Ruslan Dibirhacıyev

Vikipediya, azad ensiklopediya
Naviqasiyaya keç Axtarışa keç
Ruslan Dibirhacıyev
Şəxsi məlumatlar
Tam adı Ruslan Adilxanoviç Dibirhacıyev
Vətəndaşlığı Rusiya Rusiya →
Azərbaycan Azərbaycan
Doğum tarixi 20 iyul 1988(1988-07-20) (35 yaş)
Doğum yeri
Boyu 174 sm. (5 ft 6 in)
İdman növü Güləş
Karyera illəri 2002—2018
Məşqçisi Firdovsi Umudov
Komandası Atasport İdman Klubu
Medallar
Azərbaycan Azərbaycan üçün
Avropa Oyunları
Bürünc 2015 Azərbaycan 70 Kq.
Avropa Çempionatı
Qızıl 2014 Finlandiya 70 Kq.
Bürünc 2017 Serbiya 70 Kq.
Dövlət təltifləri

"Tərəqqi" medalı — 2015

Ruslan Dibirhacıyev (20 iyul 1988, Mahaçqala) — 2002-2008-ci illərdə Rusiyanı, 2009-2018-ci illərdə isə Azərbaycanı təmsil edən sərbəst güləşçi.[1]

Karyerası[redaktə | mənbəni redaktə et]

Ruslan Dibirhacıyev 2008-ci ildə Rusiyada Şamil Umarxanovun xatirəsinə həsr olunan beynəlxalq turniri bürünc medalla başa vurdu.[1] 2009-cu ildə Azərbaycan Güləş Federasiyası (AGF) tərədindən Ruslan Dibirhacıyev sərbəst güləş üzrə Azərbaycan yığmasının heyətinə cəlb edildi.[1] Ruslan Dibirhacıyev 2009 və 2010-cu illərdə Azərbaycanın sabiq Prezidenti Heydər Əliyevin xatirəsinə həsr olunan Qızıl Qran-Pri beynəlxalq turnirləri müvafiq olaraq beşinci və yeddinci pillələrdə başa vurdu.[1]

2013-cü ildə Ruslan Dibirhacıyev beynəlxalq turnirlərdə birinci uğurlarına imza tadı.[1] İyulda İspaniyanın Madrid şəhərində baş tutan İspaniya Qran-Prisinin qalibi olan Ruslan Dibirhacıyev noyabrda Azərbaycanda Qızıl Qran-Pri beynəlxalq turnirinin bürünc medalına sahib oldu.[1] Karyerasının ən uğurlu mövsümü 2014-cü ilə təsadüf edən Ruslan Dibirhacıyev fevralda Bolqarıstanın Sofiya şəhərində D. Kolov - N. Petrov beynəlxalq turnirinin, apreldə Finlandiyanın Vantaa şəhərində Avropa Çempionatının, iyunda isə Almaniyanın Dortmund şəhərində Almaniya Qran-Prisi beynəlxalq turnirinin qızıl medallarına sahib oldu.[1] Həmin ilin sentyabrında Dünya Çempionatlarında debüt edən Ruslan Dibirhacıyev uğursuz çıxış elədi və turniri 15-ci pillədə başa vurdu.[1]

