Bu bir yaxşı məqalədir. Daha çox məlumat üçün klikləyin.

Emin Əhmədov

Vikipediya, azad ensiklopediya
Jump to navigation Jump to search
Emin Əhmədov
Emin Əhmədov 2012-ci ildə London şəhərində baş tutan XXX Yay Olimpiya Oyunları zamanı
Emin Əhmədov 2012-ci ildə London şəhərində baş tutan XXX Yay Olimpiya Oyunları zamanı
Şəxsi məlumatlar
Tam adı Emin Vidadi oğlu Əhmədov
Vətəndaşlığı Azərbaycan Azərbaycan
Doğum tarixi (35 yaş)
Doğum yeri Bakı, Azərbaycan SSR
Karyera illəri 1997—h.h.
Məşqçisi Rəşad Rəşidov
Boyu 170 sm. (5 ft 6 in)
İdman növü Güləş

Emin Vidadi oğlu Əhmədov (6 oktyabr 1988; Bakı, Azərbaycan SSR) – Azərbaycanı təmsil edən yunan-roma güləşçisi. 2002-ci ildən Azərbaycan yığmasının heyətində çıxış edən Emin Əhmədov, 2012-ci ildə Birləşmiş Krallıqın London şəhərində baş tutan XXX Yay Olimpiya Oyunlarında bürünc medala sahib olub.

Emin Əhmədov Azərbaycan idmanında xidmətlərinə görə Azərbaycan Prezidenti İlham Əliyevin 31 avqust 2012-ci il tarixli Sərəncamına əsasən "Tərəqqi" medalı ilə təltif edilib.

Həyatı[redaktə | mənbəni redaktə et]

Emin Əhmədov 1986-cı il oktyabrın 6-da Bakı şəhərində zavod işçisi Vidadi Əhmədov və evdar qadın Minayə Əhmədovanın ailəsində anadan olub.

Emin Əhmədov 2004-2006-cı illərdə Dövlət Sərhəd Xidməti Sərhəd Qoşunlarının "Göytəpə" Sərhəd Dəstəsinin Yardımlı rayonunda yerləşən sərhəd zastavalarının birində müddətli həqiqi hərbi xidmətdə olub.

Karyerası[redaktə | mənbəni redaktə et]

2002—2011-ci illər: Fərid Mansurovla rəqabət[redaktə | mənbəni redaktə et]

Emin Əhmədov beynəlxalq səviyyədə birinci turnirinə 2002-ci ilin iyul ayında Odessa şəhərində baş tutan yeniyetmələr arasında Avropa Çempionatında qatıldı. Nəticədə o, bürünc medal uğrunda görüşdə məğlub oldu və çempionatı beşinci pillədə başa vurdu. Daha sonra Emin Əhmədov Azərbaycan yığmasının məşqçilərinin ona etimad göstərməməsinə görə uzun illər nüfuzlu turnirlərdə mübarizə apara bilməmişdi. Etima göstərilməməsinin əsas səbəbi, həmin illərdə yunan-roma güləşi üzrə Azərbaycan yığmasının "bir nömrəli" güləşçisinin 2004-cü il Afina Olimpiadasının qalibi Fərid Mansurov hesab olunması idi. Məhz bu səbəbə görə Dünya və Avropa Çempionatlarında Azərbaycanı Fərid Mansurov təmsil edirdi. Karyerasını 2010-cu ildə başa vurandan sonra, Emin Əhmədov tədricən beynəlxalq turnirlərdə mübarizə aparmağa başladı.

Emin Əhmədov 2009-cu ilin fevral ayında İranın Qum şəhərində baş tutan Yadigar İmamın xatirəsinə həsr olunan beynəlxalq turnirdə mübarizə apardı.[1] Bürünc medal uğrunda görüşdə o, Ermənistan nümayəndəsi Vahram Xatçatryanı məğlub elədi və turnirin bürünc medalına sahib oldu.

2009-cu ilin əsas turnirlərinən biri 31 mart-5 apreldə Litvanın Vilnüs şəhərində baş tutan Avropa Çempionatı idi.[2] Həmin çempionatda Azərbaycan yığmasının məşqçiləri tərəfindən 2004-cü il Afina Olimpiadasının qalibi Fərid Mansurova şans verildi. Emin Əhmədov isə ehtiyat güləşçi qismində turnirə aparıldı. Nəticədə Fərid Mansurov Avropa Çempionatını beşinci pillədə başa vurdu.

