrəsi Yasnier Toledo hesab olunurdu. Buna görə də Lorenso Sotomayor vətəndaşlıqını dəyişdirmək və yeni ölkənin bayrağl altında çıxış etməyi qərara aldı. Sotomayora 2014-cü ildə Azərbaycan yığmasından təklif gəldi və o, həmin təklifi qəbul edərək Azərbaycan yığmasının heyətinə cəlb olundu.

Lorenso Sotomayor Azərbaycan bayrağı altında birinci uğurunu 2014-cü ildə Azərbaycan çempionatı və "Böyük İpək Yolu" beynəlxalq turnirində qazandı. O, həmin yarışların qızıl medallarının sahibi oldu. 2015-ci il isə Lorenso Sotomayor üçün əlamətdar oldu. O, karyerasının ən böyük uğurunu qazandı. Lorenso Sotomayor Bakı şəhərində I Avropa Oyunlarında finala gədər Sloveniyalı Edin Sejdinoviç, Moldovalı Dimitri Galagot, Rumıniyalı Florentin Nikulesku və Ukraynalı Viktor Petrova qalib gəldi. Qızıl medal uğrunda döyüşdə Lorenso Sotomayor İtaliyalı Vinçenzo Mangiakapreni məğlub etdi və I Avropa Oyunlarının çempionu oldu.

Lorenso Sotomayor I Avropa Oyunlarından sonra qüvvəsini Qətərin paytaxtı Doha şəhərində baş tutan Dünya Çempionatında sınadı. O, Kanadalı Artur Biyarslanov və Əlcəzairli Abdekader Çadini məğlub etsədə, 1/4 final mərhələsində Rusiyalı Vitali Dunaytsevə uduzdu və mübarizəni medalsız başa vurdu.

Rio-de-Janeyro Olimpiadası[redaktə | əsas redaktə]

Lorenso Sotomayor 2016-cı ildə Rio-de-Janeyro Olimpiadasına lisenziya qazanmağ üçün Türkiyənin Samsun şəhərində baş tutan Avropa Olimpiya Təsnifat turnirinə qatıldı. Samsunda ardıcıl olaraq İrlandiyalı Dean Valş, Yunanıstanlı Aleksandros Tsaniklidis və Türkiyəli Batuhan Gözgeçi məğlub edən Lorenso Sotomayor finala adladı və Rio-de-Janeyro Olimpiadasına vəsiqəni təmin etdi.[1] Qeyd edək ki, finalda o, Litvalı Evaldas Petrauskası məğlub etdi və turnirin qalibi oldu.

İstinadlar[redaktə | əsas redaktə]

  1. "Lorenso Sotomayor Olimpiya Oyunlarına lisenziya qazandı". www.gabalafc.az. İstifadə tarixi: 15 aprel 2016.

Xarici keçidlər[redaktə | əsas redaktə]