Rövşən Bayramov

Vikipediya, açıq ensiklopediya
Keçid et: naviqasiya, axtar
Wrestling pictogram.svg Rövşən Bayramov Wrestling pictogram.svg
Rövşən Bayramov
YR-Rovshen Bayramov.JPG
Rövşən Bayramov
Şəxsi məlumatlar
Tam adı Rövşən Cənnət oğlu Bayramov
Milliyəti Azərbaycanlı
Doğum tarixi 7 may 1987 (1987-05-07) (29 yaş)
Bakı, Flag of the Azerbaijan Soviet Socialist Republic.svg Azərbaycan SSR
Vətəndaşlıq Flag of Azerbaijan.svg Azərbaycan
Ölкə Flag of Azerbaijan.svg Azərbaycan
İdman növü Wrestling pictogram.svg Güləş
29 noyabr 2015 tarixində yenilənib.

Rövşən Cənnət oğlu BayramovAzərbaycangüləşçidir. 2 qat Olimpiya Oyunlarının gümüş mükafatçısıdır. Dünya Çempionu və 2 qat Avropa Çempionatının qızıl mükafatçısıdır.

Həyatı[redaktə | əsas redaktə]

Rövşən Bayramov 7 may 1987-ci ildə Bakıda anadan olmuşdur. Güləş ilə 12 yaşından məşğul olur.[1]

Karyerası[redaktə | əsas redaktə]

Rövşən Bayramov ilk uğurunu 2006-cı ildə Rusiya paytaxtında qazandı. O Avropa Çempionatında Moskvada bürünc medal qazandı. Elə həmin ildə Dünya Çempionatında Çin Xalq Respublikasının Quançjou şəhərində gümüş medala layiq görüldü. Bir ildən sonra isə Bolqarıstanın Sofiya şəhərində Avropa Çempionu oldu. O finalda RusiyaZaur Kurməhəmmədova qalib gəldi.

Rövşən Bayramov 2007-ci ildə Bakıda Dünya Çempionatında iştirak etdi. 2006-cı ildə finalda məğlub olaraq gümüş medal qazanan Rövşən Bayramov bu Dünya Çempionatında qızıl medalı qazanmağı qarşısına məqsəd qoymuşdu. 1/16 finalda erməni Roman Amoyana qalib gələn Rövşən Bayramov növbəti mərhələdə Çin Xalq Respublikasının nümayəndəsinə qalib gələrək 1/4 finala adladı. Rövşən Bayramov bu mərhələdə Cənubi KoreyaPark Eun Çolla qarşılaşdı və rəqibinə məğlub oldu. Bu məğlubiyyətə baxmayaraq Rövşən Bayramovun medal qazanmağ şansı var idi. O təsəlli verici oyunda RusiyaNazir Mankiyevlə qarşılaşdı. Amma bu oyundada məğlub olan Rövşən Bayramov Çempionatı medalsız başa vurdu.

2008-ci ildə Rövşən Bayramov Finlandiyanın Tampere şəhərində keçirilən Avropa Çempionatında iştirak etdi. Finala qədər bütün rəqiblərini məğlub edən Rövşən Bayramovu finalda ErmənistanRoman Amoyan gözləyirdi. 2007-ci ilin Avropa Çempionu Rövşən Bayramov erməni rəqibinidə məğlub etməyi bacardı və iki qat Avropa Çempionu oldu.

2008-ci ildə Rövşən Bayramov ilk dəfə Olimpiya Oyunlarında iştirak etdi. Pekində Rövşən Bayramov ilk olaraq 1/8 finalda Misirli Mustafa Məhəmmədlə qarşılaşdı. Rövşən Bayramov rəqibinə 12-0 hesabı ilə qalib gəldi. 1/4 finalda KubaYaqniyer Ernandeslə qarşılaşan Rövşən Bayramov bu qarşılaşmadada çətinlik çəkmədi. 10-2. Rövşən Bayramov yarım-finalda Ermənistanlı məşhur güləşçi Roman Amoyanla qarşılaşdı. Azərbaycan Respublikasının Prezidenti İlham Əliyev və xanımı Mehriban Əliyevanın stadiondan izlədiyidi qarşılaşmada Rövşən Bayramova rəqibinə 11-3 hesabı ilə qalib gəldi. Finala qədər inamla addımlayan Rövşən Bayramov bu mərhələdə Rusiya Federasiyasının idmançısı Nazir Mankiyev gözləyirdi. Amma Rövşən Bayramov finalda rəqibinə tab gətirə bilmədi. Rövşən Bayramov 5-6 hesabı ilə uduzaraq iştirak etdiyi ilk Olimpiya Oyunlarında gümüş medal qazandı.

