Həsən Əliyev (güləşçi)

Vikipediya, açıq ensiklopediya
Keçid et: naviqasiya, axtar
Olympic pictogram Wrestling.png Həsən Əliyev Olympic pictogram Wrestling.png
Həsən Əliyev Baku 2015.jpg
Həsən Əliyev 2015 Avropa Oyunlarının mükafatlandırılma mərasimində
14 iyun 2015 (Bakı, Azərbaycan)
Şəxsi məlumatlar
Tam adı Həsən Həsən oğlu Əliyev
Milliyəti Azərbaycanlı
Doğum tarixi 14 noyabr 1989 (1989-11-14) (26 yaş)
Doğum yeri Qazax, Flag of the Azerbaijan Soviet Socialist Republic.svg Azərbaycan SSR
Boyu 169 sm.
Çəкisi 71 kq.
Vətəndaşlıq Flag of Azerbaijan.svg Azərbaycan
Ölкə Flag of Azerbaijan.svg Azərbaycan
İdman növü Olympic pictogram Wrestling.png Güləş (Yunan-Roma)
Məşqçisi Flag of Azerbaijan.svg Vaqif Feyzullayev
1 aprel 2016 tarixində yenilənmişdir.

Həsən ƏliyevAzərbaycanlı yunan-roma güləşçisidir. Həsən Əliyev 2010-cu ildə Rusiyanın paytaxtı Moskva şəhərində keçirilən Dünya Çempionatının qızıl medalçısıdır. Həsən Əliyev Avropa Çempionatının 1 qat qızıl, 1 qat gümüş və 4 qat bürünc medalçısıdır. Həsən Əliyev 2015-ci ildə Azərbaycanın paytaxtı Bakı şəhərində keçirilən 2015 Avropa Oyunlarının bürünc medalçısıdır.

Həsən Əliyev 2012-ci ildə Azərbaycanı Böyük Britaniyanın paytaxtı London şəhərində keçirilən XXX-cu Yay Olimpiya Oyunlarında təmsil etmişdir və 5-ci yeri tutmuşdur.

Həsən Əliyev 29 iyun 2015-ci ildə 2015 Avropa Oyunlarında qazanılmış yüksək nailiyyətlərə və Azərbaycan idmanının inkişafında böyük xidmətlərinə görə Azərbaycan Respublikasının Prezidenti İlham Əliyevin sərəncamı ilə "Tərəqqi" medalı ilə təltif edilmişdir.[1]

Həyatı[redaktə | əsas redaktə]

Həsən Əliyev 14 noyabr 1989-cu ildə Azərbaycan Sovet Sosialist Respublikasının Qazax şəhərinin Kosalar kəndində anadan olmuşdur. Həsən Əliyevin şəxsi məşqçisi Vaqif Feyzullayevdir.

Karyerası[redaktə | əsas redaktə]

Həsən Əliyev birinci uğurunu 2006-cı ildə Türkiyənin İstanbul şəhərində qazandı. O Gənclərin Avropa Çempionatında gümüş medal qazandı. Daha sonra Həsən Əliyev 2 dəfə Yeniyetmələrin Avropa Çempionatında 1 dəfə isə Dünya Çempionatında qızıl medal qazandı. Həsən Əliyev ən böyük uğurlarını isə 2010-cu ildə qazandı. Həsən Əliyev 2010-cu ildə Azərbaycanın paytaxtı Bakı şəhərində keçirilən Avropa Çempionatında qızıl medal qazandı. Avropa Çempionatı ilə yanaşı Həsən Əliyev həmin il Dünya Çempionatındada medal qazandı. O Rusiyanın paytaxtı Moskva şəhərində keçirilən Dünya Çempionatında finalda Yaponiyalı Ryutaro Matsumotonu məğlub edərək qızıl medal qazandı. Daha sonra Həsən Əliyev 2011-ci ildə Avropa Çempionatında Almaniyanın Dortmund şəhərində bürünc medal qazandı. 2012-ci ildə isə Həsən Əliyev Azərbaycan Böyük Britaniyanın paytaxtı London şəhərində keçirilən XXX-cu Yay Olimpiya Oyunlarında təmsil etmək hüququ qazandı.

