Azərbaycan 2010 Qış Olimpiya Oyunlarında

Vikipediya, azad ensiklopediya
Jump to navigation Jump to search
Azərbaycan Olimpiya Oyunlarında

Azərbaycan bayrağı
BOK Kodu  AZE
MOK Azərbaycan Milli Olimpiya Komitəsi
Saytwww.noc-aze.org
2010 Qış Olimpiya Oyunları
Vankuver
İştirakçılar 2 idmançı (idman növü:1)
Bayraqdar Fuad Quliyev (Açılış mərasimi)
Könül Nurullayeva (Bağlanış mərasimi)
Medallar Qızıl
0
Gümüş
0
Bürünc
0
Ümumi
0
Olimpiya tarixi (ümumi)

Yay Olimpiya Oyunları
1996200020042008201220162020

Qış Olimpiya Oyunları
19941998200220062010201420182022

Azərbaycan 2010 Qış Olimpiya OyunlarındaAzərbaycanın 12–28 fevral tarixlərində Kanadanın Vankuver şəhərində keçirilən 2010 Qış Olimpiya Oyunlarında iştirakı. Komandada biri qadın və biri kişi olmaqla iki idmançı var idi. İkisi də dağ xizəyində slalom və nəhəng slalom yarışlarında iştirak etmişdir.[1] Azərbaycan təmsilçiləri slalomu başa vurmadılar, yalnız nəhəng slalomda təsnif edildilər. Qadınlar arasında keçirilən yarışmada Qaya Bassani Antivari 66-cı yeri, kişilər arasında keçirilən yarışmada isə Sedrik Nots 79-cu yeri tutdu.[2]

Açılış mərasimində Azərbaycan komandasının bayraqdarı olaraq iştirak edən Fuad Quliyev Qış İdmanı Federasiyasının vitse-prezidenti idi. Bağlanış mərasimində bayraqdar olan Könül Nurullayeva isə olimpiya missiyasının rəhbəri idi. Bu, Azərbaycan komandasının Qış-Yay Olimpiadası daxil olmaqla Olimpiadada səkkizinci iştirakı idi.[3] Eyni zamanda, Azərbaycan komandasına fiqurlu konkisürmə üzrə heç bir təmsilçinin daxil edilmədiyi ilk Qış Olimpiadası idi.[4]

Azərbaycan Komandası Açılış mərasimində

Olimpiadanın fonunda[redaktə | mənbəni redaktə et]

Azərbaycan 2010 Qış Olimpiadasına qədərki dövrdə[redaktə | mənbəni redaktə et]

Azərbaycan komandasının Olimpiadada iştirakı 1992-ci ildən Azərbaycan Milli Olimpiya Komitəsi tərəfindən təşkil olunur. Komitə qurulduqdan bir il sonra Beynəxalq Olimpiya Komitəsinə üzv oldu.

1952–1988-ci illərdə Azərbaycan idmançıları Olimpiya yarışlarına Sovet Sosialist Respublikaları İttifaqının, 1992-ci ildə isə Müstəqil Dövlətlər Birliyinin nümayəndəsi olaraq qatılmışdılar. Milli Komanda debütünü Atlantada keçirilən 1996 Yay Olimpiya Oyunlarında etdi.[5] O vaxt komanda doqquz idman növü üzrə çıxış edən 23 idmançıdan (20 kişi və 3 qadın) ibarət idi.[6] İlk Azərbaycan Olimpiya mükafatçısı 52 kq sərbəst güləşdə gümüş medal qazanan Namiq Abdullayev idi.[7][8]

Azərbaycan komandasının Qış Olimpiadasındakı debütü Naqanoda keçirilən 1998 Qış Olimpiya Oyunlarında baş tutmuşdur.[5] Komanda daha sonra üç yarışda iştirak edəcək dörd fiqurlu konkisürəndən ibarət idi.[9] Fiqurlu konkisürənlər Yuliya Vorobyova və İqor Paskeviç 16-cı yeri tutdular. Azərbaycanlı idman cütlüyü yarışlarda 18-ci oldu.[10]

