Elton Hüseynəliyev

Vikipediya, azad ensiklopediya
Naviqasiyaya keçin Axtarışa keçin
Elton Hüseynəliyev
Ümumi məlumatlar
Doğum tarixi 6 avqust 1983(1983-08-06) (40 yaş)
Doğum yeri
Vətəndaşlığı
Musiqiçi məlumatları
Fəaliyyəti müğənni
Fəaliyyət illəri 1997 – h.h.
Janr Pop musiqi
Mükafatları "Azərbaycan Respublikasının əməkdar artisti" fəxri adı

Elton Hüseynəliyev (tam adı: Elton Əşrəf oğlu Hüseynəliyev; 6 avqust 1983, Sumqayıt) — azərbaycanlı müğənni, Azərbaycan Respublikasının əməkdar artisti, Gəncə Dövlət Filarmoniyasının və Azərbaycan Televiziyasının solisti.

Həyatı[redaktə | mənbəni redaktə et]

Hüseynəliyev Elton Əşrəf oğlu 6 avqust 1983-cü ildə Azərbaycan SSR-in Sumqayıt şəhərində anadan olub.

1990-cı ildə Sumqayıt şəhər 17 saylı məktəbdə orta təhsil almağa başlayıb. 2001-ci ildə həmin məktəbi bitirib və həmin il Azərbaycan Dövlət Mədəniyyət və İncəsənət Universitetinin Musiqi sənəti fakültəsində Solo oxuma ixtisası üzrə ali təhsil almağa başlayıb. Müəllimləri əməkdar artistlər Nuriyyə Hüseynova və Teymur Əmrah olub.

1997-ci ildə Respublika Gənclik Estrada Müsabiqəsinin laureatı olub. Müsabiqənin finalı Bakı Respublika Sarayında (indiki Heydər Əliyev Sarayı) keçirilmiş və finalda o dövrdəki Azərbaycan Prezidenti Heydər Əliyev də iştirak edib.[1]

2005-ci ildə "AzəriStar" Respublika Televizya Müsabiqəsinin laureatı olub.[1]

2006-cı ildə azərbaycanlı prodüser Tamilla Hüseynəliyeva ilə ailə həyatı qurub, Nuray və Məryəm[2] adlı iki qızı var.[3]

2008-ci ildə Türkiyədə keçirilən Popstar Alaturka müsabiqəsində fəxri qonaq kimi iştrak edib.[4][5]

2010-cu ildə Azərbaycan Dövlət Muğam Teatrında Qara Qarayev adına Azərbaycan Dövlət Kamera Orkestrının müşaiəti ilə solo konserti keçirilib. Layihənin bədii rəhbəri Teymur Əmrah olub.

22 may 2011-ci ildə Heydər Əliyev Sarayında "İstək" adlı ilk solo konserti keçirilib.[1]

2011-ci ildə Selcuk Hocanın rəhbərlik etdiyi Türk orkestrı ilə konserti olub.

O, 28 aprel 2011-ci ildə Yeni Azərbaycan Partiyasına üzv qəbul edilmişdir.[6] 2015-ci ildə YAP Gənclər Birliyinin IV Konfransında Rəyasət Heyətinin üzvü seçilib.[7]

2013-cü ildə Heydər Əliyev Sarayında prodüseri Tarix Əliyevin[8] təşkilatçılğı ilə xeyriyyə konserti keçirilib.

20 ildən çoxdur ki, Azərbaycanın dövlət tədbirlərində və Prezident seçkilərinə həsr olunmuş Bakıda ve digər bölgələrdə iştirak edir.[1][9]

Kamera orkestrı ilə keçirilən konsertdə Azərbaycan bəstəkarları Tofiq Quliyev, Rauf Hacıyev, Emin Sabitoğlu, Elza İbrahimova, Oktay Kazımi, Aygün Səmədzadənin əsərlərini ifa edib.

Fikrət Əmirov adına Gəncə Dövlət Filarmoniyasının solisti seçilib. Hal-hazırda Azərbaycan Dövlət Televizya ve Radio Verilişləri QSC-nin solistidir.

Mükafatları[redaktə | mənbəni redaktə et]

22 may 1994-cü ildə Azərbaycan Həmkarlar İttifaqları Konfederasiyası tərəfindən "Vətənimdir — Odlar Yurdu" uşaq özfəaliyyət yaradıcılığı və müsabiqənin qalibi — Sumqayıt şəhəri Üzeyir Hacıbəyov adına "Kimyaçı" Mədəniyyət Sarayı "Səda" instrumental ansamblının solisti kimi diplomla təltif edilib.