Ruslan Dibirhacıyev 2015-ci ilin yanvarında Fransada Paris Qran-Prisinin bürünc medalına sahib oldu.[1] İyunda isə Ruslan Dibirhacıyev Birinci Avropa Oyunlarında mübarizə apardı.[1] Turnirin 1/8 final mərhələsində Ruslan Dibirhacıyev Polşa nümayəndəsi Məhəmmədmurad Hacıyev ilə üz-üzə gəldi. Həmin görüşdə Ruslan Dibirhacıyev rəqibinə 2:8 hesabı ilə məğlub oldu. Rəqib final görüşünə vəsiqə qazandığına görə Ruslan Dibirhacıyev təsəlliverici qrupda mübarizə apardı. Təsəlliverici qrupun birinci görüşündə Ruslan Dibirhacıyevin rəqibi Bolqarıstan nümayəndəsi Miroslav Kirov oldu. Həmin görüşdə Ruslan Dibirhacıyev rəqibi üzərində 4:1 hesabı ilə qələbə qazandı və təsəlliverici qrupun növbəti görüşünə adladı. Bu görüşdə onun rəqibi Macarıstan nümayəndəsi Zsombor Qulyas oldu. Gərgin idman mübarizəsi şəraitində baş tutan görüşdə Ruslan Dibirhacıyev rəqibinə 5:4 hesabı ilə qalib gəldi və bürünc medal uğrunda görüşə vəsiqə qazandı. Bu görüşdə onun rəqibi Gürcüstan nümayəndəsi David Tlaşadze oldu. Həmin görüşdə Ruslan Dibirhacıyev rəqibi üzərində 6:2 hesabı ilə qələbə qazandı və Birinci Avropa Oyunlarının bürünc medalına sahib oldu.[1]

Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən Birinci Avropa Oyunlarında qazandığı nailiyyətlərə və Azərbaycan idmanında xidmətlərinə görə Ruslan Adilxanoviç Dibirhacıyev "Tərəqqi" medalı ilə təltif edildi.[2]

2016-cı ildə beynəlxalq turnirlərdə çıxış eləməyən Ruslan Dibirhacıyev 2017-ci il ərzində Bolqarıstanda D. Kolov - N. Petrov beynəlxalq turnirinin və Serbiyada Avropa Çempionatının bürünc medallarına sahib oldu.[1] Ruslan Dibirhacıyev 2018-ci ildə idmanla vidalaşdı.[1]

Nəticələri[redaktə | mənbəni redaktə et]

Sıra
İl
Yarış
Ev sahibi
Nəticə
Rusiya Rusiya
1
2008
 Şamil Umarxanov Turniri Rusiya Rusiya
3.
Azərbaycan Azərbaycan
2
2009
 Qızıl Qran-Pri Azərbaycan Azərbaycan
5.
3
2010
 Qızıl Qran-Pri Azərbaycan Azərbaycan
7.
4
2013
 İspaniya Qran-Prisi İspaniya İspaniya
1.
5
 Poland Open Polşa Polşa
8.
6
 Qızıl Qran-Pri Azərbaycan Azərbaycan
3.
7
2014
 Dan Kolov Turniri Bolqarıstan Bolqarıstan
1.
8
 Avropa Çempionatı Finlandiya Finlandiya
1.
9
 Almaniya Qran-Prisi Almaniya Almaniya
1.
10
 Qızıl Qran-Pri Azərbaycan Azərbaycan
3.
11
 Dünya Çempionatı Özbəkistan Özbəkistan
15.
12
 Ramzan Kadırov Turniri Rusiya Rusiya
5.
13
2015
 Paris Qran-Prisi Fransa Fransa
3.
14
 Avropa Oyunları Azərbaycan Azərbaycan
3.
15
 Dünya Çempionatı ABŞ ABŞ
12.
16
2017
 D. Kolov - N. Petrov Turniri Bolqarıstan Bolqarıstan
3.
17
 Avropa Çempionatı Serbiya Serbiya
3.
18
2018
 Kiyev Turniri Ukrayna Ukrayna
12.

İstinadlar[redaktə | mənbəni redaktə et]

  1. ↑ 1 2 3 4 5 6 7 8 9 10 11 12 13 International Wrestling Database. "RUSLAN DIBIRGADZHIYEV". www.iat.uni-leipzig.de (ingilis). 2022-08-04. 2020-08-20 tarixində arxivləşdirilib. İstifadə tarixi: 02.08.2022.
  2. ↑ Normativ hüquqi sənədlərin vahid internet bazası. "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı". www.e-qanun.az ( (az.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
Mənbə — "https://az.wikipedia.org/w/index.php?title=Ruslan_Dibirhacıyev&oldid=7569885"