Solt-Leyk-Sitidə keçirilən 2002 Qış Olimpiya Oyunlarında Azərbaycanı üç fiqurlu konkisürən və dağ xizəkçisi təmsil edirdi.[11] Bu dəfə Azərbaycan komandasını fiqurlu konkisürmədə təmsil edən Kristin Freyzer və İqor Lukanin 17-ci yerdə qərarlaşmışdı.[12][13]

Freyzer və Lukanin 2006-cı ildə Turində keçirilən 2006 Qış Olimpiya Oyunlarında da Azərbaycanı təmsil etdi. Bu oyunlarda onlar Azərbaycanı təmsil edən yeganə idmançılar idilər.[14] Konkisürənlər bu oyunda 19-cu mövqedə təsnif edildilər.[15]

İdmançıların 2010 Olimpiadasına vəsiqə qazanması[redaktə | mənbəni redaktə et]

2009-cu ildə Val-d-İzer şəhərində Dağ Xizəyi Dünya Çempionatı keçirildi. Qaya Bassani AntivariSedrik Nots bu çempionatda iştirak etdi. Antivari nəhəng slalomda 51-ci yerdə qərarlaşdı, slalomda isə ilk qaçışı bitirə bilmədi.[16] Öz növbəsində Nots slalomda 56-cı, nəhəng slalomda 78-ci oldu.[17]

Olimpiadadan əvvəlki mövsümdə Los Ancelesdə fiqurlu konkisürmə üzrə Dünya Çempionatı keçirildi.[18] Azərbaycanın üç nümayəndəsi vardı — Emma Hacıyeva (32-ci yer)[19], Kristin Freyzer və İqor Lukanin (18-ci yer)[20]. Onlar eyni ildə keçirilən Avropa Çempionatında da iştirak etdilər.[21] Hacıyeva iştirakçılar arasında 30-cu oldu.[22] Cütlərlə fiqurlu konkisürmə yarışmasında Freyzer və Lukanin 9-cu, Nadin Əhməd və Brüs Porter 27-ci yeri tutdu.[23] Azərbaycanlı konkisürənlərdən heç biri Vankuver Oyunlarına vəsiqə qazana bilmədi. Əvvəlki iki Olimpiadaya[24] qatılan Freyzer və Lukanin idman karyeralarını sona çatdırdılar. Qalan oyunçular, vətəndaşlığın dəyişdirilməsi və xarici ölkəni təmsil etmək üçün yeni tətbiq olunan BKB (Beynəlxalq Konkisürmə Birliyi) tələbləri ilə bağlı problemlərlə üzləşdilər. Bütün bunlar, Azərbaycanın tarixdə heç bir fiqurlu konkisürmə nümayəndəsi olmadan ilk dəfə Qış Olimpiya Oyunlarına çıxmasına səbəb oldu.[4]

Olimpiya təsnifatları[redaktə | mənbəni redaktə et]

Dağ xizəkçiləri üçün Vankuver Olimpiadasına vəsiqə qazanma müddəti 2008-ci ilin iyulundan 25 yanvar 2010-cu ilə qədər idi. Slalom, nəhəng slalom və dağ xizəyi yarışlarında Olimpiya vəsiqəsi bu müddət ərzində ən az 500 bal toplayan dağ xizəkçilərinə verildi. Beynəlxalq Xizək Federasiyasının açıqladığı reytinq sıralamasında bu əks olundu. Öz növbələrində idmançılar super nəhəng və super kombinasiyaya vəsiqə qazanmaq üçün bu yarışlarda ən azı 120 xal toplamalı idilər.[25] Bu şərtlərin heç birini Azərbaycan[26] idmançıları ödəyə bilmədilər, buna görə də, başqa şərtlərlə Olimpiya Oyunlarına vəsiqə qazanmaq üçün müraciət etdilər. Bununla, Dünya Xizək Çempionatında iştirak edən və ən az 140 xal qazanan yarışçılar Olimpiya slalomu və nəhəng slalom yarışlarına vəsiqə qazandılar. Bu şərtlər Azərbaycan nümayəndələri tərəfindən ödənmədi, çünki, hər iki idmançı bu qədər xal toplaya bilməmişdi. Azərbaycana əsas milli kvotanın ayrılması sayəsində Olimpiya slalomunda və nəhəng slalomda yarışmaq imkanı əldə edildi.[25]

