Elnur Kərimov

Vikipediya, azad ensiklopediya
Jump to navigation Jump to search
Elnur Kərimov
Elnur Umbay oğlu Kərimov
Elnur Karimov.jpg
Doğum tarixi (40 yaş)
Doğum yeri Bakı, Azərbaycan SSR, SSRİ
Milliyyəti azərbaycanlı
Vətəndaşlığı SSRİ SSRİ
Azərbaycan Azərbaycan
Atası Umbay Kərimov
Anası Solmaz Kərimova
Fəaliyyəti aktyor
Fəaliyyət illəri 2000-indiyədək
Təhsili
Mükafatları "Azərbaycan Respublikasının əməkdar artisti" fəxri adı

Elnur Umbay oğlu Kərimov (11 sentyabr 1981, Bakı) — Azərbaycan aktyoru, əməkdar artist.

Azərbaycan Dövlət Gənc Tamaşaçılar Teatrının Kalmıkiya Respublikasına səfəri zamanı, qarşılıqlı yaradıcılıq müqaviləsinə əsasən mədəni əməkdaşlığın inkişafına və möhkəmləndirilməsi sahəsindəki şəxsi töhfələrinə görə Elnur Kərimova Kalmıkiya Respublikası Baş nazirinin şəxsi “Təşəkkürnamə”si təqdim olunub.[1]

Bioqrafiyası[redaktə | mənbəni redaktə et]

Uşaqlıq illəri[redaktə | mənbəni redaktə et]

Elnur Kərimov 1981-ci il sentyabr ayının 11-də Bakı şəhərində doğulub. Atası Umbay Kərimov Bakıda, 2 nömrəli avtobus parkında işləyib. Anası Solmaz Kərimova isə 1969-cu ildən Azərnəşrdə korrektor vəzifəsində çalışıb. 3 yaşından bacı və qardaşları ilə birlikdə Yuri Qaqarin adına Pionerlər Sarayında rəqs və xüsusi ilə nağara dərnəyində musiqi ilə məşğul olub.[2] 1986 ci ildə Yuri Qaqarin adına Pionerlər Sarayının 50 illik yubileyində Heydər Əliyev Sarayında nağarada solo "çırtma qaytağı" ilə çıxış edib. 1988-ci ildən "Dənizçilər Klubu" Mədəniyyət Sarayının ansamblına ən gənc nağara ifaçısı kimi dəvət alıb.

1989-cu ildə KrasnovodskŞevçenko şəhərlərində keçirilən "Azərbaycan Mədəniyyəti Günləri"ndə iştirak edib.

1989-cu ildə xüsusi istedadına görə indiki Əfsər Cavanşirovun qərarı ilə İncəsənət Gimnaziyasına imtahansız qəbul edilib. Burada "simli alətlər", "nəfəs alətləri", "vokal", "aktyorluq" kimi müxtəlif sənət dərsləri alıb. Gimnaziyada təhsil aldığı müddətdə "Şəhriyar" yubiley tamaşasında, Şəhriyar, "Məhəmməd Füzuli" yubileyində Füzuli, Məmmədkamal Kazımovun quruluş verdiyi Sultan Məcid Qənizadə "Xor-Xor" tamaşasında "Rüstəm bəy", Ənvər Əblucun quruluş verdiyi Üzeyir Hacıbəyovun "O olmasın,bu olsun" operettasında "Qoçu Əsgər" rollarını oynayıb. Gimnaziya şagirdlərinin ifasındakı "O olmasın, bu olsun" tamaşası AzTV-nin qızıl arxivində saxlanılır. Gimnaziyada təhsil aldığı müddət ərzində Kunq Fu To`A idman növü ilə məşğul olub və paytaxt birincisi olub.

Peşəkar fəaliyyəti[redaktə | mənbəni redaktə et]

İncəsənət Gimnaziyasında aktyorluq təhsili aldıqdan sonra 1999-cu ildə Azərbaycan Dövlət Mədəniyyət və İncəsənət Universitetinin dram və kino aktyorluğu fakültəsinə daxil olub. Universitetdə Gülşad Baxşıyevadan teatr sənətinin, Ənvər Vəliyevdən səhnə danışığının və Ənvər Əblucun kino incəliklərini öyrənib.[2] Bir il sonra 2000-ci ildə Gənc Tamaşaçılar Teatrına dəvət alıb. 2000-ci ildə Gənc Tamaşaçılar Teatrında təcrübə keçən Elnur həmin ildən aktyorluq fəaliyyətinə başlayıb. 2001-ci il fevral ayının 14-də "Qarışqa şıllaq atdı" tamaşasında Elbənd rolunda uğur qazanaraq, teatrın kollektivinə qəbul edilib.[2]