2008 Olimpiya Oyunlarından sonra Rövşən Bayramov 2009 Dünya Çempionatı üçün Danimarkanın Herninq şəhərinə üz tutdu. Rövşən Bayramov mübarizəyə 1/16 finalda başladı. Bu mərhələdə İsveçli Emil Sundberqlə qarşılaşan Rövşən Bayramov rəqibini 2-0 məğlub elədi və növbəti mərhələyə adladı. Bu mərhələdə o iki dəfə məğlub etdiyi ErmənistanRoman Amoyanla üz-üzə gəldi. Amma bu dəfə Rövşən Bayramov çətin keçən oyundan sonra rəqibinə məğlub oldu. Amma Rövşən Bayramov Danimarkadan vətənə medalla dönə bildi. O Misirli Mustafa Məhəmmədi və Cənubi KoreyaÇo Gyu-Jini məğlub eləyərək bürünc medal uğrunda oyuna vəsiqə qazandı. Bürünc medal üçün o RumıniyaVirgil Munteanu ilə qarşılaşdı və onu 2-0 məğlub eləyərk özünün ikinci Dünya Çempionatı mükafatını qazandı.

Rövşən Bayramov ilk Dünya Çempionluğunu 2011-ci ildə qazandı. O qardaş ölkə Türkiyənin İstanbul şəhərində keçirilən yarışda BolqarıstanVenelin Venkov, YaponiyaKohe HaseqavaMacarıstanPetr Modosu məğlub edərək yarım-finala vəsiqə qazandı. O finala çıxmaq üçün Çin Xalq Respublikasının idmançısı Li Sujinlə qarşılaşdı və ona 2-0 hesabı ilə qalib gəldi. 12 sentyabrda finalda Rövşən Bayramov Belaruslu Əlbəy Tojiyevi məğlub edərək gümüş və bürünc medallardan sonra Dünya Çempionatında özünün ilk qızıl medalını qazanır.

Rövşən Bayramov özünün ikinci Olimpiya Oyunlarında 2012-ci ildə iştirak etdi. İlk görüşdə RusiyaMingiyan Semenovla qarşılaşan Rövşən Bayramov rəqibini 2-0 hesabı ilə məğlub elədi və 1/8 finala vəsiqə qazandı. Bu mərhələdə Amerika Birləşmiş Ştatlarının idmançısı Spenser Manqo ilə qarşılaşan Rövşən Bayramov yenədə rəqibindən bir baş üstün oldu. İlk hissəsi 4-0 bitən görüşün ikinci hissəsindədə 4-0 hesabı ilə qalib gələn Rövşən Bayramov 1/4 finala vəsiqə qazandı. 1/4 finalda Çin Xalq Respublikasının nümayəndəsi Li Şujinlə qarşılaşan Rövşən Bayramov yenədə rəqibinə qalib gəldi və inamla yoluna davam etdi. Finala çıxmaq üçün isə Rövşən Bayramov Cənubi KoreyaÇo Gyu-Jinlə qarşılaşdı. Çətin keçən oyundan Rövşən Bayramov qalib ayrıldı və ikinci dəfə ardıcıl finala vəsiqə qazandı. Finalda Rövşən Bayramov 5 qat Dünya Çempionu İran nümayəndəsi Həmid Suriyanla üz-üzə gəldi. Bu oyunda Rövşən Bayramov məğlub olaraq Olimpiya Oyunlarında ardıcıl ikinci dəfə finalda məğlub olaraq ikinci yeri tutdu və gümüş medal qazandı.