Yayım hüquqları[redaktə | mənbəni redaktə et]

Avropa Yayım İttifaqının üzvü olan, Azərbaycan ictimai radio və televiziya yayımçısı İctimai Televiziya və Radio Yayımları Şirkəti Vankuverdəki Qış Olimpiya Oyunlarının yayım hüququna sahib idi. Bundan əlavə, kabel və peyk yayımları, habelə İnternet yayımları Eurosport tərəfindən yayımlanırdı.[27]

Olimpiya geyimləri[redaktə | mənbəni redaktə et]

Azərbaycan komandasının olimpiyaçıları və nümayəndələrinin geyimləri ağ gödəkçədən, göy, qırmızı, yaşıl naxışlardan, rəngli şalvardan, ağ fonda Buta naxışının motivləri əks olunmuş ağ qapaqlardan ibarət idi. Şalvardakı rənglər Azərbaycan bayrağının rənglərini əks etdirirdi.[28] Geyimlərə cavabdeh "Kerri" şirkəti idi. Oyunların açılış mərasimindən sonra Azərbaycan nümayəndələrinin rəngarəng şalvarı xarici medianın diqqətini çəkdi.[29] Həmçinin, "şərh dalğası"na səbəb oldu. Bəzi tənqidçilər mənfi rəylərinə bildirdilər, digərləri isə müsbət rəy bildirərək "yaradıcılığa heyranlıqlarını" ifadə etdilər.[30] Dəb mütəxəssislərinin çoxu geyimi yaxşı qarşılamayaraq öz mənfi rəylərinə bildirdi.[28] Azərbaycan Olimpiyaçılarının, eləcə də Çexiya Olimpiyaçılarının geyimlərinin xarakterik görünüşü ilə maraqlanan Skott Vudvort idman geyimləri istehsalçısı "Ludmut Qolf"-un sahibidir.[31]

Oyunların açılış və bağlanış mərasimlərində iştirak[redaktə | mənbəni redaktə et]

Azərbaycan Qış İdmanı Federasiyasının vitse-prezidenti Fuad Quliyev 12 fevral 2010-cu ildə keçirilən açılış mərasiminin bayraqdarı oldu.[32] 28 fevral 2010-cu ildə keçirilən bağlanış mərasimində isə bayraqdar Olimpiya Missiyasının rəhbəri Könül Nurullayeva idi.[33]

Azərbaycan milli komandası Olimpiya stadionuna Avstriya və Belarus komandaları arasında, 9-cu sırada daxil oldu.[33]

Təmsilçilərin tərkibi[redaktə | mənbəni redaktə et]

İdmançıların sayı[redaktə | mənbəni redaktə et]

"Vistler Kriksayd" — 2010 Qış Olimpiya Oyunlarında dağ xizəyi yarışmaları burada keçirilirdi.
Sıra İdman Kişilər Qadınlar Cəmi
1 Alpine skiing pictogram.svgDağ xizəyi 1 1 2
- Cəmi 1 1 2

Alpine skiing pictogram.svgDağ xizəyi[redaktə | mənbəni redaktə et]

2010 Vankuver Qış Olimpiya Oyunlarında dağ xizəyi üzrə yarışmalar 15–27 fevral 2010-cu ildə[34] Vankuverdə yerləşən "Vistler Kriksayd" ərazisində baş tutdu.[35] Azərbaycan nümayəndələri qadınlar və kişilər üçün slalom və nəhəng slalom olmaqla 4 yarışda iştirak etdilər.[2] Təmsilçilərdən biri olan Qaya Bassani Antivari,[36] digəri İsveçrə əsilli Sedrik Nots idi.[37]

