Erkin Osmanlı

Vikipediya, azad ensiklopediya
Jump to navigation Jump to search
Erkin Osmanlı 2014-cü ildə Baku Jazz Center-də ifa edərkən.

Erkin Osmanlı (18 fevral 1989) - Erkin Love[1] səhnə ləqəbi ilə də tanınan Azərbaycan müğənnisi, bəstəkar-şairi, yazıçısı və aktyoru.

O, müğənni fəaliyyətinə 17 yaşı olarkən 2006-ci ildə başlamış və Lider TV-də yayımlanan Akademiya musiqili realiti şousunun və Eurovision Mahnı Müsabiqəsinin milli seçim turlarının finalçısı kimi məşhurdur.[2]

Akademiya Realiti Şousu və İlk Məşhurluq[redaktə | əsas redaktə]

2006-ci ilin Sentyabr ayında Erkin uğurla Brilliant Dadaşovanın[3] Akademiya realiti şousunun hər üç seçim mərhələlərini adlayaraq yarışmanın final mərhələlərinə vəsiqə qazanmışdır. Baxmayaraq ki, Erkin Azərbaycanda olduqca az sayda sevilən rok musiqisini təmsil edirdi və qeyri-adi avropasayağı görünüşünə görə ilk öncədən autsayder kimi qələmə verilən Erkin sonradan yarışmanın ən populyar iştirakçısına çevirildi və yalnız finala bir həftə qalmış yarışmanı 5-ci yerdə bitirərək tərk etdi.

Onun çıxışları qısa zamanda böyük səs-küyə səbəb olmuşdur və yarışmadan sonra İzzət BağırovRöya kimi sənətçilər rok janrında mahnılar yazdırmışdılar.

Akademiya-dan sonrakı illər və Eurovision Milli Seçim Turları[redaktə | əsas redaktə]

Akademiya şousundan sonra öz yaradıcılığına gedən Erkin özü haqda yenidən 2008 Eurovision Mahnı Müsabiqəsinin[4] ilk milli seçim turlarında bildirmişdir. Seçim turlarını ilk beşlikdə bitirən Erkin, sonradan birdə 2011-ci ildə və 2014-cü ildə milli seçim turlarında iştirak etmişdir. 2014-cü ildə o Ukraynanın paytaxtı Kiyevdə keçirilən Böyük Səhnə yarışmasının finalçısı olmuşdur.[5]

2012-ci ildə Erkin Moskvada yaşayan Azərbaycanlı-Yəhudi müğənni və bəstəkar-şair Safaellə birgə Baku Jazz Center-də konsert verərək ilk dəfə öz mahnılarını kütlə qarşısında ifa etmişdir. [6]

Digər fəaliyyətləri[redaktə | əsas redaktə]

Musiqi və yazıçılıqdan başqa Erkin bir ara reklam sahəsində Bakının öndəgedən şirkətləri ilə çalışmışdır və müxtəlif brendlər üçün adlar, sloqanlar və TV çarxlar yaratmışdır. [7]

2014-cü ildə o, Dilarə Kazımova və onun həyat yoldaşının çəkildiyi və Erkinin eyni adlı şerinin əsasında çəkilən I Found You adlı qısa filmini təqdim etmişdir. [8]


Yazdığı Mahnılar[redaktə | əsas redaktə]

Mahnı İl İfaçı Albom Töhvəsi
"Earthquake On the Dancefloor"[9] 2011 ALIGEE feat. Azerilife Inc Söz
"Yay" [10] 2012 Miri Yusif Nirvana Söz, musiqi
"Feels So Right" [11] 2015 Elnur Məmmədov Söz, musiqi, bek-vokal
  1. https://www.facebook.com/erkinlove
  2. http://www.1news.az/bomond/bomaz/20140301090726232.html
  3. http://www.trend.az/life/interview/739753.html
  4. http://www.eurovisionaz.com/azerbaijan-at-eurovision-2008
  5. http://www.eurovision.tv/page/news?id=dilara_wins_boeyuek_shn_in_azerbaijan
  6. http://www.citylife.az/content.php?lang=en&jazz=&et=3&nid=7260
  7. https://www.behance.net/erkinlove
  8. https://www.youtube.com/watch?v=siFV3IlxIFA
  9. https://www.youtube.com/watch?v=PD9Hm2D0R3M&feature=youtu.be
  10. https://www.youtube.com/watch?v=7L9KGm_k7x0&feature=youtu.be
  11. https://www.youtube.com/watch?v=Upo0E_Kv1Pg&feature=youtu.be