Sonralar teatrda bir çox tamaşalarda həm epizodik, həm də baş rollarda çıxış edibr. Teatrda oynadığı rollar silsiləsinə Xeyir ("Xeyir və Şər"), Ərköyün qaz balası ("Ana qaz"), Məmməd ("Cənnətin üç alması"), Tülkü ("Tıq-tıq, tuk-tuk"), Əlibala ("Əlibala və qırx quldur"), Mirzədadaş ("Dələduz") və s. obrazlar daxildir.

İlk dəfə 2003-cü ildə İsi Məlikzadənin əsəri əsasında hazırlanmış, quruluşçu rejissor Nicat Feyzullayevin "Küçələrə su səpmişəm" filmində Bəhmən rolunda çıxış edib. 2007-ci ildə isə Oqtay Mirqasımovun quruluşu əsasında "Günaydın, mələyim" filmində Rəhman obrazını canlandırıb.

2009-cu ildən Gənc Tamaşaçılar Teatrının Bədii Şurasına üzv seçilib.

Müxtəlif televiziya kanallarında “Bərəkətli olsun” (Space TV), “Düşərgə” (İctimai TV), “Səhər görüşləri” (AzTV), kimi verilişlərin aparıcısı kimi fəaliyyət göstərib.

Mükafatları[redaktə | mənbəni redaktə et]

Hal-hazırda Gənc Tamaşaçılar Teatrı Həmkarlar Komitəsinin "Gənclərlə iş üzrə" katibidir. Mədəniyyət işçiləri Həmkarlar İttifaqının mükafatına layiq görülüb.

2009-2019 Teatrların inkişafı dövlət proqramı çərçivəsində, "ASSİTEJ" milli mərkəzinin xətti və Gənc Tamaşaçılar Teatrının truppası ilə Rusiya Federasiyası Kalmıkiya Respublikasına qastrolunda "İki ölkə arasında mədəni əlaqələrin inkişafındakı xüsusi xidmətlərinə görə" Kalmıkiya Respublikasının ölkə rəhbərliyinin xüsusi, Mədəniyyət Nazirliyi və Teatr Xadimləri İttifaqı tərəfindən mükafat, diplom və döş nişanı ilə təltif olunub. İki ölkə arasında Teatr sahəsindəki uğurlarına görə "Stanislavski" 150 illik yubiley medalına layiq görülüb. Şimali Osetiya "Txapsayev adına Milli Dram Teatrı"nın diplomu ilə təltif olunub.

1 avqust 2018-ci ildə isə Azərbaycanın əməkdar artisti fəxri adına layiq görülmüşdür.[3] 10 may 2022-ci ildə Prezident Mükafatına layiq görülmüşdür.[4]

Əsas rolları[redaktə | mənbəni redaktə et]