Azərbaycan təmsilçisinin iştirak etdiyi ilk yarış kişilərin nəhəng slalomu idi.[2] Müsabiqə fevralın 23-də baş tutdu. Sedrik Nots ilk qaçışda 79-cu,[38] ikincisində isə 74-cü yerdə qərarlaşdı.[39] Ümumilikdə 81 təsnif edilmiş rəqib arasında 72-ci yeri tutdu. Yarışmanın qalibi Karlo Cankiyə[40] 28.15 saniyə fərqlə uduzdu. Növbəti iki gün ərzində bu yarış qadınlar arasında oynanıldı. İlk qaçışdan sonra Qaya Bassani Antivari 66-cı yeri tutdu.[41] İkinci qaçışda 57-ci yeri əldə etdi.[42] Nəticədə, ona 60 təsnif edilmiş rəqib arasında 57-ci yer verildi.

Qadınların nəhəng slalom yarışı bitdikdən sonra qadınların slalom yarışları başladı.[43] Qaya Bassani Antivari bu yarışda da iştirak etdi. Tamamlamadığı ilk yarışdan sonra iştirakını dayandırdı.[44] Buna görə də, yer tutmadı.[43]

Eyni hadisə 27 fevral tarixində kişilərin slalomunda da baş verdi.[45] Müsabiqəyə qatılan Sedrik Nots ilk qaçışı tamamlaya bilmədi[46] və yer tutmadı.[45]

Kişilər[redaktə | mənbəni redaktə et]

İdmançı Yarış Gediş 1 Gediş 2 Final Yer Medal
Sedrik Nots Nəhəng slalom[47] 1.30.78 1.35.20 3.05.98 72
Sedrik Nots Slalom[48][49] Bitirmədi

Qadınlar[redaktə | mənbəni redaktə et]

İdmançı Yarış Gediş 1 Gediş 2 Final Yer Medal
Qaya Bassani Antivari Nəhəng slalom[50] 1.30.82 1.26.05 2.56.87 57
Qaya Bassani Antivari Slalom[51][52] Bitirmədi

İstinadlar[redaktə | mənbəni redaktə et]

