Çamsulvara Çamsulvarayev

Çamsulvara Çamsulvarayev
Şəxsi məlumatlar
Vətəndaşlığı	Rusiya
Doğum tarixi	6 sentyabr 1984
Doğum yeri	Serqoqala, Dağıstan, Rusiya
Vəfat tarixi	28 sentyabr 2016 (32 yaşında)
Vəfat yeri	Mosul, İraq
Vəfat səbəbi	Pilotsuz uçuş aparatı
İdman növü	Güləş
Boyu	174 sm.
Çəkisi	77 kq.
Medallar Dünya Çempionatı Bürünc 2007 Bakı -74 kq. Gümüş 2009 Herninq -74 kq. Avropa Çempionatı Bürünc 2007 Sofiya -74 kq. Bürünc 2008 Tampere -74 kq. Qızıl 2009 Vilnüs -74 kq. Bürünc 2010 Bakı -74 kq.
29 sentyabr 2016 tarixində yenilənib.

Çamsulvara Baqomed oğlu Çamsulvarayev (d. 9 sentyabr 1984, Serqoqala, Dağıstan, Rusiya - ö. 28 sentyabr 2016, Mosul, İraq) — Azərbaycan güləşçisi. Əslən Dağıstanlı və dargi millətindəndir. Çamsulvara Çamsulvarayev 2007-ci ildə Dünya Çempionatında bürünc, 2009-cu ildə isə gümüş medal qazanıb. O, həm də Avropa Çempionatlarında bir qızıl və üç bürünc medala layiq görülüb. Çamsulvara Çamsulvarayev Azərbaycanı 2008-ci ildə Pekin şəhərində baş tutan Olimpiya oyunlarında təmsil etmişdir.

2016-cı ilin sentyabr ayında İraqın Mosul şəhərində döyüş zamanı dünyasını dəyişib.

Həyatı

Çamsulvara Çamsulvarayev 6 sentyabr 1984-cü ildə Dağıstanın Serqoqala rayonunda dargi ailəsində anadan olub. O, güləşlə 1999-cu ildə Ənvər Məhəmmədhacıyevin rəhbərliyi altında məşğul olmaqa başladı. Çamsulvara Çamsulvarayev 2007-ci ildə Azərbaycan yığmasının heyətinə cəlb olundu.

Karyerası

Çamsulvara Çamsulvarayev 2007-ci ildə Sofiyada keçirilən Avropa çempionatında bürünc medal qazanmışdır. Daha sonra 2007-ci ildə Bakıda keçirilən Dünya çempionatında bürünc medal qazanmışdır. Bundan başqa 2008-ci ildə Tamperedə keçirilən Avropa çempionatında bürünc medal, 2009-ci ildə Herninqdə keçirilən Dünya çempionatında gümüş medal, 2009-cu ildə Vilnüsdə keçirilən Avropa çempionatında qızıl medalı boynundan asmışdır. Sonuncu dəfə 2010-cu ildə Bakıda keçirilən Güləş üzrə Avropa Çempionatında bürünc medal qazanmışdır.

Pekin Olimpiadası

2008-ci ildə Pekində keçirilən Yay olimpiya oyunlarında Azərbaycan millisinin tərkibində çıxış etmişdir. Çamsulvara ilk döyüşündə uduzmuş və mübarizəni dayandırmışdır.

Ölümü

Çamsulvara idmandan uzaqlaşdıqdan sonra radikal dini qüvvələrə qoşulmuşdur. İŞİD terror təşkilatının sıralarında döyüşən idmançı 28 sentyabr 2016-cı ildə İraqın Mosul şəhərində güllələnmişdir. Güləşçinin həlak olmasını Britaniyanın IHS Analitik Mərkəzinin eksperti Coanna Paraşuk da təsdiqləmişdir.