2012 Yay Olimpiya Oyunları[redaktə | əsas redaktə]

Həsən Əliyev 2012-ci ildə Yay Olimpiya Oyunlarında mübarizəyə 1/8 finaldan qoşuldu. O bu mərhələdə Norveçli Stig Andre Berge ilə üz-üzə gəldi və 3-1 hesablı qələbə qazandı. Növbəti 1/4 final mərhələsində o Cənubi Koreyalı Ji-Hyun Jung ilə qarşılaşdı və 3-0 hesablı qələbə qazanaraq yarım-finala adladı. Həsən Əliyev yarım-finalda Gürcüstanlı Revaz Laşxi üz-üzə gəldi və 1-3 hesabı ilə məğlub oldu. Bürünc medal uğrunda görüşdə Həsən Əliyev Rusiyalı Zaur Kuraməhəmmədov ilə qarşılaşdı və 0-3 hesabı ilə məğlub olaraq 2012 Yay Olimpiya Oyunlarını 5-ci yerdə başa vurdu.

2012 Yay Olimpiya Oyunlarından sonra Həsən Əliyev ilk uğurunu 2013-cü ildə qazandı. O Gürcüstanın paytaxtı Tbilisi şəhərində keçirilən Avropa Çempionatında bürünc medal qazandı. Həsən Əliyev 2014-cü ildə qazandı Finlandiyanın Vantaa şəhərində keçirilən Avropa Çempionatındada medal qazandı. O yalnızca finalda Rusiyalı Adan Kuraka məğlub olaraq gümüş medal qazandı.

2015 Avropa Oyunları[redaktə | əsas redaktə]

Həsən Əliyev növbəti uğurunu 2015-ci ildə Azərbaycanın paytaxtı Bakı şəhərində keçirilən 2015 Avropa Oyunlarında qazandı. O mübarizəyə 1/16 final mərhələsində Gürcüstanlı Saçino Davitaianı 3-1 hesabl ilə məğlub edərək qazandı. Növbəti görüşdə o 1/8 final mərhələsində Xorvatiyalı Daniel Janesiç ilə üz-üzə gəldi və 3-0 hesabı ilə qələbə qazandı. Növbəti 1/4 final mərhələsində Həsən Əliyev Belaruslu Mixail Siamionau ilə qarşılaşdı və 3-0 hesablı qələbə qazanaraq yarım-finala adladı. O yarım-finalda Ermənistannlı Miqran Arutyunyana 1-3 hesabı ilə məğlub oldu. Həsən Əliyev bürünc medal uğrunda görüşdə Serbiyalı Aleksandr Maksimoviç ilə üz-üzə gəldi. Həsən Əliyev bu görüşdə serb rəqibini 3-0 hesabı ilə məğlub edərək 2015 Avropa Oyunlarının bürünc medalını qazandı.

2015 Avropa Oyunlarından sonra Həsən Əliyev ilk uğurunu 2016-cı ildə qazandı. O Latviyanın paytaxtı Riqa şəhərində keçirilən Avropa Çempionatında bürünc medal qazandı.

Uğurları[redaktə | əsas redaktə]

Yarış Flag of Azerbaijan.svg AZE
2006 2007 2008 2009 2010 2011 2012 2013 2014 2015 2016
Yay Olimpiya Oyunları 5
Dünya Çempionatı 1 7 5 5 31
Avropa Oyunları 3
Avropa Çempionatı 1 3 3 2 3 3
"Qızıl Qran-Pri" turniri 1 1 10 1 3
"Almaniya Qızıl Qran-Prisi" turniri 2
"İspaniya Qızıl Qran-Prisi" turniri 1
"Türkiyə Qızıl Qran-Prisi" turniri 11
"Macarıstan Qran-Prisi" turniri 1
Oleq Karavaev Memorialı 1
Vehbi Emre və Hamit Kaplan Memorialı 1
Yeniyetmələrin Dünya Çempionatı 15 1
Yeniyetmələrin Avropa Çempionatı 13 1 1
Gənclərin Avropa Çempionatı 2

Dövlət mükafatları[redaktə | əsas redaktə]

Həsən Əliyev 29 iyun 2015-ci ildə 2015 Avropa Oyunlarında qazanılmış yüksək nailiyyətlərə və Azərbaycan idmanının inkişafında böyük xidmətlərinə görə Azərbaycan Respublikasının Prezidenti İlham Əliyevin sərəncamı ilə "Tərəqqi" medalı ilə təltif edilmişdir. Elə həmin gündə Buta Palacedə keçirilən tədbirdə Prezident İlham Əliyev tərəfindən ona medal təqdim edildi.[1]

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 I Avropa Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin Sərəncamı