  1. "Azərbaycan 2010 Vankuver Qış Olimpiya Oyunlarında". www.sports-reference.com (ingilis). 16.12.2014. 2017-06-11 tarixində arxivləşdirilib. İstifadə tarixi: 03.08.2021.
  2. 1 2 3 "Azərbaycan dağ xizəyi 2010 Qış Olimpiya Oyunlarında". www.sports-reference.com (ingilis). 05.12.2013. 2013-12-05 tarixində arxivləşdirilib. İstifadə tarixi: 03.08.2021.
  3. "Azərbaycan". www.sports-reference.com (ingilis). 03.10.2011. Archived from the original on 2011-10-03. İstifadə tarixi: 03.08.2021.
  4. 1 2 "Azərbaycan Milli Olimpiya Komitəsi üçün əsas amal 2010 Qış Olimpiadasında iştirakdır". today.az (ingilis). 26.11.2011. Archived from the original on 2012-11-26. İstifadə tarixi: 03.08.2021.
  5. 1 2 "Azərbaycan". www.sports-reference.com (ingilis). 03.10.2011. Archived from the original on 2011-10-03. İstifadə tarixi: 03.08.2021.
  6. "Azərbaycan 1996 Atlanta Yay Olimpiya Oyunlarında". www.sports-reference.com (ingilis). 14.07.2011. 2011-07-14 tarixində arxivləşdirilib. İstifadə tarixi: 03.08.2021.
  7. "Azərbaycan Güləşi 1996 Yay Olimpiya Oyunlarında". www.sports-reference.com (ingilis). 09.08.2010. 2010-08-09 tarixində arxivləşdirilib. İstifadə tarixi: 03.08.2021.
  8. "Yüzillik Olimpiya Oyunlarının Rəsmi Hesabatı. III Cild. Müsabiqənin Nəticələri. Güləş" (PDF). www.library.la84.org (ingilis). 04.11.2018. Archived from the original on 2018-11-04. İstifadə tarixi: 03.08.2021.
  9. "Azərbaycan 1998 Naqano Qış Olimpiya Oyunlarında". www.sports-reference.com (ingilis). 16.12.2012. 2012-12-16 tarixində arxivləşdirilib. İstifadə tarixi: 03.08.2021.
  10. "Azərbaycan Fiqurlu Konkisürənləri 1998 Naqano Qış Olimpiya Oyunlarında". www.sports-reference.com (ingilis). 06.10.2013. 2013-10-06 tarixində arxivləşdirilib. İstifadə tarixi: 03.08.2021.
  11. "Azərbaycan 2002 Qış Olimpiya Oyunlarında". www.sports-reference.com (ingilis). 25.04.2014. 2017-07-01 tarixində arxivləşdirilib. İstifadə tarixi: 03.08.2021.
  12. "Azərbaycan fiqurlu konkisürənləri 2002 Qış Olimpiya Oyunlarında". www.sports-reference.com (ingilis). 20.04.2011. 2011-04-20 tarixində arxivləşdirilib. İstifadə tarixi: 03.08.2021.
  13. "Azərbaycan dağ xizəkçiləri 2002 Qış Olimpiya Oyunlarında". www.sports-reference.com (ingilis). 05.12.2013. 2013-12-05 tarixində arxivləşdirilib. İstifadə tarixi: 03.08.2021.
  14. "Azərbaycan 2006 Qış Olimpiya Oyunlarında". www.sports-reference.com (ingilis). 16.12.2012. 2017-07-12 tarixində arxivləşdirilib. İstifadə tarixi: 03.08.2021.
  15. "Azərbaycan fiqurlu konkisürənləri 2006 Qış Olimpiya Oyunlarında". www.sports-reference.com (ingilis). 10.05.2013. 2013-05-10 tarixində arxivləşdirilib. İstifadə tarixi: 03.08.2021.
  16. "İdmançı: BASSANİ ANTİVARİ Qaya; Dünya Xizək Çempionatı". www.data.fis-ski.com (ingilis). 17.05.2018. 2018-05-18 tarixində arxivləşdirilib. İstifadə tarixi: 03.08.2021.
  17. "NOTS, Sedrik: Dünya Xizək Çempionatı". www.data.fis-ski.com (ingilis). 17.05.2018. 2018-05-18 tarixində arxivləşdirilib. İstifadə tarixi: 03.08.2021.
  18. "Dünya Fiqurlu Konkisürmə Çempionatı 2009". www.isuresults.com (ingilis). 24.05.2018. 2021-02-11 tarixində arxivləşdirilib. İstifadə tarixi: 03.08.2021.