  1. Aqil - («Mənim ağ göyərçinim» T.Vəliyeva)
  2. Ömər İtməz - («Məhəbbət br bəladır» Ə.Orucoğlu)
  3. Əlibaba - («Əlibaba və qırx quldur» Ərəb x.nağılı)
  4. Vəzir - («Ələddinin sehrli çırağı» Ərəb x.nağılı)
  5. Tuk-tuk - («Tık-tık və Tuk-tuk» A.Şaiq)
  6. Əlləz - («Qaraca qız» S.S.Axundov, A.Şaiq)
  7. Elbənd - («Qarışqa şıllaq atdı Q.İlkin)
  8. Təbriz - («Büllur sarayda» İ.Əfəndiyev)
  9. Bircu - («Hind fantaziyası» R.Əliyev)
  10. Xoruz - («Pişiyin evi» S.Marşak)
  11. Əli - («Çimnaz xanım yuxudadır» S.Rüstəm)
  12. Prostoməmməd - ( «Cənnətin üç alması» N.Kazımov)
  13. Tural – («İki tonqal» A.Həsənoğlu)
  14. Ənvər, Səlim – («Güc birlikdədir» R.Tohidoğlu)
  15. Namiq – («Nənənin kələyi» Ə.Orucoğlu)
  16. Siçan bəy – («Tıq-tıq xanım» A.Şaiq)
  17. Kor ərəb – (Şeyx Sənan», H.Cavid)
  18. Bayram – («Hekayəti-xırs-quldurbasan», M.F.Axundov)
  19. Romeo – («Romeo və Cülyetta» U.Şekspir)
  20. Elnur – («Qoca kloun» M.Vişnek)
  21. Şahzadə Xəzər - («Şahzadə Xəzərin nağılı» K.Ağabalayev, N.Kazımov)
  22. Şəngülüm – («Şəngülüm, şüngülüm, məngülüm» M.Müşfiq)
  23. Valeh – («Sarıköynəklə Valehin nağılı» İ.Əfəndiyev)
  24. Riçmond –(«3-cü Riçard» ,U.Şekspir)
  25. Sabir – («Yarımçıq qalmış..»,Yefim Abramov və Leyla Bəyim)
  26. Çərkəz Murad – ( «Ana» , H.Cavid)
  27. Yuhannes – («Viktoriya», Knut Hamsun)
  28. Nəvə,Döyüşçü –(«Mahmud və Məryəm», Elçin)
  29. Döyüşçü –(«Dədə Qorqud», Əbdüləzəl Dəmirçizadə)
  30. Mikayıl Müşfiq – («Ölüm hökmü», Elçin)
  31. Oliver Tvist - tamaşasında Rejissor asisstenti
  32. Dost –(«Ağdəvə», Elçin)
  33. Musiqiçi –(«Bulaqahvalatı», Aqşin Babayev)
  34. Pyero – («Səhvlər komediyası», U.Şekspir)
  35. Xeyir – («Xeyir və Şər»,N.Gəncəvi)
  36. Ərköyün qazbalası – («Ana Qaz»,R.Rza)
  37. Əcinə - («Pəri Cadu», Ə.Haqverdiyev)
  38. Fərman – («Xortdanın cəhənnə mməktubları»,Ə.Haqverdiyev)
  39. Syuqdek – («Qohumlar» , Kalmıkiya xalq komediyası)
  40. Forlipopili – («Mehmanxana sahibəsi» , Karlo Qaldoni)
  41. Şelkunçik – («Şelkunçik» ,Alman Xalq nağılı)
  42. Cingiz Mustafayev - operator («Şəhidlər», Bəxtiyar Vahabzadə)
  43. Selnur («Mağara», AygünHəsənoğlu)

Rus bölməsinin tamaşalarında da çıxış edib[redaktə | mənbəni redaktə et]

  1. “Кошкиндом” (Петух)
  2. “Индийская фантазия” ( Бирджу)

Filmoqrafiya[redaktə | mənbəni redaktə et]

Filmin adı İl Vəzifə Qeydlər İstinadlar
Rejissor Ssenari müəllifi Prodüser Aktyor Rol
Mən sənin dayınam 2001 HəY Filmdə ilk işi
Dronqo 2002 HəY
Yol yoldaşları 2003 HəY Təzəbəy
Küçələrə su səpmişəm 2004 HəY Gənc Bəhmən
Milli bomba 2004 HəY
Ana qaz 2005 HəY Qaz balası
Günaydın, mələyim! 2008 HəY Rejissor Rəhman
Qardaşımdan yaxşısı yox idi 2010 HəY
Əzizim Fellini 2010 HəY Rasimin dostu
Əlavə təsir 2010 HəY Kapitan Akif Nuriyev
Buta 2011 HəY Menecer
Tərsinə çevrilən dünya 2011 HəY Fərhad
Qayınana 2011 HəY Kamil
Bir ailəm var 2013 HəY Samir
Cehizsiz gəlinlər 2016 HəY Seymur
Həddən artıq uyğunluq 2016 HəY
İstiqlal təşnəsi 2016 HəY Prezident
Pray for Zahra 2017 HəY Danışan
Ata ocağı 2017 HəY İlkin [5]

İstinadlar[redaktə | mənbəni redaktə et]

  1. "Azərbaycan Dövlət Gənc Tamaşaçılar Teatrının Kalmıkiya Respublikasına səfəri yekunlaşdı". mct.gov.az (az.). 02.11.2015. İstifadə tarixi: 15 dekabr 2021.
  2. 1 2 3 Yağmur, Tamilla. "Elnurun teatr arzuları..." medeniyyet.az (az.). 10.07.2009. İstifadə tarixi: 15 dekabr 2021.
  3. President.Az. "Azərbaycanın kino xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 01.08.2018. İstifadə tarixi: 2018-08-01.
  4. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2022. İstifadə tarixi: 2022-05-12.
  5. "Ata ocağı". ens.az (az.). 24.03.2019. İstifadə tarixi: 16 dekabr 2021.