Fuad Aslanov

Vikipediya, azad ensiklopediya
Jump to navigation Jump to search
Vikipediyada bu adlı digər şəxslər haqqında da məqalələr var; bax: Fuad.
Fuad Aslanov
Fuad Aslanov as a referee. Nicola Adams vs Sandra Drabik - 2015 European Games - Final.JPG
Şəxsi məlumatlar
Tam adı Fuad Elxan oğlu Aslanov
Vətəndaşlığı Azərbaycan Azərbaycan
Doğum tarixi 28 iyun 1976 (1976-06-28) (44 yaş)
Doğum yeri Sumqayıt, Azərbaycan
Boyu 175 sm. (5 ft 9 in)
Çəkisi 74 kq. (163 Ib)
İdman növü Boxing pictogram.svg Boks
Medallar
Dövlət təltifləri
"Tərəqqi" medalı
Olympic rings without rims.svg Olimpiya Oyunları Olympic rings without rims.svg
Bürünc 2004 Afina 51 kq.

Fuad Aslanov (d. 28 iyun 1976; Sumqayıt, Azərbaycan) — Azərbaycanlı sabiq boksçu və boks referisi. 2004-cü ildə Yunanıstanın Afina şəhərində baş tutan XXVIII Yay Olimpiya Oyunlarında bürünc medal qazanıb, elə həmin ildəcə "Tərəqqi" medalı ilə təltif edilib.[1]

Həyatı[redaktə | əsas redaktə]

Fuad Aslanov 1976-cı il 28 iyunda Sumqayıt şəhərində anadan olub. Orta təhsilini Sumqayıt şəhərində yerləşən 26 nömrəli tam orta məktəbdə alan Fuad Aslanov Azərbaycan Dövlət Bədən Tərbiyəsi və İdman Akademiyasını (ADBTİA) bitirib.

Fuad Aslanov Azərbaycan Respublikasının əməkdar idman ustası, AİBA-nın isə beynəlxalq dərəcəli referisidir.

Karyerası[redaktə | əsas redaktə]

Fuad Aslanov karyerasında birinci ciddi yarışına 1995-ci ildə Almaniyanın paytaxtı Berlin şəhərində qatıldı. O, Dünya Çempionatında qüvvəsini sınasada, uğurla çıxış edə bilmədi. Fuad Aslanov 1/16 final mərhələsindəcə Çexiyalı Gabriel Henczə 2:12 hesabı ilə məğlub oldu və mübarizəni dayandırdı. Bir il sonra, Fuad Aslanov Danimarkanın Vejle şəhərində baş tutan Avropa Çempionatında mübarizə apardı, amma yenə də uğurla çıxış edə bilmədi. O, yenə birinci görüşdəcə məğlub oldu, bu səfər İtaliyalı Sergio Spataforaya 3:5 hesabı ilə.

Daha sonra, Fuad Aslanov 2003-cü ildə Bakı şəhərində baş tutan Azərbaycan Çempionatında, 51 kiloqram çəki dəcərəsində yarışın qızıl medalını qazandı.

Afina Olimpiadası[redaktə | əsas redaktə]

51 kiloqram çəki dərəcəsində mübarizə aparan Fuad Aslanova isə medal qazanmaq qismət oldu. O, Madaqaskarlı Corc Rakotoarimbelo, Gürcüstanlı Nikoloz İzoriya və Polşalı Andrey Rzani üzərində qələbə qazanaraq yarım-finala adladı və ən azı bürünc medalı təmin etdi. Bu mərhələdə Fransa boksçusu Jerome Tomasa 18:23 hesabı ilə uduzan Fuad Aslanov Afina Olimpiadasını bürünc medalla başa vurdu.

İstinadlar[redaktə | əsas redaktə]

  1. ↑ XXVIII Yay Olimpiya Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin 4 sentyabr 2004-cü il tarixli Sərəncamı.

Həmçinin bax[redaktə | əsas redaktə]

П:  Azərbaycan portalı П:  Azərbaycan idmanı portalı П:  Olimpiya Oyunları portalı

Mənbə — "https://az.wikipedia.org/w/index.php?title=Fuad_Aslanov&oldid=5134093"