  19. "Dünya Fiqurlu Konkisürmə Çempionatı 2009 – Xanımlar – Nəticə". www.isuresults.com (ingilis). 24.05.2018. 2019-11-05 tarixində arxivləşdirilib. İstifadə tarixi: 03.08.2021.
  20. "Dünya Fiqurlu Konkisürmə Çempionatı 2009 – Buz Dansı – Nəticə". www.isuresults.com (ingilis). 24.05.2018. 2017-07-27 tarixində arxivləşdirilib. İstifadə tarixi: 03.08.2021.
  21. "Fiqurlu konkisürmə üzrə Avropa Çempionatı". www.isuresults.com (ingilis). 24.05.2018. 2020-11-06 tarixində arxivləşdirilib. İstifadə tarixi: 03.08.2021.
  22. "Fiqurlu konkisürmə üzrə Avropa Çempionatı 2009 – Xanımlar – Nəticə". www.isuresults.com (ingilis). 24.05.2018. 2018-08-14 tarixində arxivləşdirilib. İstifadə tarixi: 03.08.2021.
  23. "2009 Fiqurlu konkisürmə Çempionatı – Buz Rəqsi – Nəticə". www.isuresults.com (ingilis). 24.05.2018. 2018-09-01 tarixində arxivləşdirilib. İstifadə tarixi: 03.08.2021.
  24. "FREYZER Kristin, LUKANİN İqor – Tərcümeyi-hal". www.isuresults.com (ingilis). 03.08.2017. Archived from the original on 2017-08-03. İstifadə tarixi: 03.08.2021.
  25. 1 2 "Vankuver Olimpiadası üçün təlim sistemləri. Dağ xizəkçiliyi" (#bad_url) (PDF). wikiwix.com (ingilis). 17.05.2018. İstifadə tarixi: 03.08.2021.[ölü keçid]
  26. "7-ci Xal Siyahısı 2009/2010; Millət: AZE (AZƏRBAYCAN)". data.fis-ski.com (ingilis). 17.05.2018. 2018-05-18 tarixində arxivləşdirilib. İstifadə tarixi: 03.08.2021.
  27. "2010 Vankuver Qış Olimpiya Oyunları – Yayım hüquqları" (PDF). www.olympic.org (ingilis). 17.05.2018. Archived from the original on 2011-12-10. İstifadə tarixi: 03.08.2021.
  28. 1 2 "Vankuverdə azərbaycanlı idmançıların "psixik" şalvarı". www.aze.az (ingilis). 20.05.2018. Archived from the original on 2011-07-06. İstifadə tarixi: 03.08.2021.
  29. "Azərbaycan şalvar savaşında qalib gəldi". www.extratime.az (ingilis). 06.07.2011. Archived from the original on 2011-07-06. İstifadə tarixi: 03.08.2021.
  30. Katerina Qustafson. "Konnor Mişalekin məzarı". www.tonic.com (ingilis). 20.02.2010. Archived from the original on 2010-02-23. İstifadə tarixi: 03.08.2021.
  31. Mayls Evans. "Olimpiya – Fantastik dizayn edilmiş şalvar bazarda nəhəng addımlar ATIR". www.reuters.com (ingilis). 20.02.2010. Archived from the original on 2018-05-20. İstifadə tarixi: 03.08.2021.
  32. "Azərbaycan xizəkçiləri Qış Olimpiadasında uğurla yarışırlar". www.news.az (ingilis). 11.02.2010. Archived from the original on 2010-02-13. İstifadə tarixi: 03.08.2021.
  33. 1 2 "Vankuver 2010 Bağlanış Mərasiminin bayraqları" (PDF). www.olympic.org (ingilis). 28.02.2010. Archived from the original on 2016-03-04. İstifadə tarixi: 03.08.2021.
  34. "Cədvəl və Nəticələr: 2010 Qış Olimpiya Oyunları – Dağ xizəyi". www.vancouver2010.com (ingilis). 17.05.2018. 2010-04-08 tarixində arxivləşdirilib. İstifadə tarixi: 03.08.2021.
  35. ""Vistler Kriksayd" haqqında". www.nytimes.com (ingilis). 17.05.2018. 2017-02-02 tarixində arxivləşdirilib. İstifadə tarixi: 03.08.2021.
  36. "İdmançı: Qaya Bassani Antivari". www.sochi2014.com (ingilis). 19.05.2018. 2014-02-05 tarixində arxivləşdirilib. İstifadə tarixi: 03.08.2021.
