Gümüş samur

Vikipediya, açıq ensiklopediya
Jump to navigation Jump to search
Gümüş samur
Silver Sable
Silver Sable Amazing Spider-man Vol 4 25.png
Nəşriyyat Marvel Comics
Yayım tarixi The Amazing Spider-Man #265 (iyun 1985)
Yaradıcı(lar) Tom DeFalco[d]Ron Frenz[d]
Xüsusiyyətlər
Əsl adı Silver Sablinova
Vətəndaşlıq
Komiks bioqrafiyası
Üzvlükləri Wild Pack[d]Heroes for Hire[d]
Silahları peşəkar döyüşçü, silahlardan ustalıqla istifadə etmə

Gümüş samur (ing. Silver Sable) və ya əsl adı ilə Silver SablinovaMarvel Comics tərəfindən nəşr olunan komikslərdə peyda olan personaj. Tom Defalko və Ron Frenz tərəfindən yaradılmış, ilk dəfə "The Amazing Spider-Man" komiksinin 265-ci sayında (iyun 1985) peyda olmuşdur. Gümüş samur muzdlu döyüşçü, Silver Sable International şirkətinin sahibi və cinayətkar ovçusudur. Əsasən Hörümçək-adamın müttəfiqi kimi göstərilir.

2017-ci ilin martında Sony Pictures Gümüş samur və Qara pişik personajları üçün ortaq film çəkəcəklərini anons etmişdi. "Gümüş və Qara" adlanacaq filmin istehsalı yubadılmış, sonda 2018-ci ilin avqustunda film ləğv olunmuşdur. Əvəzinə hər personaj üçün ayrıca film çəkmək qərarı alınmışdır. "Gümüş samur" filmi üçün studiya ssenaristlər axtarır.

Nəşrolunma tarixi[redaktə | əsas redaktə]

Tom DefalkoRon Frenz tərəfindən yaradılmış personaj ilk dəfə "The Amazing Spider-Man" komiksinin 265-ci sayında (iyun 1985) peyda olmuşdur. Personaj üçün ilham mənbəyi Defalkonun aldığı safari kartları olmuşdur.[1] Debütündən sonra Gümüş samur müxtəlif Hörümçək-adam komikslərində peyda olmuşdur və çox vaxt onun müttəfiqi olmuşdur. 1992-ci ildə "Silver Sable & Wild Pack" adlı komiks seriyası başlamış və 35 say davam etmişdir. 1995-ci ildə ləğv edilmişdir.

Ləğv olunmadan sonra Gümüş samur 2006-cı ilə kimi müxtəlif saylarda qonaq personaj kimi yer almışdır. 2006-cı ildə onun üçün məhdud seriya buraxılmışdır.

Bioqrafiya[redaktə | əsas redaktə]

Gümüş samurun əsl adı Silver Sablinovadır. Şərqi Avropada yerləşən, Doktor Dumun idarə etdiyi Latveriya dövləti ilə sərhəddə yerləşən Simkariya dövlətində anadan olub. Sablinovanın ailəsi ata Ernst Sablinov, dayı Morti və gənc xalaqızı Annadan ibarətdir. Silverin anası gözləri qabağında nasistləri ovlayan atasının düşmənləri tərəfindən öldürülüb. Bu travmatik hadisəyə və atasının ona kobud təlimləri və davranışları onun duyğusuz və effektiv olmasına səbəb olmuşdur. Silver beynəlxalq sui-qəsdçi və 1400 Klubunun başçısı Əcnəbiyə vurulur və onunla evlənir, lakin Silver öz əsl işini kəşf edəndə boşanırlar. Onların münasibəti hazırda dostluqdan və bir-birilərini öldürməkdən ibarətdir.[2]

Dayı Morti Gümüş samurun köməkçisidir. Morti missiyaları təşkil edir və tez-tez ona missiyasına fokuslanmalı olduğunu yadına salır.

Gümüş samur müxtəlif superqəhrəmanlarla əməkdaşlıq etmişdir: Hörümçək-adam, Cəzalandırıcı, Qum-adam, Venom, Dəlisov, Lyuk Keyc, Dedpul, Kapitan Amerika və s. Atası kimi Gümüş samur nasist supercinayətkarları ədalətə təslim etmək üçün vuruşur.

Güclər və bacarıqlar[redaktə | əsas redaktə]

Gümüş samur supergücləri olmayan atletik qadındır və müxtəlif döyüş sənətlərində mütəxəssisdir. Əla nişancı, qılınc ustası və gimnastdır. Güclü liderlik bacarıqlarına malikdir.

Gümüş samur xüsusi sintetik kostyum geyinir. Tez-tez seyber və ya rapier, çay, 9mm tapança istifadə edir. Əsasən son texnologiya məhsulları ilə təchiz olunur.

İstinadlar[redaktə | əsas redaktə]

  1. Brian Cronin. Comic Book Resources: "Comic Book Legends Revealed #313" (May 13, 2011).
  2. Silver Sable and the Wild Pack #16

Xarici keçidlər[redaktə | əsas redaktə]