Elman Yusifov

Vikipediya, açıq ensiklopediya
Jump to navigation Jump to search
Elman Yusifov
Elman Fərhad oğlu Yusifov
Elman Yusifov.jpg
Doğum tarixi 20 oktyabr 1959(1959-10-20)
Doğum yeri Qaracallı, Qubadlı rayonu, Azərbaycan SSR, SSRİ
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
İş yeri AMEA Zoologiya İnstitutu
Elmi dərəcəsi fizika-riyaziyyat elmləri üzrə fəlsəfə doktoru
Təhsili ali

Yusifov Elman Fərhad oğlu — fizika-riyaziyyat elmləri üzrə fəlsəfə doktoru, AMEA Zoologiya İnstitutunun direktoru (2016 – indi).[1]

Bioqrafiya[redaktə | əsas redaktə]

Elman Yusifov 20 oktyabr 1959-cu ildə Qubadlı rayonunun Qaracallı kəndində anadan olmuşdur. 1967-ci ildə Bakı şəhəri 172 №-li məktəbə daxil olmuş, 1977-ci ildə 1 №-li fizika-riyaziyyat təmayüllü orta məktəbi bitirmişdir. 1978-1983-cü illərdə Azərbaycan Dövlət Universitetinin Fizika fakültəsini elektronika ixtisası üzrə bitirmişdir, 1999-2001-ci illərdə Qərb Universitetinin İqtisadiyyat fakültəsində beynəlxalq iqtisadi münasibətlər üzrə magistr elmi dərəcəsi almışdır. 1983-1984-cü illərdə AMEA Fizika İnstitutunun Fiziki-Kimyəvi Biologiya Sektorunda akademik Cəlal Əliyevin rəhbərlik etdiyi Məhsuldarlıq Proseslərinin Molekulyar Genetik Əsasları şöbəsində baş laborant vəzifəsində işləmişdir. 1984-1990-cı illərdə SSRİ EA Kristalloqrafiya İnstitutunda akademik B.Vaynşteynin rəhbərlik etdiyi Zülal Kristalloqrafiyası laboratoriyasında (Moskva) stajor-tədqiqatçı və əyani aspirant olmuşdur. 1990-cı ildə Azərbaycan EA Botanika İnstitutunda elmi işçi vəzifəsində işləmişdir. 2002-ci ildə Ekologiya və Təbii Sərvətlər Nazirliyinin Mərkəzi Aparatının İşlər İdarəsinin rəisi, Mərkəzi Aparatın Elm Şöbəsinin rəisi, ET Meşəçilik İnstitutunun direktor müavini (II Dərəcə Dövlət Qulluqcusu ixtisas dərəcəsi) vəzifələrində işləmişdir. 2005-ci ildən Azərbaycan MEA Zoologiya İnstitutunda aparıcı elmi işçi, informasiya və patent qrupunun rəhbəri, İnformasiya və innovasiya şöbəsinin müdiri vəzifələrində işləmişdir. 2008-2010-cu illərdə “AzGerneft” müştərək müəssisəsində baş ekoloq vəzifəsində işləmişdir. 2016-cı ildən etibarən AMEA Zoologiya İnstitutunun direktoru vəzifəsində çalışır. Ailəlidir, iki övladı var.

Elmi fəaliyyəti[redaktə | əsas redaktə]

E.Yusifov 1990-cı ildə SSRİ EA Kristalloqrafiya İnstitutunda (Moskva şəhəri) “Micrococcus Iysodeikticus bakteriyasından ayrılmış katalaza fermentinin 3A dəqiqliklə rentgen-struktur analizi” mövzusunda namizədlik dissertasiyası müdafiə etmişdir. 39 elmi, 50- dən çox elmi-kütləvi məqalənin, 5 monoqrafiya, 3 kitab, 1 exoxəritə, 3 kitabça və 3 plakatın həmmüəllifidir. Fizika-riyaziyyat üzrə fəlsəfə doktorudur.Azərbaycanın Qırmızı Kitabının ikinci nəşrinin (Fauna) işçi qrupunun məsul katibi olmuşdur.

