Sabah Şəriəti

Vikipediya, azad ensiklopediya
Jump to navigation Jump to search
Olympic rings without rims.svg Wrestling pictogram.svg Sabah Şəriəti Wrestling pictogram.svg
Sabah Şəriəti.jpg
Şəxsi məlumatları
Tam adı Sabah Saleh oğlu Şəriəti
Vətəndaşlığı Azərbaycan Azərbaycan
Doğum tarixi 1 yanvar 1989 (1989-01-01) (31 yaş)
Doğum yeri Sənəndəc, İran
Boyu 192 sm.
Çəkisi 130 кq.
İdman növü Wrestling pictogram.svg Güləş
Medallar
Dövlət təltifləri
"Tərəqqi" medalı

Azərbaycan Respublikası Prezidentinin Fəxri Diplomu.jpg

Olympic rings without rims.svg Olimpiya Oyunları Olympic rings without rims.svg
Bürünc 2016 Rio-de-Janeyro 130 кq.
Avropa Oyunları
Gümüş 2015 Baкı 130 кq.
Bürünc 2019 Minsk 130 кq.
İslam Həmrəyliyi Oyunları
Bürünc 2017 Baкı 130 кq.

Sabah Şəriəti (farsca: صباح شریعتی; d. 1 yanvar 1989; Sənəndəc, İran) — Azərbaycanı təmsil edən İran əsilli yunan-roma güləşçisi. Sabah Şəriəti 2015-ci ildə I Avropa Oyunlarının gümüş medalını, 2016-cı ildə isə XXXI Yay Olimpiya Oyunlarının bürünc medalını qazandı.

Həyatı[redaktə | əsas redaktə]

Sabah Şəriəti 1 yanvar 1989-cu ildə İranın Sənəndəc şəhərində anadan olub.

Karyerası[redaktə | əsas redaktə]

Sabah Şəriəti birinci ciddi uğurunu 2009-cu ildə qazandı. Şəriəti yeniyetmələr arasında AGF Kubokunun qızıl medalının sahibi oldu. Bu uğur Sabah Şəriətinin 2010-cu ilə qədər İran yığmasında sahib olduğu yeganə uğur idi. Daha sonra, Azərbaycan yığmasında çıxış edən Sabah Şəriəti müxtəlif beynəlxalq yarışlarda medallar qazandı.

Sabah Şəriəti 2015-ci ildə Azərbaycan bayrağı altında I Avropa Oyunlarına qatıldı. O, 130 kiloqram çəki dərəcəsində 1/8 final mərhələsində Ukraynalı Mikola Kuçmiyi 8:0, daha sonra isə Gürcüstanlı Yakobi Kajaya 5:2 və Belaruslu Yoseb Çuqoşvili 6:0 hesabları ilə məğlub etdi və finala adladı. Finalda Türkiyə güləşçisi Rıza Kayaalp ilə üz-üzə gələn Sabah Şəriəti 1:3 hesabı ilə məğlub oldu və I Avropa Oyunlarının gümüş medalını qazandı.

Sabah Şəriəti Azərbaycan Prezidenti İlham Əliyevin 29 iyun 2015-ci il tarixli 1299 nömrəli sərəncamı ilə "Tərəqqi" medalı ilə təltif edildi.

Sabah Şəriəti növbəti ciddi uğurunu 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarında qazandı. Sabah Şəriəti birinci görüşdə Birləşmiş Ştatlarının güləşçisi Robbi Smit ilə qarşılaşdı və 8:2 hesablı qələbə qazanaraq 1/4 final mərhələsinə vəsiqə qazandı.[1] Bu mərhələdə Sabah Şəriəti Türkiyə güləşçisi, 2012 London Olimpiadasının bürünc medalçısı, 2 qat Dünya və 6 qat Avropa çempionu Rıza Kayaalp ilə üz-üzə gəldi.[2] Güclü rəqibi ilə görüşdə Sabah Şəriəti Rıza Kayaalpa tuşe ilə uduzdu. Amma Kayaalp finala gədər irəllilədiyi üçün Sabah Şəriəti təsəlliverici qrupda yarışdı.[3] O, birinci görüşdə Venesuela güləşçisi Ervin Karaballo qarşılaşdı və asan qələbə qazandı, 8:0.[4] Həlledici qarşılaşmada Sabah Şəriəti Almaniya pəhləvanı Eduard Poop ilə üz-üzə gəldi.[5] Gərgin görüşdə Sabah Şəriəti möhtəşəm fənd ilə rəqibini tuşeyə saldı və XXXI Yay Olimpiya Oyunlarının bürünc medalını qazandı.[6]

Sabah Şəriəti Azərbaycan Prezidenti İlham Əliyevin 1 sentyabr 2016-cı il tarixli sərəncamı ilə "Azərbaycan Respublikası Prezidentinin" fəxri diplomu ilə təltif edildi.