2 fevral 2000-ci ildə Azərbaycan Respublikası Gənclər və İdman Nazirliyi, şəxsən nazir Əbülfəs Qarayev tərəfindən "Gənclik-99" gənc müğənnilərin Respublika estrada-mahnı müsabiqəsinin final mərhələsində uğurlu çıxışına görə, Azərbaycan gənclər günü münasibətilə diplomla təltif edilib.

17 may 2018-ci ildə Azərbaycan Kikboksinq Federasiyası və şəxsən prezident Adil Əliyev tərəfindən kikboksinqin inkişafında göstərdiyi xidmətə görə fəxri diplomla təltif olunub.[10]

3 iyul 2018-ci ildə Daxili işlər orqanları əməkdaşları arasında mədəniyyət və incəsənətin təbliğində xüsusi xidmətlərinə, Daxili İşlər Nazirliyinin təşkil etdiyi mədəni, bədii proqramlarda fəal iştirakına görə, habelə Azərbaycan Polisinin yaranmasının 100 illik yubileyi münasibətilə Azərbaycanın daxili işlər naziri, general-polkovnik Ramil Usubov tərəfindən fəxri fərmanla təltif edilib.

16 oktyabr 2021-ci ildə Prezident İlham Əliyevin sərəncamı ilə "Azərbaycan Respublikasının əməkdar artisti" fəxri adına layiq görülüb.[11][12]

İstinadlar[redaktə | mənbəni redaktə et]

  1. ↑ 1 2 3 4 Aqşin Şahinoğlu. "Gənc müğənni Elton Hüseynəliyevin "İstək" adlı ilk solo konserti keçirilib" ( (az.)). anl.az / Yeni Azərbaycan. 2011-05-24. 2019-05-02 tarixində arxivləşdirilib. İstifadə tarixi: 2019-12-12.
  2. ↑ ""Onların hesabına yaxşı adam olmusunuz"". publika.az (az.). 2023-06-20. 2022-09-08 tarixində arxivləşdirilib. İstifadə tarixi: 2023-06-20.
  3. ↑ ""Allah məni bağışlasın" — Elton". 2022-05-19 tarixində arxivləşdirilib. İstifadə tarixi: 2022-05-18.
  4. ↑ "POPSTAR ALATURKA - Aygun & Elton - Sen Gelmez Oldun" ( (az.)). baku.ws. 2019-05-05. 2019-12-12 tarixində arxivləşdirilib. İstifadə tarixi: 2019-12-12.
  5. ↑ "Elton 30.03.08 popstar alaturka" ( (az.)). YouTube. 2008-03-31. 2023-07-08 tarixində arxivləşdirilib. İstifadə tarixi: 2019-12-12.
  6. ↑ "YAP-a üzvlər qəbul edildi". 2011-05-01 tarixində arxivləşdirilib. İstifadə tarixi: 2022-06-01.
  7. ↑ "Elton Hüseynəliyev: - "Bu partiyada üzvlüyümü yalnız kağız üzərində üzvlük saymamışam" - FOTOLAR" ( (az.)). atv.az. 2015-05-18. 2019-05-02 tarixində arxivləşdirilib. İstifadə tarixi: 2019-12-12.
  8. ↑ Şahin Cavadsoy. "Elton Hüseynəliyev haqqında iki şad xəbər - FOTO" ( (az.)). simsar.az. 2014-07-31. 2019-05-02 tarixində arxivləşdirilib. İstifadə tarixi: 2019-12-12.
  9. ↑ "Elton Hüseynəliyev və Əli Pormehr Naxçıvanda konsert veriblər - FOTOLAR" ( (az.)). Nuhçıxan İA. 2018-06-16. 2019-12-12 tarixində arxivləşdirilib. İstifadə tarixi: 2019-12-12.
  10. ↑ "Elton Hüseynəliyev mükafat aldı - foto" ( (az.)). Muz TV. 2018-05-17. 2019-06-04 tarixində arxivləşdirilib. İstifadə tarixi: 2019-12-12.
  11. ↑ "Prezident Eltona fəxri ad verdi". 2021-10-19 tarixində arxivləşdirilib. İstifadə tarixi: 2021-10-17.
  12. ↑ "Elton Əməkdar artist adına layiq görüldü". 2021-10-20 tarixində arxivləşdirilib. İstifadə tarixi: 2021-10-17.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Elton_Hüseynəliyev&oldid=7408920"