2012 Olimpiya Oyunlarından sonra Rövşən Bayramov zədələrlə üzləşir və bəzi yarışları o cümlədən 2015 Avropa Oyunlarını buraxmağ məcburiyyətində olur. Rövşən Bayramov 2012-ci ildə qazandığı gümüş medaldan sonra ilk medalını üç il gözləməli olur. O 2015-ci ildə Dünya Çempionatında Las-Veqasda ilk olaraq HindistanRavinder Singə daha sonra isə Koreya Xalq Demokratik Respublikasının nümayəndəsi Yun Von-Çola qalib gələrək 1/4 finala adlayır. Bu mərhələdə o 3 il əvvəl Olimpiya Oyunlarının finalında məğlub olduğu İranHəmid Suriyanla qarşılaşır. Həmid Suriyan oyunda üstün olan Rövşən Bayramovu iki dəfə zədələmək istədi üçün oyundan uzaqlaşdırılır. Rövşən Bayramov isə yarım-finala çıxır. Yarım-finalda daha da zədələnən Rövşən Bayramov zədəyə baxmayarq Qırğız rəqibinə qalib gəlir və finala çıxır. Finalda isə Kubaİsmayıl Borrero ilə qarşılaşan Rövşən Bayramov bir neçə saniyə ərzində rəqibinə 0-8 uduzur. Buna əsas səbəb isə onu zədəli olması idi. Rövşən Bayramov 2006-cı ildən sonra Dünya Çempionatında ikinci gümüş medalını qazanır. Həmçinin bu Dünya Çempionatında Rövşən Bayramov 2016 Yay Olimpiya Oyunlarına lisenziya qazandı.

Uğurları[redaktə | əsas redaktə]

Olimpiya Oyunları - 2008 Silver medal icon.svg, 2012 Silver medal icon.svg

Dünya Çempionatı - 2006 Silver medal icon.svg, 2009 Bronze medal icon.svg, 2011 Gold medal icon.svg, 2015 Silver medal icon.svg

Avropa Çempionatı - 2006 Bronze medal icon.svg, 2007 Gold medal icon.svg, 2008 Gold medal icon.svg

Qızıl Qran-Pri - 2006 Gold medal icon.svg, 2008 Gold medal icon.svg, 2009 Bronze medal icon.svg, 2011 Gold medal icon.svg

Azərbaycan Çempionatı - 2010 Bronze medal icon.svg, 2011 Bronze medal icon.svg

Azərbaycan Kuboku - 2009 Bronze medal icon.svg

Gənclərin Dünya Çempionatı - 2003 Gold medal icon.svg, 2005 Bronze medal icon.svg

Yeniyetmələrin Avropa Çempionatı - 2003 Bronze medal icon.svg, 2005 Bronze medal icon.svg

Dövlət mükafatları[redaktə | əsas redaktə]

Tərəqqi medalı 29 avqust 2008-ci ildə Prezident İlham Əliyevin sərəncamı ilə təltif olunmuşdur.[2]

2008-ci ildə FİLA-nın versiyasında İlin idmançısı mükafatına layiq görülmüşdür.

31 avqust 2012-ci ildə Prezident İlham Əliyevin sərəncamı ilə Azərbaycan Respublikasının Prezidentinin Fəxri Diplomuna layiq görülmüşdür.[3]

Ailəsi[redaktə | əsas redaktə]

Ailəlidir. Bir oğlu var.

Həmçinin bax[redaktə | əsas redaktə]

İstinadlar[redaktə | əsas redaktə]

  1. Kazımova, Nərmin (30 iyun 2014). "Rövşən Bayramov: İdmana təsadüfən gəlmişəm – MÜSAHİBƏ + FOTOSESSİYA". oxu.az. http://oxu.az/interview/30877. İstifadə tarixi: 17 noyabr 2016.
  2. "Bayramov Rövşən Cənnət oğlu - GÜMÜŞ MEDAL". idman.com.az. 1 avqust 2008. http://idman.com.az/news.php?id=1182. İstifadə tarixi: 17 noyabr 2016.
  3. "Rövşən Bayramov". Azərbaycan Güləş Federasiyası. http://www.awf-az.org/component/k2/item/2378-roevshaen-bayramov. İstifadə tarixi: 17 noyabr 2016.