Rəsul Çunayev

Rəsul Çunayev
Rəsul Çunayev 2015 Avropa Oyunlarının mükafatlandırılma mərasimində 13 iyun 2015 (Bakı, Azərbaycan)
Şəxsi məlumatları
Tam adı	Rəsul Abakər oğlu Çunayev
Vətəndaşlığı	Azərbaycan
Doğum tarixi	7 yanvar 1991 (1991-01-07)
Doğum yeri	Balakən, Azərbaycan SSR
Məşqçisi	Ismayıl Çopsiyev
Boyu	176 sm.
Çəkisi	66 kq.
İdman növü	Güləş (Yunan-Roma)
Hərbi rütbəsi	Leytenant
Medallar Güləş Yarışlar 1ci 2ci 3cü Olimpiya Oyunları 0 0 1 Dünya Çempionatı 1 0 2 Avropa Oyunları 1 0 0 Avropa Çempionatı 1 1 0 İslam Həmrəyliyi Oyunları 0 0 1 Ümumi 3 1 3 Olimpiya Oyunları Bürünc 2016 Rio 66 kq. Dünya Çempionatı Bürünc 2014 Daşkənd 71 kq. Qızıl 2015 Las-Veqas 71 kq. Bürünc 2018 Budapeşt 72 kq. Avropa Oyunları Qızıl 2015 Bakı 71 kq. Avropa Çempionatı Gümüş 2014 Vantaa 71 kq. Qızıl 2015 Bakı 71 kq. İslam Həmrəyliyi Oyunları Bürünc 2017 Bakı 66 kq. Dövlət mükafatları
2 aprel 2016 tarixində yenilənib.

Rəsul Abakər oğlu Çunayev (7 yanvar 1991, Balakən, Azərbaycan SSR) — Avar əsilli Azərbaycanlı yunan-roma güləşçisi. Rəsul Çunayev 2015-ci ildə Amerika Birləşmiş Ştatlarının Las-Veqas şəhərində keçirilən Dünya Çempionatının qızıl medalçısıdır. Rəsul Çunayev Avropa Çempionatının 1 qat qızıl və 1 qat gümüş medalçısıdır. Rəsul Çunayev 2015-ci ildə Azərbaycanın paytaxtı Bakı şəhərində keçirilən 2015 Avropa Oyunlarının qızıl medalçısıdır.

Rəsul Çunayev 29 iyun 2015-ci ildə 2015 Avropa Oyunlarında qazanılmış yüksək nailiyyətlərə və Azərbaycan idmanının inkişafında böyük xidmətlərinə görə Azərbaycan Respublikasının Prezidenti İlham Əliyevin sərəncamı ilə "Şöhrət" ordeni ilə təltif edilmişdir.

Həyatı

Rəsul Çunayev 7 yanvar 1991-ci ildə Azərbaycan Sovet Sosialist Respublikasının Balakən rayonunun Yeni Şərif kəndində anadan olmuşdur. Rəsul Çunayevin şəxsi məşqçisi Səməd Çöpçiyevdir.

Karyerası

Rəsul Çunayev birinci uğurunu 2008-ci ildə qazandı. O Latviyada Gənclərin Avropa Çempionatında qızıl medal qazandı. Rəsul Çunayev həmçinin 2010-cu ildə Yeniyetmələrin Avropa Çempionatında qızıl, Dünya Çempionatında isə bürünc medal qazandı. 2011-ci ildə Rəsul Çunayev Yeniyetmələrin Dünya və Avropa Çempionatında 3-cü yeri tutaraq bürünc medal qazandı.

Uğurları

Yarış	AZE
	2008	2009	2010	2011	2012	2013	2014	2015
Dünya Çempionatı							3	1
Avropa Oyunları								1
Avropa Çempionatı							2	1
Yay Universiada Oyunları						1
"Qızıl Qran-Pri" turniri						1	2
"Türkiyə Qızıl Qran-Prisi" turniri					9
"Moscow Lights" Beynəlxalq turniri				2	2
"Cristo Lutte" Beynəlxalq turniri		3
Vehbi Emre və Hamit Kaplan Memorialı					3	1	1

Dövlət mükafatları

Rəsul Çunayev 29 iyun 2015-ci ildə 2015 Avropa Oyunlarında qazanılmış yüksək nailiyyətlərə və Azərbaycan idmanının inkişafında böyük xidmətlərinə görə Azərbaycan Respublikasının Prezidenti İlham Əliyevin sərəncamı ilə "Şöhrət" ordeni ilə təltif edilmişdir. Elə həmin gündə Buta Palacedə keçirilən tədbirdə Prezident İlham Əliyev tərəfindən ona orden təqdim edildi.

Mükafat		Tarix
	"Şöhrət" ordeni	29 iyun 2015

Həmçinin bax

• Rəsul ÇUNAYEV