Qabil Mehdiyev

Vikipediya, açıq ensiklopediya
Jump to navigation Jump to search
Picto infobox character.png
Qabil Mehdiyev
Qabil Sabir oğlu Mehdiyev
Fotoqrafiya
Doğum tarixi
1 may 1977 (1977-05-01) (41 yaş)
Doğum yeri Naxçıvan, Azərbaycan SSR, SSRİ
Uşaqları Zəhra Mehdiyeva, Adil Mehdiyev
AtasıSabir Mehdiyev
VətəndaşlıqAzərbaycan Respublikası
PeşəsiJurnalist
MilliyyətiAzərbaycanlı
İxtisasıPolitoloq
TəhsiliAzərbaycan Respublikası Prezidenti yanında Dövlət İdarəçilik Akademiyası
FəaliyyətiJurnalistika
Fəaliyyət illəri1998-ci ildən etibarən
TanınırJurnalistika sahəsində göstərdiyi fəaliyyətə görə
Mükafatları"Tərəqqi" medalı
azsport.az

Qabil Mehdiyev (d. 1 may 1977, Naxçıvan, Azərbaycan SSR, SSRİ) - Azərbaycan Respublikasının Əməkdar jurnalistiRespublikanın Fəxri bədən tərbiyəsi və idman işçisidir və Birinci Avropa Oyunlarının Təşkilat Komitəsinin nümayəndəsi olmuşdur, "Tərəqqi" medalı ilə təltif olunub. “Qızıl qələm” mükafatı laureatıdır. "İdman" qəzetinin baş redaktorudur.[1][2][3]

Həyatı[redaktə | əsas redaktə]

1977-ci il may ayının 1-də Naxçıvan Muxtar Respublikasının Babək rayonunda anadan olub. Ailəlidir. Bir qızı və bir oğlu var.

Təhsili[redaktə | əsas redaktə]

1984-cü ildə C.Məmmədquluzadə adına Nehrəm kənd 1 saylı orta məktəbinə daxil olub, 1994-cü ildə həmin məktəbi bitirib.[4]

1994-cü ildə Bakı Sosial İdarətemə və Politologiya İnstitutuna (Hazırda Azərbaycan Respublikası Prezidenti yanında Dövlət İdarəçilik Akademiyası adlanır) daxil olaraq, 1998-ci ildə həmin institutu politoloq ixtisası üzrə bitirib.

2012-ci ildə Azərbaycan Dövlət Bədən Tərbiyəsi və İdman Akademiyasıbakalavr, 2014-cü ildə isə magistr səviyyəsi üzrə bitirib.

2013-cü ildə Yunanıstanda, Beynəlxalq Olimpiya Akademiyasında təhsil alıb.[4]

Jurnalist fəaliyyəti[redaktə | əsas redaktə]

1997-ci ildən 2000-ci ilədək «Super Sport» qəzetində müxbir və şöbə müdiri vəzifələrində çalışıb.

24 mart 2000-ci il tarixdən bu günədək Azərbaycan Respublikası Gənclər və İdman Nazirliyinin «İdman» qəzetində baş redaktor vəzifəsində çalışır.

2005-2006-cı illərdə hərbi xidmətlə əlaqədar olaraq, Müdafiə Nazirliyinin “Azərbaycan Ordusu” qəzetində hərbi müxbir vəzifəsində xidmət keçib. Hazırda baş leytenant hərbi rütbəsi ilə ehtiyatda olan zabitdir.

2015-ci ildə Bakı Avropa Oyunları Əməliyyat Komitəsinin İnformasiya və əlaqələr (Communications) şöbəsində, 2017-ci ildə isə IV İslam Həmrəyliyi Oyunları Əməliyyat Komitəsinin İnformasiya və əlaqələr (Communications) şöbəsində çalışıb.

Hazırkı vəzifəsi ilə paralel olaraq, 2002-2005-ci illərdə “Turizm yenilikləri” qəzetinin redaktoru olub. 2009-cu ilin fevralından işıq üzü görən “Azərbaycan Respublikasının Gənclər və İdman Nazirliyi” aylıq idman bülleteninin redaktorudur.

