Patimat Abakarova

Patimat Abakarova
Şəxsi məlumatlar
Tam adı	Patimat Abakarova
Vətəndaşlığı	Azərbaycan
Doğum tarixi	23 oktyabr 1994 (1994-10-23)
Doğum yeri	Mahaçqala, Rusiya
Boyu	165 sm.
Çəkisi	49 kq.
İdman növü	Taekvondo
Medallar Olimpiya Oyunları Bürünc 2016 Rio-de-Janeyro -49 kq. Avropa Oyunları Bürünc 2015 Bakı -49 kq. Avropa Çempionatı Gümüş 2016 Montre -53 kq. Bürünc 2018 Kazan -49 kq. Yay Universiadası Bürünc 2019 Neapol -53 kq. İslam Həmrəyliyi Oyunları Bürünc 2013 Palembanq -49 kq. Qızıl 2017 Bakı -49 kq. Dövlət təltifləri
13 iyul 2019 tarixində yenilənib.

Patimat Serajutdin qızı Abakarova (rus. Патимат Серажутдиновна Абкарова; d. 23 oktyabr 1994; Mahaçqala, Dağıstan, Rusiya Federasiyası) — Dağıstan mənşəlli Azərbaycanlı taekvondoçu. 2013-cü ildən Azərbaycan yığmasında çıxış edir. Patimat Abakarova 2016-cı ildə Rio-de-Janeyro şəhərində baş tutan XXXI Yay Olimpiya Oyunlarında bürünc medal qazanıb. Patimat Abakarova Avropa Çempionatında; 2016-cı ildə gümüş medala layiq görülüb. Abakarova həmçinin 2013-cü ildə keçirilən III İslam Həmrəyliyi Oyunlarının və 2015-ci ildə baş tutan I Avropa Oyunlarının bürünc medalçısı olub.

Patimat Abakarova 2015-ci ildə "Tərəqqi" medalı, 2016-cı ildə isə "Azərbaycan Respublikası Prezidentinin" Fəxri diplomu ilə təltif edilib. Abakarova 2016-cı ildə Gənclər və İdman Nazirliyinin versiyasına görə "İlin ən yaxşıları" mükafatına layiq görülüb.

Həyatı

Patimat Abakarova 1994-cü ilin 23 oktyabr tarixində Dağıstanın Mahaçqala şəhərində avar ailəsində anadan olub.

Karyerası

Erkən karyerası

Patimat Abakarova beynəlxalq səviyyədə birinci yarışına 2010-cu ildə Meksikanın Tixuana şəhərində baş tutan yeniyetmələr arasında Dünya Çempionatı çərçivəsində qatıldı. Rusiya yığmasının heyətində Abakarova birinci görüşdə Fransa taekvondoçusu Anais Hadj Arab üzərində 14:3 hesablı inamlı qələbə qazandı. Amma o, növbəti görüşdə Xorvatiya nümayəndəsi Ana Pavloviça gərgin görüşdə 9:14 hesabı ilə uduzdu və yarışları medalsız başa vurdu. Patimat Abakarova həmin il həmdə karyerasında birinci medalını qazandı. Abakarova Xorvatiyanın paytaxtı Zaqreb şəhərində keçirilən "Xorvatiya Open" turnirinin yarım-finalında yerli taekvdondoçu, Adriana Dureteça 4:5 hesabı ilə məğlub olaraq yarışların bürünc medalına sahib çıxdı.

2012-cü ildə Patimat Abakarova Azərbaycan Taekvondo Federasiyası (ATF) tərəfindən Azərbaycan Çempionatına dəvət olundu. Həmin yarışların final görüşündə Günay Ağayevanı məğlub edən 18 yaşlı Patimat Abakarova Azərbaycan çempionu adını qazandı. Azərbaycan Çempionatının qalibi olan Abakarova daha sonra ATF tərəfindən Azərbaycan yığmasının heyətinə cəlb olundu. Patimat Abakarova Azərbaycan yığmasının heyətində birinci önəmli yarışına Moldovanın paytaxtı Kişinyov şəhərində gənclər arasında Avropa Çempionatında qatıldı. Həmin çempionata yığma ilə birgə Ankara şəhərində hazırlaşan Abakarovanın debütü uğursuz alındı. O, Belarus nümayəndəsi İrina Vetoxina üzərində 15:3 hesablı qələbə qazansada, 1/4 final mərhələsində Türkiyəli Fatma Sarıdoğana 1:4 hesabı ilə məğlub olaraq çempionatı 5-ci pillədə başa vurdu.