Uğurları[redaktə | əsas redaktə]

  • Yeniyetmələr arasında AGF Kuboku (2009) — qızıl medal
  • "Qızıl Qran-Pri" beynəlxalq turniri (2013) — qızıl medal
  • Dünya Kuboku (2014) — bürünc medal
  • "Qızıl Qran-Pri" beynəlxalq turniri (2014) — gümüş medal
  • "Moscow Lights" beynəlxalq turniri (2014) — bürünc medal
  • Dünya Kuboku (2015) — qızıl medal
  • Avropa Oyunları (2015) — gümüş medal
  • Alrosa Kuboku (2015) — gümüş medal
  • "Qızıl Qran-Pri" beynəlxalq turniri (2015) — qızıl medal
  • Olimpiya Oyunları (2016) — bürünc medal
Dövlət təltifləri[redaktə | əsas redaktə]
Azərbaycan Prezidenti İlham Əliyev və Sabah Şəriəti
Fərdi müкafatları[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]

  1. ↑ ""Rio-2016"-nın rəsmi saytında 130 kiloqram çəki dərəcəsində kişilərin yunan-roma üsulu ilə güləş yarışlarının, 1/8 final mərhələsinin görüşünün nəticəsi / (Sabah Şəriəti-Robert Smit)". www.rio2016.com. İstifadə tarixi: 15 avqust 2016.
  2. ↑ ""Rio-2016"-nın rəsmi saytında 130 kiloqram çəki dərəcəsində kişilərin yunan-roma üsulu ilə güləş yarışlarının, 1/4 final mərhələsinin görüşünün nəticəsi / (Rıza Kayaalp-Sabah Şəriəti)". www.rio2016.com. İstifadə tarixi: 15 avqust 2016.
  3. ↑ ""Rio-2016" Olimpiya Oyunları: Azərbaycan güləşçi Sabah Şəriəti bürünc medal uğrunda mübarizə aparacaq". www.azertag.az. İstifadə tarixi: 15 avqust 2016.
  4. ↑ ""Rio-2016"-nın rəsmi saytında 130 kiloqram çəki dərəcəsində kişilərin yunan-roma üsulu ilə güləş yarışlarının, təsəlliverici qrupunun 1-ci görüşünün nəticəsi / (Ervin Karaballo-Sabah Şəriəti)". www.rio2016.com. İstifadə tarixi: 15 avqust 2016.
  5. ↑ ""Rio-2016"-nın rəsmi saytında 130 kiloqram çəki dərəcəsində kişilərin yunan-roma üsulu ilə güləş yarışlarının, bürünc medal uğrunda görüşünün nəticəsi / (Sabah Şəriəti-Eduard Poop)". www.rio2016.com. İstifadə tarixi: 15 avqust 2016.
  6. ↑ ""Rio-2016" Olimpiya Oyunları: Güləşçimiz Sabah Şəriəti "Rio-2016" Yay Olimpiya Oyunlarının bürünc medalını qazanıb". www.azertag.az. İstifadə tarixi: 15 avqust 2016.
  7. ↑ "I Avropa Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin 29 iyun 2015-ci il tarixli Sərəncamı.  (azərb.)". www.president.az (Azərbaycan Respublikası Prezidenti). İstifadə tarixi: 29 iyun 2015.
  8. ↑ "XXXI Yay Olimpiya Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin 1 sentyabr 2016-cı il tarixli Sərəncamı.  (azərb.)". www.president.az (Azərbaycan Respublikası Prezidenti). İstifadə tarixi: 1 sentyabr 2016.
Mənbə — "https://az.wikipedia.org/w/index.php?title=Sabah_Şəriəti&oldid=4991834"