Emin Əhmədov aprel ayında Özbəistanda baş tutan Qran-Pri turnirində mübarizə apardı. Nəticədə o, final görüşündə məğlub oldu və turnirin gümüş medalına sahib oldu.[3]

Daha sonra Emin Əhmədov 16-20 iyulda Heydər Əliyevin xatirəsinə həsr olunan Qızıl Qran-Pri turnirində çıxış elədi.[4] Bürünc medal uğrunda görüşdə o, Serbiya təmsilçisi Alexander Maximoviç üzərində 2:0 (3:0, 3:0) hesabı ilə qalib gəldi və turnirin bürünc medalına sahib oldu. 2009-cu ilin sonralarında Emin Əhmədov Azərbaycan Çempionatında mübarizə apardı və turnirin qalibi oldu.[5]

2010-cu ildə də Emin Əhmədov nüzuflu turnirlərdə mübarizə aparmadı. O, əvvəlcə fevral ayında Bolqarıstanda baş tutan "Dan Kolov & Nihola Petrov" beynəlxalq turnirində çıxış elədi və 8-ci pillənin sahibi oldu. Daha sonra Emin Əhmədov mart ayında İstanbulda baş tutan beynəlxalq turnirdə çıxış eləsə də, bu səfər də medal qazana bilmədi.[6] May ayında isə Emin Əhmədov Belarusda baş tutan beynəlxalq turnirdə gümüş medala sahib oldu.[7]

Emin Əhmədov 2011-ci ildə birinci turnirinə iyun ayında Qazaxıstanın Astana (hal-hazırda Nur-Sultan) şəhərində baş tutan Prezident Kuboku çərçivəsində qatıldı.[8] Nəticədə o, turnirdə 9-cu pillənin sahibi oldu.

Daha sonra Emin Əhmədov iyun ayında Heydər Əliyevin xatirəsinə həsr olunan Qızıl Qran-Pri turnirində mübarizə apardı və turniri 8-ci pillədə başa vurdu.[9] Noyabr ayında isə o, Rusiyada baş tutan "Moscow Lights" beynəlxalq turnirində çıxış elədi və gümüş medala sahib oldu.[10]

2012-ci il: Karyeranın zirvəsi — London Olimpiadası[redaktə | mənbəni redaktə et]

Emin Əhmədov 2012-ci ildə birinci turnirinə 24-26 fevral İranın Qum şəhərində baş tutan Yadigar İmamın xatirəsinə həsr olunan beynəlxalq turnir çərçivəsində qatıldı.[11] Nəticədə o, turnirin bürünc medalına sahib oldu.[12]

Həmin ilin 20-22 aprelində Bolqarıstanın Sofiya şəhərində Avropa Olimpiya Təsnifat Turniri baş tutdu. Həmin turnirdə yunan-roma güləşi üzrə Azərbaycan yığmasının məşqçiləri Salih BoraŞaban Donat 2011-ci il Avropa Çempionatının qalibi olan Rafiq Hüseynova şans verdi. Amma o, bu səfərdə ümidləri doğrulda bilmədi və Olimpiya Oyunlarına lisenziyanı qazanmadı.

Bir həftə sonra isə Çinin Taiyuan şəhərində Dünya Olimpiya Təsnifat Turniri baş tutdu.[13] Yunan-roma güləşi üzrə Azərbaycan yığmasının məşqçiləri bu səfər Emin Əhmədova etimad göstərdi. Nəticədə isə o, Macarıstandan Pete Balçini 2:1 (1:3, 3:2, 3:0), Yaponiyadan Suhasa Surumahini 2:1 (1:2, 3:0, 5:0), Finlandiyadan Valttor Maisionu 2:0 (2:0, 6:0) və Ukraynadan Vladimir Şahxixi 2:0 (6:0, 5:1) hesabları ilə məğlub elədi turnirin final görüşünə vəsiqə qazandı.[14] Bununla da o, 27 idmançı sırasında birinci pillənin sahibi olaraq 2012-ci il London Olimpiadasına lisenziyanın sahibi oldu.[15] Formal final görüşündə isə o, Belarus nümayəndəsi Alexandr Kihinovu da üstələdi və turnirin qalibi də oldu. Azərbaycan Güləş Federasiyasının (AGF) Baş Katibi Əjdər Cəfərov, Azerisport.com idman portalına müsahibəsində Emin Əhmədovun lisenziya qazanmasını gözlənilməz olduğunu bildirmişdi.[16]

XXX Yay Olimpiya Oyunları

London Olimpiadasının 1/8 final mərhələsində baş tutan Emin Əhmədov (qırmızı geyimdə) və Neven Zugaj (göy geyimdə) görüşü (5 avqust 2012-ci il)