Beynəlxalq İdman Mətbuatı Assosiasiyasının (AİPS), Azərbaycan Jurnalistlər Birliyinin, Azərbaycan Milli Olimpiya Komitəsinin, Yeni Azərbaycan Partiyasının, Azərbaycan İdman Jurnalistləri Assosiasiyasının (AİJA) və Azərbaycan Ədalətli Oyunlar Komissiyasının üzvüdür.

Təltif və mükafatları[redaktə | əsas redaktə]

2001, 20022004-cü illərdə Gənc Jurnalistlərin I, II və IV Respublika müsabiqələrinin qalibi olub. 2008-ci ilin və 2016-cı ilin yekunlarına görə, Azərbaycan İdman Jurnalistləri Assosiasiyası tərəfindən “İlin ən yaxşı idman jurnalisti» elan olunub.[4]

Rəhbərlik etdiyi “İdman” qəzeti 2002-ci ilin və 2014-cü ilin ən yaxşı idman nəşri seçilib, 2015-ci ildə "Zəfər" beynəlxalq idman mükafatına layiq görülüb. Redaktoru olduğu “Azərbaycan Respublikasının Gənclər və İdman Nazirliyi” aylıq idman jurnalı 2009-cu ilin ən yaxşı idman nəşri adına layiq görülüb. Həmin il, müəllifi olduğu “Zirvəyə aparan yol” kitabı idman mövzusunda yazılan ən yaxşı kitab nominasiyasında xüsusi mükafatla təltif edilib. Rəhbərliyi altında fəaliyyət göstərən www.azsport.az portalı 2011-ci ilin ən yaxşı idman saytı seçilib.

“Avropa” nəşr və mətbu evinin təsis etdiyi “Ən yaxşı vətənpərvər jurnalist” (2010-cu il) qızıl medalına layiq görülüb.

“Qızıl qələm” mükafatı laureatıdır.[4]

Azərbaycan Respublikası Prezidentinin 22 dekabr 2009-cu il tarixli 658 nömrəli sərəncamı ilə “Əməkdar jurnalist” fəxri adına layiq görülüb.

Azərbaycan Respublikası Prezidentinin 7 noyabr 2012-ci il tarixli sərəncamı ilə “Tərəqqi” medalı ilə təltif edilib.

Azərbaycan Respublikası Gənclər və İdman Nazirliyi Kollegiyasının 13 iyun 2014-cü il tarixli qərarı ilə “Azərbaycan Respublikasının Fəxri bədən tərbiyəsi və idman işçisi” adına layiq görülüb.

2014-cü ildə Beynəlxalq İdman Mətbuatı Assosiasiyasının və 2015-ci ildə Avropa İdman Mətbuatı İttifaqının xüsusi mükafatları ilə təltif edilib.

2015-ci ilin rəy sorğusuna əsasən, ədalət prinsiplərinin ən yaxşı təbilğatçısı adına layiq görülüb və Azərbaycan Milli Olimpiya Komitəsi Ədalətli Oyunlar Komissiyasının “Ədalətli oyunlar prinsiplərinə sadiq təbliğatçı” mükafatı ilə təltif edilib.[4]

2015-ci il oktyabrın 9-da Türkiyə Milli Olimpiya Komitəsinin “2015-ci il fair play xidmət medalı”na layiq görülüb.

Əsərləri[redaktə | əsas redaktə]

Kitabları:[4]

  • Heydər Əliyev və Azərbaycan idmanı
  • 10 il öncə başlanan yol
  • Prezident İlham Əliyev və idmanımızın 5 ili
  • Bədən tərbiyəsi və idmanla bağlı hüquqi sənədlər
  • Zirvəyə aparan yol
  • Azərbaycan boksu 80 ildə
  • Azərbaycanda Olimpiya İdman kompleksləri
  • İdmanın böyük himayədarı

Redaktoru olduğu kitablar:[4]

Boks olimpiya oyunlarında

Azərbaycanda kütləvi bədən tərbiyəsi və idmanın inkişafı

Şərəfli ömür

Müxtəlif mövzularda məqalələri “İdman”, “Zaman”, “Respublika”, “Olimpiya dünyası”, “Paritet”, “Palitra”, “Azərbaycan ordusu”, “Super sport” qəzetlərində, eləcə də, “Azərbaycan-irs”, “Olimpiya”, “Azərbaycan təbiəti” və “Azerbaijan Review” jurnallarında dərc olunub.

Həmçinin bax[redaktə | əsas redaktə]

İstinadlar[redaktə | əsas redaktə]