2013—2014-cü illər

Patimat Abakarova karyerası ərzində birinci dəfə geniş miqyaslı yarışa Meksikanın Puebla şəhərində qatıldı. Qəbələda 21-ci dəfə keçirilən Dünya Çempionatına hazırlıq keçən Abakarova 49 kiloqram çəki dərəcəsində mübarizə apardı. O, birinci görüşdə Konqo Demokratik Respublikasının nümayəndəsi Rosa Keleku üzərində 9:0 hesablı qələbə qazandı. Daha sonra Patimat Abakarova Filippin taekvondoçusu Nikola Çamı 7:0 hesabı ilə məğlub etdi və 1/8 final mərhələsinə adladı. Bu mərhələdə o, Misirli Nur Abdelsalam ilə bacarmadı. Abakarova gərgin görüşdə Abdelsalama 2:3 hesabı ilə uduzdu və birinci dəfə qatıldığı "mundial"-ı 9-cu yerdə başa vurdu.

2015—2016-cı illər

Uğurları

Sıra	İl	Yarış	Şəhər	Nəticə
1	2010	Yeniyetmələrin Dünya Çempionatı	Tixuana	9.
2		"Xorvatiya Open" turniri	Zaqreb	3.
3	2013	Gənclərin Avropa Çempionatı	Kişinyov	5.
4		Dünya Çempionatı	Puebla	9.
5		İslam Həmrəyliyi Oyunları	Palembanq	3.
6	2014	"Bəhreyn Open" turniri	Manama	3.
7		Avropa Çempionatı	Bakı	5.
8		"Ukrayna Open" turniri	Xarkov	2.
9	2015	"Hollandiya Open" turniri	Eyndhoven	2.
10		"Ukrayna Open" turniri	Xarkov	3.
11		"Moldova Open" turniri	Kişinyov	3.
12		Dünya Çempionatı	Çelyabinsk	9.
13		Avropa Oyunları	Bakı	3.
14		"Koreya Open" turniri	Çunçeon	3.
15		"Qran-Pri" turniri	Moskva	9.
16		"Qran-Pri" turniri	Samsun	17.
17		Hərbçilərin Dünya Çempionatı	Mungyeong	1.
18		"Qran-Pri" turniri	Mançester	3.
19	2016	"Avropa Olimpiya təsnifat" turniri	İstanbul	1.
20		Dünya Prezident Kuboku	Bonn	2.
21		Dünya Prezident Kuboku	Montre	2.
22		Olimpiya Oyunları	Rio-de-Janeyro	3.

Dövlət təltifləri

• "Tərəqqi" medalı — I Yay Olimpiya Oyunlarında qazandığı bürünc medala görə.
• "Azərbaycan Respublikası Prezidentinin" Fəxri diplomu — XXXI Yay Olimpiya Oyunlarında qazandığı bürünc medala görə.

Görüşlərinin siyahısı

Sıra	Rəqib	Hesab	Yarış	Şəhər	Qeyd
1	Anais Hadj Arab	13:4	2010 Yeniyetmələrin Dünya Çempionatı	Tixuana, Meksika	1/16 final mərhələsi
2	Ana Pavloviç	9:14	2010 Yeniyetmələrin Dünya Çempionatı	Tixuana, Meksika	1/8 final mərhələsi
3	Adriana Dureteç	4:5	2010 Xorvatiya Open	Zaqreb, Xorvatiya	bürünc medal qazandı
4	İrina Vetoxina	15:3	2013 Gənclərin Avropa Çempionatı	Kişinyov, Moldova	1/8 final mərhələsi
5	Fatma Sarıdoğan	1:4	2013 Gənclərin Avropa Çempionatı	Kişinyov, Moldova	1/4 final mərhələsi
6	Rosa Lukusa	9:0	2013 Dünya Çempionatı	Puebla, Meksika	1/32 final mərhələsi
7	Nikola Abigail Çam	7:0	2013 Dünya Çempionatı	Puebla, Meksika	1/16 final mərhələsi
8	Nur Abdesalam	2:3	2013 Dünya Çempionatı	Puebla, Meksika	1/8 final mərhələsi
9	Nur Abdesalam	-:+	2014 Bəhreyn Open	Manama, Bəhreyn	bürünc medal qazandı

Mənbələr

Xarici keçidlər

• Vikianbarda Patimat Abakarova ilə əlaqəli mediafayllar var

• Patimat Abakarovanın www.taekwondodata.com saytında profili

İstinadlar

Azərbaycan portalı   Olimpiya Oyunları portalı