XXX Yay Olimpiya Oyunları 25 iyul-12 avqustda Birləşmiş Krallıqın London şəhərinin ev sahibliyində baş tutdu. Yunan-roma güləş üzrə Azərbaycan yığmasının heyətinə beş güləşçi cəld olundu. Heyətə 2008-ci il Olimpiadasının gümüş medalçısı Rövşən Bayramov (55 Kq.), 2010-cu il Dünya Çempionatının qalibi Həsən Əliyev (60 Kq.), həmçinin Emin Əhmədov (74 Kq.), Saman Təhmasibi (84 Kq.) və Şalva Qadabadze (96 Kq.) daxil edildi.[17]

Emin Əhmədovun Olimpiadadan əvvəl heç bir beynəlxalq turnirdə çıxış eləməməsi, həmçinin Avropa və Dünya Çempionatlırında mübarizə aparmaması və təcrübəsiz olması onun, Olimpiada da uğursuz çıxış edəcəyinə olan gözləntiləri artırırdı.[18]

Emin Əhmədov XXX Yay Olimpiya Oyunlarında avqustun 5-də mübarizə apardı.[19] O, 1/8 final mərhələsi çərçivəsində baş tutan birinci görüşdə Xorvatiya nümayəndəsi Neven Zugaj ilə üz-üzə gəldi. Neven Zugaj 2011-ci ildə İstanbulda Dünya Çempionatının bürünc medalına sahib olan idmançı idi. Görüşün birinci hissədinə Emin Əhmədov inamlı mübarizə apardı və 4:0 hesabı ilə qalib gəldi. Növbəti hissədə isə ehtiyalı güləşən Emin Əhmədov, minimal hesabla qalib gəldi. Bununlada ümumi hesabda rəqibini 2:0 hesabı ilə məğlub edən Emin Əhmədov, 1/4 final mərhələsinə adladı. Bu mərhələdə o, Gürcüstan təmsilçisi Zurabi Datunaşvili ilə qarşılaşdı. Görüşün birinci hissəsində Datunaşvili 2:0 hesabı ilə qalib gəldi. Növbəti hissədə Əhmədov tədricən təşəbbüsü ələ aldı və 3:0 hesabı ilə qalib gəldi. Ümumi hesab 1:1 olduğu üçün üçüncü hissə başladı. Bu hissədə isə Emin Əhmədov rəqibindən üstün mübarizə apardı və 4:0 hesabı ilə qalib gəldi. Bununlada o, London Olimpiadasının yarım-final görüşünə vəsiqə qazandı. Finala gedən yolda Emin Əhmədov Avropa Çempionatının qalibi və Dünya Çempionatının bürünc medalçısı olan Ermənistan nümayəndəsi Arsen Culfalahyan ilə üz-üzə gəldi. Əhmədov təcrübəli rəqibinə görüşün birinci hissəsində 0:2, növbəti hissəsində isə 0:3 hesabları ilə məğlub oldu və mübarizəni bürünc medal uğrunda görüşdə davam elədi. Həlledici görüşdə o, Dünya Olimpiya Təsnifat Turnirinin final görüşündə qalib gəldiyi Belarus təmsilçisi Alexandr Kihinov ilə qarşılaşdı. Görüşün birinci hissəsində Kihinov 2:0 hesabı ilə qalib gəldi. Növbəti hissədə Əhmədov tədricən təşəbbüsü ələ aldı və 2:0 hesabı ilə qalib gəldi. Ümumi hesab 1:1 olduğu üçün üçüncü hissə başladı. Bu hissədə də Emin Əhmədov rəqibindən üstün mübarizə apardı və 2:0 hesabı ilə qalib gəldi. Bu minvallada Emin Əhmədov XXX Yay Olimpiya Oyunlarının bürünc medalına sahib oldu.[20]

Emin Əhmədov Azerisport.com idman portalına müsahibəsində bunları bildirdi — "bürünc medal mənim üçün super nailiyyətdir. Bir nəfər belə mənə inanmırdı".[21]

Azərbaycan Prezidenti İlham Əliyevin 31 sentyabr 2012-ci il tarixli 2399 nömrəli Sərəncamına əsasən XXX Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Emin Vidadi oğlu Əhmədov "Tərəqqi" medalı ilə təltif edildi.