Elmi-pedaqoji fəaliyyəti[redaktə | əsas redaktə]

Uzun müddət müxtəlif ali təhsil ocaqlarında Ekologiya, Azərbaycanın sosial-iqtisadi coğrafiyası, İnternet-iqtisadiyyat, Konfliktologiya və s. fənlərdən dərslər aparmışdır.Həmmüəllifi olduğu “Ekoloji Menecment” kitabının [2]E.Yusifov tərəfindən Azərbaycanın Bakı şəhərində yerləşən bütün ali məktəb tələbələri arasında təqdimatı keçirilmişdir.

Elmi-təşkilati fəaliyyəti[redaktə | əsas redaktə]

Azərbaycan Respublikası Prezidenti yanında Elmin İnkişafı Fondunun, Heydər Əliyev Mərkəzinin Humanitar və Sosial Layihələr Departamentinin, Mədəniyyət və Turizm Nazirliyinin eksperti olmuşdur. “Ekostil-Azərbaycan” Təbiəti Mühafizə İctimai Birliyinin sədridir.

Mükafatları[redaktə | əsas redaktə]

  • BP şirkətinin IV Respublika Bioloji Müxtəliflik müsabiqəsinin birinci mükafatı
  • V Respublika Bioloji Müxtəliflik müsabiqəsinin II mükafatı
  • VI Respublika Bioloji Müxtəliflik müsabiqəsinin birinci mükafatı

Yaradıcılığı[redaktə | əsas redaktə]

Kitablar və monoqrafiyaları[redaktə | əsas redaktə]

  • Гаджиев В.Д., Юсифов Э.Ф. Флора и растительность Кызылагачского заповедника и их биоразнообразие [3]. Баку: «El-ALliance», 2003. 182 səh.
  • Təhməzov B., Yusifov E.F. Ətraf mühit, iqtisadiyyat, həyat [4]. Баку: «El-ALliance», 2004. 336 səh.
  • Yusifov E.F, Hacıyev V.C. Hirkan biosfer rezervatı[5]. Баку: «El-ALliance», 2004. 168 səh.
  • Yusifov E.F, B.H.Təhməzov, Əsədov K.S.Azərbaycanın bioloji təbiət abidələri. Bakı: «Adiloğlu», 2004. 568 səh.
  • Yusifov E.F, İsayeva N.S., Əsgərov F.S. << Bioloji Müxtəliflik:Abşeron yarmadasının təbiət abiələri [6]>> Bakı, << Nurlar >> Nəşriyyat-Poliqrafiya Mərkəzi,2007,424 səh.
  • Yusifov E.F, Məmmədov Q., Xəlilov M., Kərimov V. <<Azərbaycan: Ekoturizm potensialı[7][8].>> 2 cilddə Bakı, Şərq-qərb, 2012, I cild səh. 359, II cild səh. 419
  • Yusifov E.F., Məmmədov V. «Ekoloji Menecment [9] [10]» 2 cilddə Bakı-2014, I cild səh. 382, II cild səh. 426

Elmi əsərləri[redaktə | əsas redaktə]

  • Crystallization and preliminary X-ray crystallographic data of a histide-binding protein from Escherichia coli Journal of molecularBiology (1989) 207.
  • Evolutionarily conserved tree-dimensional structure of catalas. The origin of life (The sixth ISSOL meeting and the ninth international conference). Prague, 1989.p.198
  • Ekoloji qanunlar, biomüxtəlifliyin və təbii sərvətlərin qiymətləndirilməsi metodları. Ekologiya və təbii sərvətlər Nazirliyinin Elmi-praktiki konfransının toplusu. Bakı 2003.s.220-223
  • Heyvanlar aləminin universal deskriptorları. AMEA-nın xəbərləri, 2006, №5-6.s.912-917
  • Azərbaycanın xüsusi mühafizə olunan təbiət əraziləri və quru onurğalıları ilə zəngin sahələri. Bakı: Nurlar, 2008.
  • Azərbaycan:ekoturizm potensialı. 2 cilddə. Bakı: Şərq-qərb, 2012

İstinadlar[redaktə | əsas redaktə]