  37. Elmir Əliyev. "Azərbaycan bu gün Vankuverdə debüt edəcək". www.news.az (ingilis). 23.02.2010. Archived from the original on 2018-05-19. İstifadə tarixi: 03.08.2021.
  38. "2010 Vankuver Qış Olimpiadasında dağ xizəyi: Kişilərin nəhəng slalomu". www.sports-reference.com (ingilis). 12.11.2012. 2012-11-12 tarixində arxivləşdirilib. İstifadə tarixi: 03.08.2021.
  39. "2010 Vankuver Qış Olimpiya Oyunlarında dağ xizəyi: Kişilərin nəhəng slalomu 2". www.sports-reference.com (ingilis). 12.11.2012. 2012-11-12 tarixində arxivləşdirilib. İstifadə tarixi: 03.08.2021.
  40. "2010 Vankuver Qış Olimpiya Oyunlarında dağ xizəyi: Kişilərin nəhəng slalomu". www.sports-reference.com (ingilis). 12.11.2012. 2012-11-12 tarixində arxivləşdirilib. İstifadə tarixi: 03.08.2021.
  41. "2010 Vankuver Qış Olimpiya Oyunlarında dağ xizəyi – Qadınların nəhəng slalomu". www.sports-reference.com (ingilis). 12.11.2012. 2012-11-12 tarixində arxivləşdirilib. İstifadə tarixi: 03.08.2021.
  42. "2010 Vankuver Qış Olimpiya Oyunlarında dağ xizəyi – Qadınların nəhəng slalomu 2". www.sports-reference.com (ingilis). 12.11.2012. 2012-11-12 tarixində arxivləşdirilib. İstifadə tarixi: 03.08.2021.
  43. 1 2 "2010 Qış Olimpiya Oyunlarında dağ xizəyi – Qadınların slalomu". www.sports-reference.com (ingilis). 12.11.2012. 2012-11-12 tarixində arxivləşdirilib. İstifadə tarixi: 03.08.2021.
  44. "2010 Vancover Qış Oyunlarında Dağ Xizəyi: Qadın Slalom Yarışı 1". www.sports-reference.com (ingilis). 12.11.2012. 2012-11-12 tarixində arxivləşdirilib. İstifadə tarixi: 03.08.2021.
  45. 1 2 "2010 Vankuver Qış Olimpiya Oyunlarında dağ xizəyi – Kişilərin slalomu". www.sports-reference.com (ingilis). 12.11.2012. 2012-11-12 tarixində arxivləşdirilib. İstifadə tarixi: 03.08.2021.
  46. "2010 Vankuver Qış Olimpiya Oyunlarında dağ xizəyi – Kişilərin slalom qaçışı 1". www.sports-reference.com (ingilis). 12.11.2012. 2012-11-12 tarixində arxivləşdirilib. İstifadə tarixi: 03.08.2021.
  47. "Kişilər Nəhəng Slalom dağ xizəyi oyunları Çərşənbə axşamı 23.02.2010". www.todor66.com (ingilis). 13.05.2018. 2021-08-03 tarixində arxivləşdirilib. İstifadə tarixi: 03.08.2021.
  48. "2010 Vankuver Qış Olimpiya Oyunlarında dağ xizəyi – Kişilər üzrə slalom qaçışı 2". www.sports-reference.com (ingilis). 12.11.2012. 2012-11-12 tarixində arxivləşdirilib. İstifadə tarixi: 03.08.2021.
  49. "Kişilər slalom qaçışı oyunları 23 fevral 2010, Vankuver". www.todor66.com (ingilis). 13.05.2018. 2021-08-03 tarixində arxivləşdirilib. İstifadə tarixi: 03.08.2021.
  50. "Qadınların nəhəng slalomu 24.02.2010". www.todor66.com (ingilis). 13.05.2018. 2021-08-03 tarixində arxivləşdirilib. İstifadə tarixi: 03.08.2021.
  51. "2010 Qış Olimpiya Oyunları – Qadın Slalomu 26.02.2010". www.todor66.com (ingilis). 18.05.2013. 2021-08-03 tarixində arxivləşdirilib. İstifadə tarixi: 03.08.2021.
  52. "2010 Vankuver Qış Olimpiya Oyunlarında dağ xizəyi – Qadınların slalomu". www.sports-reference.com (ingilis). 12.11.2012. 2012-11-12 tarixində arxivləşdirilib. İstifadə tarixi: 03.08.2021.