2012-ci ilin sonunda Emin Əhmədov Azərbaycan Güləş Federasiyası (AGF) tərəfindən ilin ən yaxşı yunan-roma güləşçisi elan edildi.[22] Gənclər və İdman Nazirliyi (GİN) tərəfindən isə o, ilin ən yaxşı 20 idmançısından bii seçildi.[23]

2013—2014-cü illər: Karyeranın enişi[redaktə | mənbəni redaktə et]

Uğurları[redaktə | mənbəni redaktə et]

London Olimpiadasının 1/2 final mərhələsində baş tutan Emin Əhmədov (qırmızı geyimdə) və Arsen Culfalahyan (göy geyimdə) görüşü (5 avqust 2012-ci il)
Sıra
İl
Yarış
Şəhər
Nəticə
1
2002
Yeniyetmələrin Avropa Çempionatı Ukrayna Ukrayna
5.
2
2009
Yadigar İmam Kuboku İran İran
3.
3
Qızıl Qran-Pri Azərbaycan Azərbaycan
3.
4
2010
"Dan Kolov & Nihola Petrov" turniri Bolqarıstan Bolqarıstan
8.
5
2011
Qazaxıstan Prezidentinin Kuboku Qazaxıstan Qazaxıstan
9.
6
Qızıl Qran-Pri Azərbaycan Azərbaycan
8.
7
"Moscow Lights" turniri Rusiya Rusiya
2.
8
2012
Dünya Olimpiya Təsnifat Turniri Çin Çin
1.
9
Olimpiya Oyunları Böyük Britaniya Birləşmiş Krallıq
3.
10
2013
İspaniya Qran-Prisi İspaniya İspaniya
8.
11
2014
"Vehbi Emre & Hamit Kaplan" turniri Türkiyə Türkiyə
9.
12
Dünya Kuboku İran İran
3.
13
Dünya Çempionatı Özbəkistan Özbəkistan
15.
14
2016
Dünya Kuboku İran İran
6.
15
Qızıl Qran-Pri Azərbaycan Azərbaycan
12.
16
2017
"Vehbi Emre & Hamit Kaplan" turniri Türkiyə Türkiyə
18.
17
Avropa Çempionatı Serbiya Serbiya
17.

Azərbaycan Prezidenti İlham Əliyev Emin Əhmədova "Tərəqqi" medalını təqdim edən zaman (31.08.2012-ci il)

Dövlət təltifləri[redaktə | mənbəni redaktə et]

Fərdi uğurları[redaktə | mənbəni redaktə et]

Həmçinin bax[redaktə | mənbəni redaktə et]

Mənbələr[redaktə | mənbəni redaktə et]

Keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. Azerisport.com idman portalı. "В борьбе за иранскую бронзу азербайджанец победил армянина". www.azerisport.com (rus.)). 05.08.2020. 2022-08-05 tarixində arxivləşdirilib. İstifadə tarixi: 05.08.2022.
  2. Azerisport.com idman portalı. "Состав сборных Азербайджана к чемпионату Европы". www.azerisport.com (rus.)). 05.08.2020. 2022-05-19 tarixində arxivləşdirilib. İstifadə tarixi: 05.08.2022.
  3. Azerisport.com idman portalı. "Азербайджанские борцы удачно стартовали на Гран-при". www.azerisport.com (rus.)). 05.08.2020. 2022-08-05 tarixində arxivləşdirilib. İstifadə tarixi: 05.08.2022.
  4. Azerisport.com idman portalı. "Азербайджан выиграл семь медалей в первый день Гран-При (ОБНОВЛЕНО)". www.azerisport.com (rus.)). 05.08.2020. 2022-08-05 tarixində arxivləşdirilib. İstifadə tarixi: 05.08.2022.
  5. Azerisport.com idman portalı. "Газюмов стал лучшим в Азербайджане". www.azerisport.com (rus.)). 05.08.2020. 2022-07-23 tarixində arxivləşdirilib. İstifadə tarixi: 05.08.2022.
  6. Azerisport.com idman portalı. "Против Турции и Казахстана без лидеров". www.azerisport.com (rus.)). 05.08.2020. 2010-03-13 tarixində arxivləşdirilib. İstifadə tarixi: 05.08.2022.
  7. Azerisport.com idman portalı. "12 медалей из Махачкалы и Минска". www.azerisport.com (rus.)). 05.08.2020. 2010-07-01 tarixində arxivləşdirilib. İstifadə tarixi: 05.08.2022.
  8. Azerisport.com idman portalı. "Сборные назвали составы". www.azerisport.com (rus.)). 05.08.2020. 2011-06-16 tarixində arxivləşdirilib. İstifadə tarixi: 05.08.2022.
  9. Azerisport.com idman portalı. "Фарид Мансуров назвал полный состав на Гран-при". www.azerisport.com (rus.)). 05.08.2020. 2022-08-05 tarixində arxivləşdirilib. İstifadə tarixi: 05.08.2022.
  10. Azerisport.com idman portalı. "Азербайджан – на Кубке европейских наций". www.azerisport.com (rus.)). 05.08.2020. 2011-11-10 tarixində arxivləşdirilib. İstifadə tarixi: 05.08.2022.
  11. Azerisport.com idman portalı. "Азербайджанцы поборются в Иране". www.azerisport.com (rus.)). 05.08.2020. 2022-08-05 tarixində arxivləşdirilib. İstifadə tarixi: 05.08.2022.
  12. Azerisport.com idman portalı. "Азербайджан завоевал две медали на Кубке Имама Ядигяра (ФОТО)". www.azerisport.com (rus.)). 05.08.2020. 2022-08-05 tarixində arxivləşdirilib. İstifadə tarixi: 05.08.2022.
  13. Azerisport.com idman portalı. "Венгерское дежавю". www.azerisport.com (rus.)). 05.08.2020. 2012-04-28 tarixində arxivləşdirilib. İstifadə tarixi: 05.08.2022.
  14. Azerisport.com idman portalı. "Ахмедов завоевал лицензию, Чунаев остался без нее (ОБНОВЛЕНО)". www.azerisport.com (rus.)). 05.08.2020. 2012-05-05 tarixində arxivləşdirilib. İstifadə tarixi: 05.08.2022.
  15. Azerisport.com idman portalı. "Азербайджан получил 41-ю олимпийскую лицензию". www.azerisport.com (rus.)). 05.08.2020. 2012-05-05 tarixində arxivləşdirilib. İstifadə tarixi: 05.08.2022.
  16. Azerisport.com idman portalı. "Аждар ДЖАФАРОВ: С Магомедовым поступили несправедливо, а ошибки Рагимова были непростительны". www.azerisport.com (rus.)). 05.08.2020. 2012-06-28 tarixində arxivləşdirilib. İstifadə tarixi: 05.08.2022.
  17. Azerisport.com idman portalı. "Все результаты спортсменов Азербайджана на Олимпиаде (ОБНОВЛЕНО)". www.azerisport.com (rus.)). 05.08.2020. 2021-11-08 tarixində arxivləşdirilib. İstifadə tarixi: 05.08.2022.
  18. Azerisport.com idman portalı. "Сборная Азербайджана: краткая характеристика". www.azerisport.com (rus.)). 05.08.2020. 2012-11-04 tarixində arxivləşdirilib. İstifadə tarixi: 05.08.2022.
  19. Azerisport.com idman portalı. "Определились первые соперники Байрамова и Ахмедова". www.azerisport.com (rus.)). 05.08.2020. 2012-08-06 tarixində arxivləşdirilib. İstifadə tarixi: 05.08.2022.
  20. Azerisport.com idman portalı. "Байрамов - второй, Ахмедов - третий (ОБНОВЛЕНО)". www.azerisport.com (rus.)). 05.08.2020. 2012-11-03 tarixində arxivləşdirilib. İstifadə tarixi: 05.08.2022.
  21. Azerisport.com idman portalı. "Эмин АХМЕДОВ: В меня никто не верил". www.azerisport.com (rus.)). 05.08.2020. 2012-11-03 tarixində arxivləşdirilib. İstifadə tarixi: 05.08.2022.
  22. Azerisport.com idman portalı. "Лучшим борцом года признан чемпион Олимпиады". www.azerisport.com (rus.)). 05.08.2020. 2022-08-05 tarixində arxivləşdirilib. İstifadə tarixi: 05.08.2022.
  23. Azerisport.com idman portalı. "20 лучших спортсменов Азербайджана". www.azerisport.com (rus.)). 05.08.2020. 2013-05-30 tarixində arxivləşdirilib. İstifadə tarixi: 05.08.2022.
  24. Normativ hüquqi sənədlərin vahid internet bazası. "Azərbaycan Milli Olimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 31 avqust 2012-ci il tarixli 2399 nömrəli Sərəncamı". www.e-qanun.az (az.)). 31.08.2012. 2022-08-05 tarixində arxivləşdirilib. İstifadə tarixi: 24.07.2022.
  25. Azerisport.com idman portalı. "Определился лучший тренер Азербайджана по борьбе". www.azerisport.com (rus.)). 05.08.2020. 2022-08-05 tarixində arxivləşdirilib. İstifadə tarixi: 05.08.2022.